Со употреба на ноќен радар сообраќајната полиција од Тетово фатила возач кој се движел со 207 километри на час на автопатот Тетово-Скопје.

Тој бил откриен во период од 20 до 22 часот, кога полициски службеници на тетовската Полициска станица за безбедност на патниот сообраќај спровеле акциска контрола за санкционирање на возачите кои управуваат возила со брзина поголема од пропишаната.

Едно од пречекорувањата регистрирано на автопатот Скопје – Тетово, кај клучката Север на влезот во Тетово, било најголемо, а измерената брзина изнесувала 207 километри на час. На возачот на патничкото моторно возило „порше“, С.Е. од Република Косово, кој поседувал швајцарска возачка дозвола, изготвен му е поднесок и ќе се соочи со парична глоба од 400 евра, информира за МИА Марјан Јосифоски, портпарол на СВР Тетово.

При контролата биле констатирани вкупно седум пречекорувања на максимално дозволената брзина.

The post Фатен Косовец кој со „порше“ возел 207 километри на час на автопатот Тетово – Скопје appeared first on Република.

Полицијата уапсила 37-годишно лице од Косово осомничено за кражба на пари од џамија во скопски Бит Пазар.

На 26.08.2023 во 20.30 часот во Скопје, на подрачје на Центар, од полициски службеници од Единицата за интервентна полиција при СВР Скопје е лишен од слобода Н.Р.(37) од Косово, поради основано сомнение дека на 29.07.2023 околу 10.00 часот од џамија на подрачје на Бит Пазар со употреба на сила одзел пари, информираат од МВР.

По целосно документирање на случајот ќе биде поднесена соодветна кривична пријава до надлежното обвинителство.

The post Приведен Косовец кој украл пари од џамија на Бит Пазар appeared first on Република.

Денеска во 4:55 часот од полициски службеници од Граничниот премин Блаце бил лишен од слобода И. Д.(25) од Косово, кој управувал патничко моторно возило „сеат“ со скопски регистарски ознаки.

Имено, околу 4:45 часот на Граничен премин Блаце, при влез во државата, тој со возилото не застанал на граничната полициска ни на царинска контрола и се обидел да избега кон Скопје, но по преземени мерки од полициски службеници на патот за Долно Блаце бил пронајден и приведен, соопшти МВР.

И. Д. бил предаден на полициски службеници од Одделение за прекуграничен криминал и миграции при РЦ Север за понатамошна постапка и против него ќе следува соодветен поднесок.

The post Косовец не застанал на граница, со брзо возење тргнал да бега кон Скопје appeared first on Република.

Дваесетитригодишен косовски државјанин во стан во Берлин маж со секира ѝ нанел фатални повреди на жена, по што бил совладан од германската полиција.

Злосторството се случило во неделата наутро на деветти кат од станбена зграда, јавува РТС.

Во неделата околу 7 часот и 40 минути во берлинскиот кварт Лихтенберг се случи убиство, изјави портпаролот на полицијата.

До убиството наводно дошло по расправија меѓу парот кој живеел на деветтиот кат.

Кога итната помош пристигнала на местото, мажот ја удирал жената со секира, па полицајците употребиле огнено оружје и го убиле мажот. Жената им подлегна на повредите кои мажот и ги нанесе со секира на лице место, изјави портпаролот на полицијата Мартин Дамс.

Според полицијата, сторителот е 23-годишен маж, додека убиената е 27-годишна Украинка.

Истрагата е во тек.

The post 23-годишен Косовец со секира убил девојка во Берлин appeared first on Република.

Полицијата во Берлин застрелала маж (23) од Косово, при обид да го приведе под сомнение дека со секира убил жена од Украина.

Злосторството се случило во неделата рано наутро на деветти кат од станбена зграда.

Во неделата околу 7:40 часот во берлинскиот кварт Лихтенберг се случи убиство – изјави портпаролот на полицијата Мартин Дамс.

Тој додава дека првите сомнежи дека дошло до сериозен инцидент биле по кавга на пар кој живеел на деветти кат.

Кога пристигнала итната помош, мажот ја удрил жената со секира, а потоа полицајците употребиле огнено оружје – се вели во соопштението на полицијата.

Дамс нагласува дека во моментот кога пристигнала полицијата, мажот до смрт ја претепал Украинката.

Според очевидци, мажот и жената се расправале пред инцидентот. Познато е дека жената од Украина имала 27 години.

The post Полицијата во Берлин застрелала Косовец кој брутално со секира убил девојка од Украина appeared first on Република.