Намерата не е да излезам од ЗЕЛС затоа што сакам да сум надвор од ЗЕЛС, намерата е да го вклучиме алармот за Владата и одредени министри малку посериозно да пристапуваат кон проблемите со што не се соочува само градоначалникот на Струмица или „Комуналец“, се соочуваат 53 илјади граѓани, таков проблем имавме и во Гостивар, во еден период во државата околу 150 илјади луѓе беа оставени без питка вода. Требаше Костадинов да излезе од ЗЕЛС за да почнеме сега да организираме состаноци, апсолутно не. Мора да градиме одговорен пристап кон граѓаните и кон институциите.

Ова денеска го одговори градоначалникот Костадин Костадинов на новинарско прашање за неговиот став за излегувањето на Струмица од ЗЕЛС.

Тој истакна дека не сака да излезе од ЗЕЛС, бидејќи ЗЕЛС е заедница која треба да се грижи за интересот на сите општини, која треба да работи на процесот на децентрализација многу сериозно и треба неселективно, како што впрочемм посопчи, вчера биле изјавите од потпретседателите на ЗЕЛС, кои тој ги почитува и охрабрува во тој дух да се градат односите.

Додаде дека постојано е во контакт со неговите колеги градоначалници, секако и градоначалникот на Валандово и потпретседател на ЗЕЛС, Перо Костадинов, но потенцираше дека напуштањето на ЗЕЛС е во делот на состаноците и во делот на вклучувањето на алармот.

 Зошто? Струмица е четири недели без вода, тоа е само една од причините зошто го напуштив Управниот одбор на ЗЕЛС и не се појавувам на состаноците на ЗЕЛС. Тоа е многу принципиелно кога се обидуваме да исполитизираме процес како што е питка вода, не може да не очекуваме и политички одговор или реакција. Затоа велам, сега е време кога треба да седнеме на маса. Ние го решивме нашиот проблем, сега е време за седнување на маса, каде што, зборувам за ЗЕЛС, ќе ги отвориме можностите и ќе ги отвориме темите коишто се предмет на разговор и се интерес на струмичанки и струмичани - посочи Костадинов.

Тој ги наброја проектите и програмите кои се одобрени од ресорните министерства и се чека на нивна реализација.

Тука мислам на атмосферска канализација во село Муртино за која што имаме добиено средства и очекуваме да се распише јавна набавка, што со филтер станицата за питка вода во населено место Банско за која исто имаме одобрено средства и се чека распишување на јавна набавка, што со средствата од унгарскиот кредит за што до денеска немаме добиено известување на писмено, кои се причините и дали е одбиен проектот за нов градски пазар во Струмица. Се од институциите треба да добиеме на хартија. Зошто? За истото да може да го обжалиме. Имаме одлука на Влада и овде не скромно ќе се заблагодарам што е продолжен рокот, но во известувањето вели за докомплетирање на проектите, ние имаме комплетиран проект, ова не е обвинување туку е детализирање на еден процес којшто е многу важен за струмичани - подвлече струмичкиот градоначалник.

Тој се осврна и на усогласувањето на урбанистичките планови.

Ги имаме деталните урбанистички планови, го имаме генералниот урбанистички план за којшто треба да седнеме со ресорно министерство оти и тоа е развој за Општината. Знаеме дека министерот за транспорт и врски најави можност за железничка пруга низ Струмица. Како ќе имаме железничка пруга ако тоа го немаме во ГУП. Впрочем, во новиот предлог за новиот ГУП на Струмица постои железничката пруга којашто во моментот ја нема во постоечкиот ГУП. Ова се многу важни теми за коишто повикувам на разум и затоа разговорот во ЗЕЛС е така условен - истакна Костадинов.

Тој побара и за проблемот со браната „Турија“ да не разговараат тој и ресорниот министер, туку работна група која би била составена од стручни лица АД „Водостопанство“. МЗШВ и ЈПКД „Комуналец“ Струмица.

Упатувам апел и порака до надлежните институции, МЗШВ и АД „Водостопанство“ да седнеме на маса, да дискутираме за состојбата на водата во браната „Турија“, да изнајдеме решенија без разлика што тоа е нивна надлежност, ние Општина Струмица и ЈПКД „Комуналец“ сме подготвени да разговараме за можните решенија дури и на брана „Турија“. Знаеме дека Струмица сега има вода за пиење, но Општина Василево нема. Не знаеме дали утре повторно ќе има одрон во браната и повторно ќе ни се појави проблем со манган. Ова е време на прагмата, а не е време на политиката - рече градоначалникот Костадин Костадинов на денешната прес - конференција.

Заедно со раководството на комуналаното претпријатие и официјално соопштија дека водата за пиење во Струмица е здрава и безбедна покажувајќи го решението од Агенцијата за храна и ветеринарство.

Струмичкиот градоначалник се заблагодари на инспекторите на АХВ за нивната храброст да го потпишат решението и како што рече, „можеби имале и притисоци за да може да се надмине проблемот со водата за пиење“.

Упатувам сериозна порака до институциите да си ја гледат работата којашто е во нивна надлежност. Струмица била, е и ќе биде сериозен партнер на сите државни институции. За да бидеме партнер институција мора да градиме партнерски однос. Затоа, повикувам, надлежните институции-Министерството за земјоделство, шумарство и водостопанство да не го политизитраат повторно овој случај, да не наоѓаат дежурни виновници оти еве од вчера гледаме каде е вината, но тоа не е битно бидејќи не знаеме до кога ќе трае. Затоа, да седнеме како луѓе кои ја имаме честа од граѓаните да водиме институции и да носиме одлуки во интерес и за добробит на граѓаните - додаде Костадинов.

Инаку, водата за пиење во Струмица и шест населени места беше забранета за употреба пред еден месец заради зголемено присуство на манган и во последните мерења заради зголемено присуство на колиформни бактерии.

The post Намерата не е да излезам од ЗЕЛС, намерата е да го вклучиме алармот, порача градоначалникот на Струмица appeared first on Република.

Стевче Јакимовски, градоначалникот на скопската општина Карпош вчеравечер во гостување на поткаст-емисија, а коментирајќи го случајот со Општина Струмица, најави дека и Општина Карпош ќе се приклучи на најавите за напуштање на ЗЕЛС.

И јас ќе се придружам на Општина Струмица. И така одамна се спремам да ја напуштиме ЗЕЛС. Нека си прават таму партиска забава, рече Јакимовски.

Тој ја поучи и градоначалничката на Градот Скопје, Данела Арсовска, да го направи истото, оти градот бил  главен финасиер на ЗЕЛС, а за возврат не добивал ништо.

Во овие повлекувања, нога повлече општина Струмица, од каде најавија дека ќе ја напуштат Заедницата на единиците на локална самоуправа (ЗЕЛС).

Ова на својот фејсбук-профил го објави градоначалникот на Општина Струмица, Костадин Костадинов, посочувајќи дека денеска за ова ќе подготви и официјален допис, во кој ќе ја извести ЗЕЛС оти не ја заслужува партиципацијата на градот со кој раководи.

Го напуштаме ЗЕЛС. Со огромна грижа кон народот на моја Струмица, со целата одговорност, обиди за соработка, партнерски однос, доволно е. Филозофија без прагма, штета за која ја плаќаат граѓаните, напиша Костадинов.

Од Агенцијата за храна и ветеринарство (АХВ) вчера информираа дека водата од струмичкиот водоснабдителен систем и натаму е забранета за пиење, иако градоначалникот Костадин Костадинов тврди дека таа е исправна и во хемиско-физичкиот состав и микробиолошки.

The post Прво Костадинов, сега и Јакимовски: Oпштините Струмица и Карпош ќе ја напуштат ЗЕЛС appeared first on Република.

Градоначалникот на Општина Струмица, Костадин Костадинов преку неговиот Фејсбук профил  соопшти дека ја напуштаат Заедница на единиците на локална самоуправа (ЗЕЛС). Тој претходно ја осуди одлуката на надлежните институции да биде продолжена забраната за користење на водата за пиење во Струмица.

-Со огромна грижа кон народот на моја Струмица, утре ќе спремам и официјален допис, ЗЕЛС не ја заслужува партиципацијата на Струмица. Го напуштаме ЗЕЛС, со целата одговорност, обиди за соработка, партнерски однос, доволно е. Филозофија без прагма, штета за која ја плаќаат граѓаните! Ова е еден од најголемите скандали во Европа за повреда на човековите права, за уставните права и слободи. За мојата Струмица, компромиси немало, нема и нема да има! Нека ви е со среќа – вели Костадинов во синоќешната објава.

Според Костадинов, борбата против Струмица продолжува и како што напиша „чекаа, калкулираа и денес преку медиуми се научивме дека не ни даваат решение за водата“.

-Решивте на грбот на народот да правите политика, скапо ќе плати некој за оваа фашистичка операција врз Струмица и струмичани. Наскоро вистината и за водата, но и за сите притисоци, врз инспектори, врз вработени во Институтот за јавно здравје (ИЈЗ) само да не се кажуваат јавно резултатите оти истите не се во прилог на политиката на Цветан Трипуновски – напиша струмичкиот градоначалник.

The post Костадинов: Општина Струмица излегува од ЗЕЛС appeared first on Република.

Одговорно тврдам, а потврда за тоа ќе бидат резултатите кои утре повторно ќе бидат објавени, дека водата во Струмица е исправна и хемиско-физичкиот состав и микробиолошки, објави на својот фејсбук профил градоначалникот на Струмица, Костадин Костадинов.

Неговата реакција доаѓа откако денеска Агенцијата за храна и ветеринарство (АХВ) соопшти дека водата за пиење не е исправна поради присуство на колиформни бактерии, а присуството на манган е во границите на дозволеното.

Според Костадинов, борбата против Струмица продолжува и како што напиша „чекаа, калкулираа и денес преку медиуми се научивме дека не ни даваат решение за водата“.

Решивте на грбот на народот да правите политика, скапо ќе плати некој за оваа фашистичка операција врз Струмица и струмичани. Наскоро вистината и за водата, но и за сите притисоци, врз инспектори, врз вработени во Институтот за јавно здравје (ИЈЗ) само да не се кажуваат јавно резултатите оти истите не се во прилог на политиката на Цветан Трипуновски, напиша струмичкиот градоначалник.

Додава дека „струмичани се трпеливи, издржале многу неправди и злобни работи и ќе го издржат и ова“.

The post Костадинов: Тврдам дека водата во Струмица е исправна appeared first on Република.

„Ќутолози“ не му се потребни на СДСМ, фер е на почетокот на мандатот да се каже можем или не можам, коментира на Фејсбук членот на СДСМ од Куманово Мартин Костовски, по вчерашната седница во новиот состав на Собранието на која Африм Гаши беше избран за претседател на Парламентот.

Главна улога на пратеникот е да зборува на говорница да брани став и да презентира политики, „ќутолози” не му се потребни на СДСМ, фер е на почетокот на мандатот да се каже можам или не можам. Срамота е Левица да го контаминира опозицискиот простор на политичката сцена. Нема страв, мора жестока акција, молкот не е конструктивност. Сакам моќен СДСМ кој ќе го дроби дпмне на говорница, напиша Костовски.

Градоначалникот на Струмица и поранешен пратеник на СДСМ Костадин Костадинов исто така реагираше на Фејсбук по срамниот настап на неговите сопартијци во Парламентот.

На почетокот беше зборот, пишува на еден преубав мозаик, дело на големиот Газанфер Бајрам, во салата за пленарни седници во Македонскиот Парламент! Да не помине, не слушнато и не видено, напиша Костадинов.

https://republika.mk/vesti/makedonija/dremevte-ko-misiri-shto-ne-go-kazha-ova-na-govornitsa-porachaa-graganite-na-statusot-na-kostadinovska-stojchevska/

The post Мартин Костовски: „Ќутолози“ не му се потребни на СДСМ appeared first on Република.

И градоначалникот на Струмица и портпарол на СДСМ Костадин Костадинов денеска испрати порака за единство во неговата матична партија.

Единството е големината и моќта на нашето функционирање и на сите животни
победи!
Тоа сме го покажале и докажале!
Двигателот за чекорење напред е нашата поврзаност, како големо семејство!, напиша тој социјалните мрежи објавувајќи фотографија од поранешниот лидер на партијата Зоран Заев.

Порака за обединување во СДСМ испрати и пратеникот Мартин Костовски:

https://republika.mk/vesti/makedonija/sotsijaldemokrati-drugarki-i-drugari-vreme-e-za-pomiruvane-i-obedinuvane-porachuva-pratenikot-na-sdsm-martin-kostovski/

The post И Костадинов повика на единство во СДСМ, тој со фотографија од Заев appeared first on Република.

Централниот регистар ја впиша струмичката градежна фирма „Синерџи груп инженеринг ДОО“, основана лани, како сопственик на телевизијата ВИС.

Една од најстарите локални телевизии во земјава, ВИС, која од 2013 година зрачи како регионален медиум на југоистокот од земјава, од пред една недела има нов сопственик, пишува порталот „Призма“.

Централниот регистар ја впиша струмичката градежна фирма „Синерџи Груп Инженеринг ДОО“, основана лани, како сопственик на телевизијата.

А сопственици на фирмата, која, од сега веќе претходниот сопственик Јанко Мицев, ја купи телевизијата се Васко Јорданов и Никола Милушев.Никола Милушев е зет за сестра на струмичкиот градоначалник Костадин Костадинов.

Повеќе на „Призма.мк“

The post Зет како мед: Зетот за сестра на градоначалникот на Струмица ја купи локалната телевизија ВИС appeared first on Република.

Во „Нешто конкретно“ изминатава недела гости беа Кристина Арнаудова, Александар Јосифовски, Костадин Костадинов и Сања Васовиќ, кои ја дискутираа темата „Поддршка или критика - што нè тера повеќе да успееме?#.

Tие ни раскажаа што сакале да бидат како мали, па дознавме дека градоначалникот мечтаел да биде пилот, а пејачката многу сакала да работи во трафика. Таа од од мали нозе барала начин самата да стигне до спонзор за песна, албум и дали добива поддршка од најблиското семејство за она што го работи.

https://youtu.be/f5EXYFwt-cg

„Нешто конкретно“ се емитува секоја недела во 17.00 часот на Телма.

The post Костадинов: Мечтаев да бидам пилот appeared first on Република.

Изборите во Бугарија завршија така како што завршија. Очекувано, ниту ниту една партија не освои мнозинство. Тенка предност има ГЕРБ на Бојко Борисов пред Кирил Петков. И на едниот и на другиот ќе му треба коалициски партнер за да состави влада.

Трета партија е „ Възраждане“ односно „Преродба“ на контоверзниот Костадин Костадинов. Лидерот кој има исто име и презиме како градоначалникот на Струмица е еден од најголемите радикали во Бугарија познат по антимакедонските ставови.

Тој на отворањето на Културно-информативниот центар на Бугарија во Скопје рече  Македонија е втора бугарска држава и оти  македонскиот јазик е дијалект на бугарскиот.

Партијата „Преродба“ или на бугарски „Възраждане“ важи за проруска и антимакедонска, антиромска и е против мигрантите.

The post Изборот на Влада во Бугарија зависи од проруска партија чиj лидер од Скопје порача дека македонскиот јазик е дијалект на бугарскиот appeared first on Република.

Вчеравечер на маскенбалот во Струмица се појави и Тито со Јованка. Градоначалникот Костадин Костадинов и неговата нова девојка пристигнаа маскирани во Маршалот Јосип Броз Тито и неговата доживотна партнерка Јованка.

Дел од пријателите на градоначалникот беа маскирани во Че Гевара, Фидел Кастро и Гадафи.

The post Костадин Костадинов и девојката како Тито и Јованка appeared first on Република.

Се случи бришење на границите на Балканот, се случи Европа без граници. Беше преубаво да се биде дел од маскенбалот во хотелот „Сириус“, и да се види како луѓе под маски од различни земји и нации заедно пеат, играат и се веселат“, истакна градоначалникот на Струмица, Костадин Костадинов, за почетокот на Струмичкиот карневал.

Хрвати, Срби, Босанци, Црногорци, Грци, Бугари и Македонци, но и гости од Шведска, Германија, Холандија,Италија, Словенија и Турција, вечерва беа едно. Можеби тоа беше најубавиот маскенбал од сите досега одржани, маскенбал каков што само може да се посака.

Им честитам на новоизбраните принц и принцеза Атанас Костуранов и Катерина Јовановска и им посакувам незаборавно учество во царската свита, на утрешната интернационална карневалска поворка.

Ако вечерва беше убаво, утревечер нека биде уште поубаво, нека биде вистинско СТРУМИЧКО ЧУДО“, вели Костадинов.

The post Костадинов: Се случи бришење на границите на Балканот, се случи Европа без граници appeared first on Република.

Со свечено предавање на клучот од градот од градоначалникот на карневалистите во Струмица почнаа осумдневните карневалски празнувања.

Со дефиле на мажуретките и Градскиот дувачки оркестар клучот беше донесен на Плоштадот „Гоце Делчев“, каде градоначалникот на Струмица, Костадин Костадинов, му го предаде на претседателот на Организациониот одбор на Струмичкиот карневал, Алексндар Цицимов.

Дочекавме уште еден симболичен почеток на Струмичките карневалски свечености, кои цели осум дена, од денес па се до 1 март, ќе бидат наше добро утро, добар ден и добровечер, а Струмица ќе биде центар на светот, како што се вели во химната на Струмичкиот карневал. Токму затоа, со многу радост го предавам „клучот на градот“ во рацете на струмичките карневалисти кои „од среда до среда“ ќе бидат стопани на Струмица. Иако станува збор за симболика во ова примопредавање, сепак теба да се знае, дека и со клуч и без клуч, Струмица секогаш е отворена и гостопримлива за сите добронамерници од земјата и странство, изјави Костадинов.

На јарболите пред Центарот за култура „Антон Панов“ во Струмица беа кренати државното и знамињата на Струмичкииот карневал и FECC.

Веднаш потоа беше отворена изложба на карневалски маски на СОУ „Никола Карев“, кое годинава слави 30 години учество на карневалот.

Карневалските празнувања утре продолжуваат со два концерти под маски на Музичкото училиште „Боро Џони“ од Струмица, а ќе се објават и резулатите од темата за проза и поезија за карневалот во организација на Библиотеката „Благој Мучето“.

The post Градоначалникот го предаде клучот од градот на карневалистите: Почнa карневалот во Струмица appeared first on Република.

Градоначаникот на Струмица, Костадин Костадинов, продолжува по стапките на својот претходник и ментор Зоран Заев, градејќи октопод од фирми во сопствеништво на блиски членови на фамилијата, со кои криминално се узурпура Струмица и струмичкиот регион, велат од Левица од каде откриваат дека зетот за сестра на Костадинов, Никола Милушев последните неколку месеци за првпат зачекорил во бизнис светот, основајќи дури пет фирми - две за производство на електрична енергија, две за градежништво и една автошкола!

Без претходно било какво бизнис искуство, зетот на Костадинов забрзано гради бизнис империја откако Костадинов е градоначалник на Струмица.

Основањето фирми за производство на струја, по примерот на жената и кумот на Димитар Ковачевски, е еднакво на воено профитерство, во услови кога граѓаните плаќаат енормна цена на струјата.

Ја потсетуваме јавноста дека ова не е прв случај на непотизам и сомнежи на судир на интереси поврзан со Костадинов. Претходно истиот беше фатен во скандал за вработување на својата мајка во државна институција, без соодветно образование и никакви квалификации, велат од партијата.

Левица ги повикува сите надлежни институции, особено Основното јавно обвинителство и Државната комисија за спречување на корупција да ги испитат условите под кои се основани овие фирми, сомненијата за корупција и судир на интереси, како и потеклото на парите со кои се основани.

The post И фамилијата на Костадинов со сенс за бизнис – нови пет фирми за струја, градежништво и автошкола appeared first on Република.

Градоначалникот на Струмица, Коста Костадинов, ја раскинал свршувачката со својата поранешна свршеница Марија Десанова, пренесува Фактор.

За потсетување, Костадин ја побара за жена Марија на 15 јануари 2021 година, односно пред околу две години.

The post Ja раскина свршувачката, струмичкиот градоначалник пак е слободен appeared first on Република.

Бугарскиот пратеник Костадин Костадинов, кој на отворањето на Културно-информативниот центар на Бугарија во Скопје рече  Македонија е втора бугарска држава, сега изјави дека македонскиот јазик е дијалект на бугарскиот.

„Што точно се осврнав на Македонија територијално, освен да кажам дека таму живеат луѓе кои се сметаат себеси за Бугари, кои зборуваат бугарски јазик, дека ние зборуваме ист јазик. Сега викаат македонски, но тоа не значи дека не се разбираме и дека секој нормален филолог во светот знае дека тоа е дијалект на бугарскиот јазик.

Македонските власт благо реагираа на овие изјави а протесна нота немеше.

https://republika.mk/vesti/makedonija/koj-e-kostadin-kostadinov-koj-srede-skopje-poracha-deka-sme-bugari-ima-proruska-partija-i-najmnogu-mrazi-makedonci-romi-i-migranti/

The post Нова провокација на Костадин Костадинов: Секој нормален филолог во светот знае дека македонскиот јазик е дијалект на бугарскиот appeared first on Република.

Ја кажав историската и реалната политичка вистина во моментов, нешто што во принцип не се случува многу често во Македонија, се пофали пратеникот и лидер на бугарската партија „Преродба“ Костадин Костадинов во интервју за БТВ, откако за време на отворањето на Културниот бугарски центар во Скопје пред новинарите рече дека Македонија е втора бугарска држава и затоа треба да бидеме една држава која ќе се протега од Црно Море до Охридско Езеро и дека македонскиот јазик е дијалект на бугарскиот.

Изјавите беа осудени од македонскиот премиер Димитар Ковачевски, кој рече дека за него лично таквите политичари воопшто не мора да доаѓаат тука, но Костадинов сепак уште официјално не е персона нон грата во Македонија.

https://republika.mk/vesti/makedonija/kostadinov-ne-e-pozelen-vo-makedonija-poracha-kovachevski/

Какви територијални претензии кажав кон Македонија, освен што кажав дека во земјата живеат луѓе кои се сметаат себеси за Бугари, кои зборуваат бугарски јазик, дека ние зборуваме ист јазик како и луѓето во Македонија. Сега го нарекуваат македонски, но тоа не значи дека не се разбираме и дека секој нормален филолог во светот знае дека тоа е дијалект на бугарскиот јазик, потенцирал Костадинов.

За изјавата дека „Бугарија и Македонија се две земји кои треба да бидат една“, бугарскиот пратеник коментира дека тоа го сакале сите бугарски преродбеници.

Од моментот кога пристигнав во Македонија, додека не се вратив назад и буквално до денес, добивам многу честитки од Бугарите од Македонија кои велат: „Конечно некој отиде и им ја кажа вистината на македонските новинари во центарот на Скопје, нагласил лидерот на „Преродба“.

The post Костадинов: Ми честитаа дека конечно им ја кажав историската вистина „един народ две држави“ сред Скопје appeared first on Република.

Бугарскиот пратеник Костадин Костадинов кој вчера ни порача дека Македонците и Бугарите се едно исто е контроверзна политичка фигура кај источниот сосед.
Партијата „Преродба“ или на бугарски „Възраждане“ важи за проруска и антимакедонска, антиромска и е против мигрантите.

Тој минатата година се пофали дека илегално влегол во Македонија и оставил бугарско знаме на тромеѓето на „двете бугарски држави и Грција“.
„Македонија е втората бугарска држава на Балканскиот Полуостров и Преродба работи на обединување на двете бугарски државни формации во една заедничка држава. Патот до ова обединување е целосна економска, културна и политичка интеграција, што ќе доведе до обновување на нарушеното единство на бугарската нација и ќе ја направи Бугарија најголема и најсилна земја во Југоисточна Европа“, пишува во програмата на Преродба .

https://republika.mk/vesti/makedonija/kostadinov-ne-e-pozelen-vo-makedonija-poracha-kovachevski/

За Костадинов отворањето на македонскиот клуб во Благоевград било провокација но не и фашистичките клубови во Охрид и Битола.

The post Koj е Костадин Костадинов кој среде Скопје порача дека сме Бугари: Има проруска партија и најмногу мрази Македонци, Роми и мигранти appeared first on Република.

Претседателот на Владата, Димитар Ковачевски ја осуди вчерашната изјава на бугарскиот пратеник и лидер на партијата „Преродба“, Костадин Костадинов кој од центарот на Скопје изјави дека „Бугарија е до Охридско езеро“.

Непримерно е човек кој е дојден како гостин во земјава да се однесува на таков начин. Вчера имавме чин на отворање на културен центар како што личи со министер на култура, на ист начин како ние што ќе отвориме во Благоевград. Такви политичари како тој вчера и уште еден што правеше видеа со мене, воопшто не се пожелни во нашата држава бидејќи тие не знаат друга политичка агенда освен ширење на немир и нетрпеливост меѓу двете земји и граѓаните, само заради свој политички интерес. За мене лично, таквите политичари воопшто не мора да доаѓаат тука - револтирано изјави Ковачевски како одговор на новинарско прашање.

Костадинов вчера присуствуваше на отворањето на новите простории на бугарскиот КИЦ во центарот на Скопје и повторно даде контроверзна и провокаторска изјава велејќи дека „Македонија е втора бугарска држава“.

Секој Бугарин во Бугарија ја сака Македонија, ние сме еден народ, зборуваме еден јазик и имаме заедничка култура. Јас ништо не ве убедувам, имате глава на рамењата. Јас ви велам, ли како да се чувствувате? Зошто тогаш на луѓето тука кои сакаат да се чувствуваат како Бугари им забранувате така да се чувствувааат? Со вас зборувам еден ист јазик, се разбираме. Јас немам против да чувствувате како Македонци - рече меѓу другото Костадинов.

Ова не е прв ваков испад на пратеникот откако на почетокот на месецот, од говорницата на Бугарското народно собрание изјави дека „Македонија е бугарска, отсекогаш била и ќе биде“.

МНР како и тогаш, така и вчера остро ги осудите ваквите изјави на Костадинов.

The post Костадинов не е пожелен во Македонија, порача Ковачевски appeared first on Република.

Министерството за надворешни работи ги осудува иредентистичките изјави кои содржат и територијални претензии кон Република Македонија искажани јавно и повеќе пати од страна на бугарскиот пратеник и лидер на политичка партија, Преродба, Костадин Костадинов.

Фактот што овие изјави се повторуваат, овојпат и во Скопје и тоа на значаен и за двете страни симболичен повод, отворање на нови канцеларии на Културно-информативниот центар како и во пресрет на Бизнис форумот меѓу Македонија и Бугарија, не можеме, а да не ги толкуваме како обиди за минирање на силните напори на двете Влади за унапредување на соработката и како организирана провокација, која треба да биде осудена од сите проевропски политички структури и институции во двете држави, се вели во соопштението на МНР.

Во исто време, сакаме да упатиме апел до граѓаните на двете земји да не им подлегнуваат на ваквите провокации кои имаат една единствена цел, а тоа е да ги спречат двете држави во спроведувањето на искрените намери, реафирмирани од двете страни, за продлабочување на односите меѓу нашите држави и народи во духот на европските вредности.

The post МНР ги осудува иредентистичките изјави на бугарскиот пратеник Костадинов appeared first on Република.

Бугарскиот пратеник Костадин Костадинов на отворањето на Културно информативниот центар на Бугарија во Скопје го повтори радикалниот став дека Македонија е втора бугарска држава, односно треба да бидеме една држава која ќе се протега од Црно Море до Охридско езеро.

Се разбира, Македонија е втора бугарска држава. Секој Бугарин во Бугарија ја сака Македонија, ние сме еден народ, зборуваме еден јазик и имаме заедничка култура. Јас ништо не ве убедувам, имате глава на рамењата. Јас ви велам, ли како да се чувствувате? Зошто тогаш на луѓето тука кои сакаат да се чувствуваат како Бугари им забранувате така да се чувствуваат? Со вас зборувам еден ист јазик, се разбираме. Јас немам против да чувствувате како Македонци – рече тој.

Во центарот на Скопје Костадинов и неколкумина негови колеги од партијата ја негираа македонската посебност и историскиот факт дека тогашна фашистичка Бугарија не окупирала, а не не ослободила како што сметаат тие.

Бугарија и Македонија воделе војна, кога било тоа? Имавте ли држава во Втората светска војна? Дајте ми документи каде што има окупација. Тука се создадени комитети кои ги пречекале бугарските војски. Кој ги избрка германските војски, нашите војски ве ослободиле. Документите тоа го велат - истакна тој.

The post Костадинов со нова провокација од центарот на Скопје: Македонија е втора бугарска држава appeared first on Република.