Вчера во 16.40 часот во населба Дреновец во Тетово, полициски службеници од СВР Тетово го привеле В.Н.(28) од Порој, тетовско. Тој бил баран по потерница врз основа на судска наредба за издржување затворска казна во траење од една година за сторено кривично дело „тешка кражба" казниво по член 236 од Кривичниот законик.

Тој бил предаден во Казнено – поправната установа Затвор Тетово за издржување на казната.

The post Приведен крадец во Тетово за издржување казна затвор appeared first on Република.

Во Скопје вчера во 18.30 часот во Старата скопска чаршија, инспектори од ОКР Центар и Бит Пазар при СВР Скопје го лишиле од слобода С.А. (36) од Тетовско, кој претходните денови извршил кривични дела „разбојништво“ во обложувалници и помали трговски објекти на територија на Скопје, заканувајќи се со скалпел.

Како што денеска соопштија од МВР, при преглед кај него е пронајден скалпел и пари кои потекнуваат од кривичните дела. Известен е  јавен обвинител и по целосно расчистување на кривичните дела, против С.А. ќе биде поднесена кривична пријава. 

The post Фатен крадецот кој со скалпел ограбуваше кладилници низ Скопје appeared first on Република.

Вчераоколу 09.00 часот на локалниот пат во с.Добрашинци, струмичко, полициски службеници од СВР Струмица го лишиле од слобода М.Е.(25) од Струмица.

Како што соопштија од МВР, тој, управувајќи патничко возило „цитроен“, сопственост на такси компанија, кое претходно го одзел во Струмица, изгубил контрола и со возилото излетал од патот.

Подоцна, при проверка во оперативната евиденција, било констатирано дека М.Е. бил баран по потерница за доиздржување затворска казна за сторени повеќе кривични дела по член 235 од Кривичниот законик. Лицето било предадено во Казнено - поправната установа Затвор Струмица за доиздржување на казната, велат од МВР.

The post Крадец избеган од струмичкиот затвор излетал од пат со украдено такси appeared first on Република.

Полициски службеници денеска го лишиле од слобода Н.З.(58) од Куманово поради тоа што на автобуска постојка во селото Пезово, со уште едно женско лице со употреба на физичка сила од С.П.(84) од Пезово одзеле пари и го напуштиле местото на настанот со патничко возило „форд галакси“.

Како што соопштија од МВР, патничкото возило е со кумановски регистарски ознаки, кое на 2 август 2024 околу 16.30 часот го одзеле пред викенд куќа во селото Скачковце, кумановско, сопственост на Ј.М.(47) од Куманово.

-Возилото и дел од одземените предмети се вратени на оштетените. По целосно документирање на случајот ќе следува соодветен поднесок, потенцираат од МВР.

The post Приведен крадец во Куманово appeared first on Република.

Полициски службеници од ОВР Гостивар синоќа, во 23.30 часот, го привеле М.М.(42) од гостиварско Дебреше, кој бил баран со централна потерница за одлежување на уште шест години од 10 годишната затворска казна, информираат од МВР.

Четириесет и двегодишниот гостиварец бил осуден за сторени повеќе кривични дела „тешка кражба“ и „кражба“, а бил баран по централна потерница врз основа на судска наредба поради бегство од Казнено – поправната установа Затвор Идризово за доиздржување на шест години од казната.

При приведувањето кај него биле пронајдени и одземени предмети кои потекнуваат од кривично дело. Тој е задржан во полициска станица и по документирање на случајот ќе биде спроведен во Казнено – поправната установа Затвор Идризово за доиздржување на казната, соопштуваат од МВР.

The post Фатен избеган затвореник од Идризово, осуден на 10 години appeared first on Република.

МВР соопшти дека синоќа, во 20.20 часот во Куманово, полициски службеници го лишиле од слобода Б.К. (30) од Куманово.

Б.К. се сомничи дека се обидел да одземе патничко возило „застава“ со кумановски регистарски ознаки, сопственост на М.Ј.(76) од Куманово.

Лицето било задржано во полициска станица и по целосно документирање на случајот, против него ќе биде поднесена соодветна пријава.

The post Приведен кумановец кој се обидел да украде „застава“ appeared first on Република.

Полициски службеници од Полициското одделение Петровец, вчера во 14:20 часот во село Бунарџик, општина Илинден, го лишиле од слобода С.М.(64) од село Бунарџик.

Како што соопшти денеска МВР, тој се сомничи дека околу 10:30 часот во продажен објект во селото со закана кон вработените одзел повеќе производи. Одземеното било пронајдено и вратено на сопственикот, а лицето било приведено во полициска станица, по што било пренесено во здравствена установа во село Бардовци, скопско.

Од МВР информираат дека по целосно документирање на случајот, против него ќе биде поднесена соодветна пријава.

The post Маж со закани ограбил продавница, по фаќањето бил предаден во Бардовци appeared first on Република.

Вчеравечер околу 20 часот во Скопје, во близина на трговски центар на подрачје на Центар, полициски службеници од Единицата за недозволена трговија со дрога и оружје го лишиле од слобода А.С. (35) од скопско поради основи на сомнение дека околу 19.19 часот во аптека на подрачје на Кисела Вода, со закана одзел пари.

При прегледот кај него, биле пронајдени и одземени пари и пиштол за кои постои сомнение дека потекнуваат од кривичното дело.

А.С. е задржан во полициска станица и по целосно документирање на случајот против него ќе биде поднесена соодветна пријава, велат од МВР.

The post Фатен 35-годишникот кој со пиштол ограбил аптека во Кисела Вода appeared first on Република.

На 05.12.2023 во 00.00 часот на ул.„Прилепски бранители“ во Прилеп, полициски службеници од СВР Битола – ОВР Прилеп го лишиле од слобода Е.А.(41) од Прилеп.

Тој се сомничи дека извршил тешки кражби во возила и дека одзел различни предмети.

Украденото е пронајдено и вратено на сопствениците, а по целосно документирање на случајот против Е.А. ќе следува соодветна пријава.

The post Приведен крадец од Прилеп appeared first on Република.

Во Охрид, на 18 ноември околу 14.00 часот полициски службеници од СВР Охрид го уапсиле Д.М. (51) од Струмица.

Како што информираа од МВР, тој бил затекнат при извршување кражба во продажен објект, при што одзел повеќе предмети. Одземеното било вратено на сопственикот, а лицето било приведено во полициска станица.

По целосно документирање на случајот, против него ќе биде поднесена соодветна пријава.

The post Фатен на лице место додека крадел од продавница: Приведен крадец во Охрид appeared first on Република.

Полициски службеници од ЕВР Центар и Бит Пазар го лишиле од слобода Е.А.(36) од Кочани.

Oд МВР информира дека тој се сомничи дека околу 01.30 часот во хотел на подрачје на Центар се обидел да одземе предмети, но бил забележан и задржан од еден вработен и од лице од обезбедувањето. Притоа, појаснуваат од МВР, тој им се заканил со остар предмет и со тврд предмет го нападнал лицето од обезбедувањето.

Е.А. бил задржан во полициска станица и по целосно документирање на случајот против него ќе биде поднесена соодветна пријава.

The post Маж фатен на дело како краде од хотел во Центар appeared first on Република.

Полициски службеници од ЕВР Аеродром и Драчево вчера го лишиле од слобода У.Ш. (31) од Скопје, поради сомнение дека во спортска обложувалница на подрачјето на Центар, со закана кон вработената одзел пари.

Како што известуваат од МВР, кај него биле пронајдени пари за кои постои сомнение дека потекнуваат од кривично дело, при што, лицето е приведено во полициска станица. По преземени мерки и активности, тој се сомничи дека на подрачјето на Скопје извршил дополонителни пет кривични дела.

По целосно документирање на сите кривични дела, против него ќе биде поднесена кривична пријава.

The post Фатен крадец што ограби обложувалница во Центар appeared first on Република.

Полициски службеници од СВР Велес, во 12:40 часот, го лишиле од слобода А.Д. (19) од Велес, поради постоење основи на сомнение за сторено кривично дело „тешка кражба на дрзок начин“.

Како што соопшти МВР, околу 11:55 часот тој од бутик во Велес одзел производи, но бил забележан од вработената која успеала да го врати одземеното, а набрзо бил пронајден од полициски службеници и приведен во полициска станица.

За настанот известен јавен обвинител и по негово документирање против А.Д. ќе биде поднесена соодветна пријава.

The post Крадел облека од бутик, но вработената го видела и избркала, подоцна бил уапсен appeared first on Република.

На 22.09.2023 околу 12.00 часот во с.Арачиново, скопско, полициски службеници од Полициското одделение Арачиново и Одделението за криминалистички работи при ЕВР Гази Баба го лишиле од слобода Е.Б.(28) од с.Арачиново.

Тој се сомничи дека на 21.09.2023 изршил тешка кражба во сендвичарница, дека на 14.09.2023 извршил тешка кражба во куќа во с.Арачиново и дека одзел патничко моторно возило. Со него бил извршен разговор во полициска станица, при што ги признал делата.

Кај него биле пронајдени предмети кои потекнуваат од кривичните дела, а при лишувањето кај него, исто така, била пронајдена и одземена марихуана.

По целосно документирање на случаите, против него ќе бидат поднесени соодветни пријави.

The post Арачиновец ограбил сендвичарница, куќа и возило appeared first on Република.

Четириесет иедногодишниот А.К. од велешко Горно Оризари, во текот на викендов, украл автомобил, мотор, а претставувајќи се лажно како полициски службеник одзел мобилен и банкарски картички. Одземеното ќе им биде вратено на сопствениците, велат од МВР.

Оттаму, информираат дека А.К. се сомничи дека во периодот 16/17.09.2023 од гаража во Велес одзел патничко моторно возило „цитроен ц3“ со велешки регистарски ознаки, сопственост на велешанецот А.Д.(60) и електричен алат.

Покрај ова, пред продавница во Велес тој, лажно претставувајќи се како полициски службеник, од велешанецот К.П.(50) одзел мобилен телефон и паричник со лични документи, банкарски картички и клучеви од неговиот дом, а потоа влегол во неговиот дом и извршил пребарување, но не одзел ништо. А од пред куќа во Велес одзел мотоцикл „лонгија“ без регистарски ознаки, сопственост на Р.К.(45), кој подоцна е пронајден во близина на угостителски објект, известуваат од полицијата.

По издадена судска наредба од Основен суд Велес, полициски службеници извршиле претрес во домот на А.К., при што била пронајдена банкарска картичка на име К.П. и други предмети кои потекнуваат од кривичните дела и ќе бидат вратени на сопствениците.

По целосно документирање на случајот ќе биде поднесен соодветен поднесок, велат од полицијата.

The post Велешанец си крадел претставувајќи се како полицаец appeared first on Република.

По преземени мерки и активности, полициски службеници од ЕВР Гази Баба расчистиле кривично дело „одземање на моторно возило“.

По извршено вештачење било утврдено дека малолетник од Скопје на 03.05.2023 на подрачје на Гази Баба одзел патничко возило „хјундаи акцент“ со скопски регистарски ознаки. Денеска во Полициската станица Гази Баба, во присуство на родител и адвокат, бил извршен службен разговор со малолетникот, во кој тој го признал делото, соопштија од МВР.

По целосно документирање на случајот ќе биде поднесена соодветна пријава.

The post Малолетник од Гази баба украл автомобил, доби кривична appeared first on Република.

Скопјанец е осомничен за крадење пари од маркет, при што со нож ѝ се заканувал на продавачката.

Јавен обвинител од Основното јавно обвинителство Скопје донесе наредба за спроведување истражна постапка против 47-годишник, за кого постои основано сомневање дека сторил кривично дело - „разбојништво“, според член 237 став 4 во врска со став 1 од Кривичниот законик. На 4 септември, осомничениот влегол во маркет на булеварот „АСНОМ“ и веднаш се упатил во просторот кај касата и ја отворил. Сопственичката на продавницата, која работела и како продавач, му се спротивставила, но тој извадил нож со кој ѝ се заканил, ја оттурнал и од касата одзел 16.300 денари, колку што имало во тој момент, информираат од Обвинителството.

Во меѓувреме, оштетената излегла од продавницата и ја затворила вратата, обидувајќи се да го задржи во продавницата, но, тој со сила ја турнал вратата, успеал да ја отвори и избегал од местото.

Бидејќи се исполнети законските услови, односно постојат околности што укажуваат на опасност од бегство и кои го оправдуваат стравот, дека осомничениот ќе го повтори кривичното дело, јавниот обвинител до судијата на претходна постапка од Основниот кривичен суд Скопје, достави предлог за определување мерка притвор, се појаснува во соопштението.

The post Влегол да ограбува маркет во Ново Лисиче, продавачката го заклучила внатре appeared first on Република.

Основното јавно обвинителство од Скопје покрена постапка против 19-годишен скопјанец кој се сомничи дека сторил неколку кривични дела.

Како што денеска информира ОЈО Скопје, лицето се сомничи за две тешки кражби, една кражба, еден обид за тешка кражба и за одземање на моторно возило.

Согласно доказите обезбедени до овој момент, осомничениот на 14 јуни, од ресторан на булеварот „Словенија“ одзел 700 евра и 11.000 денари. Искористувајќи ја околноста што ресторанот бил привремено затворен за работа, со физичка сила ги отворил вратите, влегол внатре и од една од работните простории ги одзел парите. На 7 август повторно насилно влегол во истиот ресторан со намера да одземе туѓи подвижни предмети, но бил забележан од една вработена и побегнал, информира ОЈО Скопје.

На 27 август, преку отворен прозорец во спалната соба влегол во стан на улицата „Благој Давков“ и додека сопственичката спиела, одзел ранец во кој имало мобилен телефон, слушалки, мини звучник и други предмети во вкупна вредност од околу 20.000 денари. Потоа, на 29 август, од паркинг простор на улицата „Максим Горки“, украл комбе „мерцедес вито“. Возилото било незаклучено, а клучот бил оставен во контакт-бравата за погон, па осомничениот го стартувал и заминал со него. На 31 август, влегол во печатница на улицата „Анкарска“ и од една од работните простории одзел чанта во која имало мобилен телефон, паричник со 500 денари, документи, банкарски картички и други предмети во вкупна вредност од 36.000 денари.

Поради опасност да побегне, одреден му е притвор.

The post Влегол кај девојка дома, во ресторан, печатница… – фатен дрзок крадец од Скопје appeared first on Република.

- Малезиец ја фатил неговата шестгодишна ќерка како краде, и кога ја соочи со непримерниот и недозволен потфат, девојчето признава дека ги зело парите, но за да им помогне на пријатели на кои им била потребна помош.

Имено, извесен Ерван осознал дека му недостигаат приближно 300 евра. По пребарувањето, во чантата на ќерка сѝ пронашол помалку од половина од украдените пари, па решил да открие - зошто таа го направила тоа? Поради невиноста и добродушноста на девојчето, видеото објавено на Тикток веднаш стана интернет-хит.

@waniscktBertuah punya anak♬ bunyi asal - WANIS CHARKETEOW PENANG

- Им треба помош, тато!, вели малото девојче.

Ерван за „Ворлд оф баз“ раскажува дека во чантата на ќерка му пронашол дел од украдените пари. За веќе поделените средства дознале родителите на другарчињата на благородното девојче кои ги зеле парите, па понудиле да ги вратат, но таткото се согласил да не ги бара парите назад.

Корисниците на Тикток го пофалија добродушното девојче со големо срце, а и нејзиниот татко за сочувството кон посиромашните. Но, некои нагласуваат дека на крајот на краиштата, крадењето не е решение.

The post Добродушен мал крадец стана хит на интернет appeared first on Република.

По претходно добиени оперативни сознанија, полициски службеници од ОВР Кичево при СВР Охрид, денеска, во 11 часот, го привеле М.К. (33) од Прилеп поради основано сомнение дека е извршител на тешки кражби во станови и куќи. При тоа, во неговото возило „фиат пунто“ пронајдени се предмети поврзани со кривичните дела.

Како што соопшти МВР, М.К. е задржан во полициската станица во Кичево и по целосно документирање на случајот, против него ќе биде поднесен соодветен поднесок

The post Прилепчанец приведен за кражби во Кичево appeared first on Република.