мериканскиот Стејт департмент денеска соопшти дека не поддржува никакви промени на сегашниот статус на мостот во Митровица на Ибар, додека КФОР повтори дека секоја одлука за мостот мора да се реши со дијалог, јави дописникот на МИА од Белград.

САД во овој момент не поддржуваат никакви потези за промена на сегашниот статус на мостот во Митровица.

Отворањето на мостот за сообраќај на возила во моментов го зголемува потенцијалот за насилство и го загрозува локалното население, како и војниците на КФОР, вклучително и Американците, кои работи на поддршка на мирот и безбедноста на Косово, изјави портпаролот на Стејт департментот за порталот „Павловиќ тудеј“.

Тој ја повика Владата на Косово да се воздржи од еднострани дејствија и наместо тоа да се занимава со ова прашање во рамките на дијалогот со поддршка на ЕУ.

Стејт департментот нагласи дека на ист став се и партнерите од Квинта, како и ЕУ и НАТО.

Според соопштението на Стејт департментот, целта е „да се работи со Владата на Косово за да се создадат услови под кои мостот би можел да биде отворен за сообраќај на возила“.

Во тој поглед, САД ја повикуваат Владата на Косово да се врати на блискиот и конструктивен ангажман со САД и другите меѓународни партнери, се наведува во соопштението.

Се огласи и мисијата на КФОР која соопшти дека има постојано присуство на главниот мост на реката Ибар во Митровица и дека врши редовни патроли во областа и дека секоја одлука во врска со мостот на реката Ибар мора да биде донесена преку политички дијалог и на координиран начин и дека во оваа смисла продолжува целосно да го поддржува дијалогот меѓу Белград и Приштина со посредство на ЕУ.

КФОР, исто така, наведува дека има видливо и флексибилно присуство низ Косово и дека командантот на КФОР има овластување да го адаптира по потреба и нема да се двоуми да реагира на секој релевантен безбедносен развој и во согласност со мандатот на ОН.

The post Стејт департментот не поддржува никакви промени на статусот на мостот во Митровица appeared first on Република.

Косовскиот премиер Албин Курти ги отфрли обвинувањата дека Албанците ќе маршираат преку мостот Ибар по неговото отворање за денеска, со оценка дека со таквите тврдења српскиот претседател сака да создаде атмосфера на страв и да предизвика реакција на КФОР.

Српскиот претседател Александар Вучиќ со лажни наводи дека Албанците маршираат преку мостот сака да создаде атмосфера на страв и да предизвика реакција на КФОР во Митровица, заканувајќи се дека Србија ќе одговори доколку не реагираат, напиша Курти доцна синоќа на социјалната мрежа X.

Според него, сите планови за отворање на мостот се насочени кон поттикнување мирна интеракција меѓу двете заедници.

https://republika.mk/vesti/balkan/kosovskite-srbi-ke-protestiraat-deneska-vo-severna-mitrovitsa/

The post Курти вели дека Албанци нема да маршираат по мостот: Вучиќ лаже за да предизвика реакција на КФОР appeared first on Република.

Косовските Срби најавија за денеска протест во северно Косово поради, како што беше објавено во повикот на организаторите, „лошата состојба на српскит народ“ во земјата, јави дописникот на МИА од Приштина.

Протестот е свикан за во 11 часот на плоштадот „Цар Лазар“ во Северна Митровица“.

Полицијата е известена за протестот и ќе биде присутна за да се погрижи ситуацијата да не излезе од контрола, иако не се очекуваат проблеми.

Група граѓани го најави протестот за во 11:00 часот, кој е предвиден да се одржи на плоштадот „Цар Лазар“. Се очекува протестот да биде мирен, а полицијата ќе биде во доволен број за да го одржува јавниот ред и мир, иако не очекуваме никакви проблеми, изјави заменик-директорот на косовската полиција за северниот регион, Ветон Елшани.

Овој протест во вторник го спомена и српскиот претседател Александер Вучиќ, кој рече дека Србите ќе реагираат на намерата на властите во Приштина да го отворат мостот на реката Ибар, кој ги поврзува јужнјуот и северниот дел на градот Митровица.

Изминативе денови имаше јасни повици од меѓународната заедница за неотворање на овој мост. Мисијата на НАТО во Косово, КФОР, се закани дека ќе реагира доколку се преземат активности за негово отворање без претходен договор со Србија. Реакции имаше и од амбасадорите на земјите од групата Квинта и од ЕУ.

Министерот за внатрешни работи Џељаљ Свечља во вторникот го посети косовскиот север, инсистирајќи дека мостот треба да се отвори за сообраќај на возила.

The post Косовските Срби ќе протестираат денеска во Северна Митровица appeared first on Република.

Во понеделник во 12 часот во Косовска Митровица, Србите од Косово ќе одржат голем јавен протест со кој сакаат да го свртат вниманието на светската јавност и меѓународната заедница на нивната обесправена состојба, особено поради одлуката на официјална Приштина и Албин Курти да го укинат динарот со што, како што велат, им се загрозува опстанокот и опстанокот во нивните огништа.

Од Здружението на пензионери, чии претставници го најавиле собирот до надлежните органи, велат дека на митингот во понеделник очекуваат голем број нивни сонародници, здравствени работници, просветни работници, социјално загрозени, студенти и млади, со еден збор „сите оние чија егзистенција е директно загрозена со нефер мерките на Приштина“.

Ова ќе биде наш заеднички мирен апел и митинг да му покажеме на целиот свет дека може да го види нашето страдање и обесправување. Митингот ќе се одржи во 12 часот во околината на плоштадот Браќа Милиќ“, посочуваат од Здружението.

The post Масовен протест на Србите во Косовска Митровица: Светот нека ги види нашите маки appeared first on Република.

Две лица се повредени во Косовска Митровица откако експлозивна направа, најверојатно рачна бомба, била фрлена во близина на еден од угостителските објекти, на раскрсницата кај Техничкиот факултет.

Информацијата за КоССев ја потврди заменик-командантот на косовската полиција за северниот регион, Ветон Ељшани.

Вечерва околу 23 часот и 50 минути во близина на хотелот „Бишевац“, на улицата „Књаза Милоша“ во Северна Митровица експлодирала сомнителна рачна бомба. Од експлозијата се оштетени седум возила, а две лица се повредени. Едно лице е со тешки телесни повреди, но е надвор од животна опасност. Надлежни полициски единици се на лице место и се занимаваат со случајот - вели Ељшани.

Бојан Вучиниќ, лекар во КБЦ Косовска Митровица, изјави дека околу полноќ бил примен маж со повеќе повреди предизвикани од експлозивна направа, а Косово онлајн пренесува дека пред болницата има припадници на косовската полиција.

Припадници на ЕУЛЕКС и КФОР биле на лице место, а истрагата е во тек, јавува Н1.

The post Фрлена бомба во Косовска Митровица, во експлозијата повредени две лица appeared first on Република.

Во Северна Митровица на северот на Косово две лица се повредени во експлозија на рачна граната. Полицијата интензивно трага по непознатото лице кое ја фрли бомбата нешто пред полноќ во улицата Кнез Милош, во непосредна близина на мотелот Бишевац. Од силината на експлозијата оштетени се и неколку автомобили.

Причината за нападот се уште се истражува, потврди за Косово онлајн заменик командантот на полицискиот командант за северниот регион, Ветон Ељшани.

Докторот во КБЦ Косовска Митровица Бојан Вучиниќ изјави дека околу полноќ бил примен маж со повеќе повреди предизвикани од експлозивна направа, а Косово онлајн јавува дека пред болницата има припадници на косовската полиција.

https://youtu.be/PAqqklocYVw?si=MQVzf5uJZU7gRxfu

The post Фрлена рачна бомба во Cеверна Митровица, има повредени appeared first on Република.

Три експлозии се слушнале синоќа по полноќ во Северна Митровица, кај месноста позната како „Три облакодери“, јави дописникот на МИА од Приштина.

Извори од оваа област во северно Косово, населена со мнозинско етничко српско население, изјавија за медиумите дека експлозиите биле силни, но нема информации за материјална штета и повредени лица.

Се претпоставува дека рачни бомби биле фрлени кон Контролниот центар за автомобили и кај споменикот на Цар Лазар, во Северна Митровица.

Очевидци од областа велат дека КФОР излегол на местото на настанот и дека жителите ги напуштиле угостителските објектј кои се во близина.

The post Експлозии во Северна Митровица, нема информации за повредени appeared first on Република.

Шок бомба е фрлена пред кафуле во северниот дел на Косовска Митровица каде седеле членови на српските опозициски партии, јави вечерва телевизијата Н1.

Припадниците на опозицијата Мирослав Алексиќ, Александар Јовановиќ Ќута и Данијела Несторовиќ седеле во кафулето на хотелот ББ кога, според Н1, се случил инцидентот.

Во текот на денот опозициски пратеници го посетија и Звечан со цел да им „дадат поддршка“ на Србите од Косово.

The post Фрлена шок бомба пред кафуле во Косовска Митровица, во кое седеле српски опозициски пратеници appeared first on Република.

Премиерката на Србија, Ана Брнабиќ, во врска со настаните на Косово, оцени дека ситуацијата на Косово е на работ на вооружени конфликти и изрази мислење дека Србија има право и намера, според Резолуцијата 1244 на ОН, да врати одреден број на војници во Косово.

Тоа е политиката на 19 век. Исклучително сум загрижена и ми беше тешко да заспијам минатата ноќ. Курти не доведе сите нас, и Србите и Албанците, на самиот раб на војната. Но, тој не го направи тоа сам. Имаме целосно игнорантно однесување и на партнерите во ЕУ, кои не реагираат или реагираат само кога навистина гори, изјави Брнабиќ.

https://republika.mk/vesti/balkan/kosovskata-policija-vlegla-vo-severna-mitrovica-srbija-kje-go-razgleda-vrakjanjeto-na-bezbednosnite-sili-na-kosovo/

Кфор и ЕУЛЕКС не си ја вршат работата, не само според Бриселскиот, туку и според Кумановскиот договор. Тие не ги штитат Србите на Косово, ниту јужно од Ибар, ниту на северот од Косово, истакна Брнабиќ.

Таа рече и дека секојдневно се гледаат прекршувања на Кумановскиот договор, како и на Бриселскиот договор.

Затоа сме многу блиску до тоа и верувам дека денеска претседателот Александар Вучиќ ќе даде повеќе информации за неговите средби за да побараме враќање на нашите сили на Косово и Метохија според резолуцијата 1244 на ОН. Затоа што КФОР не си ја врши работата и затоа што Србите на Косово и Метохија не можат да се чувствуваат безбедни. Таму им се загрозени животите, вклучително и на децата во градинките, посочи таа.

Никој не прави апсолутно ништо, потенцира таа.

Доведени сме на работ на вооружен конфликт. До ова не доведе една неодговорна личност. Претседателот Вучиќ повеќе од 10 пати кажа дека ќе дојде до тоа. Курти ризикува секој ден, тоа води до одредена нестабилност и доволна е само една искра. Не можам да ги разберам партнерите во ЕУ, ниту НАТО, ниту КФОР, ЕУЛЕКС, затоа што на територијата на Косово и Метохија, која моментално е управувана од привремени институции во Приштина, немате правна држава, ниту основни човекови права, ниту дали тоа некој го контролира, ниту дали Србите и другите неалбанци се чувствуваат во основа безбедни, рече срспката премеирка.

Брнабиќ истакна дека смета дека да Србија има право според резолуцијата 1244 и намерата да врати одреден број војници таму, бидејќи доколку КФОР не обезбеди мир, Србија сака да се бори за мир и стабилност, бидејќи има многу да изгуби.

На новинарско прашање, дали Србија ќе испрати војска на северот на Косово, бидејќи, како што изјави новинарот од Јуроњуз, да според резолуцијата 1244, таму е дозволено присуство само на деминери и на оние кои имаат врска со цивилната власт, Брнабиќ рече дека ќе се бара се што е во согласност со Резолуцијата 1244.

Се што е во согласност со резолуцијата 1244, за која сите гласаа и која е валиден документ. Верувам дека кога тоа ќе го бараме, а колку години поминаа од донесувањето на Резолуцијата 1244, дека секако со раширени раце ќе прифатат сите оние кои ги повикуваат сите земји во светот да ги почитуваат сите резолуции на Советот за безбедност, за да се обезбедат принципите на меѓународното право и, како што велат, мирот во светот, рече Брнабиќ.

Српскиот претседател Александар Вучиќ претходно на Инстаграм профилот „buducnostsrbijeav“ објави фотографија со министерот за одбрана Милош Вучевиќ и началникот на Генералштабот на вооружените сили на Србија, генерал Милан Мојсиловиќ, со текст „Нема предавање!“.

 

View this post on Instagram

 

A post shared by Aleksandar Vučić (@buducnostsrbijeav)

The post Брнабиќ: Курти нè донесе на работ на војна appeared first on Република.

Нова драма се одвива на северот на Косово, јавува српски „Курир“. Неколку стотици припадници на специјалната полиција Роса, како што пренесува порталот, вооружени до заби, придружувани од оклопни возила, влегле во северниот дел на Митровица и го блокирале целиот град.

https://youtu.be/sQD89rHBZF0

Граѓаните на Северна Митровица се собираат на улиците, зборуваат за сè што се случува во последните неколку дена, тензично е, но без инциденти. Сите кафулиња се затворени, а жените и децата се засолниле од улиците, јавува Косово-онлајн.

„Курир“ додава дека се фрлени и две шок-бомби.

Полицијата на Косово вечерва соопшти дека во наредните денови ќе го засили присуството на северот на Косово и додаде дека одржувањето на јавниот ред е една од нивните главни цели.

Директорот на Канцеларијата за Косово и Метохија, д-р Петар Петковиќ, вечерва во 23 часот во прес-салата на Владата на Република Србија ќе одржи вонредна медиумска конференција.

The post Ноќва 200 специјалци влегле на северот на Косово, граѓаните на улици, фрлени и шок бомби appeared first on Република.

Премиерката на Србија, Ана Брнабиќ, денеска престојува на Косово и по тој повод престојува во посета на Cеверна Митровица, Звечан и Лепосавиќ.

Заедно со премиерката, во посета на Косово престојуваат и директорот на Канцеларијата за Косово и Метохија, Петар Петковиќ, како и директорот на Канцеларијата за ИТ и еВлада, Михаило Јовановиќ.

Чест ми е што сум овде и сакам да ја испратам пораката за мир на претседателот Вучиќ дека секогаш ќе бидеме со нашиот народ на Косово - изјави Брнабичќ обраќајќи им се на насобраните во зградата на Мултимедијалниот центар во Cеверна Митровица.

Брнабиќ изјави дека е „задоволна што по провокациите на 31 јули успеале да го зачуваат мирот“.

Таа, сепак, додаде дека морала да го наведе „фактот дека се зголемува бројот на инциденти на Косово“.

Горда сум што сум дел од тимот на претседателот Вучиќ. Дијалогот е важен, се надевам дека институциите во Приштина ќе бидат отворени за дијалог. Сакаме долгорочен мир и стабилност, јас сум оптимист и на она на што ќе инсистираме е Заедницата на српски општини (ЗСО) - изјави Брнабиќ и додаде дека тоа што „денес е на северот на Косово не значи дека нема да ги посетува Србите и на други места, а тука се и претставниците на Србите од „српска листа“.

The post Српската премиерка, Ана Брнабиќ, во посета на Косовска Митровица: Секогаш ќе бидеме со нашиот народ на Косово appeared first on Република.

Состојбата на северот на Косово е тензична. Како што јавуваат медиумите од регионот, Србите ги блокираат административните премини Јариње и Брњак.

Граѓаните ги блокираа административните премини кон Србија, а полицијата во централна Србија ги враќа патничките возила кои се движеле кон административниот премин. Истовремено, косовските специјалци се распоредени на административните премини, јавува РТС.

Директорот на Канцеларијата за Косово и Метохија, Петар Петковиќ, по средба со претставници на Србите од покраината изјави дека издавањето документи за влез-излез, односно укинување на српски лични карти за подрачјето на Косово и Метохија, како и пререгистрација автомобилите и укинување на српските таблички е неприфатливо за Белград.

Претходно, околу 18:15 часот припадници на полицијата на Косово го затвори административниот премин на мостот Брњачко и со тоа го блокираше целиот сообраќај на патници и стоки преку овој премин. Идентична е ситуацијата и на административниот премин Рудница, полицијата пропушта само возила со косовски регистарски таблички, пренесува „Информер“.

Истовремено, на преминот Јариње има голема гужва од правец на Рашка, а линијата возила се протега од Рудница до самиот премин. Според последните информации, за влез во Косово потребни се најмалку два часа, јавува „Косово-онлајн“.

Во јужниот дел на Косовска Митровица, пак, веднаш по главниот мост, кој ги дели cеверна и јужна Косовска Митровица, се собрани околу 200 Албанци, пренесува „Новости“.

Засилени сили на специјалните единици на косовската полиција се забележани и во близина на мостот на Ибар. Има и членови на КФОР и италијански карабинери.

Портпаролот на косовската полиција за север, Бесим Хоти, изјави дека еден пат е блокиран во Зубин Поток и во Звечан.

Во Зубин Поток имало блокада кај Варага и Рудар бидејќи се прошири веста дека специјалната полиција ќе ја блокира општината, што воопшто не е точно, а таква цел нема - изјави Хоти.

КФОР соопшти дека ја следи ситуацијата.

The post Тензично на Косово: Албанците се собираат кај Главниот мост, блокирани премините кон Србија Јариње и Брњак appeared first on Република.

По најавата на Приштина дека од утре ќе почне примената на одлуката за пререгистрација на возила и лични карти, граѓани од северот на Косово на неколку локации во северно Косово поставиле барикади, јави телевизијата „Н1“.

Заменик-командантот на косовската полиција за северниот регион, Бесим Хоти, за порталот „Косев.инфо“ потврдил дека има блокада во Зубин Поток кај Вараге и во Рударе.

Имаше блокада на патот во Зубин Поток кај Вараге и во Рударе. Наводно се раширила лажна вест дека општината ќе биде блокирана од специјални единици, што апсолутно не е точно и нема таква намера - изјави Бесим Хоти за „Косев“.

Читатели на „Н1“ од северот на Косово претходно за телевизијата изјавија дека граѓаните се собираат кај крстот во селото Рударе во општина Звечан.

Претходно сирени се огласија во северниот дел на Косовска Митровица. Во меѓувреме сирени се слушнале и во Зубина Поток.

КФОР соопшти дека „ја следи ситуацијата и собира податоци“.

Во врска со сирените за тревога кои непрекинато се слушаат во северниот дел на Косовска Митровица, КФОР ја следи ситуацијата и моментално собира информации - соопштија од штабот на КФОР.

Новинарката од Косовска Митровица, Ана Марија Ивковиќ, изјави дека косовската полиција официјално потврдила дека граѓаните поставиле барикади на две места кај Вараге и во Рударе. На тие места блокирани се патишта и има граѓани и механизација, а засега состојбата е мирна.

Ивковиќ за Н1 рече дека никој не може со сигурност да каже која е причината за сирените кои сè уште се слушаат.

The post Сирени за тревога во Косовска Митровица, КФОР „ја следи ситуацијата“ и собира информации appeared first on Република.

Српски граѓани поставиле барикади на северот на Косово, по најавата на Приштина дека од утре стапува во сила одлуката за пререгистрација на возила и лични карти.

Во Косовска Митровица се слушаат сирени од пред 18 часот.

Како што јави РТС, граѓаните ги блокирале административните премини Јариње и Брњак каде се распоредени косовски специјалци.

Косовската полиција не дозволува пешаци или возила да минуваат низ Јариње, а оние кои веќе поминале ги враќа назад.

Полицијата во централна Србија ги враќа патничките возила кои тргнале кон административните премини, информира РТС.

Во Косовска Митровица се слушаат сирени за тревога, а локалните граѓани излегле на улиците.

https://republika.mk/vesti/balkan/vuchikj-so-dramatichno-obrakjanje-kurti-saka-da-bide-noviot-zelenski-prishtina-na-polnokj-pochnuva-so-akcija/

The post Барикади во северно Косово, сирени во Косовска Митровица appeared first on Република.