Контролори на летање со долгогодишно работно искуство, кои се сведоци на многу настани во изминативе повеќе од две децении, со кои разговараше Плусинфо, велат дека ова е клучен момент, „да се биде или не“ за оваа чувствителна и важна институција.

Како тоа не била загрозена безбедноста на авиосообраќајот, кога контролорите работеа во таква незивесност и вознемиреност? И кој го констатира тоа – Илир Мехмеди од АЦБ, партиски другар на директорот на М-НАВ? Ние бевме свесни дека тоа е состојба на зголемен ризик и побаравме од директорот да биде редуциран интензитетот на сообраќајот, односно да се намали капацитетот на контролата, што е можно да се направи со пријавуавање до надлежните тела, но директорот одби! Со тоа самиот лично го зголеми ризикот во авиосообраќајот – вели еден од контролорите, кој бил на смена во моментот на инцидентот.

Тие велат дека нападот на партиските насилници под раководство на Беќим Незири од ДУИ, е кулминација во постојаната тортура што оваа партија ја врши во ова јавно претпријатие. Поради високите плати, кои се над 2.000 евра, а за директорските функции достигнуваат и до 6.000 евра бруто, ова претпријатие е најатрактивано за наградување и вдомување партиски кадри, роднини, пријатели…

Целиот текст овде.

The post Бевме свесни дека тоа е состојба на зголемен ризик и побаравме од директорот да биде редуциран интензитетот на сообраќајот, но тој одби со што самиот го загрози авиосообраќајот appeared first on Република.

По бурните реакции на јавноста, управниот одбор на М-НАВ попушти. Осумте кандидати кои беа избрани за обука во Данска денеска добија потпис од тројцата директори.

Управниот Одбор на М-НАВ ја разгледа целокупната документација и донесе Одлука за потврда и прифаќање на изборот предложен од комисијата за избор и селекција на кандидати и даде насоки за вработување на кандидатите на определено време и нивно упатување на школување. Едновремено го задолжи претседателот на комисијата да го извести економскиот оператор за одлуката и да побара известување за датум за почеток на обуката, велат од компанијата.

Од синдикатот, пак, изразија сомнеж.

Додека не добијам нешто званично, да ја видам одлуката потпишана не би сакал да го тврдам како такво, бидејќи имам искуство со секакви директори и не им верувам многу без да ги видам документите - вели  Александар Тасевски од синдикатот на контролори на летање.

Рокот во кој кандидатите требаше да заминат во Данска истече минатата недела, па сега има неизвесност кога ќе ја почнат обуката. Термините во тренинг-центарот се веќе зафатени и можно е обучувањето да се одложи и до половина година.

И додека се чека комплетирање на процесот, расте бројот на условени оставки во М-НАВ. Откако вчера 12 вработени во компанијата меѓу кои заменици директори, началници, инструктори и раководители побараа прераспределба доколку пропадне огласот за контролори на летање, денеска таа бројка порасна на 30. Од синдикатот тврдат дека оваа листа ќе се зголемува.

Дури и да се реализира овој конкурс и директорите да ја потпишат таа одлука, ние таа листа ќе ја оставиме, сепак да им ги собереме потписите и ќе им ја закачиме на огласна табла да им биде потсетник секојпат кога ќе се обидат да излезат надвор од професионализмот и квалитетот  - вели Тасевски.

Скандалот веќе три дена ја бранува јавноста, откако синдикатот обзнани дека огласот за контролори на летање ќе пропадне бидејќи меѓу осумте избраници нема блиски до управниот одбор и членови на ДУИ.

The post По бурните реакции: Осумте „несакани контролори“ сепак ќе одат на обука appeared first on Република.