Поради важноста за реализација на започнатите проекти за изградба на патните правци Скопје - Блаце, Кичево - Букојчани, железницата Кичево - Лин, заедничките гранични контроли со Република Албанија и Република Косово и реализацијата на Коридорот 8, Владата на Република Македонија го назначи Артан Груби, прв заменик на премиерот, за координатор за следење на работите и за координација на сите активности, со цел нивна навремена реализација, соопшти владината прес-служба.

На денешната владина седница се донесени и други кадровски одлуки.

Александар Миљовски е разрешен од должноста в.д. директор на ЈУ „Национален Парк Галичица“ - Охрид, на негово барање. За нов директор в.д. е именуван Александар Бузлевски.

Розита Благојевиќ е разрешена од должноста директорка на Управата за развој и унапредување на образованието на јазиците на припадниците на заедниците. На нејзинот место е емнуван Драган Угреновиќ.

The post Владата го назначи Груби за координатор на активностите за реализација на проектите на Коридор 8 appeared first on Република.

Пратеничката група на Алијансата за Албанците денеска го избрала пратеникот Аднан Незири за координатор.

Изборот на Незири за координатор доаѓа по назначувањето на претходниот координатор Сурија Рашиди за директор во А.Д. МЕПСО.

-Незири ќе ја претставува нашата пратеничка група на координативните состаноци и сите други процеси во Собранието.  Пратеничката група на Алијансата за Албанците ќе продолжи да биде гласот на гласачите на АА и воопшто на Албанците, во Собранието на Република Македонија, соопшти Алијансата за Албанците преку социјалните мрежи.

The post Аднан Незири е нов координатор на пратеничката група на Алијанса за Албанците appeared first on Република.

Првиот вицепремиер и министер за политички систем и односи меѓу заедниците, Артан Груби синоќа му честита на својот партиски колега и шеф на македонската дипломатија, Бујар Османи за новата партиска функција-координатор на чаирскиот огранок на ДУИ.

Во својата објава, Груби на Османи му посака успех и добро координирање на активностите на партијата во огранокот во Чаир.

-На Бујар му посакувам добра работа во координирање на активностите на Демократската унија за интеграција во Чаир. Покрај таа на претседателот, Бујар ја има и мојата поддршка во овие напори за повторно активирање на структурата во Чаир по три години отсуство на партиски активности во нашиот огранок и во локалните совети во огранокот. Ве повикувам сите да се придружите со сите ваши идеи и акции за посилна и пообединета ДУИ во Чаир, напиша Груби на Фејсбук.

Според информациите, одлуката за смена во чаирскиот огранок и смената на Изет Меџити дошла по предлог на лидерот Али Ахмети со цел „во оваа фаза да се координираат политичките процеси во Чаир“.

Веќе подолг период „Огнената група“, предводена токму од Меџити и Муса Џафери се спротиставуваат на лидерот на ДУИ, барајќи од него да ги тргне Артан Груби и Бујар Османи.

The post Груби: Бујар ја има мојата поддршка за повторно активирање на структурата во Чаир по три години отсуство на партиски активности appeared first on Република.

Алијанса за Албанците остана без координатор на пратеничката група откако Илирие Даути преку Фејсбук информира дека си поднела оставка од таа функција. Даути како причина за оставката од шеф на пратеничката група го навела поразот на Алијанса за Албанците на вонредните локални избори во Тетово на кои партијата не освои ниту едно советничко место.

Резултатот на последните локални избори, а уште повеќе многу слабиот резултат за Советот на Тетово, ме погоди и мене, а мојата совест како пратеник од шестата изборна единица не го надминува и не можам да бидам рамнодушна. Затоа, ве информирам дека штотуку поднесов оставка од функцијата координатор на пратеничката група на Алијансата за Албанците, единствена титула што ја имам во моментов од политичкиот субјект. Вам кои верувавте во мене континуирано, сакам да ви кажам благодарам од се срце, ако можете продолжите да верувате во мене затоа што јас силно верувам во вас, вели Даути.

Пратеници од Алијанса за Албанците за „Слободен печат“ велат дека Даути ги информирала за оставката и дека ја поднела од лични причини. До избор на нов координатор, пратеничката група ќе ја предводи заменик координаторот Сурие Рашиди.

The post Алијанса за Албанците остана без координатор на пратеничката група, Илирие Даути поднесе оставка appeared first on Република.