Вечерва, со почеток во 20:00 часот во едукативно културниот центар „Лабораториум“ во Скопје, ќе се одржи петтото издание на „Cotton Blues Festival“.

Овогодинешното издание на фестивалот ќе го отвори нашата млада надеж Михајло Митев.

Следуваат In The Mood, дуото основано од Сашо Ѓорѓевски и Никола Џими Петровски, кое овој месец прослави 15 години постоење. Дуото досега брои преку 4.000 настапи низ Македонија, како и на фестивали во Хрватска, Бугарија, Албанија и други клупски настапи низ Европа. На Cotton Blues Festival, во живо ќе го промовираат нивното EP “Breeding ground for blues” На денот на фестивалот, ќе бидат достапни и примероци од EP-то.

После нив, ќе настапи великанот на блузот Alvin Youngblood Hart со акустичен сет. Hart има добиено Греми во 2005 година за албумот Beautiful Dreamer, а беше номиниран и за албумот Down in the Alley во категоријата Best Traditional Blues Album во 2003. Меѓу другите признанија, би ги спомнале и W.C. Handy Award за најдобар музичар во 1997, како и Down Beat magazine award за најдобар блуз албум (Territory,1999).

И за крај, следи голема блуз рок журка со триото од Австралија, Rob Tognoni Band. Триото има нов албум и моментално се на светска турнеја. После Скопје, тие ќе настапат во Германија, Австрија, Италија, Романија, Холандија, Белгија, Англија…Се работи за 38 настапи само во Европа. Новиот албум има наслов Rebel, со промовирани два сингла досега, а на албумот се забележува и преработката на Whiskey in the Jar од Thin Lizzy. Rob има зад себе 27 албуми и соработувал и свирел со легенди како Roy Buchanan, Lonnie Mack (ментор на Stevie Ray Vaughan), Joe Walsh од The Eagles, Peter Green, Johnny Winter, ZZ Top, Sting и Bo Diddley. Влијание има од Cream, Hendrix, BB King, но и од AC/DC, а тоа може да се почуствува на неговите албуми, и посебно на живите настапи.

На овогодинешното издание на Cotton Blues Festival, ќе се организира работилница за изработка на акустични гитари со Јани Павеза, а Ридан Андреев е домаќин на настанот. Ридан е гитарски ентузијаст, вљубеник во блузот и чест посетител на блуз концертите. Ридан се запозна со Павеза минатата година и тие одлучија соработката да ја продолжат и оваа година. Работилницата ќе започне во 14 часот во Лабораториум во т.н. училница.

Најновото музичко издание на Игор Станоевски – Iggy Man насловено како Bad People, ќе биде прв пат претставено на Cotton Blues Festival. Bad People содржи 5 нумери кои претставуваат сублимат од блуз, рок, ритам и блуз. На Cotton Blues Festival, EP-то ќе биде премиерно претставено како слушачка промоција после настапот на In The Mood, а пред легендарниот Alvin Youngblood Hart.

Годинава, за прв пат на Cotton blues festival ќе има вајарска колонија. Специјален гостин е Дејан Спасовиќ, мултимедијален уметник , вајар, ликовен уметник, музичар, режисер кој доби специјална покана од Игор Станоески да биде почесен гостин со што за време на настапите, ликовите на уметниците ќе бидат скулптирани на самата сцена. Сите дела од ликовната и вајарската колонија ќе бидат изложени во галеријата на културниот центар “Лабораториум”. Истите ќе бидат ставени на продажба, од кои поголем дел ќе бидат донирани во хуманитарни цели.

The post Вечерва ќе се одржи петтото издание на Cotton Blues Festival appeared first on Република.

Добитникот на „Греми“, Алвин Јангблад Харт и триото на Роб Тоњони, заедно со домашните блузери „Ин д муд“ и Михаило Митов се годинешните ѕвезди на претстојниот „Котон блуз фестивал“, кој ќе се одржи на 28 ноември во „Лабораториум“.

Фестивалот секоја година има хуманитарна нота, па така минатата година заработката била донирана за да се купи мобилен ЕЕГ-апарат за КАРИЛ, а годинава парите од влезниците ќе бидат донирани за Детска онкологија.

[caption id="attachment_842179" align="alignleft" width="639"] д-р Ѓорги Паскалов
фото: ФБ/ Cotton Blues Festival[/caption]Педијатарот Ѓорѓи Гого Паскалов, еден од основачите на фестивалот чие издание годинава ќе се одржи по петти пат, во интервју за Нова Македонија вели:

После неколку години се остваруваат контакти, кои го прават процесот полесен. Алвин Јангблад има гостувано во Скопје пред многу години, Роб Тоњони е за првпат. Сите досега што гостувале знаеле за земјава, мислам дека тоа се должи и на „Блуз и соул фестивалот“ што со децении ја ставаше Македонија на светската блуз-мапа.

Котон блуз фестивал се одржува благодарение на самофинасирање, а заработените пари се донирани во хуманитарни цели. На ова Паскалов вели:

– Не се самофинансираме од старт, првите години имавме поддршка и од Министерство за култура и од градот Скопје. Ги донираме средствата зашто сме ентузијасти што само сакаат да ја одржуваат блуз-културата, донаците главно оделе по болници. За жал, со годините станува сѐ потешко да се одржи интернационален фестивал. Секако, благодарни сме им на сите досега за поддршката.

The post Блуз легендата Алвин Јангблад доаѓа на Котон блуз фестивал во Скопје appeared first on Република.

Македонското блуз дуо „Ин д муд“ (In The Mood) со промоција во живо на EP-то „Breeding ground for blues“ ќе настапи на годинашниот јубилеен 5. „Котон блуз фестивал“.

Основани од Сашо Ѓорѓевски и Никола Џими Петровски во Скопје, „Ин д муд“ овој ноември прославуваат 15 години постоење.

Дуото има преку 4.000 настапи низ Македонија, но и на фестивали во Хрватска, Бугарија, Албанија и други клупски настапи низ Европа.

На денот на фестивалот, ќе бидат достапни и примероци од EP-то.

The post Блуз дуото „Ин д муд“ со промоција во живо на EP-то на „Котон блуз фестивал“ appeared first on Република.

Познатиот македонски ликовен и музички уметник, Игор Станоевски, заедно со уметниците Трајче Павлов, Боро Арсовски и Драган Милованов формираa ликовна колонија во склоп на Котон блуз фестивалот.

Со нивно учество, паралелно, за време на концертите, имаше и ликовно творештво, по што следуваше и изложба на делата.

Беа изработени 10 слики во различни варијации на ликови, теми и техники. Сите средства од продадените слики ќе бидат донирани.

Особено позитивно не изненади спонтаната интеракција со публиката која активно комуницираше со уметниците на сцена, истакнувајки особен интерес и задоволство. Во иднина би сакале да го прошириме форматот и да повикаме гости сликари и од други земји – Станоевски го споделува своето доживување на фестивалот.

Станоевски додава дека со такво нешто, оваа колонија ќе добие интернационален карактер, а целта е да се подобри квалитететот на презентација на делата, со придружни активности од типот на работилници и слично.

The post Цртаа и најмалите: Публиката на Котон блуз фест спонтано се поврза со уметниците од ликовната колонија на фестивалот appeared first on Република.

Музичарот од Чикаго, Мад Морганфилд, синот на славниот блузер Мади Вотерс, го круниса четвртото издание на скопскиот „Котон блуз фестивал", потврдувајќи го своето длабоко блуз-педигре.

Морганфилд ја воодушеви публиката со специфичниот, моќен вокал и харизматичното присуство на сцената, а на концертот беше придружуван од локалниот блуз бенд „Ин д Муд", овојпат во проширен состав.

Бендот го сочинуваа Сашо Ѓорѓевски на усна хармоника, Никола Петровски на гитара, Горан Попоски на тапани, Оливер Јосифовски на контрабас и Филип Димушевски на клавијатури, а тоа што особено го воодушеви и самиот Морганфилд беше инстант хемијата што овие македонски музичари ја имаа со него на сцената, иако токму овој настап им беа првите заеднички отсвирени ноти со блузерот од Чикаго.

[caption id="attachment_652724" align="aligncenter" width="640"] Фото: Марија Ѓаковска[/caption]

Морганфилд, во ниту еден момент од настапот не го криеше задоволството од тоа како нивната соработка звучи на сцената, па повеќепати им отстапуваше на секој од нив простор да се истакнат со свое соло, нешто што наидуваше на одобрување и од публиката. Во еден момент, славниот музичар јавно порача дека посакува да има и други можности да свири со овие македонски музичари.

Ви се верува ли дека немавме ниту една проба со момциве. Колку би сакал да си ги спакувам со мене во куфер и да си ги однесам назад во Чикаго – кажа Мад пред прополната сала во МКЦ, задоволно климајќи со главата од тоа што го слуша и гледа на сцената.

Пред настапот на Морганфилд, втората вечер на фестивалот ја отвори Ади Имери со соло настап, кој во, најмала рака, може да се карактеризира како уникатно инструментално доживување со кое ги замолкна присутните во салата и им го зграби целосното слушачко внимание.

Ден претходно на фестивалот настапи Мухамед Ибраими со соло концерт. Веќе познат на јавноста, Ибраими повторно покажа дека е вистински музички уникат и направи одлична атмосфера со акустичен гитарски звук низ кој покрај блуз, провејуваа и фламенко ноти.

По Ибраими свиреа „Троја бенд" од Радовиш со својот специјален гостин Игор Атанасоски, попознат како Гуру Харе, додека првата вечер заврши со мистичниот настап на триото од Данска „Трејнмен блуз".

По двата фестивалски дена одржани во МКЦ, позитивни впечатоци доаѓаат и од организаторите, здружението „Блуз Фамилија".

Ова е нашот најуспешен фестивал досега. Благодарност до сите што присуствуваа. Мислам дека покажавме дека скопската публика е желна за вакви настани и за следната петта, јубилејна година се надеваме ќе биде уште поуспешна – порачуваат од „Блуз Фамилија".

The post Би сакал да ве земам со мене назад во Чикаго: Мад Морганфилд воодушевен од свирката во МКЦ appeared first on Република.

Четвртото издание на Котон блуз фестивал, освен квалитетна блуз музика, ќе понуди и работилница за рачна изработка на гитари, од еден од најпознатите светски изработувачи на гитари, Јани Павеза, но и ликовна колонија од неколкумина македонски уметници.

Претставување на Павеза гитарите и предавање за процесот на нивната изработка , што ќе го одржи еден од најпознатите мајстори за рачна изработка на акустични и електрични гитари, Јани Павеза, ќе се одржи на 24 мај, во Горното Фоаје на МКЦ. Влезот ќе биде слободен, а случувањето ќе биде со почеток од 13:00 часот.

Во склоп на Котон блуз фестивалот, познатиот македонски ликовен и музички уметник Игор Станоевски заедно со уметниците Трајче Павлов, Боро Арсовски и Драган Милованов формираше ликовна колонија. За време на концертите, паралелно ќе има и ликовно творештво по што ќе следи и изложба на делата.

Двете вечери на Котон блуз фестивал (24 и 25 мај) ќе бидат одбележани од настапите на данското трио „Трејнмен блуз“, добитници на повеќе европски блуз-награди, како и специјалниот гостин од Чикаго и син на легендарниот Мади Вотерс, Мад Морганфилд, кој во Скопје ќе се претстави со карактеристичниот и енергичен чикашки блуз звук.

https://republika.mk/scena/muzika/bluz-dozhivuvane-vo-mkts-koton-bluz-festival-nudi-spoj-na-domashni-i-svetski-muzichki-imina/

Овие две големи светски имиња, ќе бидат придружувани, некои заедно со нив на сцената, а некои со засебни настапи, од редица македонски музичари, кои го негуваат блуз звукот.

Билетите за двете вечери на Котон блуз фестивал може да се набават онлајн, преку сајтот на МКЦ, а сите средства добиени од продажба на влезници ќе бидат донирани во хуманитарни цели.

The post Работилница за рачна изработка на гитари и ликовна колонија ќе бидат дел од Котон блуз фестивал во Скопје appeared first on Република.

Мад Морганфилд, најстариот син на еден од најславните блуз имиња на сите времиња, Мади Вотерс, ја предводи листата на учесници на годинашното 4. издание на скопскиот Котон блуз фестивал. Фестивалот ќе се одржи на 24 и на 25 мај во Младинскиот културен центар. Билетите се веќе во продажба и можат да се купат преку сајтот на МКЦ.

Фестивалот ќе го отвори маестралниот гитарист Мухамед Ибрахими на 24 мај во 20 часот. Станува збор за тешко дефиниран музички феномен, барем според постоечките музички норми, па ќе речеме дека во него има многу домашен блуз со подмножества од џез, ворлд, етно.

Истата вечер ќе настапат „Троја бенд“, чиј специјален гостин на вечерта ќе им биде македонски гитарист Игор Атанасоски, попознат како Гуру Харе.

Првата фестивалска вечер ќе кулминира со настапот на данското трио „Трејнмен блуз“, добитници на повеќе европски блуз-награди и познати по тоа што имаат современ пристап со соул зачин на изведба на блуз музиката.

Ади Имери, гитарист и мултиинструменталист, ќе ја отвори втората вечер на 25 мај во 20 часот. Тој ќе настапи со соло-перформанс инспиририран од американската госпел песна популаризирана од Блајнд Вили Џонсон (Blind Willie Johnson), кој го посветил животот на свирење госпел и блуз музика.

Фестивалот ќе го затвори специјалниот гостин од Чикаго, Мад Морганфилд, со енергичен чикашки блуз звук, кој ќе биде спој од неговиот авторски материјал со песни на неговиот култен татко Мади Вотерс. Бендот што ќе го придружува се локалните музичари, Никола Петровски (гитара), Сашо Ѓорѓевски (усна хармоника), Оливер Јосифовски (бас), Горан Попоски (тапани) и Филип Димишковски (клавијатури).

https://republika.mk/scena/muzika/sinot-na-legendarniot-madi-voters-ke-nastapi-na-koton-bluz-festival/

Билетите може да се набават онлајн, преку сајтот на МКЦ, а сите средства добиени од продажба на влезници ќе бидат донирани во хуманитарни цели.

The post Блуз доживување во МКЦ: Котон Блуз Фестивал нуди спој на домашни и светски музички имиња appeared first on Република.

Мад Морганфилд, синот на легендарниот блуз пејач и гитарист, Мади Вотерс, ќе гостува во Скопје, на четвртото издание на Котон блуз фестивал.

Шеесет и осумгодишниот Морганфилд е најстариот син на славниот блузер, кого често го нарекуваат „татко на модерниот чикашки блуз“.

И Морганфилд ја почна својата музичка кариера од блуз клубовите во Чикаго, а професионален музичар станал дури по смртта на татко му во 1983 година. Неговиот последен албум излезе лани.

Морганфилд на своите настапи изведува и песни од својот татко, со кого дели слична боја на гласот.

Котон блуз фестивал ќе се одржи на 25 мај, во Младински културен центар во Скопје, а организаторите на фестивалот „Блуз фамилија“, најави дека Морганфилд ќе биде придружуван од домашни музичари.

Голема чест и привилигија е гостувањето на вака големо музичко име, пред се знаејќи го неговото блуз педигре. А, уште поголема чест е што за време на настапот Морганфилд ќе биде придружуван од музичари од домашната блуз сцена“, велат од здружението „Блуз фамилија“.

The post Синот на легендарниот Мади Вотерс ќе настапи на Котон блуз фестивал appeared first on Република.

Организаторите на Котон блуз фестивал го најавија третото издание на фестивалот. 6 октомври, 19 часот, Кинотека Македонија. Според најавата доаѓаат Tony Holiday (USA),кој ќе биде придружен од Никола Џими Петровски, Горан Поповски и Марио Рудан Чак, како и Sweet Martha & Johnny Big Stone (ESP).

Влезот е 350 денари, а билетите се продаваат на Bileti.mk.

The post Трето издание на Котон блуз фестивал во Скопје appeared first on Република.