По задржувањето на четворица припадници на косовската полиција, одреден е притвор до 48 часа за заменик директорот на косовската полиција, Дејан Јанковиќ, за утврдување на фактите и потребните проверки во врска со безбедноста на Република Србија, соопшти српското МВР

Останатите лица се пуштени по безбедносни проверки.

Претходно беше соопштено дека „четворица припадници на косовската полиција се задржани во средата при контрола на административниот премин, а еден од нив е приведен“.

The post Одреден притвор за заменик директорот на косовската полиција, Дејан Јанковиќ, останатите полицајци ослободени appeared first on Република.

Косовската полиција соопшти дека утрово имала оружен судир со неколку лица во областа на Зубин Поток, во северно Косово, во близина на косовско-српската граница, кои се обидувале да прошверцуваат овци од Србија, јави дописникот на МИА од Приштина.

Во соопштението на полицијата се наведува дека, „при извршување на работните задачи и полициските активности, полициски службеници од Единицата за брзи интервенции на Граничната полиција, денеска околу 06:15 часот во селото Бубе кај Зубин Поток забележале сомнителни движења на неколку возила“.

„Полицијата во обид да ги запре и контролира сомнителните возила наиде на оружен отпор од осомничени лица. Соочени со таква ситуација, за да се заштитат и да ја стават ситуацијата под контрола, полициските службеници одговорија на вооружениот напад и успеаја да уапсат еден од осомничените: Д.И. (роден 1981 година, косовски Србин од Зубин Поток). При размената на оган полициските службеници и уапсените не се повредени“ – се вели во полициското соопштение.

При контрола на камионот пронајдени се натоварени 40 овци, без пропратна документација, за кои постои сомневање дека се прошверцувани од Србија во Косово. На истото место се пронајдени две напуштени возила за кои постои сомневање дека го придружувале камионот.

„На местото на настанот излегоа полициски единици, а за случајот е известен надлежен обвинител. Против осомничениот е подигнато обвинение за две кривични дела-„напад врз службено лице“ и „шверцување стока“. Камионот со овците е испратен на царинскиот терминал, одземени се двата автомобила кои се најдоа на местото на настанот, а по решение на обвинителот, на осомничениот му е одреден притвор од 48 часа“ – соопштија од косовската полиција.

The post Шверцувале овци од Србија во Косово appeared first on Република.

Косовската полиција соопшти дека запленила оружје и воена опрема во северно Косово, во областа населена со мнозинско српско население, поточно во Северна Митровица, за кои смета дека би можеле да бидат употребени против припадниците на безбедносните сили или против граѓаните, јави дописникот на МИА од Приштина.

Во соопштението се вели дека првично утрово е добиена информација дека пред средното техничко училиште во населбата „Бошњачко маало“ во Северна Митровица било „скриено оружје кое може да ги загрози животите на граѓаните или да претставува потенцијален ризик за нивна употреба против полициските службеници како и попречување во извршувањето на законските должности“.

-Надлежните полициски единици по релевантни сознанија добиени од граѓаните презедоа итни истражни и оперативни дејствија за случајот … извршија контролна акција и таму открија: импровизирана бодликава жица („ежови“), димни бомби, муниција и една униформа, се наведува во соопштението, во кое се нагласува дека „униформата пронајдена денеска е слична на оние што ги користеше терористичката група во Бањска во септември годинава“.

Косовската полиција порача дека со свои службеници и во соработка со граѓаните континуирано е посветена и со професионализам работи на одржување на редот и гарантирање на општата безбедност на целата територија на државата, додека „активни ангажмани на граничните органи се спроведуваат и за што поефикасно управување и контрола на државната граница“.

-И натаму продолжуваат оперативните полициски акции на терен со цел да се идентификуваат други сомнителни средства и да се спречи загрозување на граѓаните или каков било напад врз косовската полиција која работи на одржување на редот и гарантирање на безбедноста, се вели во соопштението

The post Косовската полиција заплени оружје за кое мисли дека е од Србите appeared first on Република.

Косовската полиција потврди дека е убиен еден од членовите на групата кои ја нападнаа косовската полиција на северот на земјата, каде што денеска загина еден полицаец, а друг беше повреден, јави дописникот на МИА од Приштина.

Во последното соопштение на косовската полиција се наведува дека ситуацијата на северот од државата, поточно во атарот на селото Бањска, каде што се случи убиството рано утрово, останува тензична и често со размена на оган меѓу терористичката група и косовската полиција.

Според косовското МВР, криминалните групи од време на време со огнено оружје напаѓаат полициски единици на терен, кои „и покрај нападите врз нив, продолжуваат со посветеноста за создавање безбедносен периметар, во интерес на смирување на ситуацијата, обезбедување безбедност и владеење на редот и правото во Косово“.

Професионалните напаѓачи во значителен број, маскирани и униформирани со различни униформи, вооружени со тешко оружје, гранати, борбени средства (зољи), неколку оклопни возила, користат различни простори и објекти, вклучително и приватни во и околу манастирот во Бањска, за да вршат движења, засолнувања и позиционирања за напади со огнено оружје врз полициските единици на КП, информира полицијата преку соопштение до медиумите.

Во „самоодбрана и при заштита на граѓаните“, велат од полицијата, еден од напаѓачите е убиен.

Полициските единици усогласени со ситуацијата и опасноста што ја покажуваат спорадичните напади на криминални групи, во самоодбрана на себе и на граѓаните од тоа подрачје, беа принудени да одговорат на криминалните групи, каде според досегашните информации, еден од напаѓачите е убиен“, продолжи тој

The post Косовската полиција потврди дека е убиен еден од групата што уби полицаец во северно Косово appeared first on Република.

Во Звечан се уште е тензично пред општинската зграда. Насобраните Срби бараат специјалната полиција да се повлече. Викаат „одeте си, одете си“ и „ова е Србија“.

Србите прво ја ставија српската тробојка на оклопното возило РОСУ пред општина Звечан, а потоа на возилото напишаа 4С и означија дека е тоа е српска земја.

Голем број припадници на КФОР утринава беа распоредени во близина на главниот мост на Ибар, кој ја дели Северна и Јужна Митровица, како и во близина на општинската зграда во Звечан.

The post 4С на транспортните возила на косовската полиција appeared first on Република.

Косовската полиција денеска објави конкурс за регрутирање полицајци од „малцинствата“ во четири општини во северниот дел од Косово.

Како што соопштија од полицијата, заинтересираните кандидати можат да се пријават од 5 до 26 јануари, објави косовскиот весник „Коха“.

На конкурсот можат да се пријават сите „припадници на малцинствата“ во Косово.

Србите од северот на Косово на почетокот на ноември ги напуштија косовските служби, вклучително и полицијата поради одлуката за регистерските таблички и Заедницата на српски општини (ЗСО).

The post Косовската полиција распиша конкурс за прием на „малцински“ полицајци на северот appeared first on Република.

Косовската полиција соопшти дека е отворен административниот премин Мердаре и дека сообраќајот на тој правец е нормализиран.

Преминот Мердаре беше затворен поради барикадите кои ги поставија Србите во знак на протест за апсењето на поранешниот полицаец Дејан Пантиќ на Косово. Отстранувањето на барикадите почна откако Пантиќ беше пуштен во домашен притвор.

Српскиот претседател Александар Вучиќ објави дека денес претпладне косовските Срби почнале да ги отстрануваат барикадите. „Тоа е долг процес. Ќе потрае некое време“, кажа Вучиќ по средбата со Србите од северот на Косово во српскиот град Рашка.

Шефот на Канцеларијата на српската влада за Косово и Метохија Петар Петковиќ кажа дека се добиени „најсилни гаранции досега“ од САД и ЕУ дека никој од Србите кои 19 дена протестираа на Косово и поставуваа барикади нема да биде процесиран или уапсен. Петковиќ кажа дека се добиени и гаранции дека косовските безбедносни сили не смеат на северот на Косово без претходна согласност на командантот на КФОР и претставниците на локалното население.

Најновите тензии меѓу Белград и Приштина растат од минатиот месец, кога етничките Срби на Косово ги напуштија државните институции, вклучувајќи ги полицијата и правосудството, поради одлуката на Приштина да ги замени регистарските таблички издадени во Србија.

The post Косовската полиција кажа дека е отворен еден административен премин со Србија appeared first on Република.

Полицијата на Косово ги негира пишувањата во некои српски медиуми дека припадници на специјалната единица се упатиле на северот на земјата, населен со мнозинско српско население, откако вчера Србите одлучија да ги напуштат косовските институции, јави дописникот на МИА од Приштина.

Во соопштението доставено до медиумите, се вели дека „полициските единици на јавниот ред и оние пограничните, согласно службената должност патролираат/се движат на терен зависно од ангажманите и задачите, но нема вклученост или испраќање на специјални единици на север“.

Според потребите и операциските Ð �ценки полицијата ќе го ангажира својот персонал, со цел извршување на законските задачи и овластувања, во функција на гарантирањето на севкупната безбедност во земјата, како и нудењето безбедност за сите граѓани, без оглед на нивната припадност, се вели во соопштението.

Најголемата партија на косовските Срби, Српска листа (СЛ) одлучи вчера да ги повлече своите членови од институциите на Косово, поради најавите од владата на Албин Курти дека ќе ги казнува лицата кои нема да ги сменат регистрерските таблички издадени од Србија со таблички со ознаката РКС – Република Косово.

Лидерот на СЛ, Горан Ракиќ, кој исто така поднесе оставка од функцијата министер за заедници и враќање во владата на Курти, порача дека Србите ќе останат надвор од институциите сé додека не се повлече одлуката за табличките и не се формира заедницата на општини со мнозинско српско население во Косово.

The post Косовската полиција негира дека специјалци се упатиле на север appeared first on Република.

Косовската полиција вечерва соопшти дека ги затворила премините Брњак и Јариње за патнички сообраќај и возила.

Во соопштението објавено на Фејсбук страницата на полицијата се наведува дека премините се затворени поради блокадите на патиштата кон Јариње и Брњак.

https://republika.mk/vesti/balkan/vuchikj-situacijata-e-teshka-gi-molam-albancite-da-se-vrazumat-a-srbite-da-ne-nasednuvaat-na-provokacii/

Граѓаните се известуваат за сообраќај да користат други премини.

https://republika.mk/vesti/balkan/barikadi-vo-severno-kosovo-sireni-vo-kosovska-mitrovica/

The post Се вжештува ситуацијата на Косово: Косовската полиција ги затвори премините кон Србија, Брњак и Јариње appeared first on Република.

Косовската полиција денеска на неколку локации изведе операција за спречување на нелегалната трговија, во чии рамки во село во општина Витина, во близина на границата со Македонија, е запрен и камион полн со разновидни комерцијални стоки, кој нелегално влегол од македонска територија, јави дописникот на МИА од Приштина.

Во соопштението на косовското МВР се наведува дека во камионот, кој бил запрен во селото Кабаш откако не ја испочитувал претходната полициска наредба да застане, биле откриени различни стоки, како авто-делови, прехрамбени производи и стимулирачки медицински средства од типот „камагра".

Со камионот, кој, според соопштението, е со косовски регистарски таблички, управувал косовски државјанин, кој е идентификуван со иницијалите М.М.

– Криумчарената стока се претпоставува дека е внесена во Република Косово од Република Македонија по илегален пат. По нивниот обид да ја избегнат полициската наредба за запирање, нашите погранични авторитети успеаја да го запрат околу 11.30 часот во селото Кабаш… Вкупната вредност на запленетата стока ќе биде утврдена од страна на Царините на Косово, се вели во соопштението.

Слична акција косовската полиција денеска изведе и во селото Штрпце, општина Урошевац, при што во неколку трговски објекти се запленети стоки, кои, според полициски извори, се нелегално внесени од Србија.

The post Косовската полиција спречи шверц на стоки нелегално внесени од Македонија appeared first on Република.