Евролигата има намера да продаде малцински удел во бизнисот.

Како што објави „The Financial Times“, инвестицискиот фонд од Саудиска Арабија „SURJ Sports Investment“,сака да купи дел од најпрестижниот кошаркарски клупски турнир во Европа.

Малцинскиот удел во Евролигата се проценува на приближно една милијарда евра.

„EuroLeague Commercial Assets“ очекува да продаде приближно една третина од целиот свој бизнис, кој ги вклучува и Евролигата и Еврокупот.

Конкурент на „SURJ Sports Investment“ во овој процес е британската инвестициска фирма „BC Partners“.

Преговорите се во напредна фаза, но се уште не е постигнат договор.

Преку своите компании, инвеститорите од Саудиска Арабија претходно купија мнозински удел во фудбалскиот клуб Њукасл Јунајтед и ја создаде ЛИВ голф лигата. Фондот се обрати и до тениските АТП и ВТА со понуда за купување на целата турнеја.

The post Саудиски инвеститори сакаат да купат удел во Евролигата appeared first on Република.

Рекорден број луѓе присуствуваа на кошаркарските турнири во машка и во женска конкуренција на Олимписките игри во Париз.

Според прес-службата на Меѓународната кошаркарска федерација (ФИБА), на натпреварите присуствувале вкупно 1.078.319 гледачи.

Претходниот рекорд беше поставен на Олимпијадата во 1996 година во Атланта - 1.068.032 луѓе.

Просечната посетеност на турнирите на ЛОИ 2024 кај мажите била 21.711 луѓе по натпревар, кај жените - 19.763

The post Koшарката најгледана во Париз appeared first on Република.

Српските кошаркари ја освоија бронзата на Олимписките игри во Париз. Во мечот за третото место Србите ги совладаа Германците со резултат 93:83.

Успехот на Никола Јокиќ беше 19 поени, 12 скока и 11 асистенции. Србија на тој начин и возврати на Германија за поразот во финалето на минатогодишното Светско првенство во Манила кога Германците го освоија златото.

Тогаш Јокиќ не играше за Србија, но овој пат Србите предводени од најдобриот кошаркар на денешницата постигнаа нов успех.

Ова е дури 13. медал од големите натпреварувања за српската репрезентација, со што се потврди статусот на кошаркарска велесила.

The post Србија ја совлада Германија и освои бронза на Олимписките игри appeared first on Република.

Денес ја имав честа да ги примам нашите млади херои кои донесоа злато.
8:0 на Европскиот шампионат во кошарка за возраст до 18 години, Б дивизија и златен медал.
Македонија е горда на нивниот успех. Дело кое треба да се следи, објави на Фејсбук, премиерот Христијан Мицкоски.

The post Премиерот Мицкоски ги прими младите кошаркари кои на Македонија и донесоа злато appeared first on Република.

Премиерот Мицкоски во празничниот викенд беше натпревар на Европското првенство за кошаркари до 18 години и навиваше за Македонија.

The post Mицкоски ги бодреше македонските млади кошаркари appeared first on Република.

Првата ѕвезда на Лос Анџелес лејкерс, Леброн Џејмс искажа комплименти за центарот на Деневер, Никола Јокиќ.

Еден од најдобрите досега. Едноставно е таков. Јокиќ може се. Што е најважно, тој го менува начинот на кој неговите соиграчи размислуваат за сопствената игра. Кога некој може да ги инспирира другите да играат на ниво на кое не ни знаеле дека можат, тоа е доказ дека зборуваме за навистина одличен играч, рече Џејмс.

Лејкерси ќе се сретнат со Нагетс во 1. коло од плејофот, а дуелот Џејмс – Јокиќ предизвикува големо внимание кај светската кошаркарска јавност.

Првата средба во плејоф пресметките меѓу Лос Анџелес лејкерс и Денвер нагетс е закажана за утре.

The post Леброн: Јокиќ е еден од најдобрите на сите времиња appeared first on Република.

Натпреварот помеѓу Чаир 2030 и МЗТ Скопје e прекинат на полувремето и веројатно нема да продолжи.

На полувремето, на пат кон соблекувалните, кошаркарите на актуелниот македонски шампион биле нападнати од непознати лица.

Кошаркарите на МЗТ одбија да го продолжат натпреварот.

Првото полувреме заврши со водство на МЗТ Скопје со 44:42.

The post Кошаркарите на МЗТ нападнати во Чаир, одбија да се вратат на теренот appeared first on Република.

Билетите за натпреварот Македонија – Естонија во рамки на квалификациите за Евробаскет 2025 се распродадени.

Вратите на СРЦ Кале, за сите оние кои успеаја да купат билет, ќе бидат отворени од 18:00 часот.

Натпреварот започнува во 19:00 часот.

Македонската кошаркарска федерација се приклучува во акцијата за собирање на средства потребни за лекување на Леонид Индов.

Комплетниот приход од продадени влезни билети од натпреварот Македонија-Естонија, кој се игра вечерва во салата на СРЦ „Кале“ во Скопје, ќе биде насочен како донација за понатамошно лекување на 18. годишниот Леонид, со надеж за негово што поскоро закрепнување.

The post Распродадени се билетите за кошаркарскиот меч Македонија – Естонија, парите ќе одат за лекување на Леонид appeared first on Република.

Најтрофејниот македонски кошаркарски клуб Работнички го назначи својот поранешен играч Горан Самарџиев за нов тренер на местото на Димитар Мираковски.

Самарџиев (42) се враќа во Работнички по тренерскиот ангажман во словачкиот прволигаш Комарно, каде што пред две недели ја раскина соработката.

Самарџиев во минатото го предводеше Еуро Никел со кој дојде до финалето во плејофот во сезоната 2020/21.

Работнички сезонава имаше неуспешен настап на домашен терен во квалификациите во ФИБА Еврокупот, а во домашното првенство има ефект од три победи и два порази по воведните пет кола.

The post Самарџиев e нов тренер на кошаркарите на Работнички appeared first on Република.

Репрезентацијата на Србија е првиот патник во големото финале од Светското првенство. „Орлите“ во полуфиналната пресметка со Канада беа апсолутно подобар противник и сосема заслужено славеа со резултат 95-86.

Најефикасен во победничкиот табор беше Богдан Богдановиќ со 23 поени, а ист скор имаше и Ар Џеј Берет од Канада. Србија во големото финале го чека подобриот од дуелот меѓу САД и Германија.

Американците се големи фаворити во второто полуфинале и голема е веројатноста дека токму тие ќе бидат противници на феноменалниот српски тим.

The post Србија ја демолира Канада и се пласира во финалето на кошаркарското СП appeared first on Република.

The post Кошаркар на младинската репрезентација ја „покри“ Северна на доделувањето на наградите за да се гледа само Македонија appeared first on Република.

Спортски реквизити во канцеларија на премиер не се новост, јас ги немам, но лично прашање е како некој го организира просторот во својата канцеларија, вели премиерот Димитар Ковачевски.

Прашан да го коментира видеото објавено од првиот вицепремиер и министер за политички систем и односи меѓу заедниците Артан Груби како со министри од коалицискиот партнер игра фудбал и кошарка во државен објект, Ковачевски посочува дека тоа не се први слики од кабинетот на Груби, во кои дури и амбасадорот од Словачка играл фудбал.

Јас имам колеги премиери кои што имаат кошеви во канцеларија. Јас немам и никогаш не сум имал, меѓутоа секој може да избере дали ќе има некаков реквизит кој што ќе го искористи во својата канцеларија на минута, 2-3 или пет. Така што тоа е лично прашање за некој како го организирал просторот во својата канцеларија. Дали мене ми пречи или не е ирелевантно, бидејќи доколку јас сакам да го организирам просторот во канцеларијата во која работам на начин на кој сакам, тогаш ќе го организирам. Начинот на кој го организира просторот во својата канцеларија друг човек, е прашање за него, изјави Ковачевски на денешната прес-конференција по повод потпишувањето на договор за изградба на Коридорите 8 и 10д со „Бехел-Енка“.

Вицепремиерот Груби, пак на прашањето дали е во ред „да се закачи кош до уметничка слика“ и да се има таков однос кон она што е сопственост на сите граѓани, се извини за таквата постапка, но ја оправда со новата реорганизација на органите на државната управа.

Ако тоа толку длабоко задира во вашите чувства затоа што сме играле фудбал, баскет…, во чувствата на кој било, што е трогнат од таа слика, навистина ви се извинувам. Јас сум, како што знаете, спортски тип и согласно реорганизацијата на органите на државната управа Агенцијата за млади и спорт треба да стане дел од Министерството за политички систем, изјави Груби.

Тој додаде дека нема амбасадор што е дојден во неговата канцеларија, а да не шутирал и оти од тоа се објавувани слики.

Пред некој ден, на пример, Словакот беше последниот што шутираше и вие објавивте, во порталите беше. Тоа не беше скандал, ова денеска е скандал. Ова е таа хистерија за која што зборувам, за двојни стандарди, за селективни правди, за измислување за теми само да се дефокусира од нешто. Значи, дојде градоначалникот на Тирана, дури со пета даде гол, вели Груби.

Вицепремиерот Груби вчера на неговиот официјален Фејсбук профил објави фотографии на кои тој со негови сопартијци од ДУИ и министри игра кошарка и фудбал во неговиот кабинет во Министерството за политички систем. На видеото се министрите Бујар Османи, Фатмир Бесими, Крешник Бектеши, Јетон Шаќири, како и поранешниот министер за животна средина Насер Нуредини.

The post Лично прашање е како некој го организира просторот во својата канцеларија, вели Премиерот за играњето фудбал и кошарка во канцеларијата на Груби appeared first on Република.

Едно лице загина по масовна тепачка за време на кошаркарски натпревар на американски основни училишта во северен Вермонт. Поради засега необјавени причини, во текот на играта се степале родители кои ги гледале своите деца, а еден маж починал како последица на тешките повреди.

Полицијата брзо реагирала, дошла на местото на настанот, но мажот по име Расел Жиру се пожалил на повреди. Тој бил префрлен во болница, каде од здобиените повреди во тепачката починал.

Еден родител успеал да ги сними сцените од бруталната тепачка.

Ми треба да го споделите видеото од кошаркарскиот натпревар на ќерка ми во основно училиште. Родителот е убиен. Што не е во ред со оваа земја?, напиша тој на Твитер.

@CNN Man killed at middle school basketball game in Vermont pic.twitter.com/XeemBOl042

— dpat (@HalfBaked802) February 1, 2023

The post Татко претепан до смрт за време на кошаркарскиот натпревар на син му appeared first on Република.

Украинскиот кошаркар Руслан Отверченко почина денеска на 33-годишна возраст, а причина за смртта е проблем со неговото срце.

Во текот на професионалната кариера која траеше 11 години, Отверченко настапуваше за Киев, Доњецк, Будивељник и Прометеј.

Во текот на сезоната 2015/16 играше за шпанска Манреса, а една година подоцна настапи на Европското првенство со Украина.

The post На 33 години почина укрански кошаркарски репрезентативец appeared first on Република.

The post ООУ „Владо Тасевски“ есенски прваци во кошарка appeared first on Република.

ТФТ си го олесни патот до место во разигрувањето за титула откако во 9. коло од Суперлигата славеше на гостувањето кај Феникс 2010 со 58-76.

Гостите кои имаа двоцифрена предност на полувремето одолеаја на налетот на домаќинот во второто полувреме кога ‘виолетово-жолтите’ стигнаа и до изедначување, а со добра игра во финишот ја запишаа 17. победа со која се изедначија со Гостивар и Еуро Никел на табелата.

Николов со 15 поени и Хортон со 14 беа најефикасни кај победничкиот тим, а кај Феникс најефикасни беа Петков со 15 и Митревски со 14 поени.

The post ТФТ славеше против Феникс2010 appeared first on Република.

Раководството на кошаркарската Евролигата утре ќе објави алтернативна земја во која ќе играат руските клубови, пренесува „ТАСС“ повикувајќи се на прес-службата на Евролигата.

Утре ќе има состанок на Бордот на акционери на Евролигата, на кој ќе се разговара за темата за одржување на претстојните натпревари на руските тимови, а се очекува да биде објавена и алтернативна земја во која ќе се играат натпреварите на тимовите од Русија, соопшти прес-службата на елитното кошаркарско натпреварување

Претходно беше одложен натпреварот од 26. коло од регуларниот дел од сезоната во Евролигата меѓу руска ЦСКА и шпанска Барселона. Средбата требаше да се одржи на 27 февруари во Москва.

Евролигата ги одложи и натпреварите Баерн (Германија) – ЦСКА, Басконија (Шпанија) – Уникс (двата на 24 февруари) и Зенит – Барселона (25 февруари).

The post Евролига утре ќе одлучи во која држава ќе играат клубовите од Русија appeared first on Република.

Срамен инцидент се случи на дуелот од кошаркарската М14 лига, пресметка меѓу „вечните ривали“ Работнички и МЗТ Скопје, откако родител на еден од гостинските играчи се симна на терен и се обиде физички да нападне дете од таборот на „центарци“.

На инцидентот претходеше мал конфликт меѓу кошаркарите на двата тима, но шокот настана кога неодговорниот родител ја прескокна оградата во салата „Градски Парк“ и тргна кон детето на Работнички.

Следеше и кратка физичка пресметка со едно од присутните лица на паркетот, по што настана хаос, пред состојбата конечно да се смири.

На денешниот натпревар каде што нашите најмлади кошаркари остварија убедлива победа,имаше немили сцени.Каде што родители од спротивната страна (мзт скопје) се обидоа физички да нападнат малолетно дете, кошаркар од тимот на РАБОТНИЧКИ. Пред се ова е срам за кошарката, особено кога во прашање е натпреварување на малолетни деца до 14 години. Нашиот став и мислење е дека вакви непосакувани настани не треба да поминат неказнети и се надеваме дека надлежните органи ќе превземат соодветни мерки“, објави КК Работнички, крај видеото од овој немил настан.

извор: Екипа.мк

https://youtu.be/fkMdv9CYE5c

The post Огромен срам во младинската кошарка: Родител на дете од МЗТ тргна да тепа млад кошаркар на Работнички среде натпревар appeared first on Република.