Ковачки Archives - Република

Ковачки: Ќе ги покачиме платите во МВР, силно вложуваме во капацитетите на МВР и МО

Nena — Sat, 16 Nov 2024 13:44:31 +0000

„Го слушав Венко Филипче и излагањата на опозицијата деновиве и сите се држат дека буџетот бил мегаломански, дека бил нереално планиран и недомаќински. Една структура која направи хаос во државата, партали ја направи државата и ја испокраде дојде ред да зборува за домаќинлук, мегаломанство и за планирање. Мегаломански 30 милијарди евра потрошија, а не направија ниеден проект. Дали некој се сеќава дека имаат нешто направено во оваа држава за седум години? Нема такво нешто, а 30 милијарди евра отидоа во неповрат“, истакна пратеникот од ВМРО-ДПМНЕ, Драган Ковачки на денешната расправа на надлежната собраниска комисија на која се расправаше за буџетот за 2025 година.

Ковачки објасни што се е предвидено во предлог буџетот.

„Во предлог буџетот предвидено е зголемување на пензиите за 2,500 денари дополнително, значи да се реализира она предизборно ветување од 5,000 денари во првата година од мандатот а ќе го реализираме за 9 месеци, е за тоа нема да гласа Венко Филипче и неговата политичка номенклатура. Нема да гласаат за зголемување на платите за 5%, а до крај на мандат 46% и ќе се испочитува колективниот договор. Зборувате за покачување на платите во полицијата, па 10% кажуваме дека ќе ги зголемиме, предвидени се пари во буџетот“, посочи Ковачки.

Ковачки посочи дека со негласање за предлог буџетот СДСМ се и против младите.

„СДСМ под раководство на Венко Филипче кои нема да гласаат за буџетот ќе бидат и против изградбата на студентските домови кои веќе се отпочнати значи и против младите се. Нема да гласаат ниту за ваучерите од 250 евра кои треба да ги добие секој студент“, дециден е Ковачки.

The post Ковачки: Ќе ги покачиме платите во МВР, силно вложуваме во капацитетите на МВР и МО appeared first on Република.

Ковачки: Работите во судството се катастрофално лоши, потребни се оставки во судски совет, генерален ремонт и реизбор

Nena — Thu, 03 Oct 2024 16:31:47 +0000

Работите во судството ни се лоши, катастрофално лоши и тоа е оценка на сите од надвор и од внатре, рече пратеникот од ВМРО-ДПМНЕ, Драган Ковачки, на денешната собраниска Комисија за политички систем и односи меѓу заедниците.

Тој посочи дека поради нула ажурност на судовите резултатите се катастрофални.

Резултатите се катастрофални со ажурност нула на судовите. Од одредени судови се праќаат по други, од едни апелациони подрачја во други се праќаат на испомош затоа што нема судии, вели Ковачки.

Тој продолжи и додаде:

Правдата генерално во Република Македонија ја нема тоа правосудство, судство, обвинителство таа спрега е скапана и тука ние не може да направиме исчекор без генерален ремонт. Мора да имаме генерален ремонт и реизбор, потенцираше Ковачки.

Тој е дециден дека сите во судскиот совет треба да си дадат оставки.

Судски совет како што сега е поставен треба да си дадат оставки затоа што доведоа до тие 2% доверба, додаде Ковачки.

The post Ковачки: Работите во судството се катастрофално лоши, потребни се оставки во судски совет, генерален ремонт и реизбор appeared first on Република.

Ковачки: Замениците министри кои што се предложени со нивното искуство и знаење треба да ни помогнат да создадеме и поволна средина за инвестиции и за развој

Nena — Tue, 23 Jul 2024 15:46:47 +0000

„Замениците министри играат клучна улога во обезбедувањето на континуитетот и ефикасноста на министерствата. И секако имаат клучна улога во поддршката на министрите. Тие се столб на стабилноста и помош на министрите, но во нивно отсуство и на премиерот“, истакна пратеникот Драган Ковачки на денешната собраниска седница.

„Со нивниот денешен избор очекувам дека на министрите ќе им се олеснат спроведувањето на визијата, стратегијата и плановите односно спроведувањето на политиките и иницијативите кои што се од витално значење за нашите граѓани кои пак недвосмислено ни ја дадоа довербата“, појасни пратеникот.

Ковачки додаде дека граѓаните ДУИ и СДС заради погубните политики ги испратија во тешка опозиција.

„Замениците министри мора да бидат подготвени да понесат дел од товарот на секојдневното управување и да осигураат дека владините цели и програми ќе бидат реализирани“, нагласи тој.

„Затоа сме денес овде за да ја изразиме нашата поддршка за предложените и за многу брзо избраните кандидати за заменици министри во нашата Влада. Денес пред нас стои уште една важна одлука која ќе влијае на иднината на нашата држава. Изборот на заменици министри не треба да е само формалност туку е значаен чекор кон обезбедувањето на просперитет, стабилност и предвидливост за нашите граѓани“, порача пратеникот.

Ковачки посочи дека во време на глобални предизвици нашата способност да се адаптираме како држава и на тој начин да растеме е од суштинско значење.

„Замениците министри кои што се предложени со нивното искуство и знаење треба да ни помогнат да создадеме и поволна средина за инвестиции и за развој. Секој потег треба да биде насочен кон подобрување и олеснување на животот на нашите граѓани. Грижата за граѓаните и осигурувањето дека потребите и интересите на граѓаните ќе бидат дел од сите активности и политики на министерствата треба да биде една од нивните клучни улоги и приоритети“, истакна Ковачки.

The post Ковачки: Замениците министри кои што се предложени со нивното искуство и знаење треба да ни помогнат да создадеме и поволна средина за инвестиции и за развој appeared first on Република.

Градоначалниците на Крива Паланка и Пробиштип вршат злоупотреба на институциите и прават притисоци врз граѓаните

Nena — Mon, 22 Apr 2024 10:16:02 +0000

Ми јавуваат од терен дека градоначалниците на Пробиштип и на Крива Паланка вршат злоупотреби на институциите и вршат притисоци на граѓаните, истото се случува и од страна на Сања Лукаревска врши директна злоупотреба на институциите и во Берово и во Свети Николе, вели Драган Ковачки, член на ИК на ВМРО-ДПМНЕ и носител на Изборна единица 3.

„Меѓутоа треба да знаат, дека секоја постапка има своја последица, дека одговорноста ќе стигне на 9 мај, ги повикувам граѓаните да не се плашат и да се охрабрат, масовно да излезат на 24 април да го заокружат бројот 2 за Гордана Силјановска Давкова и заеднички да ги донесеме промените, затоа што граѓаните тоа го заслужуваат“.

The post Градоначалниците на Крива Паланка и Пробиштип вршат злоупотреба на институциите и прават притисоци врз граѓаните appeared first on Република.

Ковачки: Во Платформа 1198 за Делчево предвидуваме изградба на експресни патишта до Кочани и Виница, пречистителна станица, нов мост на реката Брегалница

Nena — Sat, 20 Apr 2024 19:51:37 +0000

Ситуацијата во Македонија е загрижувачка. Меѓу народот владее апатија и разочараност, сиромаштијата се чувствува во секој дом, цели семејства се иселуваат, власта наместо да ги решава проблемите на граѓаните, времето го користи за крадење и нови бизнис зделки од кои тие лично профитираат, изјави носителот од ВМРО-ДПМНЕ во изборната единица 3, Драган Ковачки на митингот во Делчево.

-Но, овие избори се шанса за промена. Овие избори се последен спас за Македонија и народот. Шанса да ја вратиме Македонија повторно кај вас граѓаните, затоа што вие сте силата на една држава. Промените се можни само со победа на ВМРО-ДПМНЕ, рече Ковачки.

Ковачки истакна дека ВМРО-ДПМНЕ нуди Платформа 1198 која се обврзува да го подобри квалитетот на живот на сите граѓани и целосно да ја трансформира Македонија.

-Ветуваме реализација на економски раст од 5 проценти, отворање на нови 55.000 работни места, отвораме фронт против корупцијата – проверка на имотот на судии и јавни обвинители и нивните семејства, 250 милиони евра за инвестициски бум во општините и тоа без разлика дали со нив управува градоначалник од ВМРО-ДПМНЕ или СДС. Реорганизација на министерствата и институциите и намалување на бројот на функционери. Ќе го зголемиме надоместокот за социјална помош. Платформата 1198 се обврзува на линеарно покачување на пензиите за 5000 денари. Ќе обезбедиме секое дете да оди во градинка, поевтини сметки за струја преку укинување на измислената тарифа за пристап до мрежа, како и 800 милиони евра за македонските земјоделци, загарантиран откуп и цена на земјоделските производи, изјави Ковачки.

Ковачки нагласи дека она што е важно за Делчево е изградба на експресен пат од Кочани до Делчево, ќе се скрати патот за околу 12 километри, потоа изградба на нов експресен пат Делчево – Виница преку Калиманско поле, како и реконструкција на патиштата до Пехчево, Берово и Македонска Каменица.

-Се обврзуваме на изградба на пречистителна станица за отпадни води на град Делчево, изградба на мини пречистителна станица за отпадни води во село Град, село Стемер, село Врче, село Тработивиште. Реконструкција на главни потисни цевководи за вода за пиење во град Делчево, како и изградба на нови главни потисни цевководи за вода за пиење за селата Габрово, Вирче, Град, Стамер, Ѕвегор. Изградба на нов мост на реката Брегалница. Платформа 1198 се обврзува на доизградба на водоводна, канализациона и патна инфраструктура во ТИРЗ Делчево. Покрај можноста за производство на електрична енергија во Централниот исток ќе се разгледа можноста за снабдување со топлинска енергија во Делчево и Македонска Каменица, изјави Ковачки.

Ковачки ги повика граѓаните да дадат поддршка на 24 април за Гордана Силјановска Давкова, а потоа и на 8 мај, како и за коалицијата „Твоја Македонија“ предводена од ВМРО-ДПМНЕ за да се врати достоинството во Македонија.

The post Ковачки: Во Платформа 1198 за Делчево предвидуваме изградба на експресни патишта до Кочани и Виница, пречистителна станица, нов мост на реката Брегалница appeared first on Република.

Ковачки: Во „Платформа 1198“ е предвидено реконструкција на патниот правец Берово – Струмица, уредување на просторот кај Беровското езеро и низа други проекти кои ќе го подобрат животот на беровчани

Nena — Sat, 20 Apr 2024 18:02:19 +0000

„Во изминативе неколку години во Македонија владее една структура која што е антимакедонска структура, која што воопшто не и мисли добро на Македонија и буквално работи на растурање на институциите, на газење на системот, на растурање на системот“, истакна Драган Ковачки, носител на изборна единица 3 на митингот во Берово.

„И затоа се создава недоверба кај сите вас граѓани, и затоа се случуваат иселувања од овој крај. Овој крај е еден од најпогодените со масовните иселувања. Скоро да нема дом кој што нема некое чедо надвор испратено во туѓина. И тоа мора да се промени. Тоа мора да го промениме на 24-ти април и на осми мај“, заклучи тој.

Ковачки рече дека додека граѓаните потонаа во сиромаштија и беда, додека од власта го окрупнуваа богатството.

„Иселувањето во Република Македонија зема толкав замав, што може да ни се случи Македонија да остане без работници, да ни се случи да мора да увезуваме работници. Од тие причини мора да ги градиме младите да се развиваат дома. Мора да внимаваме на сите структури, мора да внимаваме образованието да ни се развива по европски терк, мора учениците да добијат книги навреме. А, не да ни остануваат три години без книги“, укажа Ковачки.

Тој посочи дека Македонија е прва на листата по корупција во Европа. Значи најкорумпирана држава во Европа е Македонија. Најмизерна држава во Европа Македонија е. И сето тоа е поради неспособната актуелна власт.

„Ние како ВМРО-ДПМНЕ ветуваме правда во Македонија, тоа што го ветуваа претходниците но не успееја да го донесат. Тие само донесоа амнестија на криминалот, а оној залутаниот во Вилата на Водно тоа го потпиша“, рече тој.

Тој додаде дека за да се воспостави ред во државата, во програмата на ВМРО-ДПМНЕ е вметнато дека ќе има целокупна ревизија на имотот на судиите и на обвинителите. Додека во делот на земјоделието во „Платформа 1198“ е предвидено 800 милиони евра за земјоделците, да има навреме и зголемени субвенции. Инфраструктурата во Македонија со програмата ќе се обнови бидејќи инфраструктурата е значајна за развојот на државата.

Ковачки порача дека за Берово ветува реконструкција на патниот правец Берово – Струмица, реконструкција и проширување со трета лента на патниот правец Берово – Виница, како и реконструкција на патниот правец Берово – Пехчево – Делчево – Македонска Каменица.

„Со „Платформа 1198“ се обврзуваме на изградба на пристапниот пат до селските гробишта во село Русиново, изградба на локален пат до црквата Св. Марко во село Русиново, асфалтирање на локален пат Берово – Владимирово, како и средување на просторот околу Беровско езеро за развој на туризмот. И многу други проекти кои ќе значат подобар живот за сите Беровчани“, рече Ковачки.

Од митингот во Берово, Ковачки порача дека гласот на граѓаните е силата која ќе донесе промени. Доаѓаат нови подобри времиња.

The post Ковачки: Во „Платформа 1198“ е предвидено реконструкција на патниот правец Берово – Струмица, уредување на просторот кај Беровското езеро и низа други проекти кои ќе го подобрат животот на беровчани appeared first on Република.

Ковачки: ВМРО-ДПМНЕ ветува 800 милиони евра за земјоделците, реновирање на сите водоводни канали, загарантирана откупна цена и нови откупни центри

Nena — Fri, 19 Apr 2024 16:33:31 +0000

Во изминатиот период во изминатите неколку дена имав можност да посетам многу населени места, градови села се сретнав со многу луѓе со земјоделци со образовни работници со лекари со воени лица со полицајци и секаде каде што одев преовладуваше една иста мисла. Време е за промени време е Македонија да престане да губи време Македонија да почне да победува, истакна Драган Ковачки член на ИК на ВМРО-ДПМНЕ и носител на листа во ИЕ3 од митингот во Ранковце.

„Време е Македонија да ја вратиме во рацете на граѓаните, затоа што Македонија ни е одземена, ни е украдена и затоа што Македонија ни е понижена. Во Македонија владее една структура што е на заминување меѓутоа е под директно влијание на Мала Речица. Значи луѓе со 13 пратеници во изминатиот период успеаја да ја девастираат Македонија. Да го уништат системот да ги уништат институциите“, кажа Ковачки и додаде:

Здравството не функционира, земјоделците ни велат немаме загарантирана откупна цена, немаме вода за да си ги наводнуваме нашите ниви, немаме откупни центри епа затоа владата на ВМРО-ДПМНЕ се обврзува дека ќе вложи 800 милиони евра само за земјоделците. Ќе ги реновираме сите водоводни канали. Ќе воведеме откупна загарантирана цена и ќе отвориме нови откупни центри.

Тој рече и дека ВМРО-ДПМНЕ во својата програма ветува 5 000 денари покачување на пензиите за сите. Ветуваме проширување на позитивната листа на лекови. 250 милиони евра директна помош за Општините.

„ВМРО-ДПМНЕ ветува реализација на следните проекти: Изградба на делницата од Страцич (Чатал) до Длабочица како дел од експресниот пат А2, од Ранковце до Крива Паланка од патниот коридор 8 до Република Бугарија. Ќе се работи на изградба на канализациона мрежа за Опила, изградба на патен правец с. Петралица до село Баратлија, изградба на општински пат Радибуп до Средна маала, како и повеќе други проекти кои заедно со Општината Ранковце ќе ги реализираме“, нагласи Ковачки и додаде:

За сето тоа потребна ни е поддршка, масовната излезеност за пет дена од сега ни е многу важна. Поддршка на 24-ти април за г-ѓата Гордана Силјановска Давкова. Потоа на 8-ми мај да славиме голема и убедлива победа, да си ја вратиме Македонија.

The post Ковачки: ВМРО-ДПМНЕ ветува 800 милиони евра за земјоделците, реновирање на сите водоводни канали, загарантирана откупна цена и нови откупни центри appeared first on Република.

Ковачки: Претседател како Пендаровски, кој е нем посматрач на крадењето, народот не заслужува

Nena — Wed, 17 Apr 2024 20:11:39 +0000

Носителот на ИЕ3 и член на ИК на ВМРО-ДПМНЕ, Драган Ковачки од митингот во Велес порача дека е време за промени, Македонија повторно да биде горда. Велешани заслужуваат посветла иднина и просперитетна држава, а тоа е можно само со ВМРО-ДПМНЕ и идниот претседател на државата, Гордана Силјановска Давкова.

„Изминативе 7 години наместо да живееме, ние преживуваме. Наместо да ја водат државата напред, владата на ДУИ и измеќарите од СДС секојдневно приредуваа нови скандали и коруптивни афери. Наместо да имаме богати граѓани, изминатите 7 години имавме богати министри на кои богатството секојдневно им се окрупнува, додека вие осиромашувавте. Во секој тендер гледаа процент, а од секоја работа имаа екстра заработувачка“, рече тој.

„Затоа сега влегуваме во финалето за конечно враќање на Македонија во рацете на граѓаните, и конечно ставање крај на ова неспособно и криминално владеење на корумпираните од СДС и ДУИ. Ова е последна шанса за победа на Македонија“, нагласи Ковачки.

Тој посочи дека Владата на СДС и ДУИ донесе само беда и сиромаштија. Наместо да испорача резултати за граѓаните, Ковачевски Димитар слугата на Али Ахмети, испорача се што му беше наредено од ДУИ. Затоа во Македонија граѓаните имаат чувство дека се граѓани од втор ред, бидејќи државата е во рацете на неколкумина кои што глумат елита, додека овој народ, едвај преживува.

„Оние од ДУИ се однесуваат како Македонија да е нивна сопственост. А, тоа им го дозволи Ковачевски Димитар, кој е продолжена рака на Зоран Заев, бидејќи тој истиот на нелегитимен начин, за да седне во таа незаслужена фотелја беше поддржан од Ахмети“, појасни Ковачки.

Ковачки укажа дека Пендаровски Стево, наместо да им се спротивстави, мудро набљудуваше и молчеше. За ниту еден криминален скандал и афера од страна на ДУИ и измеќарите од СДС, збор не изусти, само за да му се додвори на Али Ахмети.

„Таков претседател, кој е нем посматрач на крадењето на Македонија, народот не го заслужува. Имавме влада и претседател на Македонија кои на секое ново национално понижување и негирање на државата, молчеа и не се спротивставуваа. Имавме влада и претседател кои се откажаа од македонскиот јазик, историја и идентитет, само за да им се допаднат на оние од надвор. Прифатија се што им се стави на маса, и го понижија Македонецот и македонскиот народ“, истакна Ковачки.

„За ова и секое претходно понижување мораме да ги казниме. А, тоа се случува на денот на изборите. Најпрво на 24-ти април, а после и на 8-ми мај. Да ги поразиме и да ги испратиме на темната страна на историјата. Да ги испратиме и да им покажеме дека македонскиот народ е за промени. Да им се спротивставиме сплотени и обединети, со масовна излезност на изборите, затоа што тоа е единствениот начин за да ја трансформираме Македонија“, порача Ковачки.

Ковачки рече дека сега е време за промени, промените се во рацете на граѓаните.

The post Ковачки: Претседател како Пендаровски, кој е нем посматрач на крадењето, народот не заслужува appeared first on Република.

Ковачки: Пендаровски е се понервозен од малиот рејтинг и премалата посетеност на неговите митинзи

Nena — Wed, 17 Apr 2024 18:21:17 +0000

Македонија е на нозе. Промените доаѓаат не е само обична парола. Туку е вистина, начин на работа и начин на кои ние ја гледаме Македонија. Пред нас претстои период кога одлучуваме за нашата иднина и за иднината на нашата Македонија. Ова го чекавме 7 години, и оваа шанса не смееме да ја пропуштиме, 24 април и 8 мај со заокружување на бројот 2 ставаме крај на катрострофалните политики на владата на ДУИ и слугите од СДС, изјави Драган Ковачки носител на ИЕ3 на митингот во Свети Николе.

Ковачки посочи дека Македонија е обесправена и понижена, задолжена и банкротирана земја. И за тоа се виновни слугата на стопанот Али Ахмети, Димитар Ковачевски. Криминалот и корупцијата цветаат, а економијата целосно крахира. Институциите повеќе не се во служба на граѓаните, туку во служба на овие неколкумина од владата на ДУИ и СДС кои очајнички се обидуваат да се спасат.

„Знаат дека губат. Знаат дека ги чека пораз и почнуваат да стануваат нервозни. Стравот од пораз е поголем од нивниот рејтинг изминатите 7 години. Знаат дека повеќе немаат поддршка од граѓани и глумат загриженост. Глумат и се обидуваат да ве излажат. Исто како што излажаа пред 7 години дека ќе донесат живот, а донесоа само беда и сиромаштија“, истакна Ковачки и додаде:

Ќе дојдат и ќе ви кажат дека имале погрешни политики, дека овие избори ако им ја дадете довербата ќе се поправат. Но, ќе излажат. Затоа што не ја бараат вашата поддршка за навистина да се променат, туку бараат поддршка за да продолжат да крадат. Исто како и изминатите 7 години. Се прикажуваат како некаков европски фронт кој ќе ја движел Македонија кон ЕУ, а всушност со нив Македонија е се подалеку од Европската унија. Секогаш кога ќе се обелодени некаков криминал или скандал, устите им се полни како СДС ДУИ се проевропски ориентирани. Не, господо од СДС И ДУИ. Немате ниту Е од вашата замислена Европа. Затоа што Европа не сака политичари кои се корумпирани и на кои пола влада им е на црната листа на САД. Европа не сака криминал и корупција. Во Европа има само принципи и вредности, во кои секој кој се огрешил одговара.

„Ќе кажам неколку збора и за актуелниот претседател Стево Пендаровски кои е послушник и нем посматрач на сите погрешни политики на СДС и ДУИ. Пендаровски сака да ги купи симпатиите кај граѓаните, човекот кој 5 години освен што дава изјави, а потоа сам себе си се демантира, деновиве станува се понервозен. Што од премалата посетеност на неговите митинзи, кои повеќе наликуваат на партиски журки така и од се понискиот личен рејтинг“, вели Ковачки.

Тој истакна дека Македонија изминатите 5 години имаше претседател, каков што ниту државата, ниту граѓаните заслужуваат да имаат. Човек со образ ѓон, бесрамник кој ниту еднаш не се спротивстави на криминалот на ДУИ и СДС, само затоа што сака да им се додвори.

„Затоа овие избори се шансата за промена. Шансата за да се избере претседател на Македонија која ќе ја врати државата назад кај граѓаните. Тој избор е професорката Гордана Силјановска Давкова, која преку вистински вредности и принципи ќе покаже дека Македонија може повторно да биде горда“, посочи Ковачки и додаде:

Изборот е повеќе од јасен. Или Македонија твоја, земја горда, или Македонија каква што ја прават Пендаровски, Ковачевски и Ахмети, уназадена, опљачкана и понижена. Да го кренеме гласот и да ги донесеме промените. Затоа што силата на една држава е народот, а не корумпираната елита од ДУИ и СДС. Да излеземе масовно и да гласаме за број 2, да побараме поддршка од секој познаник и да се сплотиме. Затоа што Македонија заслужува промени. Силата е во вас, да ги донесеме промените заедно.

The post Ковачки: Пендаровски е се понервозен од малиот рејтинг и премалата посетеност на неговите митинзи appeared first on Република.

Ковачки: Со изборот на Силјановска Давкова ќе им ја вратиме Македонија на граѓаните и ќе работиме напорно и чесно

Nena — Wed, 17 Apr 2024 16:41:15 +0000

Ветуваа соживот, ветуваа повисок животен стандард, а донесоа сиромаштија, беда, хаос и мрак. Ветуваа едно општество за сите, а за жал после 7 години, никогаш не сме биле по поделени како општество. Едноставно, Македонија ни е одземена. Никогаш не било полошо, рече носителот на листата за пратеници на третата изборна единица, Драган Ковачки на митингот во Чашка.

Ковачки истакна дека досегашното делување покажува дека на оваа влада на ДУИ и слугите од СДС, поважни им се тендерите и криминалот, за разлика од тоа како живеат граѓаните и кои се нивните проблеми и ова мора да се промени, затоа овие избори се шансата за промена.

Посочи дека на Социјалдемократскиот сојуз единствено важно им е слугувањето на Али Ахмети, и криминалните бизнис зделки, единствено важно им е удобството кое го уживаат од функциите и милионите кои ги крадат од државата, затоа денеска не само што младите си заминуваат, туку си одат и цели семејства, бидејќи гледаат дека се е корумпирано и не сметаат дека може овде да си ја градат сопствената иднина.

„Затоа времето за казна доаѓа. Најпрво на 24 април, а потоа на 8 мај, имаме шанса и обврска да ги казниме и поразиме. За се што ветија, а излажаа. За се што уништија. За сите навреди и понижувања на македонскиот народ, за сите предавства и лаги. Време е да се обединиме и да им покажеме дека го креваме гласот. Бараме промени и одлучни сме како никогаш до сега“, рече Ковачки.

Пред присутните граѓани, Ковачки истакна дека со изборот на професорката Гордана Силјановска Давкова за претседател и со заокружување на број 2 на гласачките ливчиња, ќе си ја вратиме Македонија назад кај граѓаните.

„Со избор на професорката Гордана Силјановска Давкова и со заокружување на број 2 ќе си ја вратиме Македонија назад кон граѓаните. И ќе работиме напорно и чесно, на реформи и проекти кои ќе ја трансформираат Македонија напред. Ќе се избориме заедно, храбро, достоинствено, затоа што овој народ ако нешто знае тоа е да биде вреден, силен и достоинствен“, истакна Ковачки.

На крај, Ковачки ги повика присутните и сите граѓани да разговараат со секој еден познаник, да ја побараат нивната поддршка да гласа за број 2, затоа што овие избори се историска одлука и шанса за сите нас.

The post Ковачки: Со изборот на Силјановска Давкова ќе им ја вратиме Македонија на граѓаните и ќе работиме напорно и чесно appeared first on Република.

Ковачки: СДС тотално ја уништи Крива Паланка, тоа ќе се промени на 24 април и 8 мај, ВМРО-ДПМНЕ предвидува 10 милиони евра за општината за подостоинствен живот

Nena — Tue, 09 Apr 2024 09:19:01 +0000

Промените доаѓаат и во Крива Паланка. Од она што го слушнав општината е презадолжена, презадолжено е и Јавното комунално претпријатие, презадолжен е и ученичкиот дом Боро Менков, истакна Драган Ковачки, член на ИК на ВМРО-ДПМНЕ и носител на Изборна единица 3.

-Кадрите на СДС тотално ја упропастија Крива Паланка. Меѓутоа тоа ќе се промени на 24 април и на 8 мај.

Граѓаните треба масовно да излезат и да дадат поддршка за Гордана Силјановска Давкова и за ВМРО-ДПМНЕ. Зошто? Затоа што во Крива Паланка без разлика што тука има градоначалник од СДС ние ќе инвестираме 10 милиони евра само во еден мандат, за нова инфраструктура, за нов подостоинствен живот за граѓаните на Крива Паланка.

Ве очекуваме со масовна поддршка на 24 април за Гордана Силјановска Давкова, додава Ковачки.

The post Ковачки: СДС тотално ја уништи Крива Паланка, тоа ќе се промени на 24 април и 8 мај, ВМРО-ДПМНЕ предвидува 10 милиони евра за општината за подостоинствен живот appeared first on Република.

Ковачки за носителите на пратеничките листи на СДС: Само едно бледо продолжение на криминалот

Nena — Sat, 23 Mar 2024 13:25:36 +0000

Тие се само едно бледо продолжение на криминалот и корупцијата и на понижувањето на достоинството на македонскиот народ, вели Драган Ковачки, член на ИК на ВМРО-ДПМНЕ одговарајќи на прашањето кој е неговиот коментар за носителите на пратеничките листи на СДС.

Ковачки посочи дека според она што е објавено во медиумите во изборната единица 3 ќе биде заменик претседателката на СДС Сања Лукаревска, за која што рече како втор човек во партијата била директно вклучена во сите предавства на македонскиот народ.

Од тоа што можевме да го видиме во Изборната единица 3 најверојатно ќе биде заменик претседателката на СДС односно втор човек, лице кое што е директно вклучено во сите предавства на македонскиот народ. Лице кое не превенира, односно не била гласна во делот на крадењето на Македонија и понижувањето. Во изминатиот период сите скандали за кои што сведочи македонската јавност можат директно да се поврзат со второто лице на СДС, рече Ковачки.

https://www.youtube.com/watch?v=y3tTvsg2_ME&embeds_referring_euri=https%3A%2F%2Fkanal5.com.mk%2F&source_ve_path=Mjg2NjY&feature=emb_logo

The post Ковачки за носителите на пратеничките листи на СДС: Само едно бледо продолжение на криминалот appeared first on Република.

Ковачки го прозва Пендаровски: Кој нареди инструменти од воениот оркестар да се употребат на партиски собир?

Nena — Mon, 04 Mar 2024 19:24:01 +0000

Како е можно инструменти од воениот оркестар на АРМ да бидат на партиски собир на СДС? Во која НАТО држава е дозволена ваква злоупотреба, го праша пратеникот на ВМРО-ДПМНЕ Драган Ковачки врховниот командант Стево Пендаровски.

Ајде врховен команданте Стево Пендаровски (уште 60 дена), одговорете што ќе преземете во врска со злоупотребите и уривањето на професионалните стандарди во АРМ.

Како е можно службени инструменти од воениот оркестар на АРМ да бидат на партиски марш на СДС? По чија наредба офицери на воениот оркестар поддржуваат партиски настан? Има ли дневници за ангажираните офицери на партискиот собир? Во која друга НАТО држава е дозволена ваква злоупотреба“, пишува во реакцијата на Ковачки објавена на неговиот фејсбук-профил.

The post Ковачки го прозва Пендаровски: Кој нареди инструменти од воениот оркестар да се употребат на партиски собир? appeared first on Република.

Ковачки: Од автоматско оружје пукаат и други лица, во присуство на челници на СВР Битола, оружјето не е најдено, ниту сите пукачи се повикани во полиција

Nena — Wed, 30 Aug 2023 12:04:03 +0000

Оливер Спасовски мора под итно да понесе одговорност. Кој стигне пука од огнено оружје и го загрозува јавниот ред и мир, а МВР молчи, рече на денешната прес-конференција пратеникот Драган Ковачки.

-Денеска ќе објавиме втор дел од видеото на кое се гледа дека не само командирот, туку и други лица пукале со автоматското оружје во Ропотово. Автоматското оружје од кое е пукано се’ уште не е пронајдено. Значи, оружјето не е пронајдено, а ова лице воопшто не е ниту повикано на разговор во станица. Со цел да се забошоти случајот со предизвикување на општа опасност од страна на командир на полиција, на други полициски службеници и воени лица, како и цивили кои пукале со автоматско оружје кое се’ уште не е пронајдено, го објавуваме видеото од лице кое мора да биде сослушано и да каже од каде му е и каде е автоматската пушка? службена ли е – полициска ли е, како може автоматско оружје да се најде во раце на лице кои можеби и не е полицаец? Според информациите доставени до нас, од страна советник на министерот Спасовски, кој е вработен после неуспешниот обид да стане градоначалник, дадена е насока да се направат пропусти во случајот и истиот да се забошоти. Да потсетиме, на настанот имало присутно лице од најтесното раководство на СВР Битола и истото лице наместо да го спречи или пријави настанот, истиот го прикрил! Сакајќи да ја покријат неспособноста и аздисаноста во МВР, Оливер Спасовски и неговите советници откако реагираа пост-фестум со демек расчистување на настанот, а по принципот – секое чудо за 3 дена, мислат дека ова ќе се заборави. Министре Спасовски, од институцијата МВР направите пародија, истакна Ковачки.

Не може Вашите партиски и коалициски приоритети да Ви се пред безбедноста на граѓаните. Оставка веднаш! Додава Ковачки.

https://www.youtube.com/watch?v=5z9Vi_rEnKg&embeds_referring_euri=https%3A%2F%2Fkurir.mk%2F&source_ve_path=MjM4NTE&feature=emb_title

The post Ковачки: Од автоматско оружје пукаат и други лица, во присуство на челници на СВР Битола, оружјето не е најдено, ниту сите пукачи се повикани во полиција appeared first on Република.

Ковачки: МВР крие дека пушката со која е пукано во Ропотово не е пронајдена, Спасовски е директно одговорен за башибозукот во МВР и во државата

Nena — Tue, 29 Aug 2023 11:46:32 +0000

МВР на Спасовски знаеше, но молчеше за настанот на кој командир на полициска станица, други полициски службеници, воени лица и замислете и во нивно присуство и други лица-цивили, предизвикувале општа опасност и употребиле автоматско и друго оружје чисто за своја разонода во сред населено место и во толпа народ, објави Драган Ковачки, пратеник и член на ИК на ВМРО-ДПМ.
-Според соопштението од МВР, во текот на акцијата за апсење на горенаведените лица кои со своите дејанија можеле да предизивикаат тешки последици, т.е. при претреси биле пронајдени поголема количина разновидно оружје и муниција, а за командирот на станицата била поднесена пријава само за предизвикување на општа опасност.
Тоа што не го кажува МВР е дека автоматската пушка од која пукаше командирот на станицата не е пронајдена, а што е уште потрагично, на настанот присуствувале и лица од најтесното раководство на СВР Битола во чие присуство се случувало дивеењето со огнено оружје.
Оттука се поставуваат прашањата:
1. Зошто на припадници на МВР и на АРМ им се потребни нелегални пушки, пиштоли итн?
2. Како е возможно во присуство на командир на полиција, како и на други полициски службеници, да се дозволи употреба на огнено оружје и од други лица, воени лица и цивили?
Во борбена зона ли се наоѓаат учесниците на настанот или во сред населено место на земја членка на НАТО и кандидат за ЕУ?
3. Ќе има ли кривична одговорност за раководните од СВР Битола затоа што го сокриле настанот?
*Г-не Спасовски, време е за оставка.
Со свесно непреземање, а и со свесно-изнудено и ненавремено односно пост-фестум преземање на мерки, се стимулира растот на криминалот во државата.
Вие сте 8-ма година министер и сте директно одговорен за башибозукот во МВР и во државата.
Под Ваше раководство на МВР, нарко банди се пресметуваат во строг центар на Скопје, ниедно убиство немате расветлено, а полицијата и Ваши началници и командири кои лично Вие сте ги поставиле, наместо да се занимава со спроведување на законот и редот и да овозможи безбедност на граѓаните е директно вклучена во кршење на законите и предизвикување на опасност.

The post Ковачки: МВР крие дека пушката со која е пукано во Ропотово не е пронајдена, Спасовски е директно одговорен за башибозукот во МВР и во државата appeared first on Република.

Ковачки: Демолирањето на возилото на портпаролката Митева нема да не спречи да ги објавуваме скандалите на ДУИ И СДС

Nena — Mon, 24 Jul 2023 20:31:01 +0000

„Случајот со демолирање на автомобилот на портпаролката на ВМРО-ДПМНЕ не е поврзано со уставните измени туку со обелоденувањето на криминалот, кој што ние како политичка партија секојдневно го обелоденуваме. А, посебно нашата портпаролка, и другите наши портпароли, нашите пратеници ги изнесуваат криминалите скоро секојдневно поврзани со Демократската унија за интеграција, а пред се и за Социјалдемократскиот сојуз како нивен извршител односно нивен измеќар во Владата на Република Македонија“, истакна Драган Ковачки, пратеник и член на ИК на ВМРО-ДПМНЕ во емисијата „За или против“ на Алфа телевизија.

Ковачки додаде дека она што се случи со автомобилот на портпаролката е порака, но таа порака доаѓа од немоќ, од страв. А, сето тоа е доказ и потврда дека од власта се свесни дека доаѓа крајот, се свесни дека после крајот доаѓа и одговорност и дека пардон нема да има.

„Ние нема да престанеме со објавување на скандали туку напротив дополнително ќе продолжиме да ги изложуваме сите скандали во јавноста. И ќе бараме одговорност за овие скандали. Ќе бараме надлежните институции да постапуваат по скандалите кои што ги објавуваме, по криминалите кои што секојдневно ни се случуваат. Срамота е во една држава толку скандали да има, имаме хиперинфлација на скандали секојдневно за криминали и корупција, а да немаме никакво процесуирање. И сето тоа со непроцесуирањето на овие скандали кои што ги објавуваме секојдневно се должи на тоа што системот е корумпиран од МВР преку ЈО до судството, а сето тоа е под капата на ДУИ и Социјалдемократскиот сојуз“, рече Ковачки.

Тој посочи дека и покрупните скандали немаат разрешница за жал, сето тоа се заташкува од страна на институциите. Но, доаѓа време кога ВМРО-ДПМНЕ ќе дојде на власт и тогаш сите ќе одговараат пред словото на правдата.

The post Ковачки: Демолирањето на возилото на портпаролката Митева нема да не спречи да ги објавуваме скандалите на ДУИ И СДС appeared first on Република.

Ковачки: Органите треба да истражат што се правело со ова возило и што се друго крие Груби

Nena — Mon, 24 Jul 2023 17:14:47 +0000

СДС, вклучително и министерот за внатрешни работи се кираџии во владата, тие не одлучуваат за ништо, тоа што ДУИ ќе го намисли, тоа и го прави, односно челниците на ДУИ, вели пратеникот и член на ИК на ВМРО-ДПМНЕ, Драган Ковачки за „За или против“ на Алфа говорејќи за запаленото возило на Артан Груби при што посочи дека не очекува да има истрага, но и прашува како е можно МВР да дозволи звучна и светлосна сигнализација, ако не се водело на негово име.

Случајот со палењето на автомобилот кој го возел Артан Груби, а испадна дека е регистриран на друго лице, ја покажува неспособноста и немоќта на СДС во владата. Погледнете што се случува пријавувањето на опожареното возило го пријавува комшијата, односно сопственикот на фирмата. Од МВР излегуваат со известување до медиумите, дека тоа пријавување е од комшијата, а не од Артан Груби, рече Ковачки.

Ковачки посочи дека и Бујар Османи, Крешник Бектеши излегуваат со статус дека тоа возило е на Артан Груби, но и владата излезе осуда за палењето на Артан Груби.

– Сите потврдуваат дека тоа возило е Артан Груби, а факт е дека тоа возило се води на фирма. Како е возможно да се случи еден вицепремиер кому му следува по закон обезбедување, возила итн, како е можно никој да не знае дека тој го вози тоа приватно возило? Како е возможно МВР да одобри да се стават светлосна и звучна сигнализација на тоа возило кое не е во сопственост на државата? – прашува Ковачки.

Тој додава дека органите треба да истражат што се правело со ова возило и што се друго крие Груби.

– Артан Груби требало да биде доблесен и да го пријави тоа возило, тој не го пријавил не сакал да се води на негово име. Прашање е што се друго не е пријавено од Артан Груби? Можеби и друг имот има кој не е откриен кој органите треба да го истражат. Можеби на прв поглед излегува дека станува збор за само едно возило кое исто така не е мала работа, но факт е дека веројатно истрагата може да доведе и до други работи, изјави Ковачки.

The post Ковачки: Органите треба да истражат што се правело со ова возило и што се друго крие Груби appeared first on Република.

Ковачки: Ако Петровска немала хациенда тогаш зошто во 2019 има неплатена сметка за струја од 10.000 евра?!

Маја Петровска — Tue, 20 Jun 2023 18:30:19 +0000

Пратеникот на ВМРО-ДПМНЕ, Драган Ковачки преку социјалните мрежи и се обрати на министерката за одбрана Славјанка Петровска и ја повика да одговори зошто ако го продала имотот во 2009 година тогаш во 2019 година има неплатена сметка за струја на име на нејзиниот татко во износ од 10.000 евра.

Министерката за одбрана Славјанка Петровска секој ден се дозаглавува се' повеќе.
Демек, нејзино било земјиштето, ама го продала во 2009 и тоа без хациенда.
Ок.
Еве ако немало хациенда на тоа земјиште, тогаш зошто во 2019 има неплатена сметка за струја од 10.000 евра на име на нејзиниот татко, патем речено и таа лично се водела на таа адреса по лична карта?
Зарем на земјиште (нива) без изграден објект - хациенда некој туку така ќе направи толкава сметка за струја и кој е тој што тоа ќе му го дозволи?
Логично е дека за да направите сметка од 10.000 евра, треба или да копате биткоини или да полните базен.
*Инаку, за 2 неплатени сметки за струја се исклучува струјата, ама очигледно тоа не важи за поединците како госпоѓата министерка.
Еве ја сметката, јавен интерес е, нека види јавноста па нека демантира почитуваната, вели Ковачки.

The post Ковачки: Ако Петровска немала хациенда тогаш зошто во 2019 има неплатена сметка за струја од 10.000 евра?! appeared first on Република.

Ковачки: Беровскиот регион е целосно заборавен, идната Влада на ВМРО-ДПМНЕ подеднакво ќе ги развива сите делови од државата

Маја Петровска — Sun, 11 Jun 2023 17:50:14 +0000

„Денеска продолжуваме со акцијата „Ова е Македонија за сите“. Денеска сме во посета на населените места Двориште и Владимирово во Општина Берово и овде граѓаните се разочарани од централната власт. Она што можеме да видиме е дека недостига откупот на македонското јагне“, истакна пратеникот и член на ИК на ВМРО-ДПМНЕ Драган Ковачки при денешната теренска активност на ВМРО-ДПМНЕ.

Тој посочи дека луѓето се разочарани за тоа што нема откуп за компирот кој го произведуваат, а нема ниту автобуска линија која ги поврзува граѓаните со Берово или понатаму со Скопје. За жал ниту се изгради клиничкиот центар кој поради криминални афери на СДС и ДУИ не беше завршен.

„Граѓаните од овој крај плаќаат скап такси превоз за да добијат медицински услуги. Граѓаните исто така од овој крај се разочарани поради одлуката на министерот за здравство да дозволи на странски државјани да користат услуги по исти цени како и нашите граѓани што ги плаќаат даноците. ВМРО-ДПМНЕ како одговорна политичка партија има визија, план и програма како да ги развива регионите подеднакво“, истакна Ковачки.

[embed]https://www.youtube.com/watch?v=t0IrrUrXui8[/embed]

The post Ковачки: Беровскиот регион е целосно заборавен, идната Влада на ВМРО-ДПМНЕ подеднакво ќе ги развива сите делови од државата appeared first on Република.

Ковачки до Петровска: Министерке, зошто криете апсење на оперативци во Косово и дали истражувале шверц од припадници на мисијата таму?

Nena — Sat, 25 Mar 2023 12:49:58 +0000

Пратеникот од ВМРО-ДПМНЕ, Драган Ковачки и одговори на министерката за одбрана Славјанка Петровска, на како што вели, нејзините обиди за негова лична дискредитација.

-Не се сметам за министер за одбрана во сенка. Јас сум пратеник во Собранието на РМ, а колку сум успешен ќе ценат граѓаните, не Вие. Вие сте дел од извршната власт и треба да одговарате пред нас пратениците, а не обратно. Второ, за тоа дека сте сигурна во Вашето тврдење дека станува збор за измислен настан со приведувањето на оперативците, станете и кажете и’ на македонската јавност зошто криете и дали приведените припадници на военото разузнавање биле да истражуваат повеќегодишна појава на шверц на акцизна и друга роба од страна на припадниците кои се на мисија во Косово?, прашува Ковачки.

Пратеникот ја праша министерката и кој ги селектираше и ги прати тие лица на Косово, таа или некој друг.

-До толку сте неспособни што поради партиско-криминални интереси дозволивте да се изгуби авторитетот во одбраната и секој да прави што сака и за тоа да не одговара. Сега откако цела АРМ знае за недозволените активности, решивте да ја ангажирате воената служба за безбедност да Ви ја покрива Вашата неспособност.

Зошто барате да Ви го покажам документот дека двајца оперативци кои биле пратени на Косово и дека биле приведени заради сомнителни активности, кога и сама знаете дека документот е класифициран и јас не би можел да го поседувам бидејќи вашите служби напишале дека сум бил НЕПОДОБЕН за безбедноста на државата. (?!)

Трето, станете и кажете колку време знаете за оваа појава и зошто сте неспособни да ја сузбиете истата и зошто тие што требало тоа да го сузбијат ги наградивте со девизни плати? Дали затоа што ги злоупотребивте и наместо да се борат со криминалот, вие успешно ги насочивте кон ВМРО-ДПМНЕ?

До каде отиде Вашата забеганост, да барате информации за тоа кој во каква облека спортува на кејот на Вардар?

Брука.

Се срамам што сум дел од времето во кое се распаѓа македонската одбрана под егзибиционизмот на Шекеринска и Славјанка Петровска.

** Делот од Вашето интервју каде ја објаснувате борбената готовност на АРМ нема да го коментирам, нека Ве ценат Вашите потчинети?, стои во објавата на Ковачки на Фејсбук.

The post Ковачки до Петровска: Министерке, зошто криете апсење на оперативци во Косово и дали истражувале шверц од припадници на мисијата таму? appeared first on Република.