Оливера Ќирковиќ, поранешна кошаркарка и членка на организираната криминална група „Пинк Пантер“ беше во грчките затвори и за хрватските медиуми проговори за тоа што ги очекува навивачите на Динамо од Загреб.

По веста дека 105 хрватски навивачи останаа зад решетки по убиството на навивачите во Грција, беше објавено и како изгледаат тие затвори како на пример Коридалос кој важи за најстрашен

Хрватските навивачи се пожалија на условите, а и меѓународните институции ги оценуваат како многу лоши. Во вакви затвори била и Оливера Ќирковиќ, поранешна членка на организираната криминална група „Пинк Пантер“, која за „РТЛ“ откри за што се работи бидејќи во нив поминала осум години.

„Тоа што Грција е во Европската Унија, за хрватскиот народ да не се надева дека тоа е ЕУ. Сè оди бавно, истрагата е многу бавна и лигава и фактот дека нема докази дека тие се не претерано надежно, во грчките судови лесно можеш да бидеш осуден без докази, а во друг суд има шанси да се намалат казните.

The post Веќе им посакаа „топло“ добредојде: Eве што ги чека навивачите на Динамо во грчкиот затвор Коридалос appeared first on Република.

Во женскиот дел од атинскиот затвор денеска беше пренесена мајката на 12-годишното девојче жртва на педофилија, сексуална злоупотреба и принудување на проституција, откако вчера, по дадениот исказ пред истражен судија, на 37-годишната жена ѝ беше одредена мерка притвор, јави дописничката на МИА од Атина.

Откако беше откриен случајот и уапсен 53-годишен маж, кој го силувал и го принудувал девојчето на проституција, меѓу уапсените беше и мајката која се товари за проституција на лице помладо од 15 години во блиска роднинска врска во замена за паричен или било каков друг надомест, меѓутоа и при апсењето и пред истражниот судија ги отфрлила обвинувањата, тврдејќи дека не знаела дека нејзината ќерка била злоставувана и нема никаква вмешаност.

Сепак и покрај овие тврдења, ѝ едногласно и бил одреден притвор.

За целиот случај, уапсени се вкупно шест лица, од кои освен мајката, останатите петмина се мажи.

Меѓу нив е прво осомничениот 53-годишниот кој е веќе во притвор, како и уште четворица кои сексуално го злоупотребиле девојчето.

Мерка притвор му е одредена и на уште едно лице, а останатите тројца уапсени на возраст од 33, 34 и 36 години, кои се товарат за силување на девојчето, утре ќе бидат изведени пред истражен судија.

Според грчките медиуми, 12-годишното девојче дало нов исказ во присуство на детски психолог и открило дека 53-годишниот Илиас Михос кој неколку месеци сексуално ја злоупотребувал и ја принудувал на проституција, ја носел и во бордел, каде што ја терал да има сексуални односи со други мажи, а потоа лично тој ги земал парите.

Како што објави МИА во саботата, целиот случај ја потресе Грција, а медиумите континуирано и детално известуваат.

Во периодот од април до август, главниот осомничен, 53-годишниот континуирано, со употреба на сила, сексуално го злоупотребувал девојчето и ја терал да му испраќа провокативни фотографии, кои ги објавувал преку различни профили на различни педофилски платформи и сајтови на интернет и во улога на макро барал „клиенти“ за 12-годишната, а според медиумите, полицијата открила листа со 213 потенцијални клиенти- педофили кои изразиле интерес за сексуален контакт со девојчето.

Според истите информации истрагата на полицијата продолжува и не е исклучена веројатноста да се вклучени и други лица и да има дополнителни апсења

The post Во овој затвор во Атина ќе лежи мајката што си ја принудувала ќерката на проституција appeared first on Република.