Илјадници свеќи ќе ја осветлат сцената на Македонската филхармонија на премиерното издание на првиот „Канделлајт“ (Candlelight) – концерт под свеќи на камерниот оркестар „Профундис“, што ќе се одржи на 12 април со почеток во 20 часот.

На концертот како солист ќе настапи светски познатиот виолинист Марио Хосен, чија виртуозност и волшебно сценско присуство му носат признание на престижните сцени ширум светот. Хосен и „Профундис“, под диригентската палка на маестра Ѓурѓица Дашиќ, ќе ѝ претстават на публиката музичко патување низ делата на реномираните композитори како Вивалди, Паганини, Холст и Глас.

Марио Хосен, познат по својата неспоредлива виртуозност и волшебно сценско присуство, ги краси престижните сцени ширум светот заедно со врвните оркестри, вклучувајќи ги Лондонската филхармонија, Виенскиот симфониски оркестар и многу други. Со голема страст за светското музичко наследство, стручноста на Марио се фокусира на Николо Паганини, правејќи го како еден од најистакнатите толкувачи и авторитети за изведување на музиката на Паганини.

Инаку „Канделлајт“ – концерт под свеќи е светски познат тренд кој за првпат ќе биде поставен на сцена пред македонската публика. Музичките критичари го опишуваат како уникатно искуство каде традиционалниот концертен амбиент се трансформира во хипнотизирачка музичка симбиоза облеана во топлиот сјај на свеќите. Интимниот амбиент овозможува подлабока врска помеѓу публиката и изведувачите, создавајќи извонредно концертно искуство.

The post Концерт под свеќи на камерниот оркестар „Профундис“ во Филхармонија appeared first on Република.

Денес со почеток во 18:00 часот, во рамките на Деновите на македонска музика 2024, во малата сала на  Македонската Филхармонија ќе се одржи концертот на камерниот оркестар Профундис.

диригент: Ѓурѓица Дашиќ
солисти: Владимир Костов – виолина
Фана Спиркоска – виола

Програма:

Гоце Коларовски (1959-2006)
Скрб за гудачки оркестар (1994)

Гоце Гавриловски (1978)
REQUIEM FOR A NATURE за гудачки оркестар (2020)*светска премиера

Дарија Андовска (1979)
даМар за соло виола и гудачки ансамбл **македонска премиера
Фана Спиркоска -виола

Фатос Лумани (1983)
КОНЦЕРТ РАПСОДИЈА за соло виолина, пијано и гудачки оркестар (2005)
Владимир Костов – виолина
Марија Вршкова – пијано

Ангел Спироски (1996)
…seufztза гудачки оркестар (2021)**македонска премиера

Влезот е слободен

The post Денови на македонска музика: Концерт на камерниот оркестар Профундис со солисти appeared first on Република.