Културен настан насловен „Лиминални простори-лиминални тела“ кој ги спојува танцот и филмот ќе се одржи на 30 ноември, сабота, со почеток во 20 часот на малата сцена во Центарот за култура „Григор Прличев“ во Охрид во организација на Здружението на уметници „Културен центар Медиа Артес“.

Настанот ќе започне со проекцијата на краткиот експериментален филм ‘Лима’ (13 минути), кој низ танцовиот медиум се обидува да им вдахне живот или да им даде поглед од нов ракурс на неколку простори во Охрид, кои припаѓаат на модернистичкото наследство. Режисерот Батухан Ибрахим и кореографката Ивана Балабанова го осмислија и создадоа овој филм кој, играјќи си со спомените, минатото и трансформативната моќ на она што било и може да биде, прикажува една дисторзирана перцепција на просторот, телото и времето. Препуштајќи се на ритамот на овие простори, слушајќи ги нивните приказни и следејќи ја емоцијата, филмот креира еден нов свет во кој носталгијата се претвора во надеж“, се вели во соопштението.

Извршен продуцент е Јасмина Билаловиќ, а концептот е на Ивана Балабанова, Батухан Ибрахим, Јасмина Билаловиќ, по оригинална идеја на Балабанова. Режисер е Ибрахим, асистент на режија е Марија Бошковска, а директор на фотографија е Стефан Ѓорѓиевски. Во „Лима“ играат Тереза Лазарев, Стефани Шааршмидт и Софи Ларсон, композицијата е на Алесандро Ола, костимографки се Ивана Балабанова, Снежана Чоловиќ и Маја Ѓуреска, шминкер – Павел Маслов, фотографка е Ања Калин, а видеото е на Мартин Михајлов – „Марсбен продукција“.

По филмската проекција, ќе следи танцовиот перформанс „Лиминално тело-2“, дело на кореографката Балабанова.

Овој перформанс го истражува концептот на лиминалност како одраз на современото човечко искуство. Вкоренет во танцот, но збогатен со влијанија од музиката и театарот, делото го истражува внатрешниот пејзаж на поединци кои егзистираат во состојба на постојана трансформација, фатени меѓу транзициите и кои се борат да се прилагодат во светот што ги обзема. ‘Лиминално тело-2’ не е само апстрактен концепт, туку одговор на притисоците на модерниот живот – обид да се ослободиме од културните, социјалните и капиталистичките ограничувања“, посочуваат организаторите.

Во „Лиминално тело-2“ играат Тереза Лазарев и Стефани Шааршмит, музиката е на Алесандро Ола, сценографијата на Мартин Манев, костимите на Маја Ѓурчиноска и Антонија Гугинска. Светло-мајстори се Игор Митревски и Борис Вељаноски, а тон-мајстор е Митко Серафимоски.

Вечерта ќе заврши со краток разговор со авторите, кој ќе им овозможи на присутните да ги споделат своите впечатоци и да добијат увид во креативниот процес потребен за создавање на овие дела“, додаваат оттаму.

Влезот за настанот е бесплатен, но потребно е претходно да се резервира место преку испраќање на е-пошта на abandonedplaces.mk@gmail.com или порака на бројот 070/250 500.

Фото: Ања Калин

Настанот е дел од последниот работен пакет „Напуштени места“, во склоп на проектот „СИОТ СВЕТ Е СЦЕНА-имерзивен и партиципативен театар како алатка за адресирање на општествени прашања и предизвици”, насловен „Напуштени места“.

Проектот е финансиски поддржан од Амбасадата на Швајцарија и Министерството за култура и туризам на Република Македонија.

The post „Лиминални простори-лиминални тела“ – проекција на краток филм и изведба на танцов перформанс во Охрид appeared first on Република.

Заврши снимањето на краткометражниот филм „Нова енергија", кој е во режија и по сценарио на актерката Сара Климоска и ко-режисер Радован Петровиќ, а во продукција на NEST Продукција на продуцентот Јорданчо Петковски.

„Нова енергија" ја следи приказната на две најдобри другарки кои низ взаемна емотивна и практична поддршка успеваат да создадат нов заеднички живот бегајќи од токсичноста на нивните партнери.

Ова е филм кои создава две хероини и преку нив ја слави женската исклучителна и некршлива конекција и нуди свежа перспектива за женските односи која ретко се видени во секојдневните медиуми.

Главните улоги ги толкуваат: Сара Климоска и Тамара Ристоска, а во филмот играат и Зоран Љутков, Александар Стоименовски, Мирјана Трпковска Костовска и Елена Сековска.

Директорката на фотографија, Бојана Андриќ е една од најзначајните личности во Србија во областа на кинематографијата, позната по својата работа на многу успешни филмови како и потпретседателка на светската асоцијација на сниматели ИМАГО.

Во филмската екипа се и Горан Игњатовски (маскер), Михаил Панев (сценограф), Розе Трајчевска (костимограф).

По завршувањето на постпродукцијата, филмот ќе започне со прикажувања на домашни и меѓународни филмски фестивали, а подоцна ќе биде достапен и за пошироката публика.

The post Актерката Сара Климоска го заврши снимањето на дебитанскиот краток филм „Нова енергија“ appeared first on Република.

Новиот краток игран филм на Златко Ѓелески, „Слобода“ премиерно ќе биде прикажан во четврток (12 октомври) во киното „Фросина“ во Младинскиот културен центар.

„Станува збор за краткометражен омнибус, односно спој на неколку приказни кои се одвиваат една зимска вечер во кафулето ‘Слобода’. Таму се пресретнуваат тројца пријатели, кои неуспешно се обидуваат да се договорат помеѓу себе, додека на шанкот се наоѓаат две долгогодишни пријателки, кои истата вечер одлучуваат да споделат тајни, кои ги криеле една од друга, а на оддалечена маса од нив во тек е зделка за продажба на артефакт од Крушевската република“, се вели во краткиот синопсис.

Филмот е по сценарио и режија на Златко Ѓелески, а во продукција на Бранко Стојаноски од „Блу Медија Моушен“.

Во него играат Михајло Петревски, Ристе Ѓорѓиевски, Станко Стевановиќ, Тамара Ристоска, Весна Гаврилоска, Ивица Димитријевиќ, Игор Бошкоски, Дарко Мече Костески, Андреј Дукоски, Тале Никодиновски, Ренато Јеремоски и Марија Петреска.

Директор на фотографија е Владимир Димоски, монтажа и визуелни ефекти Љупчо Темелковски. Музиката е на Љупчо Стефаноски, звукот на Горазд Радески. Шминката е на Хума Садику и Ели Илиоска и клапер е Марија Петреска.

The post „Слобода“, новиот краток игран филм на Златко Ѓелески премиерно во киното „Фросина“ appeared first on Република.

Краткиот филм „Центроид“, кој премиерно беше прикажан пред еден месец во НУЦК „Кочо Рацин“ – Кичево, ниже награди по светските фестивали. Последно, од филмски фестивал од Њу Делхи се врати со три награди, за најдобро сценарио, најдобра камера и најдобра монтажа.

Режија и сценарио на Бранко Стојаноски

Камера: Дино Нечевски

Монтажа: Виктор Гаврилоски

Продукција: Мистер Кет Ентертејнмент

Центроид означува средна точка на триаголник, а филмот прикажува три приказни кои се вкрстуваат на едно планинско место кое ги променува нивните животи, засекогаш.

Идејата за краткиот филм ,,Центроид" е од пред неколку години, а додека инспирација е сонот како секојдевна појава.

Филмот започна со снимање март 2022 година, а целосно со постпродукција се завши во август.

Вториот проект на продукцијата "Мистер кет Ентертаинмент", по документарниот филм "Прикаска за Кичево" од 2016 година, има 5 селекции и 3 награди на филмски фестивали во Лондон, Лос Анџелес, Боден (Шведска), Каиро и Њу Делхи.

The post Три награди за краткиот филм „Центроид“ на фестивал во Индија appeared first on Република.

Во вторник (5 април) со почеток во 12 часот ќе се одржи македонска премиера на краткиот игран филм „ЕКО-СКОП“ на режисерот и сликар, Коле Манев.

Краток игран филм, Македонија

2021, 15 мин., колор, ХДД

Режија: Коле Манев

Сценарио: Коле Манев

Улога: Александар Шехтански

Македонска премиера на краткиот игран филм на режисерот и сликар Коле Манев нé воведува во светот на собирачот на картонски отпад. Секојдневието, дневниот ритам на овој собирач,  авторот на филмот го доживува како мултиуметничко дело, како колаж од слики раздвижени од звуците на окарината на Драган Даутовски.

The post Македонска премиера на краткиот игран филм „Еко-скоп“ на режисерот и сликар Коле Манев во Кинотека appeared first on Република.