За успехот на диломатијата на Бујар Османи говори велешанецот Игор Смилев кој објави патен лист, за кој посочува дека го добиле во Њујорк од  конзулот на ДУИ Мухаби Синани.

Синани градот Њујорк на англиски го пишува во стилот на Вук Караџиќ „пишувај како што зборуваш,зборувај како што читаш“ па на патниот лист за македонските граѓани да се вратат од САД во Македонија напишал „Njujork”.

The post Kонзулот на Османи пишува англиски како Вук Караџиќ appeared first on Република.

На 13-ти февруари Владата донесе одлука за генерален конзул и шеф на генералниот конзулат на Македонија во Венеција, Италија, да ја именува Фросина Ременски.

Потписник на оваа одлука е потпретседателот на Владата, Фатмир Битиќи.

Фросина Ременски е редовна професорка на Факултетот за безбедност во Скопје.

Како член на СДСМ беше пратеник, потпретседателка на Собранието и министерка за труд и социјална политика на Македонија.

The post Си ја доби наградата: Ременски именувана за генерален конзул на Македонија во Венеција appeared first on Република.

Maкедонци кои што живеат во САД се разочарани од однесувањето на конзулот во Чикаго кој се однесувал дрско и арогантно кон иселениците кои дошле да побараат вадење документи со „Северна“.

Вчера бевме со ќерка ми, толку бевме понижени што моравме да се извиниме.Никогаш нема да добие МК пасош од страна на некој си Петрит Муслиу,се пожалија македонски граѓани кои не можат да дојдат до патни исправи поради самовоилието на конзулот.

The post Конзулот на ДУИ во Чикаго се однесувал арогантно кон Македонците appeared first on Република.

Македонскиот дипломатски синдикат најостро ги осудува квалификациите упатени од Министерот за надворешни работи Бујар Османи за наводна „албанофобија“ или „албано хистерија“ по повикот на Синдикатот за зачувување на професионалните дипломатски стандарди во Министерството.

Од синдикатот велат дека тие се и ќе продолжат да бидат последниот бедем и механизам за зачувување на угледот и професионалните стандарди во дипломатската служба.

Ве повикуваме да не употребувате несоодветна политичка реторика кога се работи за прашања кои ги засегаат професионалните дипломати и нивните кариери. Би сакале да Ви укажеме, дека бројот на членови на МДС континуирано се зголемува, а воедно во истиот членуваат дипломати од сите етнички заедни. Ова се должи на нашите континуирани принципиелни заложби за унапредување на статусот и правата на професионалните дипломати, велат од дипломатскиот синдикат.

Потсетуваат дека откако Османи ја презел функцијата, упатени се повеќе од педесеттина амбасадори и конзули како и повеќе од двестотини дипломати на мандат, а синдикатот реагира исклучиво кога станува збор за прекршување на Законот за надворешни работи или за крајно спорни решенија.

Од тука повторно го поставија прашањето дали со предлогот за упатување на Генерален конзул во Њу Јорк се крши Законот за надворешни работи.

Македонскиот дипломатски синдикат вчера обвини дека министерот Бујар Османи за конзул во Њујорк испраќа штотуку вработен во МНР кој нема дипломатско звање.

Еклатантен пример за непочитување на внатрешните регулативи е упатувањето на г-нот Мухаби Синани на местото Генерален конзул во Њујорк, истото она место на кое министерот Османи не успеа да ја упати во тоа време ТВ презентерката Бесмира Ејупи. Имено, г-нот Синани, кој што од скоро е вработен во МНР од приватна фирма не исполнува услови за упатување во странство. Тој минатата недела веќе ги има одбрането тезите за упатување без притоа да има стекнато високо дипломатско звање кое е законски услов за именување на генерален конзул, велат од Дипломатскиот синдикат.

The post Нов скандал во МНР: Не успеа Бесмира Ејупи, но Мухаби Синани од приватна фирма вработен во МНР и без исполнети услови ќе биде Генерален конзул во Њујорк appeared first on Република.

МНР за амбасадор во Швајцарија го предлага Реџеп Демири.Тој е актуелен генерален конзул во Минхен кој во јавноста е познат по низа скандали. Активен е на социјалните мрежи и не пропушта честитки поврзани со УЧК, како таа за „ослободување“ на Слупчане и Карадакун.

Честит 2 мај 2001! Стотици борци на ОНА заземаа точки за да ја заштитат татковината, правата и албанскиот дух насекаде. Засекогаш во нашите сеќавања, маченици на нацијата. Слава им", напиша конзулот-напиша конзулот на Фејсбук пред две години.

Демири е поранешен борец на УЧК кој експресно напредуваше во дипломатијата. Особено се истакна во корона кризата кога наши граѓани кои живеат во Германија не можеа да извадат пасош.

https://republika.mk/vesti/makedonija/vlasta-mu-najde-rabota-i-na-zernovski-go-prakjaat-za-ambasador-vo-belgrad/

The post МНР за амбасадор во Швајцарија предлага поранешен борец на УЧК кој честиташе „ослободување“ на Слупчане appeared first on Република.

Ако во некое поле откако сум на функцијата имам постигнато најмногу, тоа е токму во упатувањето на амбасадори и конзули, бидејќи направивме голем исчекор во делот на професионализација на службата и затоа побарав и формирав работна група во Министерството за анализа на индивидуалните досиеја на упатени дипломати од 2006 година, изјави денеска на прес-конференција министерот за надворешни работи Бујар Османи.

Османи посочи дека откако тој е на функцијата, има пратено 21 амбасадор или една третина од вкупниот број дипломатски конзуларни претставништва кои го имаме, од кои 15 се дипломати од кариера.

Согласно закон јас сум задолжен до една четвртина од сите амбасадори да бидат дипломати од кариера, а другите е дозволено да бидат политички решенија. Тоа се обично афирмирани личности, кои по пракса политичките партии ги предлагаат во рамки на коалицијата. Согласно закон е 25 проценти, а јас имам над 70 отсто пратено од куќата, изјави Османи.

Одговарајќи на новинарско прашање во однос на некои од предлозите, Османи рече дека владината седница која е затворена според закон е доверлива и одлука која што не е финализирана не може да каже затоа што е спречен поради ограничувањата на законот.

Но, тоа што можам да го кажам е дека во „Службен весник“ каде се официјализираат одлуки и на затворена седница на Влада нема одлука за именување на генерален конзул во Њујорк, ниту имаме планови да го смениме генералниот конзул во Њујорк Јордан Панов којшто има уште две години мандат до јули 2023 година, посочи Османи.

Прашан за тоа зошто конзули се назначуваат на затворени седници, Османи рече дека тоа е законска обврска – сите предлози да поминат на затворена седница на Влада.

И тие остануваат доверливи информации, независно дали е за амбасадори, дали е за конзули. Се додека не се добие агреман односно егзекватура од земјата каде што се упатува таа информација останува доверлива. Затоа ние не можеме да потврдиме, на пример, кој е предлогот за Софија, иако е поминато на Влада, поминато е кај претседателот, веќе е упатено барање за агреман во Софија. Тоа не е само кај нас, тоа е секаде во светот додека не се добие агреман тие информации се доверливи. За сите е подеднаква процедурата, изјави Османи.

Образложувајќи го изборот на Бесмира Ејупи, Османи рече дека законот освен тие формални услови – високо образование, познавање на јазик, вели да бидат афирмирани личности во надворешната политика и меѓународните односи, што пак е премногу широк поим.

Тоа е премногу широко образложение што значи афирмирана личност. На крајот на краиштата е проценка на министерот и Владата кој ќе ја престави таа влада, но сигурно нема да го прашаме Милошоски кого ќе предложиме надвор. Сепак, имаме право како Влада да одлучиме кој ќе ја преставува државата надвор, а се разбира после е проценка на граѓаните дали сме направиле добри одлуки или лоши одлуки. Но, тука нема отстапување од закон, туку е прашање на одлука на влада, изјави Османи.

Прашан за тоа кој ќе процени што е афирмирана личност, Османи рече дека тоа ова е единствениот вид на именување каде се вклучени три институции – министер предлага, Владата треба да прифати, Претседателот треба да одобри.

Нема пофилтриран процес на именување отколку именувањата и плус земјата каде што се упатува да одобри. Тоа се четири филтри и ова се единствени именувања за коишто службите даваат позитивно мислење и Агенцијата за разузнавање и Агенција за национална безбедност. Тоа е најконтролираниот процес во државата. И мислам дека тука е повеќе политичкиот пристап на министерот. Мислам дека тенденцијата се гледа јасна во мојот пристап на соодносот кој треба да биде и владата во целина, изјави Османи.

Според него, фактот што успеале за седум дена да предложат амбасадор во Софија покажале дека имаме капацитет брзо да ги пополнат и останатите 7-8 места колку што се празни.

–ас се надевам дека брзо ќе дојдеме и со други решенија. Сигурно ќе има пак дебати. Никогаш нема да бидат сите задоволни. Битно е да можеме вака да седнеме и да разговараме, да ги елаборираме, па и да ги споредиме за да видиме којшто направил, изјави Османи.

За случајот со амбасадата во Вашингтон и дали имаме кандидат што може да ги задоволи тие критериуми, Османи рече дека очекува многу брзо ќе излезат со име за Вашингтон.

Не е тоа негативна битка во која што ние се кочиме еден со друг, туку даваме предлог, Владата смета можеби тоа не е најдобро решение, претседателот ќе каже чекајте ова можеби не е најдобро решение, да видиме уште, значи таков вид на разговори и координации се прават во однос на Вашингтон. Очекувам дека многу брзо ќе излеземе со име за Вашингтон. Вака најавив за Софија и така и се случи, еве повторно најавувам дека за Вашингтон ќе биде брзо предлогот, изјави Османи.

Сите амбасади, според Османи се важни, а очигледно Вашингтон е позначаен заради нашето стратешко партнерство, заради значењето на односите со САД и институциите се повнимателни во давањето позитивно мислење.

Осврнувајќи се на тоа дека ќе се прави ревизија на индивидуалните досиеја од 2006, Османи рече дека во претходните години биле испраќани луѓе кои претходно работеле во фирми за лекови, чоколади, детски градинки.

Конзул во Солун а потоа и амбасадор бил директно земен од фирма за лекови. Генерален конзул во тој период преземена од детска градинка. Генерален конзул во Торонто со Факултет за физичка култура преземен од Агенција за млади и спорт. Амбасадор во Загреб имал Факултет за шумарство, а претходно управител на старечки дом. Амбасадор во Абу Даби, претходно бил вработен во фабрика за чоколадо. Амбасадор во европска земја, од претходно искуство придружба на сопруг-амбасадор. Амбасадор во Анкара бил преземен од Македонски пошти, кажа Османи на брифингот со новинарите.

The post Османи: Ако во некое поле имам постигнато најмногу, тоа е токму во упатувањето на амбасадори и конзули appeared first on Република.

Владата администрирана од Пиунот Ковачевски се заплетка со скандалот за именување на конзули во Њујорк и Чикаго, велат од ВМРО-ДПМНЕ. Додаваат дека откако неколку медиуми врз основа на владини извори потврдија дека Владата на затворена седница ги именувала тв презентерката Бесмира Ејупи за генерален конзул во Њујорк, а Петрит Муслиу за генерален конзул во Чикаго, владата невешто демантира. Патем, потенцираат од партијата, демантот е делумен , односно се однесува само за изборот на Бесмира Ејупи, а не и за Петрит Муслиу, синот на провладиниот аналитичар Алберт Муслиу.

Ова, според ВМРО-ДПМНЕ, отвора нови дилеми.

Прво, дали владата ја лаже македонската јавност, сега откако пукна скандалот и се обидува да фалсификува и крие одлуки од затворената седница, бидејќи медиумите ја потврдија веста од повеќе владини избори претходно?

Второ, зошто чекаа 24 часа за да ја демантираат веста и дали во овие 24 часа била направена злоупотреба?

Трето, зошто демантираат само за иборот на Бесмира Ејупи, а не и за изборот на Петрит Муслиу, синот на аналитичарот Алберт Муслиу кој можеби е поскандалозен случај? Молкот значи одобрување.

Четврто, според кој критериум Муслиу синот бил избран за конзул во Чикаго и дали при изборот одлучна била активноста на аналитичарот Муслиу таткото во изминатиот период на одбрана на владата на СДСМ и ДУИ?

Срамота и крајно потценувачки е тоа што пиунот Ковачевски се крие и молчи за овој скандал од кој се гледа дека дипломатијата на сдсм и дуи е водена од презентер на вести и непотизам. Еве оставаме простор дека Ковачевски и воопшто да не бил информиран бидејќи коалициските партнери го сметаат за небитен во кадровската политика, велат оттаму.

The post Зошто од влада демантираат само за Бесмира, а не и за синот на Алберт Муслиу? appeared first on Република.

Нема одлука, нема именување на генерален конзул во Њујорк нема ништо вистина во тоа.Си продолжува со работа конзулот кој е назначен, рече вицепремиерот Артан Груби во врска со информациите дека Владата на затворена седница ја избрала тв-презентерката Бесмира Ејупи за генерален конзул во Њујорк.

На прашањето дали било разговарано на затворена седница, Груби рече: „Jас ја водев.Ви кажав не ви е точна информацијата“.

Министерството за надворешни работи денеска упати реакција по повод вестите бројните објавени нецелосни информации поврзани со испраќањето на дипломати во Дипломатско – конзуларните претставништва.

– Со оглед дека се работи за информации од доверлив карактер, дозволете да информираме дека Република Македонија во моментов има Генерален конзул во Тотова, САД, Јордан Панев, кој е дипломат од кариера, и кој е избран согласно сите законски прописи. Во моментов тој е на половина од својот мандат и засега не се предвидува негова предвремена замена, велат од МНР.

The post Груби: Jас ја водев седницата, нема именување на генерален конзул во Њујорк appeared first on Република.

Министерството за надворешни работи денеска упати реакција по повод вестите бројните објавени нецелосни информации поврзани со испраќањето на дипломати во Дипломатско – конзуларните претставништва.

Со оглед дека се работи за информации од доверлив карактер, дозволете да информираме дека Република Македонија во моментов има Генерален конзул во Њујорк, Јордан Панев, кој е дипломат од кариера, и кој е избран согласно сите законски прописи, велат од МНР.

Од таму додаваат дека во моментов тој е на половина од својот мандат и засега не се предвидува негова предвремена замена.

Ваквата реакција на Министерството следува по бурната реакција на јавноста откако медиумите објавија дека ТВ презентерката Бесмира Ејупи е преложена за нов генерален конзул на Македонија во Њујорк.

The post Се огласи МНР: Македонија има Генерален конзул во Њујорк и засега не се предвидува негова предвремена замена appeared first on Република.

СДСМ и ДУИ ја срамат Македонија на секој чекор. Именувањето на конзули во Њујорк и Чикаго е уште една потврда за тоа. Кога јавноста помисли дека од патлиџан дипломатија не може подолу, власта демантира, па на клучни позиции испраќа ТВ водителка и син на еден аналитичар, без никакво дипломатско искуство.

Именувањето на Бесмира Ујупи за конзул во Њујорк и Петри Муслиу, синот на аналитичарот Алберт Муслиу за конзул во Чикаго е скандалозно. Според кои критериуми овие лица добиле толку важни дипломатски позиции во САД?

Дали Петри Муслиу позицијата ја добил заради тоа што неговиот татко ревносно ја брани владата на ДУИ и СДСМ?

Дали ТВ презентерката Бесмира Ујупи се квалификувала за ваква позиција затоа што прочитала неколку вести од рубриката „Свет“?

Ова ли се „тешкашите“ во дипломатијата кои ги најавуваше мафијата на власт?

Пиунот Ковачевски и Бујар Османи должат одговори, но и одговорност за погубната дипломатија која ја водат. Не е ни чудо што и се случува на Македонија на меѓународен план, кога вакви кадри ја водат македонската дипломатија.

The post ВМРО-ДПМНЕ: Кога мислевме дека од патлиџан дипломатија не може подолу, власта демантира- именуваа ТВ презентерка и син на провладин аналитичар за конзули appeared first on Република.

Што паѓаме у несвест што 28 годишно дерле од ДУИ, тв водителка е назначена за генерален конзул во Њујорк.
Државата тоа е ДУИ.
Ова на сите ни е јасно.
Таче е само за спотер ставен премиер.
Сега таа ќе зема 3500 долари плата како конзулка во Њујорк, платен стан, иако е тиква за дипломатија и политика. Прашање дали три книги има прочитано во животот, ама тоа е... Ќе си ја лади по Америка на наш трошок и ќе билда си ви... А наши деца дипломирани по дипломатија ќе работат во кладилница или во кафана.
Им ја нудевте цела рака овие 20 години, тие на крај ни ја одгризаа главата, пишува на Фејсбук, актерот Сашо Тасевски.

The post Тасевски за назначувањето конзулка во Њујорк: Државата тоа е ДУИ, Таче е само за спотер ставен премиер appeared first on Република.

ТВ презентерка на вести ќе стане генерален конзул на Македонија во Њујорк, САД, пишува порталот „zoom.mk“. 

Синоќа владата на затворена седница, по предлог на Министерството за надворешни работи, го утврдила предлогот Бесмира Ејупи да биде пратена за македонски генерален конзул во Њујорк.

Во наредниот период во консултации со кабинетот на претседателот Стево Пендаровски, официјално ќе биде побаран агреман од земјата домаќин за новиот конзул.

The post ТВ-презентерка ќе стане македонски конзул во Њујорк appeared first on Република.