Европската агенција за лекови објави дека се надева дека вакцините, приспособени на одредени варијанти на коронавирусот, како што е омикрон, ќе бидат одобрени до септември.

„Наш приоритет е да обезбедиме приспособените вакцини да бидат потенцијално одобрени најдоцна до септември за да бидат подготвени за нови кампањи за имунизација на ЕУ наесен“, рече Марко Кавалери, раководител на секторот за биолошки здравствени закани и стратегии со вакцини при Европската агенција за лекови (ЕМА).

„Ова ќе им овозможи на производителите соодветно да ги приспособат нивните производни линии“.

Вакцините базирани на mRNA произведени од Фајзер и Модерна поминаа долг пат, а клиничките испитувања се во тек.

The post Најдоцна до септември нова вакцина против коронавирус appeared first on Република.

60-годишен Германец, наводно, бил вакциниран против коронавирус 90 пати за да продава фалсификувани сертификати за вакцинација против Ковид со вистински сериски броеви на луѓе кои не сакаат да се вакцинираат.

Мажот бил вакциниран во центрите за вакцинација во источната сојузна покраина Саксонија додека измамата не ја забележала полицијата, јавува агенцијата ДПА.

Осомничениот не е приведен, но е под истрага за неовластено издавање на потврди за вакцинација и фалсификување исправи, а бил фатен кога втор ден по ред се појавил во центарот за вакцинација.

Нема информации за влијанието на околу 90 дози вакцини против коронавирус, кои биле од различни производители, врз личното здравје на една личност.

The post Германец се вакцинирал 90 пати, ги продавал ковид-сертификатите appeared first on Република.