Полициски службеници од дебарското Одделение за внатрешни работи приведоа жител од село Косоврасти поради физички напад врз неговата сопруга.

- Во ОВР Дебар, приведен е Н.М.(49) од дебарското село Косоврасти. Тој, на 08 и 09 август 2022 година, во семејниот дом, бил агресивен и физички ја нападнал неговата сопруга. Во нивниот семеен дом, увид извршија полициски екипи - изјави Стефан Димоски, портпарол на Секторот за внатрешни работи- Охрид.

Според него, по целосно документирање на настанот, против Н.М. ќе биде поднесена соодветна пријава.

Ова е втор случај на пријава на семејно насилство во последните два дена.

Претходно полициски службеници го приведоа С.Б.(67) жител на Дебар кој во семејниот дом физички ја нападнал неговата ќерка.

The post Приведен жител од дебарското село Косоврасти за семејно насилство appeared first on Република.

Малолетно лице синоќа е пронајдено удавено во базен во Дебарски бањи кај село Долно Косоврати, информираше Стефан Димоски, портпарол на Секторот за внатрешни работи- Охрид.

Синоќа околу 20 часот во одделението за внатрешни работи во Дебар пријавено е дека во Дебарските бањи кај селото Долно Косоврасти забележано е удавено лице. Од извршениот увид констатирано е дека се работи за малолетничка од Гостивар и дека по извршен медицински преглед не се констатирани траги на насилство, рече Димоски.

По насока на јавен обвинител телото на починатото лице  било предадено на семејството.

Според директорот на Општата болница со проширена дејност, Баки Алили станува збор за осумгодишно девојче, кое во Ургентниот центар во болницата било донесено без знаци на живот.

Тим од лекари специјалисти се обиделе да го реанимираат но безуспешно.

The post Дете пронајдено удавено во базен во бањата во Косоврати appeared first on Република.