Директорот на Јавното претпријатие за државни патишта (ЈПДП) Коце Трајановски се надева дека пред Нова година ќе ги внесат на терен „Бехтел и Енка“ со активности за изградба на автопатските делници на коридорите 8 и 10д, откако претходно ќе се заврши потребната експропријација и дислокација на електрични и телекомуникациски водови.

Како што соошти денеска Трајановски, интензивно се работи на експропријации за кои кои претходната влада дала рокови да бидат завршени минатата година, а средствата за таа намена се надвор од планираните милијарда и 300 милиони евра за изградбата на автопатиштата.

Потпишан е договор којшто е специфичен, којшто е по специјален закон направено и сметам дека, пак ќе кажам претходната влада, поставиле рокови за експропријација и дислокација на електрични водови и телекомуникациски водови којшто е надлежност на Република Македонија и не спаѓаат во тие милијарда и триста милиони, да бидат завршени минатата година. Ние правиме интензивни напори и последниов месец и нешто вложуваме голем напор во експропријацијата. Додека не ја решиме експропријацијата тие не може да влезат. Тие влегуваат откако ќе биде исчистено земјиштето, значи да биде експроприрано, да бидат дислоцирани каблите, да има деминирање. Дури и проектирањето е под надлежност на Република Македонија, не е во тие милијарда и триста, така што интензивно работиме за да може што побрзо „Бехтел и Енка“ да почнат да работат. Се надевам дека пред Нова година веќе ќе ги внесеме на терен, изјави Трајановски, при посетата на Кавадарци.

Трајановски потенцираше дека станува зор за дополнителни средства покрај планираните милијарда и триста милиони евра за патиштата.

Директорот на ЈПДП соопшти и дека го разгледуваат проблемот на жителите на прилепското село Ореовец кои со блокада на патишта ги спречуваат ископите на „Бехтел и Енка“ за делницата Прилеп-Битола, со образложение дека се нарушува статиката на нивните куќи и ќе се уништат изворите за вода.

Ние го разгледуваме тој проблем. Сето тоа е од минатата влада и од минатиот градоначалник кој е од април оваа година, така што тоа е наследен проблем којшто ние понатаму треба да го решаваме, изјави Трајановски.

Американско-турскиот конзорциум „Бехтел и Енка“ на 8 март минатата година потпиша Договор со претходната Влада со кој се обврза до 2027 година да изгради ќетири автпатски делници во должина од 110 километри на коридорите 8 и 10-д. Со договорот се опфатени автопатските делници на Коридорот 8: Требеништа – Струга – Ќафасан (22,5 километри) Гостивар – Букојчани (30,1 километар), Тетово – Гостивар ( над 17 километри) и Прилеп – Битола (40 километри) од Коридорот 10- д.

The post Работиме на тоа „Бехтел и Енка“ пред Нова година да почнат со активности за изградба на коридорите 8 и 10д appeared first on Република.

Со мене нема разговарано претседателот на ВМРО-ДПМНЕ, Христијан Мицкоски, ниту било кој друг, за тоа кои компании ќе бидат подизведувачи на изградбата на Коридорите 8 и 10д, вели премиерот Димитар Ковачевски, одговарајќи на новинарско прашање дали е разговарано на оваа тема за ангажирање на македонски градежни компании.

Тој, по лидерската средба со Мицкоски во Клубот на пратениците, посочи дека нашата држава има договор со американско-турскиот конзорцуим „Бехтел и Енка“.

Сите одлуки што се носат во практичната имплементација на работа на тој проект се во делот на конзорциумот, во рамки на брзо и ефикасно и според договорот за брзо извршување на проектот, а контролата се одвива во рамки на ЈП за државни патишта и нормално Министерството за финансии, каде што секоја финансиска трансакција ќе се направи од ЈПДП до конзорциумот ќе биде јавно објавена на делот на порталот за јавни финансии, рече Ковачевски по лидерската средба.

The post Ковачевски не разговарал со Мицкоски или со некој друг за ангажирање македонски компании за подизведувачи на Коридорите 8 и 10д appeared first on Република.

За да постигнеме економски раст и развој на наредниот период на Република Македонија, прво е потребно санација на катастрофалната состојба во која што СДС и ДУИ ќе ја остават државата, а потоа и да ја стабилизираме економијата, рече членот на ИК на ВМРО-ДПМНЕ, Трајко Славески на денешната трибина насловена Развојни политики за стабилна економија во организација на ВМРО-ДПМНЕ.

Славески истакна дека стабилизација на економијата претставува справување со инфлацијата.

Стабилизацијата на економијата претпоставува борба со инфлацијата. Но, основен предуслов и предизвик во овие моменти за народна власт е да се зачува економската самостојност на државата, додаде тој.

Славески потенцираше дека Македонија е на пат да го изгуби економскиот самостојност со контроверзниот и коруптивен проект со Бехтел и Енка за изградба на коридорите 8 и 10д, бидејќи најавиле нешто за кое не само што немаат проект тоа како ќе изгледа, туку немаат ниту обезбедени средства, укажувајќи дека владата на ВМРО-ДПМНЕ кога започнала со изградба на делницата Демир Капија Смоквица во 2006 година прво обезбедила средства од Европската Инвестициона банка.

Сега сме на пат да ја изгубиме економската самостојност. Директно ќе кажам дека станува збор за контроверзниот и коруптивен проект со Бехтел и Енка за изградба на коридорите 8 и 10д. Без преседан е да започнете да трошите милион евра, не само што нема проект, туку ова е прв пат да влезете во една огромна инвестиција без обезбедени финансиски средства. Јас се сеќавам на годините 2006, 2007 година кога единственото парче од коридорот 10д, автопатот Е 75, делницата Демир Капија – Смоквица требаше да се изгради, се дека не обезбедивме поволни средства од Европската Инвестициска Банка и исто толку грант не тргнавме во изградба на таа делница. Сите автопати во државата се градени со обезбедени средства од ЕУ, особено коридорите, затоа што тоа се и европски патишта. Овде не само што не побарана поддршка, туку ние сме на пат и да се контрираме со ЕУ. И првите знаци на незадоволство од нивна страна за ова веќе стигнува, нагласи тој.

Како што тргнал работите може ова време следната година ќе нема средства да им се исплаќа на бескрупулозните изведувачи, проектот некаде ќе зариба, нешто ќе се изгради ќе видиме што, но како понатаму ќе треба да мислиме ние со ре преговараме и поставување на една здрава основа, заклучи Славески.

The post Сега сме на пат да ја изгубиме економската самостојност, предупредува Славески appeared first on Република.

Гордана Димитриеска Кочоска, потпретседател на ВМРО-ДПМНЕ на вечерашната трибина насловена како „Развојни политики за стабилна економија“ се осврна на економската ситуација во моментов.

Ние економистите многу често го споменуваме БДП како показател за вкупната економска активност или велиме тоа значи колку е успешна една економија и го споредуваме со земјите од регионот. Клучно е да видиме што е тоа што влијае на БДП. Постојат различни методи на пресметка и еден од нив е дека БДП зависи од личната потрошувачка, јавната потрошувачка, инвестициите и ефектите извозот и увозот. Личната потрошувачка е она што ние го трошиме, а тоа што го трошиме оди преку платите. Платите ги исплаќа приватен сектор, државни претпријатија и јавна администрација. Јавната потрошувачка е трошокот кој го прави државата и имаме тековни расходи кои се за едно секојдневно работење плати, пензии субвенции трансфери и другиот дел се капиталните инвестиции, објасни Димитриеска Кочоска.

Клучното е, додаде таа, да се полни буџетот, а за тоа важно е што работи приватниот сектор, затоа што буџетот го полнат даноци.

„За да има поуспешна економија потребен е подобар приватен сектор, повеќе инвестиции, но емпириски е докажано кога државата правилно ги насочува своите инвестиции тогаш и приватниот сектор се охрабрува инвестира, има можност за повисоки плати, а не реална вредност онаа 35 илјади денари. Тоа е само математика на власта, бидејќи со таа плата не можете да купите ни половина од претходно“, посочи таа.

Според Димитриеска Кочоска како власта ги троши парите на капиталните инвестиции е клучно и да споредиме да видиме што правела претходната власт, а што оваа.

Ако погледнеме ќе видиме дека периодот од 2007 до 2017 година вкупните капитални инвестиции и расходи во буџетот биле 3 милијарди евра, додека пак буџетскиот дефицит или задолжувањето за да може да се финансира буџетот биле 2 милијарди и 400, значи 600 милиони евра од даноците на граѓаните претходната Влада со правилно менаџирање успеала да ги насочи кон капиталните инвестиции. Е сега 2018 -2022 година состојбата е многу поразлична, имаме вкупни капитални инвестиции од 1 милијарда и 600 милиони евра во исто време буџетски дефицит од две милијарди и петстотини милиони евра, или тоа значи дека државата позајмува за да може да исплати плати и тековно работење, односно тоа е првиот сигнал дека недомаќински управува со буџетот и веќе тука се и првите сигнали дека имаме извор на корупција и криминал во буџетот и на договорните услуги, рече Димитриеска Кочоска.

Но, додаде таа, она што повеќе мачи е структурата на капиталните расходи.

Ако погледнеме во минат период на претходната влада ќе видиме дека во вкупните капитални расходи најголемиот процент повеќе од 55 проценти бил на инфраструктура и градежништво за разлика од тоа оваа власт има 35 проценти од вкупните капитални расходи на инфрастуктура и градежни работи. Има уште една работа, а тоа се нефинансиски вложувања. Претходната влада за истите имала 4,5 проценти од вкупните инвестиции, а оваа влада стигна до над 36 проценти. Низ практичен пример ќе видиме каде завршуваат парите на граѓаните. На 28 април се носи Одлука со кој Владата прави трансфер на пари кон ЕСМ, тие пари во одлуката се наменети капитални инвестиции, но во истата одлука стои ЕСМ парите ќе ги троши за купување јаглен, мазут и се она за да има производство. Ова значи парите се користат за тековно работење, не за инвестиции. Во исто време имаме лажирање на финансиски извештаи и поради ова не можеме да ги видиме ништо прецизно, рече Димитриеска Кочоска.

Таа нагласи дека ова е сериозна сериозна манипулација и некој ќе одговара.

Исто ние збориме за кориор 8 и 10 д и имаме пенали од 53 милиони евра и повторно лажирање зошто се евидентираат како капитални инвестиции, а нема да има ни 100 метри од автопатот, рече таа.

The post Нема да има ни 100 метри од автопатот чии пенали ни ги претставуваат како инвестиции appeared first on Република.

Како идна влада ќе наследиме проект кој што ќе има многу нејаснотии, многу прашалници и затоа се обидовме процесот да го исправиме, но очигледно решија да го буткаат на насилен пат, односно преку груба злоупотреба на европското знаменце, што само по себе е своевиден двоен стандард и лицемерие. Од една страна промовирате европски вредности, а од друга страна ги погазувате тие европски вредности и тоа ги доведува во конфузија граѓаните, истакна претседателот на ВМРО-ДПМНЕ, Христијан Мицкоски во своето гостување во емисијата „360 Степени“ на Алсат, зборувајќи за начинот на кој Владата го турка договорорт за коридорите 8 и 10Д.

Мицкоски исто така додаде дека ВМРО-ДПМНЕ како идна влада ќе ги репреговара проблематични сегменти во договорот со компанијата која ќе гради.

„Наш проблем како влада ќе биде оние сегменти од самиот договор коишто за нас се критични и проблематични со луѓето од Бехтел да седнеме и да ги репреговараме како идна влада, подвлече Мицкоски и додаде дека Владата упорно го крие договорот од јавноста и не потврди дали верзијата доставена од свиркач е вистинската, па дури и на Државната комисија за спречување на корупција ѝ достави редактирана верзија, а не вистинската.

„Практично мораме да седнеме со таа компанија и да поразговараме отворено за можните проблеми со кои би се соочила идната влада“, потенцираше Мицкоски и дополни дека во Романија се репроектирал и поевтинел и до 30% тој проект.

„Така што не е невозможно и нејќам и тука да ми кажат, е тоа ви е најдобриот предлог. Не, не е најдобар. Може да се преговара и да се репреговара и ако навистина сакаат од компанијата да бидат пријатели и ако навистина нашите стратешки пријатели се стратешки пријатели на оваа земја ќе ни помогнат заедно да седнеме, да испреговараме нешто што ќе биде заеднички интерес, а пред сѐ интерес на граѓаните“, заклучи Мицкоски.

The post Договорот со „Бектел и Енка“ може да се преговара и да се репреговара appeared first on Република.

Претседателот на ВМРО-ДПМНЕ, Христијан Мицкоски во гостување во емисијата „360 степени“ на Алсат, коментирајќи го договорот за коридорите 8 и 10Д истакна дека владата кога го потпишувала истиот не водела сметка за државниот интерес и за интересот на граѓаните заштитила, додека компанијата си ги заштитила сопствените интереси на најдобар можен начин.

Тој додаде дека планот на идната влада која ќе ја предводи ВМРО-ДПМНЕ е да го репреговара овој договор и да го направи како што треба псо цел да се избегнат огромните пенали за кои луѓето од власта не воделе сметка на време.

„Можно е во светот на бизнисот на два начина да завршите договор. Едниот е договорот да го прекинете и да плаќате пенали, а овдека сигурно ќе плаќаме огромни пенали затоа што според истиот тој договор којшто не е демантиран од страна на Владата, одговорен суд е судот во Париз според правилата Меѓународната трговска организација на кој што ќе се применува законодавството на Англија и на Велс. Еден сосема поинаков тип на законодавство, споредено со македонското законодавство каде што државата е во подредена положба. Тоа е едната опција, да го раскинеме договорот, да немаме автопати и државата да плаќа пенали. Вториот е тоа што ќе го наследиме да го направиме како што треба. Јас лично ќе се занимавам како инженер и посебно сум загрижен зашто се потврдија сите мои стравувања. И од вчера практично видовме дупчалки со кои се отпочнуваат геолошките истражни работи. Тие што се инженери знаат што зборувам. Без истражни работи, без геологија вие немате проект, а како ќе правите нешто за коешто веќе е добиен аванс 200 милиони или колку и да беа“ истакна Мицкоски.

Тој додаде дека овој е проект што многу загрижува бидејќи се потврдија сите стравувања, па затоа со компанијата и со стратешките пријатели треба да се седне, да се испреговара нешто што ќе биде заеднички интерес, а пред се интерес на граѓаните.

„Јас би сакал овој пристап да го видам на паралелно проектирањеи изведба и баш би сакал да видам кога ќе дојде редот да се прават виадуктите и тунелите кога ќе треба истрагите да покажат дека тој паралелен начин на таа секција не може технички да биде изведен, па кога ќе треба сето ова паралелно на друг начин да се прави, но и тука си се заштитиле од компанијата. Јас немам ништо против компанијата, таа си ги заштитила нејзините интереси, но имам против овие во владата што не ги заштитиле нашите интереси. И тука си се заштитиле. Велат и грешките во проектирањето ќе си ги плаќате. Така што тоа е проект кој што многу ме загрижува и проект на кој што ќе треба да му се посвети многу внимание. Инаку историјата покажува дека и во Романија дека се репроектирал и дека поевтинел и до 30% потоа тој проект со тоа репреговарање итн. Така што не е невозможно и нејќам и тука да ми кажат, е тоа ви е најдобриот предлог. Не, не е најдобар. Може да се преговара и да се репреговара и ако навистина сакаат од компанијата да бидат пријатели и ако навистина нашите стратешки пријатели се стратешки пријатели на оваа земја ќе ни помогнат заедно да седнеме, да испреговараме нешто што ќе биде заеднички интерес, а пред сѐ интерес на граѓаните“, потенцираше Мицкоски.

The post Мицкоски: Вина на владата е што договорот за коридорите 8 и 10Д е штетен и извор на корупција appeared first on Република.

Собранието денеска во рамки на 112. седница расправаше за измените и дополнувањата на Законот за минерални суровини, по скратена постапка, што е дел од сетот закони поврзани со изградбата на коридорите 8 и 10д. Гласањето за измените ќе биде дополнително закажано.

Овие измени се единствените што поминаа на Комисијата за економски прашања по првото поднесување на законите во Собранието. За него имаше поднесено неколку амандмани од ВМРО-ДПМНЕ и од ВМРО-НП, но тие не беа прифатени. Останатите закони од овој сет беа повторно доставени до Собранието со европско знаменце, и веќе се донесени.

Пратеникот Здравко Трајанов од ВМРО-ДПМНЕ истакна дека со овој закон се покажува дека опозицијата не ја кочи изградбата на коридорите 8 и 10д.

Трајанов укажа дека нема проектна докуметација за коридорите и не се знае каде ќе поминува трасата и каде ќе се копаат минералните суровини. Според него, Владата манипулира и условно го става нецелосно договорот на увид во Антикорупциска со што се потврдува дека е нетранспаретна.

Со измените брзите рокови за искористување на минералните суровини се кратат.

Не ми е јасно што ќе прави Владата со минералните суровини, кој ќе го изработи елаборатот, кој ќе ископува... ова е сива зона. Излегува дека ова останува на Владата, а изведувачот добива готов производ. Зошто се носи овој закон, за да се лови во матно, праша Трајанов.

Според него, нема лимит колку концесии ќе се доделат бидејќи нема проект.

Тони Јаревски, исто така од ВМРО-ДПМНЕ, рече дека во овој закон имаме најубаво слика и доказ што сака власта да направи, кои се нивните скриените намери.

Прескокнуваат институции и со едно барање до управувачкиот комитет ќе се издаваат одобренијата за ископ преку ЈПДП. И посточекото законско решение предвидува проекти од стратешки интерес, вели Јаревски.

Реплицираше Бедри Фазли од ДУИ кој рече дека станува збор за мали измени што се однесуваат на изградба на коридор од стратешки интерес.

Добро е сите да го гласаме овој закон, во наш интерес е, ја забрзува изградбата и ги намалува трошоците, рече Фазли.

Собранието ја продолжи работата по 100. пленарна седница.

The post Не се знае каде или какви суровини ќе се копаат за Коридорите 8 и 10д appeared first on Република.

Договорот за коридорите кој е доставен од страна на свикрачи до нас се гледа дека Владата, Артан Груби и Ковачевски само за некој ден на власт преземале обврски кои не можат да ги преземаат, истакна пратеникот и член на ИК Миле Лефков во вечерашното гостување во емисијата „24 Анализа“ на Телевизија 24.

„Овој пакет на закони во Собрание пристигна со злоупотреба на европското знаменце. Правната рамка која ги регулира односите помеѓу Македонија и Европската Унија е спогодбата за стабилизација и асоцијација а институционалната и легислативната рамка произлегуваат од одредени документи како што е националната програма за усвојување на правото на ЕУ“, рече Лефков.

Лефков посочи дека доколку се погледнат овие документи нема никаде да се пронајдат законите кои стигнаа во Собрание. Никаде нема да ги најдете затоа што нема ниту една директива ниту пак една регулатива која што овие законски решенија се усогласуваат.

„Дополнително поразително е тоа што во сите воведи од законите пишуваше дека законот кој е донесен за стратешки партнер е причина за внесување на овие закони што е апсолутно неточно. Причина за донесување на овие закони е самиот договор кој се крие од јавноста“, кажа Лефков.

Тој додаде дека денес на предлог законот за измена и дополнување на законот за утврдување стратешки интерес и номинирање партнер имавме предлог само еден амандман. Во членот 6, Договорот да биде јавно објавен во Службен весник затоа што граѓаните заслужуваат да знаат што договарала Владата.

„Со ваквата злоупотреба на европското знаменце, закони и суспендирање на законодавството и криењето на договорот навистина се отиде предалеку и навистина лукративните интереси на оние кој ја извршуваат власта веќе станаа очигледни. Јавноста повеќе од сигурна е дека позади сето ова стојат навистина финансиски лукративни интереси“, посочи Лефков.

Лефков изјави дека не се суспендираат 5 закони туку многу повеќе закони се суспендираат.

„Со законот за работни односи се повреди една цивилизациска предност. 48 часовната работна недела се напушти која е прифатена секаде во Европската Унија. Да не зборуваме дека се суспендираат дозволите за градба и урбанистичко планирање, со законот за експропријација дивоградбите се изедначуваат со оние што имаат целосна техничка документација“, дециден е Лефков.

The post Лефков: Јавноста е повеќе од сигурна дека постојат финансиски лукративни интереси во договорот за коридорите appeared first on Република.

Мартин Костовски од СДСМ во емисијата „24 анализа“, на ТВ24 рече дека изградбата на коридорите е стратешки чекор на државата и историски чекор.

- Секоја политичка партија го имаше во предизборните програми, но не успеа да го реализира. Овој проект многу ќе значи за државата, за стопанството и бизнис секторот и Македонија од кружен тек ќе стане раскрсница на Балканот. Она што значеше промена на законските решенија во собраниска процедура значи доуредување на постоечките закони за побрзо и поквалитетно изедување на стратешките проекти. Оваа држава мора да оди напред, изјави Костовски.

The post Костовски: Со изведбата на коридорите, Македонија од кружен тек ќе стане раскрсница на Балканот appeared first on Република.

Криењето на договорот има причина, причината е големата корупција содржана во договорот потпишан од министерот за транспорт и врски Благој Бочварски и директорот на Државни патишта, Ејуп Рустеми надвор од нивна надлежност и на штета на Република Македонија, Антонијо Милошоски, пратеник од ВМРО-ДПМНЕ и член на Извршниот комитет на партијата на гостувањето во емисијата „За или против“ што се емитува на телевизија Алфа.

„Доколку би го покажале стручната јавност многу лесно ќе може да ги увиди клаузулите каде е скриена високата корупција, најмалку 20 градежни материјали немаат утврдена цена. Второ, референтната сцена се врзува со цена на злато, нафта и слични валути кои имаат рамномерен тек во глобалните ценовни движења“, рече Милошоски.

Тој повтори дека опозицијата предводена од ВМРО-ДПМНЕ нема да поддржи ништо од пакетот закони за коридорите. Милошоски се осврна и на причините зошто нема да гласаат за законите за коридорите.

„Прво затоа што се носат законите со злоупотреба на знаменцето на ЕУ со кое се покрива високата корупција. Второ затоа што договорот се држи во тајност. Трето, затоа што сметаме дека дел од законите се спротивни на човековите права и конкретно против одлука на Уставниот суд за работните часови“, рече Милошоски.

Милошоски посочи дека за тоа дали Стево Пендаровски ќе ги потпише законите поврзани со коридорите зависи од тоа дали ќе е верен на владеење на правото или ќе преовладува неговата одлука, односно поддршка за кандидатура на претседателските избори од СДСМ и ДУИ .

„Неговата постапка ќе покаже дали ќе замижи пред почитување на човековите права или ќе замижи ако се кандидира и му ветат поддршка СДСМ и ДУИ . Ова ќе биде тест за Пендаровски. Или Устав и човекови права или претседателска кандидатура“, рече Милошоски.

По однос на кворумот за законите, Милошоски рече дека очекува дека владејачкото мнозинство ќе го има, но оти не е сигурен дали за сите закони ќе гласаат сите пратеници од владејачкото мнозинство.

„Да видиме како ќе гласаат сите пратеници како ќе гласа претседателката на ДОМ, ме интересира и како ќе гласа ВМРО-НП кои исто беа сериозен критичар, а за ВМРО ПМНЕ и Коалицијата е јасно таа е единствена“, рече Милошоски.

The post Милошоски: Власта го крие договорот за коридорите поради високата корупција која ја има во него appeared first on Република.

„Нема компас ништо во оваа Влада, никој не знае каде оди, немаме стратегија за култура, за заштита на културно наследство бидејќи двете стратегии завршија минатата година, ниту пак има најава дека се изготвува нова стратегија”, рече пратеничката од редовите на ВМРО-ДПМНЕ Велика Стојкова Серафимовска во гостување во емисијата „Заспиј ако можеш” на Телевизија Алфа.

Таа истакна дека од една страна власта вели дека го повлекла законот за културно наследство и нема да има никаква опасност, а од друга страна ги ставаат трите збора наоѓалишта и археолошки информации.

„Во овие нови 5 пакет закони кои ни се дадени има најава дека ќе биде засегнато и археолошкото наследство, зошто е тоа така? Затоа што во законот за урбанистичко планирање се изнесуваат работите за да се забрза со градба. Таму во еден член се спомнува археолошки информации и зборот наоѓалишта а пак тој закон е многу поврзан со законот за градба кои ќе бидат процедурите. Тоа е се со намера да се забрза процесот многу рокови се скратени”, кажа Стојкова Серафимовска.

Таа изјави дека сега со ова ние во моментов немаме траса, а едно од најголемите забелешки е дека се гласа нешто на жими мајка и никој не знае што ќе биде.

Стојкова Серафимовска кажа дека ВМРО-ДПМНЕ се буни против европското злоупотребено знаменце затоа што не може вака брзо и по секоја цена со скратени постапки за се.

The post Стојкова Серафимовска: Со злоупотребата на европско знаменце на законите, Владата го засегнува археолошкото наследство appeared first on Република.

 Членовите на собраниската Комисија за европски прашања денеска дадоа поддршка за петтиот и последен законски предлог од пакетот закони за изградбата на коридорите 8 и 10д - Предлог на законот за изменување и дополнување на Законот за утврдување на јавен интерес и номинирање на стратешки партнер за имплементација на проектот за изградба на инфраструктурниот Коридор 8 (делница: Тетово – Гостивар – Букојчани и проектот за автопатот Требеништа – Струга – Ќафасан) и Коридорот 10 д (делница на автопатот Прилеп– Битола) во Република Македонија, по скратена постапка. По поминатиот комисиски филтер, Комисијата за европски прашања го проследува законскиот предлог на натамошна постапка во Собранието.

Во образложение на единствениот поднесен амандман од опозициската ВМРО-ДПМНЕ по овој предлог-закон, кој беше одбиен од страна на владините претставници, пратеникот Миле Лефков истакна дека со амандманот се предлага со цел Владата да го објави Договорот за изградбата на коридорите во Службен весник потпишан со стратешкиот партнер во рок од седум дена од денот на влегувањето во сила на овој закон.

-Со амандманот се предлага по членот 2 да се додаде нов член 2а кој гласи „Договорот за градење од членот 6 согласно Законот за утврдување на јавен интерес и номинирање на стратешки партнер за имплементација на проектот за изградба на инфраструктурниот Коридор 8 (делница: Тетово – Гостивар – Букојчани и проектот за автопатот Требеништа – Струга – Ќафасан) и Коридорот 10 д (делница на автопатот Прилеп– Битола) во Република Македонија ќе се објави со Службен весник на Република Македонија во рок од седум дена од денот на влегување во сила на овој закон, рече Лефков.

Лидија Петкоска, пратеничка на ВМРО-ДПМНЕ нагласи дека во самиот вовед став 1 - оцена на состојбите во областа што треба да се уреди се дава можност за ослободување од увозни давачки на приватна компанија со специјален закон, нешто што, како што рече, во најмала рака е многу сомнително, бидејќи навлегува и во автономијата на самиот царински Закон и претставува негово заобиколување.

-Ослободувањето од увозни давачки е стриктно регулирано со членовите 193 до 198 од царинскиот Закон, а таму не се предвидени вакви одредби како што предвидува овој предлог-закон посебно затоа што овде се предвидува ослободување од увозно давачки и акциза при увоз на приватна компанија, нешто што досега не постоело во ниту еден друг закон, рече Петкоска.

Министерот за финансии, Фатмир Бесими за време на денешната расправа ја демантираше пратеничката Петкоска и истакна дека овој е пристапот што се користи за договори кога имаме надворешно финансирање со заеми, посочувајќи дека со заеми одат инфраструктурните проекти и е пристап кој се користи во сите вакви договори што ги имаме финансирано од меѓународни финансиски институции.

-Сакам да направам едно разграничување што јавноста треба да ја знае- никој не се ослободува од данок. Данок на добивка – што се заработува тука , ќе платат како и секоја фирма. Сите ќе платат данок на личен доход и придонеси. И операторите што се во овој процес и тие што ќе бидат суб-контрактори. Секој што ќе работи на овој проект ќе ги платат сите давачки како и сите останати фирми во било која економска активност во земјата. Тоа што е предмет на ослободување се т.н. индиректни давачки, тие што всушност се трошок за инвеститорот, а во конкретниот случај инвеститор е ЈП за државни патишта и се финансира преку буџетски средства, односно преку заеми. Всушност се намалува трошокот кој со други зборови ќе значи доколу во просек ако 20 проценти се давачките по основ на ДДВ, царина и други давачки што, тоа ќе значи дека целиот трошок е некаде 20 отсто плус. Овие измени ги има и во постојното решение, но се допрецизира во оваа фаза во однос на тоа да нема дилеми при имплементација за да се констатираат сите такви ситуации во пракса и за да може државата да плати пониска цена. Ова е нешто пракса што веќе е воспоставена тука кај нас и во другите земји и се искористува на начин што реализацијата да биде со пониски трошоци за буџетот, рече Бесими

The post „Европските“ закони за „Бектел и Енка“ си одат како подмачкани во Собрание appeared first on Република.

Собранието на Република Македонија денеска треба да ја продолжи 115. седница, на чиј дневен ред меѓу другите точки се пакетот закони за изградба на коридорите 8 и 10 д.

На дневен ред се и предлог законите за изменување и дополнување на Законот за работни односи, на  Законот за експропријација и на Законот за градење, сите по скратена постапка.

На денешната седница се и законите за изменување и дополнување на Законот за здравственото осигурување и на Законот за фитофармација, Законот за основање на државна комисија за одлучување во втор степен во областа на инспекцискиот надзор и прекршочната постапка, како и Предлог на закон за изменување и дополнување на Законот за следење на комуникациите, сите по скратена постапка.

Меѓу другите точки на оваа седница се и законите за изменување и дополнување на Законот за облигационите односи и на Законот за извршување, Предлог законот за академија за судии и јавни обвинители и Информацијата за состојбата во Судскиот Совет па Република Македонија.

The post Законите за коридорите и денеска на собраниска седница appeared first on Република.

Зборуваме за градење на патишта, а притоа го рушиме правниот систем на државата. Го рушиме со донесување и предлагање на вакви законски решенија со кои целосно се суспендира законот за работни односи, законот за градба, и еве денеска законот за урбанистичко планирање. Што се случува криејќи се зад добрите намери, а тоа е изградба на патна инфраструктурна мрежа се случува целосно понижување најпрвин на Собранието“, истакна Миле Лефков, пратеник од редовите на ВМРО-ДПМНЕ на денешната собраниска седница.

Лефков посочи дека суспендирањето на законските решенија укажува само на едно и потврдува само едно, а тоа е сите критики во изминатите шест години за владата на СДСМ и ДУИ дека немаат институционални капацитети за спроведување на големи капитални инфраструктурни проекти.

Соочена со својата неспособност и неспособноста да ги спроведува законите за урбанистичко планирање и законите за градење, и законот за работни односи, таа си одлучува и истите тие да ги суспендира“, рече пратеникот.

Тој посочи дека патниот коридор е испечатен само на маицата на Артан Груби, а не е познат воопшто. А, притоа власта склучува договори кои што чинат милијарди евра.

Запрашајте се кој од вас, кој од овде од овие кои што ќе гласаат ќе се согласат да бидат задолжени за наредните декади од нивниот живот за да градат нешто за кое што нема потребна документација“, порача пратеникот.

Лефков укажа дека ако се погледнат законските одредби, тие дополнително внесуваат немир. Зошто внесуваат немир? На пример и со законот за урбанистичко планирање и со законот за градење се споменува измена на она што значи стратешки проект, односно проект од стратешко значење.

The post Лефков: Зборуваме за градење патишта, а притоа го рушиме правниот систем на државата со законските решенија кои ги предлага власта appeared first on Република.

Демократската Унија за Интеграција смета дека вчерашната одлука на Владата на Република Македонија за усвојување на законите за работни односи, за градба, за урбанистичко планирање, експропријација и специјалниот закон, е одговорна одлука во интерес на граѓаните за ефективни инститицуии и процедури.

Законот за работни односи овозможува работникот, по своја претходна писмена согласност и со целосно платено дополнително работно време, да може да работи дополнителна работа, при што мора да се почитуваат одредбите за 12 часовен одмор и 24 часа слободни во текот на неделата.

Другите законите овозможуваат олеснување и поедноставување на инститиционалните процедури за сите национални и стратешки проекти на земјата, не само на изградбата на коридорите 8 и 10 – Д, туку и за железниците, проектите во енергетиката, гасоводот, итн.

Неразумната и неразбирливата блокада на ВМРО и Левица ја чини безпотребно државата и граѓаните над 150 милиони евра поскапа изградба и над две години по долга изградба.

ВМРО ДПМНЕ и Левица блокираат активно во Собранието над 500 милиони евра проекти за граѓаните и државата, без никаква причина и само за да предизвикаат неуспех на проектите за граѓаните од ниски дневно политички мотиви.

Ова граѓаните треба да го знаат и ќе го казнат на избори, се вели во соопштението од ДУИ.

The post ДУИ: Законите овозможуваат брза и евтина градба appeared first on Република.

Пратеникот од ВМРО-ДПМНЕ, Миле Лефков во емисијата „Само вистина“ на Канал 5 истакна дека милиони ќе се исплатат за коридорите 8 и 10д, за ништо, односно без да има нешто преземено на терен.

Лефков додаде дека, воедно, власта не демантира дека ќе се исплаќаат пенали, туку само кажува дека тоа ќе се дополнителни трошоци.

Имаме огромни суми на народни пари кои треба да бидат исплатени за пенали. Во ниеден момент не го демантираат, велат дека не се пенали, само ќе чини повеќе. Договорот е потпишан на 8 март 2023 година, од тој датум во рок од 45 дена прва уплата 50 милиони евра, авансно плаќање. 117 милиони, 80 милиони евра во рок од 14 дена, а другите во рок од 45 дена. Значи 167 милиони евра без ништо да биде преземено, потенцира Лефков.

Тој постави прашање до пратениците од власта како тоа демантираат за плаќањето на авансите и пеналите ако не го виделе договорот - како што велат, односно од каде знаат, и додаде дека власта се уште не го дава договорот, туку сака да го раскажува.

Понудата за во Собрание беше договорот да им биде презентиран на пратениците, не да им да им се даде на увид. Како е класифициран, на кој основ е класифициран? Зар треба синдикатите да чекаат да го видат договорот во службен весник кога ќе биде објавен, праша Лефков.

Тој додаде дека за работните часови од власта користат една опасна флоскула „секогаш во согласност со работникот“.

Целта на императивните норми како што е Законот за работни односи е да го штити работникот од штетните договори кои може да го склучи. Сите одредби кои се косат со законот за работни односи и одат под работничкиот минимум се неважечки и ова е нон сенс. Цивилизациска придобивка е 40 часовна работна недела а тие сакаат да ја претворат во 60 часовна, изјави Лефков.

The post Лефков: 167 милиони евра се даваат без ништо да биде преземено на коридорите, власта ниту еднаш не демантира appeared first on Република.

За Делегацијата на Европската Унија во земјава, означувањето на законите поврзани со коридорите 8 и 10д со европско знаменце не е во согласност со стандардите на Унијата. Оттаму во изјава за МИА велат дека ќе побараат дополнителни појаснувања од власта откако вицепремиерот Артан Груби на прес-конференција кажа дека се донесени пет нови закони за коридорите кои ќе бидат доставени до Собранието со европско знаменце.

Означувањето на закони со знаменце на ЕУ е насочено да помогне за забрзување на интеграцијата на Македонија во ЕУ и затоа треба да има за цел усогласување на законодавството со законодавството и стандардите на ЕУ. Во конкретниот случај, се чини дека нацрт-законот не се однесува на усогласување со таквите стандарди. Ја изразивме нашата загриженост до националните власти и бараме дополнителни појаснувања, велат од Делегацијата на ЕК на прашање на МИА да дадат став за најавата дека законите за Коридорите 8 и 10д ќе бидат доставени во Собранието со европско знаме.

Од Канцеларијата на Делегацијата на ЕУ во Скопје потсетуваат дека употребата на брзи процедури треба да се ограничи и да се применува само кога е оправдано да се унапреди реформската агенда на ЕУ.

Како што рековме во последователните извештаи на Комисијата за Македонија, употребата на брзи процедури треба да се ограничи и да се применува само кога е оправдано да се унапреди реформската агенда на ЕУ. Не треба да се користи за скратување на јавните консултации или за решавање на процедуралните тешкотии во законодавниот дом, велат од Делегацијата на ЕК за МИА.

Претходно, Артан Груби, на прес-конференција соопшти дека Владата на седница донела нови пет предог-закони за коридорите 8 и 10д кои ќе бидат доставени до Собранието со европско знаме.

Тој посочи дека целта на новите законски решенија е побрза и поевтина изградба на коридорите.

https://republika.mk/vesti/makedonija/zakonite-za-behtel-i-enka-odat-so-evropsko-znamentse/

The post Законите за коридорите 8 и 10д не се за со „европско знаменце“: Делегацијата на ЕУ изрази загриженост поради одлуката на Груби appeared first on Република.

Претседателот на ВМРО-ДПМНЕ, Христијан Мицкоски, за време на посетата во Аеродром, одговорајќи на новинарско прашање за споредба на проектот за делови од коридорите 8 и 10д со други проекти, истакна дека проектот ќе надмине 2 милијарди евра и станува збор за сериозна пљачка и прашува колку доживотни има, ако за еден долар има неколку доживотни. Според него има огромна разлика по чинење на километар со други проекти, но и огромна разлика само за ископот на земја.

Во договорот кој го потпишала државата со изведувачот за делови од коридорите 8 и 10д, ископ на површински слој е со вклучен транспорт до 15 километри е некаде околу 7,36 односно 7,5 евра за метар кубен. Ист таков договор, домашна компанија месец дена претходно потпишала таков договор со Јавното претпријатие за државни патишта за делницата Граничен премин Блаце – Село Блаце за 2,32 евра метар кубен. За повеќе од три пати поевтина цена.  Станува збор за милиони метри кубни и ако разликата е 5 евра за метар кубен и имате 2,3 или 4 милиони метри кубни колва е разликата и каде ќе завршат тие пари. Станува збор за огромна разлика, појасни Мицкоски.

Тој додаде дека исто се случува и за ископ на неповршински слој, туку остатокот од земјата до нивото кое е потребно да биде ископан ровот.

-  Ако оваа домашна компанија има потпишано за реконструкција на таков пат цена од околу 4,5 евра за метар кубен, во овој договор за деловите од коридорите 8 и 10д, таа цена е 8,95 евра за метар кубен, повеќе од двојно. Станува збор за милиони кубици.  Ова се само две ставки, а во деновите кои следат ќе ги наведеме и другите за граѓаните да видат за што станува збор, рече Мицкоски.

Тој направи споредба и со други автопати кои се граделе.

- Проектот на Актор за Демир Капија -Смоквица просечно се движи од 5 до 6 милиони евра по километар, проектот на Синохидро Кичево-Охрид и Миладиновци-Штип со сите анекси нема да надмине од 8 до 9 милиони евра по километар, а овој е повеќе од 20 милиони евра по километар. Кој овде лаже и краде, ова е сериозен проект и сериозна пљачка за многу побогати држави од Македонија, колку доживотни има тука ако за еден долар има неколку доживотни? – прашува Мицкоски.

Мицкоски изјави дека кога можеле договорот да го добијат пратениците кои ги поднеле измените за законите, тогаш може да го добијат и пратениците кои имаат безбедносен сертификат и да може да се простудира, или да се излезе во јавност на дуел и да се презентира.

https://www.youtube.com/watch?v=2rDvLscd_jA

Ние го побаравме договорот, велат ќе држеле предавања  во Парламентот и ќе го објаснеле и тоа ќе било доволно. Претходно група пратеници кои по професија се лекари, фискултурни работници, ликовни уметници, психолози, правници, филозофи, на некаков магичен начин го добиле овој ист договор, најверојатно преку свиркач кога бил истиот потпишан, седнале, работеле две недели и  им текнало дека овој договор може да се реализира на побрз начин и бидејќи имаат вешти способности во изградба на ваков тип на проекти смисли 9 измени во 9 суштински закони и отишле во влада и таму двоецот Ковачевски и Груби им рекле не во влада туку во парламент да ги предложат. Овие пратеници што имаат безбедносен сертификат можат да добијат две недели да го простудираат договорот, а не некој да им држи лекции. Зошто да криеме, да излеземе јас со договорот добиен од свиркач, Ковачевски со неговиот и да дебатираме, сепак калкулациите викаат за повеќе од 2 милијарди евра. Односно цената без вкалкулирани дополнителни трошоци е помеѓу 2 и 2,3 милијарди евра, рече Мицкоски.

The post Мицкоски: Договорот за Коридор 8 е сериозен грабеж на Ковачевски и Груби, цените се 3 пати повисоки appeared first on Република.

Потпретседателот на ВМРО-ДПМНЕ Владо Мисајловски во денешното негово гостување во „10 Минути“ на ТВ21 го демантираше вицепремиерот Артан Груби, за наводната нивна средба а во врска со Бектел и Енка.

Мисајловски вели дека таква средба немало.

-Не сме имале таква средба, средби во минатото сме имале на различни тематики, но за Бехтел и Енка немало, вели Мисајловски.

Груби вчера на конференција истакна дека се сретнал со Владо Мисајловски, потпретседател на ВМРО-ДПМНЕ и поранешен министер за транспорт и врски.

-Тој исто така се сретна и со претставниците на Бехтел и Енка. Јас исто така се сретнав и со Владо Мисајловски, поранешен министер за транспорт и врски. Со Александар Николовски во врска со специјалниот закон и другите законски измени. Сите се согласија дека се потребни и дека имаат нивни предлози за подобрување на законските решенија но никогаш не ни ги доставија, истакна Груби.

The post Мисајловски го демантира Груби: Сме немале средба за Бектел и Енка appeared first on Република.

ВМРО-ДПМНЕ и Христијан Мицкоски под заложништво на проруската Левица водат хајка против стратешкиот проект за изградба на коридорите 8 и 10д и против реномирана американска компанија.
Изградбата на коридорите 8 и 10Д е најголемиот инфраструктурен проект во нашата држава, вреден 1,3 милијарди евра.600 милиони евра од овие пари ќе завршат кај наши домашни компании набројува Mиле Талевски, пратеник на СДСМ.

Гледаме дека со невистини и спинови Мицкоски и ВМРО-ДПМНЕ застанаа против реализација на овој проект важен за развојот на земјата.

Мицкоски не знае што е ниту градежништво ниту градба, тој е последен претставник на Црвената буржоазија.

Мицкоски кариерата ја започнал кај својот татко на факултет, каде бил асистент токму кај својот родител, а потоа таму бил и вработен.

Ништо сам во животот нема направено. Една шајка во животот нема заковано, освен онаа лажната во рекламен спот во 2020 година кога и ги загуби изборите.

Мицкоски е последен што може да зборува за проекти, за градење и градежништво.

Видовме што се случува во Скопје и во општините кои ги води ВМРО-ДПМНЕ.

Нема ниту еден проект од најавените од страна на Мицкоски.

Бидејќи почна да се промовира како шета по планини, Мицкоски може да биде аранжиран за планински туризам во Агенцијата за промоција на туризмот, но и за таму не го бива.

Се што ќе фатат Мицкоски и ВМРО-ДПМНЕ е погрешно и осудено на неуспех.

Тоа најдобро се гледа со автопатот Кичево – Охрид, синоним за криминал и корупција, за провизии од тендери на штета на државата и граѓаните.

Зарем треба да дозволиме нови паушални, скандалозни постапки и процеси на градби кои траат 10 години?

Секако не. Хајката на Мицкоски и ВМРО-ДПМНЕ против овој проект е политички мотивирана, во заложништво на проруската Левица.

The post СДСМ смета дека Мицкоски води хајка против неизградените коридори appeared first on Република.