Министерот за здравство: Косовските државјани не се странци во Македонија.
Па во право е. Реално Македонците се странци во Македонија.

The post Министерот е во право, Македонците се странци во Македонија appeared first on Република.

Во врска со ценовникот за давање на здравствени услуги на странци, Министерството за здравство информира дека до сите универзитетски клиники и институти е доставен допис за усогласување на ценовниците за приватни здравствени услуги на странците со граѓаните на Македонија кои се неосигурани и плаќаат приватно.

Потенцираме дека воопшто не станува збор за изедначување на цените помеѓу странските државјани и државјаните на РМ, туку изедначувањето е со приватните пациенти кои не се здравствено осигурени, односно кои не плаќаат здравствено осигурување, велат од Министерството за здравство.

Оттука, како што додаваат, за овие промени не се потребни никакви промени во законот, бидејќи дел од клиниките и институтите веќе имаа изедначени ценовници односно еден ценовник за приватни здравствени услуги.

Се додава дека со оваа промена на странските државјани се дава право на избор помеѓу јавните и приватните установи, со тоа што се промовира јавното здравство како една достапна ефикасна здравствена услуга во нашата држава конкурентна на пазарот на трудот.

Иста е ценатa. Македонските државјани кои што немаат здравствено осигурување ќе плаќаат иста цена со странците, бидејќи се работи за приватна услуга. Тоа значи дека граѓаните кои плаќаат здравствено осигурање во никој случај нема да бидат на било каков начин во подредена состојба да им го плаќаат данокот на странците, државјаните секако партиципација ќе си плаќаат, односно ќе плаќаат поевтино. Ова и порано функционирало во некои државни клиники, а сега со ова се продолжува иницијативата и за во другите клиники, додаваат од министерството.

The post Министерството за здравство за лекувањето на Косовците: Ова и порано функционирало, граѓаните со здравствено нема да се подредени appeared first on Република.

Камуфлирани како фудбалска екипа група Косовци се обиделе да префрлат во Италија 16 малолетници. -Во пристаништето Драч уапсени се десет лица на возраст од 21 до 54 години, косовски државјани, при обид за Италија илегално да пренесат 16 малолетници сите на возраст од 17 години. И тие се косовски државјани, чии родители на „менаџерите” им платиле од 3 до 4 илјади евра, стои во полициското соопштение.

Малолетниците биле претставени како фудбалери, додека уапсените како раководство, тренери и физиотерапевти на спортската екипа. Кај еден од организаторите откриени и запленети се околу 6 илјади евра.

Откако ќе биле пренесени во Италија децата веднаш требало да аплицираат за азил. Според италијанските закони малолетниците без придружба ги згрижува државата и им обезбедува образование.

Во Италија се побројни се малолетниците без придружба од Албанија кои родителите ги носат во Италија, ги напуштаат и се враќаат назад во Албанија.

Според последниот извештај на италијанското министерство за социјална работа и прашања, само во октомври годинава 105 малолетници од Албанија, без придружба, побарале засолниште во оваа земја.

Албанските малолетници се рангирани како најбројни по оние од Египет, Тунис, Авганистан, Пакистан и Гвинеја.

Вкупниот број на малолетни имигранти од Албанија без родители во Италија годинава е 1.353 при што 43 од нив се девојчиња.

The post Уапсени Косовци кои сакале илегално да пренесат 16 малолетници во Италија appeared first on Република.

Напаѓачот на Барселона, Пјер-Емерик Обамејанг беше нападнат неговиот дом откако четири маскирани лица влегле во неговиот дом, го малтретирале и ограбиле.

Штетата во домот на Обамејанг е околу 300.000 евраа.

Четворицата напаѓачи побегнале со „Ауди А3“ кое може да се види на надзорните камери. Сега е објавено дека полицијата го знае идентитетот на лицата кои влегле во домот на Габонецот. Станува збор за група од Косово која подолги години прави проблеми во Шпанија.

The post Косовци влегле во домот на играч на Барселона и направиле штета од 300.000 евра appeared first on Република.

Италијанската полиција уапсила двајца млади Албанци, по потекло од Косово, осомничени дека подготвувале терористички напад во Италија, пренесе Топ чанел, повикувајќи се на италијанската новинска агенција АНСА.

На 15 јуни, италијанската специјална единица на карабинери (РОС) која истражува тероризам и организиран криминал, со поддршка на регионалната команда на Тренто, издала наредба за ограничување против двајца млади, момче и девојка, со албанско потекло, откако биле обучени да вршат насилни дејствија. Имено, планирале да извршат напад со експлозивна направа во Трентино во име на терористичката организација Исламска држава (ИД), наведува Топ чанел.

Приведените се на возраст од дваесет години и се под истрага под обвинение за „заговор за тероризам, уривање на демократскиот поредок, регистрација и обука за терористички цели, вклучително и меѓународни“.

Италијанскиот суд на момчето му изрекол мерка домашен притвор, со обврска да ја носи електронската нараквица, со која се следи локацијата додека девојката ќе се брани од слобода.

Во решението за спроведување на мерката куќен притвор, се објаснува дека оваа одлука е утврдена со потребата да се гарантира пат на дерадикализација на осомничениот, чие семејства се целосно интегрирано во италијанската социјална структура, ќе има суштинска улога.

Истражните дејствија покажаа дека двете лица, родени во Италија, во семејства со косовско потекло, долго време интегрирани во социјалниот, работен и студиски контекст, тргнале на пат на радикализација овозможена од џихадистичката пропаганда на интернет. По нападот, двајцата требало да отпатуваат во Африка за да се приклучат на терористичката организација, наведува телевизијата.

Во текот на акцијата извршени се повеќе контроли со кои е овозможено запленување на компјутерска опрема и хемиски производи кои би се користеле за производство на експлозивни направи.

Планираниот напад би се случил „секако во Трентино, но не можеме да кажеме повеќе“, објаснил главниот обвинител Сандро Раимонди.

Од избувнувањето на вооружениот конфликт во 2011 година, повеќе од 350 косовски граѓани отпатувале во Сирија и Ирак. Во групата Косовци кои отпатувале во Сирија, освен мажи, имало и жени и деца. Досега повеќе од 250 се вратиле од Сирија во Косово. Косово стана една од првите земји во светот што систематски ги враќаше своите граѓани од сириските кампови, наведува Топ чанел.

The post Двајца Косовци уапсени во Италија, планирале терористички напад во Тренто appeared first on Република.

Вчера во 12.30 часот, полициски службеници од Одделот за прекуграничен криминал, миграции, странци и реадмисија при Регионалниот центар за гранични работи Север во содејство со инспектори од Трудов инспекторат извршиле контрола на градежен објект на ул.„Партениј Зографски“ во Скопје, каде како изведувач на градежни работи е правно лице од Скопје.

Како што соопштија од МВР, при контролата, на објектот биле затекнати 10 лица, државјани на Косово, кои извршувале градежни работи. По дополнителните проверки било констатирано дека лицата го прекршиле Законот за странци и против нив ќе бидат поднесени соодветни прекршочни пријави согласно член 217 од Законот за странци, додека за правното лице ќе бидат поднесени соодветни пријави од страна на Трудов инспекторат.

The post Косовци без документи работеле на објект на Водно appeared first on Република.

Македонскиот кошаркарски репрезентативец Стојан Ѓуроски се здоби со скршеница на десната рака во тепачката пред два дена на скијачките патеки во Маврово.

https://republika.mk/vesti/crna-hronika/se-tepale-so-skii-i-stapovi-kosovci-i-gostivarci-imale-masovna-tepchka-na-ski-terenite-vo-mavrovo/

Тепачка на 2 јануари во која учествувале четири лица од Косово и исто толку од Гостивар, настанала поради кавга за предимство за користење на ски лифт. Покрај Ѓуровски повредено е едно 18-годишно лице од Косово.

Имам скршеница на десната подлактицата. Успешно бев опериран вчера. Следува пауза од околу два месеца, за закрепнување. Тоа секако негативно ќе се одрази на мојата сезона. Но, ќе се трудам да се вратам што побрзо и да бидам уште поподготвен кога ќе се вратам. Не би сакал да коментирам поопширно, меѓутоа бевме нападнати, така да кажам, од заседа. Се качувавме по ски-лифтот и тие горе нè чекаа со извадени скии, подготвени, изјави Ѓуроски за Слободен печат.

Стојан Ѓуроски е член на Пелистер кој е лидер на табелата во Првата лига со максимални 12 победи.

The post „Нè чекаа со извадени скии, подготвени“: По тепачката со Косовците на ски-терените, репрезентативецот Ѓуроски два месеца надвор од терен appeared first on Република.

Полициски службеници на СВР Тетово-Одделение за внатрешни работи Гостивар, вчера околу 18 часот ги лишиле од слобода Ј.О.(27), Д.О.(30), Ф.О.(29) и А.О.(19) од Република Косово и Б.Д.(29),Г.Ѓ.(25), М.Ѓ.(41) и С.Ѓ.(30) од Гостивар, поради сомнение за нивна инволвираност во меѓусебна физичка пресметка, која околу 14.50 часот се случила на ски-терените на Бистра во Маврово.

Според пријавеното, во физичката пресметка биле употребени и тврди предмети, а две лица, А.О. и С.Ѓ. се здобиле со тешки телесни повреди, констатирани во гостиварската Општа болница „Ферид Мурад“. Сите инволвирани се задржани во Полициската станица Гостивар за целосно расчистување и документирање на случајот, по што ќе биде поднесена соодветна пријава.

The post Косовци предизвикале тепачка на ски терените во Маврово appeared first on Република.