Целиот град стои позади неа-затоа што е храбра, одлучна, се спротистави на сите што 20 или 30 години еден маж не се најде да застане.Или му биле партиските или политичките интереси побитни.

Вака градоначалничката на Скопје ја бранеше досегашната директорка на „Комунална хигена“ Косана Мазнев Николиќ која денеска ја разреши.

https://republika.mk/vesti/skopje/na-arsovska-ne-i-se-pogodi-ni-kosana-razreshena-direktorkata-na-komunalna-higena/

The post Арсовска ја бранеше Мазнeва, а сега ја избрка appeared first on Република.

Државниот инспекторат за труд по поднесената претставка од вработените во Јавното претпријатие Комунална хигиена Скопје на кои им беа дадени откази, утврдил дека тие биле отпуштени незаконски.

Како што информираа од Сојузот на синдикатите, инспекторатот налага да се поништат отказите.

Донесена е Инспекциска мерка со која Менаџментот на ЈП Комунална хигиена Скопје треба да донесе писмен акт со кој ќе ги поништи одлуките за отказ поради тоа што истите се спротивни на закон и колективен договор“, велат од синдикатот.

Синдикатите очекуваат Управниот одбор на ЈП Комунална хигиена Скопје на седницата која ќе ја одржи денес, постапувајќи согласно Инспекциската мерка како и врз основа на поднесените приговори од работниците, да донесе одлука со која ќе ги поништи отказните решенија и вработените ќе ги врати веднаш на работните места.

СУТКОЗ и ССМ изминатиот период укажуваа дека раководството на Комунална хигиена Скопје треба да го почитува законот и колективните договори и дека постапките кои се преземаат се ништо друго туку реваншизам кон работниците за нивната синдикална борба. Се апелира на дијалог.

The post Мазнева незаконски ги отпуштила комуналците, да ги поништи одлуките, налага инспекторатот за труд appeared first on Република.

Ниту Град Скопје, ниту ЈП „Комунална Хигиена“ не ги пријавиле во полиција вработените за кои рекоа дека биле трајно иселени во Германија, а со години чекале „џепарлак“ од претпријатието оти биле пријавени дека доаѓаат само трета смена. Ова синоќа во ТВ гостување го потврди министерот за внатрешни работи, Оливер Спасовски.

На прашањето „дали е пристигната пријава до МВР за лица кои земале плата а не оделе на работа“, Спасовски одговори:

„Вакава пријава за конкретниот случај нема пристигнато. Имаше пријава за блокадата во претпријатието и таму каде што беа исполнети условите за да се одблокира и да може да работат работниците на „Комунална хигиена“ тоа го направивиме. Мене ми е многу жал што се доведовме во состојба, денеска, во 2023 година, да разговараме дали Скопје треба да тоне во ѓубре или не.“

Вчера и од обвинителството кажаа дека нема ваква пријава. Скопското Обвинителство посочи дека пријавите од Косана Мазнева биле само за случувањата со бојкотот во претпријатието и несобирањето смет. Од таму ја повикуваа Мазнева, доколку забележала незаконитости, да ги пријави.

За една недела, директорката на Комуналец, Косана Мазнева, избрка 70-ина луѓе од работа, а минатиот викенд протестираа вработените и не го собираа ѓубрето низ главниот град. Во понеделеникот, на прес-конференција, градоначалничката се караше со новинарите, вработените во КХС ги нарече мафијаши и побара на Мазнева да и речеме „браво“, а не да ја прашуваме зошто после година од стапувањето на функцијата, дури сега постапува за овие лица. И двете тогаш рекоа дека овие лице ги пријавиле и во МВР и во обвинителство, но не сакаа да кажат кои се тие луѓе со име и презиме, оти тоа било личен податок.

The post Спасовски: Ни Арсовска, ни Мазнева не пријавиле во полиција дека има луѓе во Германија, а земаат плата од Комуналец appeared first on Република.

Скопје се дави во смет.Купишта ѓубре стојат пред улиците, булеварите, населбите. Речии целиот град се затрпан во ѓубре откако вработените во „Комунална хигена“ се во штрајк и одбиваат да се качат на  камионите и да почнат да ги празнат контејнерите.

Директорката Косана Мазнаева-Николиќ им се закани ако од утре не си ја вршат својата работа подобро нека не доаѓаат бидејќи ќе добијат отказ.

Погледнете како денеска изгледаат скопските улици

The post Скопје се дави во смет, директорката на „Комунална хигена“ се кара со вработените appeared first on Република.

Денес за нов директор на јавното претпријатие „Комунална хигиена“ Скопје е назначена Косана Мазнева.

Мазнева има повеќе од 15 години искуство, од кои како раководител на сектор природа во Министерство за животна средина и просторно планирање, одговорен инженер и советник за животна средина во АД „Електрани на Македонија“ и поранешен пратеник во два мандата.

Високо образование има завршено на Природно-Математичкиот Факултет во Скопје.

Мазнева доаѓа на местото директор на „Комунална хигинеа“ откако гхрад Скопје експресно го разреши досегашниот в.д. директор Зуди Енузи, откако неговиот брат беше вмешан во инцидентот со пукањето кон учесниците на протестот против францускиот предлог, кај плоштадот „Скендербег’.

The post Косана Мазнева е нов директор на „Комунална хигиена“ appeared first on Република.