В среда,на 20 ноември, од 21 часот во „Котур“ ќе се одржи концерт на Psychedelic Trips Тo Death од Солун и Will Discuss од Скопје.

Psychedelic Trips Тo Death се енергичен пост-панк/ноиз бенд кој доаѓа од Солун. Формирани се во 2010 година и се едни од предводниците на солунската алтернативна сцена. Нивниот мрачен и дистописки звук вградува елементи на психоделичен рок, индастриал и експериментална електроника. Со беспрекорна напнатост, од метрономските пулсации на воведните тактови, преку заканувачките вокали до цврстите бас линии, тие создаваат френетични и параноични звучни пејзажи кои влегуваат под кожата.

Како локална поддршка ќе настапат Will Discuss од Скопје. Се работи за отворен колаборативен проект на Тодор Караколев (електроника, вокал), овојпат заедно со Кристијан Савиќ (гитара). Во спонтана музичка (де)компресија тие создаваат психоделична музика за танц. Нивниот деби албум излегува наскоро во издание на Стотројка.

The post Концерт на пост-панк/ноиз бендот „Psychedelic Trips To Death“ во Котур appeared first on Република.

Тимот на Кафе и филм КОТУР, го преставува шесто издание на Ѕирни – Фестивал на филм и музика кое ќе се одржи од 30.09. до 10.10.

Концептот и годинава е коктел од филмови, концерти, тетарски претстави, интервіуа, изложби, вкусна храна и внимателно селектирана музичка програма.

Оваа година официјалната селекција на кратки филмови, кои се натпреваруваат за наградата „Данчо Чеврески”, станува интернационална, а се воведува и уште еден натпреварувачки дел во програмата – интернационални кратки студентски филмови.

Во ова издание на фестивалот по вторпат ќе се одржи и 48 часовниот филмски предизвик. Ќе уживаме и во маестралните улоги во филмски проекции посветени на Мето Јовановски. На наше големо задоволство, покрај кино салата на @koturkafeifilm, оваа година фестивалот ќе се одржи и на нови локации. Филмови и концерти ќе гледаме на Плочник, а тетарска претстава во Лабораториум” велат организаторите.

The post „Ѕирни“ – Фестивал на филм и музика во „Котур“ по шести пат appeared first on Република.

Во мултимедијалниот простор „Котур“ во Скопје вечерва, на 20 септември, „Диско принцип“, настан со диско музика, во организација на Гете инситтот во Скопје, во соработка со „Партизанска штампа“, „5060“ и „Канал 103“.

Според највата, во живо ќе настат Македонка, дуото Пепи и Шабан и Тодор Караколев, а музика ќе пуштаат Јоана Ристеска и Стефан Алијевиќ. Колективот „Партизанска штампа“ ќе се претстави со интервенција во простор насловена „Ненаситен дисколаж“.

Во октомври 1959 година, поранешниот ресторан The Scotch Club во Ахен, Северна Рајна Вестфалија, се трансформира во сала за игранки. Газдата штедел на бендови и решил да користи плочи. Hier kommt младиот Klaus Quirini (подоцна DJ Heinrich) кој го зачнува она што потоа во светот стана познато како „диско“.

Диско ерата делуваше како култура за формирање идентитет, како израз на движења за општествено ослободување, на музички иновации и танцова извонредност. Таа имаше влијание врз модата, внатрешниот дизајн и вопшто врз целоснaта култура на живеење.

65 години подоцна, не сакаме само да се сеќаваме на тоа, туку и да покажеме како сцената денес се однесува кон феноменот „диско како принцип“, најавува организаторот.

The post Вечерва „Диско принцип“ во „Котур“ appeared first on Република.

Петтото издание на FAME’S Institute Unplugged сесиите ќе се одржи денес со почеток во 20:00 часот во „Котур“.

На овој уникатен концерт ќе имате прилика за првпат да слушнете класична музика на подрумската сцена во КОТУР и да ја слушнете одличната програма за камерна музика која ја подготвуваат студентите на FAME’S Институтот од различни европски земји, под менторство на светски реномираниот виолист Питер Барсони и диригентот Јоаким Бадиа @joaquim_badia, како дел од активностите во рамки на нашите мајски семинари, се вели во објавата од огранизаторот.

Влезот е слободен.

The post FAME’S Institute Unplugged Session во КОТУР appeared first on Република.

Вечерва, со почеток од 21:30 часот, во Котур ќе може да уживате во концертот на скопскиот бенд JUNE (ЏУН).

Целата работа околу Џун е ентузијазмот на луѓето кои свират во бендот и тоа што сите ја сакаат музиката како воздух и вода. Бендот е основан во Скопје во 2010 година оставајќи значеаен белег на македонската музичка сцена носејќи свежина, свирејќи емотивни мелодии и раскажувајќи искрени приказни. Нивната музика е мешавина од инди – поп и софт – рок зачинета со кантри и фолк. Досега имаат издадено три албуми „Someday Soon“ (јуни 2012), „Indian Summer“ (декември 2014) и „Living for the Weekend“ (март 2017), а го подготвуваат својот нов, четврти албум.

Членови на бендот се:
Бојана Низамовска: Вокал и гитара
Филип Арсов: Вокал и гитара
Данчо Поповски: Бас
Јане Трајковски: Гитара
Дарио Циевски: Тапани

Билети: 200 денари во претпродажба од барот на @koturkafeifilm и 300 денари на денот на концертот.

The post Концерт на скопскиот бенд JUNE вечерва во Котур appeared first on Република.

Во Котур Кафе и Филм во Скопје вечер ќе се одржи премиера на интердисциплинарниот перформанс „Два пати Мери“, кој комбинира изложба на фотографии, театарска претстава, видео и поезија.

Перформансот се изведува од два тима во исто време на две различни локации, во Прага и во Скопје. Публиката ќе може низ сите канали да го следи животот на двајца луѓе, да види како се претвораат во насилник и жртва, и која е улогата на општеството во таа трансформација.

Перформансот е организиран од „Скоро Театар“, а финансиран од Министерството за надворешни работи на Кралството Норвешка и СМАРТ БАЛКАНС - Граѓанско општество за поврзан Западен Балкан, и реализиран со поддршка и во соработка со Котур Кафе и Филм.

-Целиот перформанс е инспириран од македонски (и балкански) традицонални поговорки кои ја пренесуваат „мудроста” од генерација на генерација, оставајќи траги и лузни, велат организаторите.

Реприза на перформансот ќе се одржи утре. Во Скопје играат Матеа Јанковска и Никола Ристески, а од Прага преку видео Виктор Бужаров и Иф Атанасова. Текстот на перформансот е на Натали Спасова а пооезијата на Иф Атанасова. Во перформансот исто така е поставена и фото изложбата на Филип Куновски а музиката е на Александар Бошков.

The post Премиера на интердицсиплинарниот перформанс „Два пати Мери“ appeared first on Република.

Од 18 до 26 април во „Котур“ ќе се одржи четвртата филмска азбука, овој пат посветена на творештвото на еден од најзначајните македонски режисери Столе Попов. За време од две седмици ќе бидат прикажани трите документарни филмови и петте долгометражни играни филмови на Попов.

Освен тоа ќе биде поставена и изложба на филмски постери, карикатури и фотографии од филмовите на Столе Попов, како и од процесот на работа на истите.

Билетите за филмските проекции се со цена од 100 мкд и можете да се набават од Котур.
Програма по денови:

18.04 ВТОРНИК
📽 19.30ч | Котур кино сала | Проекција на документарните филмови на Столе Попов :
ОГАН | 1974 | колор со звук | 12 минути;
ДАЕ | 1979 | колор со звук | 15 минути;
АВСТРАЛИЈА, АВСТРАЛИЈА | 1976 | колор со звук, 82 минути.

19.04 СРЕДА
📽 19.30ч | Котур кино сала | ЦРВЕНИОТ КОЊ| 1981 година | игран филм | колор со звук | 124 минути | режија Столе Попов | сценарио Ташко Георгиевски.

21.04 ПЕТОК
📽 19.30ч | Котур кино сала | СРЕЌНА НОВА `49| 1986 | игран филм | колор со звук | 125 минути | режија Столе Попов | сценарио Гордан Михиќ.

🎧 21:30ч | музичка селекција на плочи ЏАЏО ДООЕЛ

24.04 ПОНЕДЕЛНИК
📽 19.30ч | Котур кино сала | ТЕТОВИРАЊЕ | 1991 | игран филм | колор со звук | 128 минути | режија Столе Попов | сценарио Мирко Ковач.

25.04 ВТОРНИК
📽 19.30ч | Котур кино сала | ЏИПСИ МЕЏИК | 1997 | игран филм | колор со звук | 128 минути | режија Столе Попов | сценарио Владимир Блажевски.

26.04 СРЕДА
📽 18.00ч | Котур кино сала | ДО БАЛЧАК | 2014 | игран филм | колор со звук, 35 мм | 165 минути | режија Столе Попов | сценарио Горан Стефановски.

The post Филмска азбука посветена на творештвото на Столе Попов во „Котур“ appeared first on Република.