При вчерашниот распит, како сведок на 14-годишниот Коста К. кој е осомничен дека извршил масовно злосторство во тоа училиште на 3 мај, кога уби девет ученици и чувар, тој сведочеше во судскиот процес против неговиот татко Владимир Кецмановиќ.

Тој објаснил дека татко му го однел на стрелиште каде инструктор го научил да пука.

Кога решил да го изврши делото, размислувал како да дојде до оружјето што се наоѓало во сефот. Според непотврдени информации, тоа не претставувало голем проблем за него. Сефот имал три броја, го нашол бројчаникот веќе поставен на првите два броја, а третиот го свртел и од втор обид го погодил бројот.

Ова е причината што таткото се смета за одговорен, односно виновен, бидејќи не го обезбедил доволно добро местото каде што го чува оружјето.

The post Сефот со оружјето не бил проблем за Коста: Два броја биле подесени, третиот го погодил од втор обид appeared first on Република.

До крај на учебната година му е забранет влез во основното училиште „Трива Витасовиќ“ во Лачарка, Србија, на Б.М. (14), ученик од осмо одделение на кој на „Инстаграм“ објави фотографија од апсењето на Коста Кецмановиќ (13) со порака „Тоа брате, ти си крал, уште малку, па и јас ќе го направам”.

Директорот на училиштето најави дека овој ученик од понеделник нема да посетува настава, а најверојатно ќе биде префрлен во друго училиште.

Сите сме сè уште во шок поради крвавиот пир во ОУ „Владислав Рибникар“ во Белград, а ова вчера со нашиот ученик уште повеќе нè шокираше. Тој ученик веќе неколку пати бил пријавуван во Центарот за социјална работа во Сремска Митровица за поблаги форми на врсничко насилство и нарушување на наставата. Станува збор за проблематично дете од згрижувачко семејство и лош ученик. Веднаш го известивме Центарот за социјална работа, кој беше навремено информиран за сите негови постапки. Од таму ја известиле полицијата, па во училиштето вчера веднаш интервенираше полициска екипа. Разговорите биле водени со неговата баба, која го презела старателството откако неговите родители го напуштиле. Сосема е извесно дека, поради потенцијалната опасност за другите ученици и наставниот кадар, како и за сите вработени, по овој инцидент, тој ученик нема да дојде на настава во понеделник, а секако не и преостанатите два и пол месеци – до крајот на учебната година, изјавил директорот на училиштето Златко Вулетиќ.

Б.М. вчера бил приведен од полицијата поради сомнение дека сторил кривично дело загрозување на сигурноста. Осомничениот со кривична пријава е изведен пред судијата за малолетници на Вишиот суд во Сремска Митровица. Б.М. во меѓувреме е пуштен од притвор до поведување на кривичната постапка.

The post До крај на година забранет влез в училиште за ученикот кој порача дека Коста е крал appeared first on Република.

Тринаесетгодишниот Коста К. не само што детално го испланирал крвавиот пир во неговото училиште, туку и планирал како да ја избегне затворската казна. Тоа го покажал прегледот на неговиот телефон, пренесува „Блиц“ повикувајќи се на извор запознаен со случајот.

Според нивните информации, тој го планирал масовното убиство веќе еден месец, а од анализата на неговиот телефон е откриено дека свесно го извршил баш тогаш бидејќи непосредно пред делото го пребарувал Кривичниот законик на Србија на интернет, со цел да се истражи дали децата можат кривично да одговараат.

Врз основа на неговите пребарувања, констатирано е дека нападот во училиштето го организирал сега бидејќи знаел дека до 14-тиот роденден му преостануваат нешто повеќе од 2 месеци и дека има уште толку време од кривичната одговорност доколку стори кривично дело, вели изворот на „Блиц“.

Утврдено е и дека гледал филм за масакр во училиште во Америка ноќта пред масовното убиство. Злосторстово го извршил неколку часа подоцна.

The post Коста пред нападот го гуглал Кривичниот законик, знаел дека не може кривично да биде гонет appeared first on Република.

Клиниката за неврологија и психијатрија за деца и млади добива сериозни закани бидејќи во оваа установа е сместен Коста К. (13), кој во средата со пиштолот на татко си уби осум деца од основното училиште „Владислав Рибникар“, како и училишниот чувар, а рани шест ученици и наставничката по историја.

Како што јавува српскиот печат, поради честите закани што ги добива оваа институција, зголемено е обезбедувањето пред клиниката.

Со оглед на тоа што Коста К. нема наполнето 14 години, тој не одговара кривично и сега е во специјалното детско одделение.

Од она што досега е познато, утврдено е дека момчето планирало масовно убиство веќе еден месец, а со прегледувањето на неговиот телефон потврдено е дека свесно го извршил масовното убиство бидејќи непосредно пред кривичното дело на интернет го пребарувал Кривичниот законик на Србија со цел да истражи дали децата можат кривично да одговараат.

The post Силно обезбедување на Клиниката за неврологија и психијатрија во Белград каде што е сместен 13-годишниот Коста К. appeared first on Република.