Задолжителната маска во сите внатрешни делови и рапид тестови за лицата кои придружуваат пациенти, како и за оние кои доаѓаат во амбулантите, одново се воведуваат во онколошка болница во Атина со цел заштита на пациентите, јави дописничката на МИА од Атина.

Мерките, како што соопштија од болницата ќе важат во следните 15 дена и доколку биде потребно ќе се продолжат, а воведени се „поради драстичното зголемување на случаите на коронавирусот во изминатите денови“.

Согласно последниот неделен извештај од Националната организација за јавно здравје на Грција за ситуацијата со Ковид-19 во земјата, објавен во четвртокот, во периодот од 1 до 7 јули регистрирана е зголемена активност на вирусот, зголемување има кај позитивноста на сите тестирани примероци, на хоспитализираните лица, како и на починатите.

За една седмица, со Ковид-19 биле хоспитализирани 575 лица, а бил регистриран 21 смртен случај.

The post Онколошка болница во Атина враќа дел од Ковид мерките appeared first on Република.

Во Кина, наглото укинување на строгиот режим на мерки против коронавирусот може да доведе до речиси два милиони смртни случаи во следните два месеци.

Ова го покажа новото истражување на Центарот за рак „Фред Хачинсон“ во Сиетл, Вашингтон, врз основа на податоците за смртноста објавени од одредени универзитети во Кина, како и податоци на Интернет.

Студијата вели дека зголемувањето на бројот на смртни случаи далеку ги надмина официјалните податоци на кинеската влада, која процени во јануари дека 60.000 луѓе починале од ковид во болница откако беше напуштена стратегијата за нулта толеранција на коронавирусот еден месец порано.

Се проценува дека имало 1,87 милиони смртни случаи повеќе кај населението на возраст од 30 и повеќе години помеѓу декември 2022 година и јануари 2023 година, гледајќи ги сите провинции во континентална Кина, освен Тибет.

Одлуката на Кина во декември минатата година да стави крај на тригодишниот период на спроведување на стратегија за нулта толеранција за коронавирусот доведе до огромно зголемување на бројот на хоспитализирани и смртни случаи за кои здравствените експерти велат дека во голема мера се недоволно пријавени од кинеската влада.

Светските здравствени експерти постојано ја повикуваа Кина да открие повеќе податоци за зголемувањето на бројот на хоспитализирани и смртни случаи од коронавирусот.

Кина престана да објавува официјални дневни податоци за бројот на починати од ковид-19 на крајот на 2022 година.

Светската здравствена организација (СЗО) соопшти дека имало 121.628 смртни случаи од коронавирусот во Кина, додека речиси седум милиони луѓе починале на глобално ниво.

Една кинеска провинција накратко објави податоци на својата веб-страница во јули, кои покажуваат дека бројот на кремирање се зголемил за 70 отсто во првиот квартал од оваа година, но податоците подоцна биле отстранети – објави „Ројтерс“.

Највисоките кинески лидери прогласија „решителна победа“ над коронавирусот во февруари. Сепак, здравствените власти во Пекинг во четвртокот рекоа дека коронавирусот останува заразна болест број еден во главниот град, според кинеските државни медиуми.

Официјалните лица рекоа дека новата варијанта на омикрон наречена EG.5 е моментално доминантен вид низ Кина.

The post Ако се укинат ковид мерките, во Кина два милиони луѓе ќе умрат за два месеци appeared first on Република.

Белата куќа објави дека од патниците повеќе нема да се бара да бидат вакцинирани против Ковид-19 за да влезат во САД. Oва е добра вест за Новак Ѓоковиќ кој ќе може да учествува на УС опен.

На 11 мај, кога ќе заврши вонредната состојба поврзана со коронавирусот во САД, барањето за вакцинација против Ковид-19 ќе биде отфрлено за луѓето кои патуваат со меѓународни летови и за федералните вработени, соопшти Белата куќа.

Во февруари, Претставничкиот дом на САД гласаше за укинување на барањето повеќето странски патници да бидат вакцинирани против Ковид-19, едно од ретките ограничувања за патување поврзани со пандемијата што се уште постои.

Во јуни минатата година, администрацијата на Бајден го отфрли барањето луѓето што пристигнуваат во САД со авион да бидат негативни на тестот за Ковид, но ги задржа барањата на Центрите за контрола и превенција на болести (ЦДЦ) да се вакцинираат повеќето странски патници.

Одделот за внатрешна безбедност, исто така, вчера соопшти дека почнувајќи од 12 мај повеќе нема да бара од патниците кои не се државјани на САД и кои влегуваат во земјата преку копнени контролни пунктови или на фериботи да се вакцинираат против Ковид и да обезбедат доказ за вакцинација.

The post Белата куќа ја укина ковид забраната, Ноле ќе може да игра на УС опен appeared first on Република.

По препорака од надлежната комисија на експерти во Министерството за здравство, Грција ги укинува постоечките мерки за заштита од Ковид-19, со исклучок на оние кои важат за болниците и за домовите за стари лица.

Комисијата на експерти во Министерството за здравство на денешната седница предложи укинување на мерките што се во сила за Ковид-19 со исклучок на јавните и приватните здравствени структури и центрите за нега на стари лица, изјави министерот за здравство на Грција, Танос Плеврис.

Додаде дека сепак потребно е да се заштитат ранливите категории и „затоа се препорачува да се преземат мерки за индивидуална заштита, вакцинација и антивирусен третман за заразените“.

Меѓу мерките што се актуелни во Грција е задолжителната маска во јавниот превоз, такси возилата, аптеките и болниците.

The post Грција ги укинува Ковид мерките appeared first on Република.

До 30 јуни ќе бидат укинати сите антиковид мерки кои се во сила во Австрија, јави ДПА, повикувајќи се на Владата.

До крајот на јуни ќе бидат укинати сите ограничувања за заразените со коронавирус.

Во моментов, заразените со вирусот не мора да бидат во карантин, туку од нив се бара да носат маска FFP2 во затворени простории и на отворено кога се во близок контакт со други луѓе.

Сите тимови и комисии поврзани со справување со кризата со коронавирусот, според програмата на владата, ќе бидат распуштени во наредните месеци.

The post Австрија постепено ќе ги укинува сите мерки против Ковид до 30 јуни appeared first on Република.

Управата за извршување на санкции за Телма објави дека од почетокот на пандемијата до средината на октомври, затворска казна за непостапување според здравствените прописи во време на пандемија издржувале 143 граѓани.

Во затворот во Шутка завршиле 52 граѓани. Во моментов има дури 78 осуденици за ова кривично дело. Должината на казните изнесуваат од 40 до 100 дена затвор.

Бранот на затворски казни за овие дела допрва се очекува. Во речиси 1.000 предмети, па сега по истекот на две години без платена казна, судиите за извршување на санкции казнените налози од 2.000 евра ги заменуваат со затворски.

Од почетокот на пандемијата до сега само Кривичниот суд издал 215 упатни акти за издржување на затворски казни. За прекршување на мерките и протоколите во пандемијата, судовите досудуваа парични казни, но ако две години не се плати казната, таа се заменува со затворска.

Граѓански иницијативи бараат промена на Законот за амнестија за ковид-19 прекршителите, а за тоа се чека политички консензус, според извори на Телма.

Законот за амнестија, според најавите, се планира да важи само за граѓани, не и за фирмите, за институции, за угостителски објекти и за други правни лица кои не ги почитуваа уредбите и мерките.

The post 143 граѓани завршиле во затвор поради непочитување Ковид-мерки appeared first on Република.

Американскиот центар за контрола и превенција на болести (ЦДЦ) ги олесни мерките за Ковид-19, укинувајќи ја препораката за граѓаните на САД да се изолираат доколку дојдат во близок контакт со заразено лице.

Американската здравствена агенција објави и дека држењето растојание од најмалку два метри од другите повеќе не е задолжително.

ЦДЦ објасни дека промените се поради фактот што повеќе од две и пол години од почетокот на пандемијата, речиси целото американско население стекнало одредено ниво на имунитет. Одредени мерки се задржани, а исто така се поттикнува и тестирање на лица со симптоми и нивни блиски контакти.

Лицата кои ќе имаат позитивен тест треба да останат дома најмалку пет дена и да носат маска вкупно 10 дена кога ќе бидат во контакт со други луѓе.

The post Изолација пет дена, маска на уста 10 – нови ковид правила во САД appeared first on Република.

Комисијата за заразни болести денеска одржа состанок на којшто ја разгледа епидемиолошката состојба во земјата, при што не препорача воведување на нови рестриктивни мерки, само апел до граѓаните за совесно однесување и почитување на мерките кои се во сила, односно задолжително носење на заштитни маски во здравствените установи, аптеките, јавниот превоз и згрижувачките установи.

Во изминатата недела се забележува благ пораст на бројот на нови случаи за 8,5 проценти, што е значително понизок пораст споредено со претходната недела – 55,7 отсто и е во согласност со намалувањето на репродукцискиот број (Р0). Република Македонија е во фаза на широка трансмисија, со соодветни капацитети за одговор, се вели во соопштението.

Комисијата посочува дека од особена важност е граѓаните кои имаат симптоми или се сомневаат дека се Ковид позитивни да се однесуваат одговорно и да ги заштитат луѓето околу себе, така што ќе избегнуваат близок контакт со други луѓе и престој во затворени простории без маски.

Останува силната препорака за сите граѓани, а особено за граѓаните кои спаѓаат во ризични групи за потежок тек на болеста да се придржуваат до сите потврдени епидемиолошки мерки за заштита од инфекција, како често и темелно миење или дезинфицирање на раце, избегнување на метеж и престој во затворени и непроветрени простории и носење на заштитни маски, како и придржување до препораките за вакцинација против Ковид-19, апелира КЗБ.

The post Комисијата за заразни болести не препорача нови мерки, апелира да се почитуваат актуелните appeared first on Република.

Во земјава моментално се активни над пет илјади случаи со Ковид-19 и таа се наоѓа во жолта зона, а Комисијата за заразни болести засега не препорачува нови мерки.

Според министерот за здравство Беким Сали, ако се земат предвид моменталните бројки во сите инфективни одделенија во државава и искуствата од минатото, ситуацијата со пандемијата во државава е се уште „оптимистичка“.

“Ние забележуваме секојдневно благо зголемување на новоинфицирани во државата, Скопје се уште е жариште, односно црвена зона. Меѓутоа, од аспект на оптоварување на системот се уште сме во жолта зона”, појасни Сали, вчера на отворањето на реновираниот Хируршки Ургентен Центар во склоп на ЈЗУ УК „ТОАРИЛУЦ“.

Апелира граѓаните со хронични болести да се вакцинираат со трета и четврта доза од вакцините против Ковид-19.

Согласно податоците од Институтот за јавно здравје, објавени вчера, направени се 1.602 тестови, а регистрирани се нови 855 случаи со Ковид-19 и 683 оздравени пациенти. Од вкупниот број на позитивни 22 проценти или 189 се реинфекции.

Во вчерашниот билтен не се пријавени починати лица. Согласно регистарот на умрени лица со дијагноза Ковид-19 од „Мој Термин“ се регистрирани две починати лица, по едно починато лице од Битола (85г) и Кочани (71г), двете лица се починати во болнички услови, лицата за починати се пријавени во период од 22.07-27.07.2022 година, соопшти вчера Министерството за здравство.

Според епидемиолошки анализи во моментов од 5 196 активни случаи, најголемиот дел или 43 проценти се во главниот град – Скопје. Во Битола има 441, потоа следат Прилеп – 271, Охрид - 263 и Куманово – 245.

Во Црна Гора, поради влошување на епидемиолошката состојба предизвикана од коронавирусот, во следните 15 дена ќе биде задолжително носење заштитни маски, а здравствените власти уште еднаш апелираа до граѓаните да се вакцинираат против Ковид-19.

Поради зголемувањето на бројот на заболени и хоспитализирани лица, директорот на Институтот за јавно здравје Игор Галиќ изјави дека е воведено задолжително носење заштитни маски во сите институции на јавната администрација, продавници за храна, аптеки и бензински пумпи.

Во Португалија носењето заштитни маски во јавниот превоз поради Ковид-19 останува задолжително барем до крајот на август, одлучија вчера португалските власти.

Кинеските здравствени власти водат посебна статистика за асимптоматски случаи на инфекција со коронавирусот. Во Кина, како што соопштија тамошните здравствени власти, во изминатите 24 часа регистрирани се 564 нови случаи на зараза со коронавирус од кои 109 симптоматски и 455 асимптоматски.

The post Земјата во жолта ковид зона, засега нема нови мерки appeared first on Република.

Сметаме дека во моментов бранот е во надолен тренд и веруваме дека ова ќе продолжи околу еден месец. Не покажува карактеристики дека во текот на летото ќе биде потребна промена на моделот што го следиме - истакна министерот за здравство на Грција Танос Плеврис во интервјуто за грчката телевизија ЕРТ, со што уште еднаш потенцира дека не се разгледува можноста за воведување ковид мерки во текот на летото.

Плеврис објасни дека конкретниот бран има целосно различни карактеристики од претходните и поради имунизацијата на населението, но и поради мутациите кои се поразлични и не носат тешки хоспитализации, додавајќи дека конкретниот модел што го следат, без мерки, не е поради туризмот, туку е нешто што го следат и другите европски земји.

Во овој момент влегуваме во фазата во која коегзистираме со корона вирусот не како прашање на избор, туку како реалност. Пандемијата влезе во фаза кога луѓето полесно се разболуваат, бидејќи постои голема раширеност, разболувањето, бидејќи имаме вакцинирана популација не се префрла на тешки хоспитализации како што беше во првата фаза, имаме и тешки хоспитализации, но ги немаме тешките што ги имавме со Делта и на почетокот на Омикрон каде имаше страшен притисок - изјави Плеврис.

Согласно седмичниот извештај на Националната организација за јавно здравје на Грција за ситуацијата со пандемијата во земјата, во периодот од 18 до 24 јули, се регистрирани 136.077 случаи на Ковид-19, а за една седмица починале 271 лице.

The post Грција донесе одлука околу можноста за воведување ковид мерки во текот на летото appeared first on Република.

Сметаме дека во моментов бранот е во надолен тренд и веруваме дека ова ќе продолжи околу еден месец. Не покажува карактеристики дека во текот на летото ќе биде потребна промена на моделот што го следиме, истакна министерот за здравство на Грција Танос Плеврис во интервјуто за грчката телевизија ЕРТ, уште еднаш потенцирајќи дека не се разгледува можноста за воведување ковид мерки во текот на летото, јави дописничката на МИА од Атина.

Плеврис објасни дека конкретниот бран има целосно различни карактеристики од претходните и поради имунизацијата на населението, но и поради мутациите кои се поразлични и не носат тешки хоспитализации, додавајќи дека конкретниот модел што го следат, без мерки, не е поради туризмот, туку е нешто што го следат и другите европски земји.

-Во овој момент влегуваме во фазата во која коегзистираме со коронавирусот не како прашање на избор, туку како реалност. Пандемијата влезе во фаза кога луѓето полесно се разболуваат, бидејќи постои голема раширеност, разболувањето, бидејќи имаме вакцинирана популација не се префрла на тешки хоспитализации како што беше во првата фаза, имаме и тешки хоспитализации, но ги немаме тешките што ги имавме со Делта и на почетокот на Омикрон каде имаше страшен притисок, рече Плеврис.

Согласно седмичниот извештај на Националната организација за јавно здравје на Грција за ситуацијата со пандемијата во земјата објавен вчера, во периодот од 18 до 24 јули, регистрирани се 136.077 случаи на Ковид-19, а за една седмица починало 271 лице.

The post Грција засега не разгледува можност за воведување ковид мерки appeared first on Република.

Министерството за здравство и Комисијата за заштита на населението од заразни болести активно ја следи состојбата со Ковид-19 во земјата, но и активно ги следи состојбите и на европско и светско ниво.

Неспорно е дека во нашата држава се забележува зголемување на трансмисија на коронавирус, но и дека ова е општ тренд што не може да се очекува да не одбегне.

Затоа, иако во моментот состојбата е релативно мирна, со цел да остане таква Министерството за здравство препорачува внимание и преземање мерки за лична заштита. Ова особено се однесува, но не исклучиво, на постарите лица, лицата кои имаат една или повеќе хронични болести, и сите кои имаат намален имунитет поради која било причина.

Во овој период препорачливо е при престојување во затворена просторија подолго време да се носат маски, а лицата од ризичните категории (наведни погоре) маска минимум ФПП2 или Н95 или ФФП3.

Просториите во кои се престојува подолго(канцеларии, занимални во градинки, сали за состаноци и слично), како и спортски објекти, редовно да се провертуваат и да се дезинфицираат.

Да се избегнува непотребно собирање во големи групи и секогаш кога може да се одржува растојание од два метра.

Редовна хигиена и дезинфекција на раце, особено ако кивате и кашлате, а устата ја покривате со дланката наместо со внатрешноста од лактот, како што е препорачано.

Доколку почувствувате некои од стандардните симптоми (сува кашлица, температура, болки во грло, болки во мускулите и слично) веднаш побарајте помош од вашиот матичен лекар и задолжително носете маска.

Во Здравствените домови ширум државата веќе е зголемен бројот на термини за тестирање на пациенти, а само во ЗД Скопје тестирање се врши во пет пункта.

Исто така, се уште најефикасна заштита од развој на потешки форми на ковид и хоспитализација останува вакцинацијата против ковид. Така што, за целосно заштитени се сметаат тиeкои имаат примени две дози вакцини и дополнителна, т.е. бустер доза. Сите оние кои не се вакцинирале или не го завршиле целиот вакцинален циклус, се препорачува истото веднаш да го направат, а кај оние кои поминале четири месеци од бустер дозата им се препорачува и второ бустирање.

Потсетуваме дека на сила е се уште обврската за носење маски во јавен превоз, здравствени установи, аптеки и домови за стари лица.

На крајот, а во услови на регионална и светска експанзија на вирусот, колку поголема лична одговорност покажеме, толку поголеми се шансите овој бран и поединечно и колективно полесно да го поминеме, односно да не дојдеме во состојба да мора повторно да се активираат некои мерки, а што е веќе случај во некои држави.

The post Комисијата за заразни болести со препораки за маски во канцеларии и дезинфекција appeared first on Република.

На почетокот на месецов Грција укина голем дел од рестрикциите за спречување на ширењето на Ковид-19, а единствената мерка што сè уште е во сила е маската во затворени простори, јави дописничката на МИА од Атина.

За патување во Грција повеќе не е потребен ниту сертификат за вакцинација, ниту негативен резултат од направен тест, додека пак веќе два месеци е укинат и ПЛФ – формуларот. Истото важи и за внатрешноста на земјата, односно за влез во затворените објекти не е потребен документ за Ковид-19, како што беше пракса претходно.

Единствената мерка што е актуелна кај јужниот сосед, а важи како за Грците, така и за туристите е задолжителната маска во затворените простори, како што се превозните средства, продавниците, супермаркетите, болниците и слично.

Казната за непочитување на мерката, односно неносење маска во внатрешните објекти е 300 евра.

Од 1 јуни, како што веќе соопшти министерот за здравство, ќе биде укината и оваа мерка, со што летото во Грција ќе биде целосно слободно и без никакви ограничувања.

Маската ќе остане задолжителна само во болниците, домовите за стари лица и јавниот градски сообраќај, а ќе се укине и за авионите и за превозните средства со нумерирани седишта, како што се возовите и меѓуградските автобуси.

За употребата на маската во образовните институции и во бродскиот сообраќај, Комисијата на епидемиолози ќе одржи нов состанок следнава седмица.

-Укинувањето на задолжителната употреба на маска значи дека нема да се изрекува административната казна, но сепак останува охрабрувањето и препораката, дека ќе треба да се користи маската во сите простори, особено за населението кое припаѓа на ранливите категории, рече во средата министерот за здравство на Грција Танос Плеврис.

Сепак, укинувањето на мерките во Грција е привремено, бидејќи на есен, од септември, во зависност од текот на пандемијата, не е исклучена можноста одново да се воведат претходните рестрикции што се однесуваат на сертификатите и маските.

Доколку се направи анализа на секојдневните официјални податоци од Националната организација за јавно здравје, во изминатите десет дена во Грција беа регистрирани вкупно 43.104 случаи на Ковид-19, а почина вкупно 201 лице, што е во просек по 4.300 заразени дневно и 20 смртни случаи на дневно ниво.

Од ден на ден, според истите податоци, се намалува и бројот на пациенти приклучени на апарати на одделите за интензивна нега во грчките болници.

Од почетокот на пандемијата, во земјата има 3.414.189 случаи на Ковид-19 и 29.658 починати лица.

The post Летово во Грција слободно, без маски и ограничувања appeared first on Република.

Грција го укинува носењето маски во затворен простор.

Земјата денеска oбјави дека од 1 јуни ќе го укине задолжителното носење маски во авиони и затворени јавни места, откако ги укина ограничувањата наметнати за да се спречи ширењето на коронавирусот пред летото. Агенцијата за воздухопловна безбедност на Европската унија и Европскиот центар за превенција и контрола на болести соопштија овој месец дека маските за лице нема да мора да се носат на аеродромите и на летовите во Европа од 16 мај. Грција во март го укина условот за носење маски во ресторани, барови и клубови.

За 24 часа има 4.626 случаи на Ковид-19 и 19 починати, со што вкупниот број на инфекции во земјата е 3.406.553 милиони, а бројот на смртни случаи 29.619.

The post Ако одите во Грција, маски во затворен простор не ви требаат appeared first on Република.

Се додека секојдневно добиваме бројки од 80 до 90 новоинфицирани случаи постојните ковид мерки треба да останат, иако 99 отсто од нив се укинати. Состојбата е стабилна, линеарна, секој ден исти бројки добиваме така што засега е мирно и немаме некој аларм што се најавува за во иднина. Ова денеска го истакна министерот за здравство Беким Сали, кој рече дека моментално го планираат третманот на постковид пациентите.

Како одговорни и политичари и управители на институции, а и како граѓани, посочи министерот, мора да внимаваме на местата каде се движиме, доколку имаме симптоми навреме да се пријавиме, доколку сме позитивни при некој тест да се изолираме така што да не помагаме во ширење на инфекцијата.

Со моментот на опуштање на мерките во врска со КОВИД -19 најавив дека постковид периодот е период што е многу значаен за сите граѓани, односно за здравствениот систем. Најавив дека Комисијата ќе продолжи со работа, можеби не со истото темпо, меѓутоа со работа што ќе означува едно планирање како да се справиме со постковидот, дали ќе биде тоа еден објект во кој ќе се третираат сите постковид компликации кај пациенти или пак ќе бидат повеќе клиники ангажирани околу тие пациенти, како ќе ги третираме нив… Една од целите ни е симулација на можна појава на петти бран ковид инфекции. Работиме на тоа. Моментално сме на планирање на третманот на постковид пациентите. Ова што го правиме сега е една од точките која е многу битна. Раната дијагностика на компликациите е половина третман за терапија, рече Сали, одговарајќи на новинарски прашања по промовирањето нов линеарен ацелератор на Клиниката за радиотерапија и онкологија.

Додаде дека се уште не одлучиле дали една клиника или повеќе оддели во одредени клиники ќе бидат одговорни за третман на постковид пациенти.

The post Сали: Се додека секојдневно добиваме бројки од 80 до 90 новоинфицирани случаи постојните ковид мерки треба да останат appeared first on Република.

Од денеска, Албанија ги укина ограничувањата воведени за да се спречи ширењето на коронавирусот.

Според одлуката на Национален комитет за справување со пандемијата, донесена на 26 април, од денеска за влез во Албанија не е потребна потврда за вакцинација против коронавирусот, негативен тест или потврда за прележана инфекција.

Исто така во земјата повторно се отворени ноќните клубови а укината е и забраната за емитување музика по 23 часот во угостителските објекти.

Обврската за носење маска беше укината, но остана препораката за носење маска во затворени простории.

Инаку, со одлука на комитетот на втори март, по речиси две години, беше укинат полицискиот час, кој траеше од 23 до 6 часот а недела потоа и мерката за ограничено присуство на собири.

The post И Албанија ги укина сите анкти-ковид мерки: На граница без сертификати, отворени и ноќните клубови appeared first on Република.

Веќе од 1 мај, Грција повеќе нема да им бара на патниците да покажат доказ за вакцинација, негативен ковид тест или доказ дека се опоравиле од болеста за да влезат во земјата, објави порталот „travelandleisure“.

Релаксираните мерки ќе важат и за македонските граѓани кои во Грција влегуваат преку граничните премини на грчка страна Евзони, Дорјани, Ники и Кристалопиги. Грција ќе укине многу преостанати протоколи поврзани со Ковид-19 следната недела, со што ќе биде уште една земја којашто планира да се врати на предпандемискиот живот.

Грција, која повторно ги отвори границите за туризам во мај 2021 година, моментално ги пречекува патниците од САД, но бара од нив да покажат доказ за вакцинација, за прележаност или негативен ПЦР или брз антигенски тест.

Во моментов, маските за лице мора да се носат и во затворени простории, но министерот за здравство Танос Плеврис најави дека, почнувајќи од јуни, ни тие повеќе нема да бидат задолжителни, со некои исклучоци.

Според епидемиолошките податоци и сугестиите на експертите, го објавуваме патоказот за деескалација на мерките против пандемијата Ковид-19. Сите мерки ќе бидат разгледани на 1 септември, во зависност од сликата на пандемијата - порача Плеврис во изјавата на почетокот на месецов.

Одлуката за откажување на правилата за патување доаѓа повеќе од еден месец откако Грција ја елиминира потребата да се пополни формулар за лоцирање на патници пред да допатуваат во земјата.

Грција сега им се придружува на неколку други европски земји во олеснувањето на ограничувањата поврзани со пандемијата, вклучително Холандија и Франција, кои ги укинаа тестирањата пред пристигнување за вакцинираните посетители, како и некои земји кои направија чекор понатаму, отфрлајќи ги правилата поврзани со Ковид-19, како Обединетото Кралство, Ирска и Исланд.

Слично на тоа, Швајцарија ќе ги укине ограничувањата за влез на 2 мај, враќајќи се на „вообичаените правила за влез во Швајцарија“, соопшти владата.

The post Грција се отвора за туристите од 1 мај, ковид протоколите се сведуваат на минимум appeared first on Република.

Свадбите и забавите оваа сезона се организираат слободно. Смирувањето на ситуацијата со Ковид-19 ги ​​олесни и мерките за заштита што ги имавме минатата сезона. Организаторите на венчавки очекуваат нивниот бизнис да закрепне ова лето и да ги надомести загубите од изминатите две години, објави ТВ21.

Но, освен подарокот, гостите треба да донесат и потврда за вакцина против КОВИД, изјави за ТВ21 Љуљзим Хасани, сопственик на ресторан.

Очекува оваа сезона да биде како другите лета, иако капацитетот повторно е ограничен на 50% за внатрешни и 75% за тераси или надворешни објекти.

„Нашиот хотелско-гастрономски сектор во периодот на пандемијата претрпе најголема економска штета бидејќи бевме затворени 18 месеци, го доведе во прашање постоењето на овој бизнис. Резервациите се направени за следната сезона, што значи дека имаме и некои резервации кои не успеавме да ги завршиме минатата сезона и има клиенти кои го одложија за оваа година. Сезоната е значително подобра“, вели Љуљзим Хасани.

The post Ќе има ли свадби без ограничувања ова лето ?! appeared first on Република.

Во пресрет на новата туристичка сезона, Асоцијацијата на албанските туристички работници бара од Техничкиот комитет на експерти за справување со пандемијата со Ковид-19 да ги укинат рестриктивните мерки, бидејќи сметаат дека сега „веќе не се разговара за пандемија, туку за економија“.

Тие, меѓу другото бараат укинување на обврската за поседување сертификат за вакцинација или за прележан Ковид-19, како и за негативни ПЦР и антиген тестови за сите странски државјани при влез во државата, јави дописничката на МИА од Тирана.

Комитетот треба да се разбуди, да ги укине рестриктивните мерки и да го ослободи туризмот бидејќи има резервации, но ако се уште бараме тестови на граница или прекин на музиката во 23 часот, што им нудиме на туристите? Може да се соочиме со откажувања на најавените резервации, изјави Зак Топузи, претседател на Асоциацијата.

Според Топузи, Албанија доцни во тоа, зашто соседните земји одамна најавиле укинување на рестриктивните мерки, па дури и нема да бараат потврда за вакцинација само за да привлечат туристи.

Конкуренцијата е силна, бидејќи земјите како Шпанија, Грција, Италија уште пред три месеци објавија укинување на мерките, додаде Топузи.

Минатата летна туристичка сезона во Албанија се оценува како успешна, бидејќи немаше никакво ограничување за влез во Албанија, која од туризмот оствари приход од 1,9 милијарди евра. Споредено со претходната, пандемиска година, приходите се за 922 милиони евра повеќе, додека со 2019 година тие се помали за околу 171 милион евра.

Веќе неколку недели во земјата има многу ниски стапки на зараза. Според денешниот извештај на Институтот за јавно здравје од направените 650 тестирања вирусот е потврден кај 15 лица.

The post Албанските туристички работници бараат укинување ковид мерките appeared first on Република.

Словенија се подготвува за укинување на последните рестриктивни мерки поврзани со епидемијата на ковид-19 која е во пад, потврди словенечкиот министер за здравство Јанез Поклукар.

Во последните денови е многу присутен тренд на опаѓање на заразите и хоспитализациите, па за укинување на задолжителното носење маски во затворени простори одлуката би можела да биде донесена уште оваа недела.

Наместо обврска, носењето маски во затворено би останало само како препорака, а би морале да се носат само во болниците и домовите за постари лица, наведе Поклукар во изјава за медиумите за актуелната епидемиолошка и здравствена ситуација.

Поклукар очекува претстојните летни месеци да поминат во знакот на „враќање на старото нормално“.

Словенечката влада објави денес дека во изминатите 24 часа од околу 3.800 ПЦР тестови и брзи антигенски тестови се потврдени 528 нови зарази, што е пад во однос на претходниот ден кога биле 785, и во однос на состојбата од пред седум дена, кога имало 802 зарази.

The post Словенија ги укинува маските и речиси сите мерки appeared first on Република.