Франција ја засили контролата на дел од границата со Германија поради Африканската свинска чума (АСК) што се шири помеѓу дивите свињи во поголемиот дел од Европа.

Зголемениот надзор се воведува поради загриженоста за можното внесување на болеста во Франција, што може да има катастрофални ефекти врз свинската индустрија во земјата и потенцијално да ги наруши синџирите за снабдување со храна.

Вирусот, кој е безопасен за луѓето, но смртоносен за свињите, изминатите години се шири кон Западна Европа, а откриени се случаи и во близина на Франција, Белгија и Италија.

Ширењето на болеста во Германија ја наруши големата свинска индустрија во земјата, а многу прекуокеански земји воведоа забрани.

Од епидемија на АСК изминатите години погодени се и азиските држави, што предизвика големи загуби во бројот на свињи во Кина и во Виетнам.

The post Франција ја засилува контролата на дел од границата со Германија поради Африканската свинска чума appeared first on Република.

Летните одмори се во тек, но возачите треба да се воздржат од брзо возење оваа недела бидејќи сообраќајната полиција низ ЕУ врши дополнителни проверки.

Роудпол - мрежата на сообраќајната полиција на блокот - ја спроведува својата годишна кампања против пребрзо возење, за која тврди дека е најголема во светот „во однос на вкупниот број вклучени полициски професионалци и проверки на возачите“ и има за цел да ги намали смртните случаи во сообраќајот, пишува Политико.

Во 2018 година, ЕУ вети дека ќе ги намали смртните случаи на патиштата за 50 отсто до 2030 година, но само неколку земји-членки се на пат да ја исполнат таа цел. Минатата година, смртните случаи на патиштата се намалија за само процентен поен, со 20.400 смртни случаи. Смртните случаи во сообраќајот во Шпанија, Франција и Италија стагнираат од 2019 година, покажуваат податоците на Евростат, додека тие се зголемени во Холандија, Словачка и Шведска.

Чувството на неказнивост кај некои возачи, кои веруваат дека прекршоци за брзо возење нема да бидат пријавени во нивните матични земји, поттикна интензивни напори во оваа област“, ​​рече Ернесто де Лусија Мембрило де Новалес, шпански полицаец, во соопштението за печатот.

Безбедносните проверки се вршат низ земјите членки, почнувајќи од 5 до 11 август.

Поудпол регистрира повеќе од 650.000 прекршоци за брзо возење за време на својата кампања лани

The post Внимателно по патиштата: Полицијата на ЕУ ја зајакнува контролата appeared first on Република.

На вчерашното рочиште од судењето против Жан Митрев и неговата клиника за кривично дело измама, застапникот на обвинението Искра Хаџи Василева побара информација за тоа во кое својство едно од присутните лица е присутно на судењето. Таа проверила, гуглала, па дознала од која професија доаѓа. На ова нејзино барање судијката Лидија Петровска одговорила дека нема законска основа да се бара причината за нечие присуство кога судењето е јавно.

Зарем е забрането присуство на лица од одредена професија кога во судница може да присуствува секој полнолетен граѓанин. Јас не гледам причина да се утврдува зошто лицето е присутно”, се обрати судијката кон обвинителката.

На ова следеше и остра реакција од одбраната дека целта на ваквиот настап на обвинителката е заплашување на дел од јавноста и притисок за да се елиминира дел од јавноста.

И вчерашното рочиште помина во знакот на целосна конфузија на застапникот на обвинението. Судијката повеќе пати бараше од обвинителката прецизно да каже што точно предлага за натамошниот тек на постапката, а таа одговори дека судот треба да каже што е целисходно.

Судијката побара конкретен предлог, но на ова барање немаше одговор.

Според одбраната, ова е најдобар знак дека постапката во случајов е веќе пропадната, затоа што обвинителството е странка која треба да докажува основаност на обвинението. Но, во случајов со Жан Митрев токму од доказите на обвинението е очигледно дека случајот се води без основа и обвинението одамна требаше да биде повлечено, смета одбраната.

Интересно е и тоа што обвинителката упорно не ги повлекува, ниту пак ги презентира доказите од листата под точка 13, а бараше и повлекување на тројца од своите сведоци.

Можеби барањето на обвинителот да биде исклучен дел од јавноста е заради одбегнување пред јавноста да се открие пропаднатото обвинение и упорното неосновано водење на постапката против Жан Митрев и неговата клиника, коментираат од одбраната.

Наредното рочиште е закажано за 4 септември.

The post Обвинителката сака да има контрола и на тоа кој го следи судењето против Жан Митрев appeared first on Република.

Системот за брзо предупредување за безбедност на храна на Европската Унија (RASFF) на својата веб-страница објави дека од пазарот се повлекува чај од нане од Хрватска со суровина, листови од нане, купени во Србија, бидејќи се пронајдени пиролизидински алкалоиди во чајот опасни по здравјето, по што во Србија почна вонреден инспекциски надзор на чаеви, јави дописникот на МИА од Белград.

Станува збор за наливниот чај „мента лист“ на хрватски производител „Агристар“. Причината е што во чајот се пронајдени пиролизидински алкалоиди поради што ризикот по здравјето може да биде сериозен.

По повод ова предупредување се огласи и Министерството за земјоделство на Србија, кое потврди дека фирмата „Еуро хербс“ од Нови Сад го извезла чајот од нане (како полупроизвод) на хрватскиот купец „Агристар“.

-Со земање мостри на чајот на хрватскиот пазар тој е анализиран, лабораториски е утврдено дека содржи контаминант пиролизидин алкалоид во количина поголема од пропишаниот максимум, соопштија од Министерството за земјоделство.

Од таму потенцираа дека овој производ не е дистрибуиран на српскиот пазар и не е на залиха од први јануари годинава.

Како што се наведува, земјоделската инспекција извршила вонреден инспекциски надзор кај производителите во Србија и ги презела сите мерки од нејзина надлежност, а пошироката проверка на чаевите продолжува.

Пиролизидинските алкалоиди (ПА) можат да бидат многу токсични за луѓето, наведе независната компанија ЕПО која произведува висококвалитетни ботанички екстракти. Пиролизидинските алкалоиди ги произведуваат растенијата за да се одбранат од штетници и тревопасни животни и се идентификувани во приближно 6.000 ботанички видови.

Овие состојки можат да бидат многу опасни за црниот дроб и белите дробови, а случаите на токсичност на црниот дроб од внесување растенија со овие супстанции датираат од 1920-тите.

Најголеми ризици се за големите консументи на чаеви, билни инфузии и мед, но може да се контаминира и добиточната храна. Пиролизидинските алкалоиди можат да навлезат во оваа храна преку самоникнати растенија или во случај на мед.

Хрватската агенција за храна (ХАХ) наведува дека пиролизидинските алкалоиди во високи дози може да доведат до откажување на работата на црниот дроб, што може да резултира со смрт. Вообичаените хронични ефекти на ПA вклучуваат оштетување на црниот дроб, како и оштетување на белите дробови.

The post Паника во Србија: Се прави контрола на чаеви appeared first on Република.

Италија денеска соопшти дека ќе го суспендира договорот за отворена граница со соседна Словенија, наведувајќи ја зголемената закана од тероризам во Европа поради конфликтот на Блискиот Исток.

Десничарската влада на премиерката Џорџа Мелони соопшти дека властите во североисточната погранична провинција Фруланија-Јулиска Краина од почетокот на годината идентификувале 16.000 луѓе кои илегално влегле во Италија преку границата со Словенија, последната станица на балканската рута која некои мигранти ja користат за да стигнат до Западна Европа.

Со 140.000 мигранти кои пристигнаа во Италија по море оваа година, бројот на илегални влегувања е зголемен за 85 отсто во споредба со 2022 година.

Италијанската Влада најави дека ќе ги врати граничните контроли од 21 октомври, на 10 дена.

Владата соопшти и дека антитерористичкиот комитет на Министерството за внатрешни работи ја испитува ситуацијата и дека тоа ја „потврдува неопходноста“ од зајакнување на италијанската граница.

Италија и Словенија се меѓу 26-те земји кои припаѓаат на Шенген зоната, најголемата зона за слободно патување во светот.

The post Италија пак ќе воведе контроли на границата со Словенија бидејќи илегално влегле 16 илјади мигранти appeared first on Република.

Полска би можела да воведе гранични проверки со Германија поради стравувањата од илегални мигранти, изјави доцна синоќа владиниот портпарол за Полсат њуз.

-Полска вчера веќе воведе проверки на некои возила кои преминуваат во земјата од Словачка, а за кои има сомнеж дека превезуваат илегални мигранти, изјави министерот за внатрешни работи Мариуш Камински.

Словачка мака мачи со голем број илегални мигранти, чиј број во оваа земја е зголемен за девет пати во однос од пред една година, на повеќе од 27.000 годинава, покажуваат податоците на МВР.

Се плашиме дека во секој момент може да дојде до пристигнувања од Италија, изјави портпаролот на полската Влада, Пјотр Мулер, за приватната телевизија Полсат њуз, мислејќи на илегалните мигранти.

Затоа размислуваме за контроли на полско-германската граница од наша страна, бидејќи се плашиме од сообраќајот што ќе доаѓа од Италија. Илјадници мигранти кои патуваат со брод од Северна Африка пристигнаа на италијанскиот остров Лампедуза овој месец, додаде тој.

Во меѓувреме, Германија доцна синоќа соопшти дека ќе воспостави посилни гранични контроли со Полска и Чешка во борбата против трговијата со луѓе. Потегот на Германија за заострување на граничните контроли дојде откако во саботата канцеларот Олаф Шолц ја повика полската Влада да ги разјасни наводите за парите што наводно ги дале мигрантите за да добијат визи.

Во интервју за телевизијата Дојчландфунк, министерката за внатрешни работи Ненси Фезер, член на централно-левичарските Социјалдемократи (СПД) на канцеларот Шолц, рече дека Германија ќе воспостави стационарни гранични контроли со Полска и Чешка.

Ќе подготвиме посилни гранични контроли со цел поефективна борба против трговците со луѓе, нагласи Фезер.

Таа не кажа кога ќе се спроведат новите мерки.

Политико објави дека новите контроли ќе бидат официјално објавени денеска.

The post Полска поради мигрантите воведува проверки на границата со Германија appeared first on Република.

Словенија одлучи да постави полициски контролни пунктови на својата територија во непосредна близина на граничните премини, вклучително и на границата со Хрватска.

Шенгенскиот режим останува на сила и ќе може да се поминува преку поранешните гранични премини без никаква контрола, но на територијата на Словенија ќе има полициски контролни пунктови каде полицијата ќе застанува и ќе проверува поединечни возила.

Како што неофицијално дознава порталот 24ур, Словенија ќе воведе полициски пунктови поради илегалната миграција по примерот на Италија. Полицијата веднаш по граничните премини би требало да постави контролни пунктови, каде што ќе може безбедно да запира возила.

Словенечката влада неодамна објави дека не размислува за воведување гранични контроли со Хрватска и покрај големиот пораст на илегалниот влез на мигранти. Ова пред само осум часа го изјави словенечкиот државен секретар во Министерството за надворешни работи, Марко Штучин.

The post Словенија воведува полициски контролни пунктови во близина на границата со Хрватска appeared first on Република.

Германската министерка за внатрешни работи Ненси Фезер најави воведување гранични контроли на границата со Полска и Чешка, објавија германски медиуми.

Мислам дека сега треба да бидеме прагматични и да воведеме стационарни гранични контроли и на границите со Полска и Чешка“, рече германската министерка за внатрешни работи Ненси Фазер во интервју за весникот „Велт ам Зонтаг“.

Таа рече дека веќе има длабински контроли во пограничните области, кои ќе бидат надополнети со стационарни контроли на самата граница.

Истовремено, Фазер рече дека не треба да се очекува дека воведувањето постојани гранични контроли кон Полска и Чешка ќе го реши проблемот со илегалната миграција.

Ова е само еден од инструментите што треба да придонесат за намалување на бројот на бегалци кои доаѓаат во Германија, изјави германската министерка.

The post Германија ќе воведе контроли на границата со Полска и со Чешка appeared first on Република.

Автобус кој се движел на релација Хамбург - Охрид бил запрен во Хрватска од страна на сообраќајна полиција која утврдила низа прекршоци. Според видеоприлогот на ХРТ кога полицијата влегува во автобусот, затекнува празно возило, без патници. Возачот Сулејман посочува дека е празен поради тоа што луѓето летово биле во Македонија, а сега се враќаат назад во Германија, каде работат.

Во торбицата на еден од возачите е пронајдена картица од шофер кој не е присутен во возилото.

-Три возачи, четири картици. Манипулираат со работното време. Додека возат пишуваат дека одмараат, возат на туѓа картичка, вели Маријан, полициски службеник во мобилната единица на сообраќајната полиција.

Пронајдени технички неисправности и манипулации со одморот на возачите, односно злоупотреба на работното време.

Утврдено е дека е истечен периодот на тахографскиот уред во автобусот пред месециполивина. За сите тројца возачи се утврдени манипулации со работното време, односно времето за одмор, бидејќи возачите пријавуваат кога се одмараат, а всушност во тој период не одмараат, туку се наоѓаат во автобусот - вели Ведран, полициски службеник.

Правното лице е казнето 6728 евра. Освен тоа биле одземени и исправите за поминување на границата за да се обезбеди нивно присуство во прекршочната постапка и наплатата на изречената казна.

ВИДЕО ПРИЛОГОТ ОД КОНТРОЛАТА НА АВТОБУСОТ ПОГЛЕДНЕТЕ ЈА НА СЛЕДНИОТ ЛИНК

The post Македонски автобус казнет во Хрватска – тројца возачи возеле со четири картици за да манипулираат со времето за одмор appeared first on Република.

Претставници на Службата за вонредни ситуации на Хаваите ја укинаа наредбата за евакуација по новиот пожар во кој се уништени четири хектари на хавајскиот остров Мауи.

Новиот пожар ги принуди локалните власти вчера привремено да ги евакуираат жителите на градот Лахаина, на само неколку километри од местото кое неодамна беше опустошено од пожар, но новиот пожар е ставен под контрола.

Агенцијата за вонредни ситуации во округот Мауи објави на социјалните мрежи дека евакуацијата е завршена и дека жителите можат слободно да се вратат дома.

The post Наредбата за евакуација е укината, пожарот на хавајскиот остров Мауи е под контрола appeared first on Република.

Австрија планира да ги продолжи проверките на своите граници со Унгарија и Словенија за уште шест месеци, почнувајќи од 11 мај, изјави денеска австрискиот министер за внатрешни работи Герхард Карнер, цитиран од АПА.

Во следните неколку дена ќе ја информираме Европската комисија дека ќе мора да продолжиме со овие гранични проверки, изјави министерот за австриското јавно радио.

Карнер објасни дека примената на шенгенските правила за слободно движење по овие граници мора да остане суспендирана за потребите на борбата против илегалната миграција.

Минатата година имаше неверојатно силен миграциски притисок, посочи тој.

The post Австрија за шест месеци ќе ја продолжи контролата на своите граници со Унгарија и Словенија appeared first on Република.

На територијата на државата вчера од 6 до 10 часот е спроведена акциска контрола на возила што вршат јавен превоз на ученици, преглед на средношколци пред влегување во училишта, угостителски објекти и игри на среќа во непосредна близина на училиштата. При контролата, санкционирани се 30 возачи поради сторени сообраќајни прекршоци, од кои 12 за возење без возачка дозвола.

Како што информираат од Министерството за внатрешни работи (МВР), приведено е едно малолетно лице од Скопје по Закон за оружје член 80 став 3, кај кого при преглед бил пронајден електро шок.

-Сообраќајните контроли за зголемување на безбедноста на учениците од дома до училиште и од училиште кон дома продолжуваат и во наредните денови. Апелираме до сите учесници во сообраќајот да ги почитуваме сообраќајните правила и прописи и на тој начин сите заеднички да придонесеме да се зголеми безбедноста на децата и на сите нас, се наведува во соопштението на МВР

The post Санкции за 30 автобуси што вршат превоз на ученици appeared first on Република.

Повеќе лица се приведени поради различни основи во ноќешната акциска контрола за проверка во угостителските објекти дали престојуваат и им се точи алкохол на малолетници, нарушување на јавен ред и мир. Опфатени биле повеќе локали.

Во акциска контрола спроведена ноќеска (5 февруари), десетина минути по полноќ, во угостителски објект на улица „Димо Гавровски-Кара“ во Тетово полициски службеници на СВР Тетово го привеле 37-годишниот тетовец В.Н. кој се однесувал агресивно додека преземале службени дејствија.Во друг угостителски објект на излезот од Тетово, во 1 часот и 30 минути приведени се И.А.(20) од Тетово и А.Б.(26) од скопско Рашче кои не поседувале документи за идентификација, а во угостителски објект на улица „ЈНА“ во Тетово, дваесетина минути по полноќ, приведен е 26-годишниот А.З.од Тетово поради нарушување на јавниот ред и мир, информира Марјан Јосифоски, портпарол на СВР Тетово.

Според информациите на портпаролот во истиот објект било затекнато и малолетно женско лице од Косово кое консумирало алкохол, по што му било предадено на нејзин роднина.

The post Инспекторите на терен: Повеќе лица завршија зад решетки по акциската контрола во угостителски објекти appeared first on Република.

Вчера во периодот од 14:00 до 19:00 часот на територијата на СВР Битола спроведена e засилена акциска контрола за санкционирање на возачи кои управуваaт возило со брзина поголема од пропишаната, при што санкционирани се 65 возачи.

Меѓу санкционираните е и професионален возач, кај кого при контрола се измерени 2,12 промили алкохол.

Притоа, 46 од санкционираните возачи ја пречекориле брзината во населено место, а 19 надвор од населено место. На сите прекршители изготвени им се соодветни поднесоци.

-Засилените акциски сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, потсетуваат од МВР.

The post Професионален возач возел со 2,12 промили алкохол во крвта, полицијата го запре во Битола appeared first on Република.

Во текот на вчерашниот ден (28.10.2022) во периодот од 12.00 до 16.00 часот на територијата на Република Македонија спроведена е акциска контрола на возила што вршат јавен превоз на ученици, за зголемување на безбедноста на учениците од дома до училиште и од училиште кон дома. При контролата приведени се две лица поради нарушување на јавниот ред и мир, одземен е боксирач, а констатирани се и 84 сообраќајни прекршоци. Од нив 26 возила се испратени на вонреден технички преглед , а изречени се пет санкции за возење без возачка дозвола, три санкции за нерегистрирани возила…

Засилените акциски контроли продолжуваат и во наредните денови. МВР апелира до сите учесници во сообраќајот да ги почитуваме сообраќајните правила и заеднички да придонесеме за побезбедни патишта.

The post МВР: 84 санкции за автобуси што вршат превоз на ученици, 26 возила се упатени на вонреден технички преглед appeared first on Република.

Синоќа во периодот од 12 по полноќ до 4 часот утрото, полицијата во координација со Управата за јавни приходи спроведе акциска контрола во повеќе угостителски објекти на територијата на целата држава, како и контроли на лица и патнички возила.

При контролата, пред објект во Гевгелија кај Д.С. од Гевгелија била пронајдена марихуана, додека во угостителски објект во Скопје кај А.З. од Скопје бил пронајден кокаин.

Лицата се приведени, соопшти МВР.

Санкционирани се и пет лица поради непоседување на документи за лична идентификација.

The post Полицијата упадна во ноќните клубови низ државата, пронајдена дрога, има приведени appeared first on Република.

МВР информира дека во текот на вчерашниот ден (05.08.2022), во спроведена засилена акциска контрола на територијата на Република Македонија, биле санкционирани 404 возачи, кои се движеле со брзина поголема од дозволената.

Од нив 19 возила се движеле со брзина над 50 километри на час повеќе од дозволеното, а едно возило се движело со дури над 70 километри на час повеќе од дозволената брзина. Притоа, 231 возач ја пречекорил брзината во населено место, а 173 надвор од населено место.

-Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта, велат од МВР

The post Санкционирани 404 возачи за брзо возење appeared first on Република.

Директорката на Државниот санитарен и здравствен инспекторат (ДСЗИ) Иринка Сотирова Бухова тврди дека нема, ниту претходно, во изминатите 22 месеца, имала контакти со Жан Митрев.

И ДСЗИ и лично мене не интересира кој е тој што од институцијата контактирал со Жан Митрев. Најодговорно тврдам дека не во последните 22 месеца додека траела студијата, туку и многу долго пред тоа, немам никакви контакти со посочениот господин. Ја користам можноста и сега, личноста што ја даде дезинформацијата да ме побие со докази, односно нека ги даде доказите со кои располага во соодветните институции - одговори Бухова на прашањето за тоа „кои кодошеле кај Жан Митрев“.

Бухова објасни дека ДСЗИ не дава, ниту одзема дозволи за приватни клиники.

Дозволата за „Жан Митрев“ е дадена од Министерството за здравство, а што пишува во неа ќе ви каже министерот. ДСЗИ не е орган што треба да ја критикува или одобрува одлуката дадена од МЗ. ДСЗИ не побарува дополнително време во однос на надзорите кои ги има направено - рече директорката.

Таа претходно информира дека во „Жан Митрев“ се направени три редовни и девет вонредни инспекциски надзори и детално ги образложи.

Бухова објасни и како се пријавуваат интрахоспиталните инфeкции. Клучна и прва институција, рече, до која се доставува информација за интрахоспитална инфкеција, е Центарот за јавно здравје кој прави епидемиолошки увид и наложува мерки.

Да не ги мешаме институциите - порача Бухова.

The post Бухова: Немам контакти со Жан Митрев, во болницата се направени три редовни и девет вонредни инспекциски надзори appeared first on Република.

Полициски службеници од полициските станици за граничните премини „Табановце“, „Долно Блаце“ и „Пелинце“ вчера и завчера извршиле контрола на две патнички возила, еден автобус и еден минибус кои вршеле меѓународен превоз на патници, при што констатирале дека сите вршеле меѓународен превоз на патници без поседување на соодветна документација.

Како што соопштија од МВР, при контрола на автобус со струшки регистарски ознаки, на Граничен премин „Табановце“, управуван од Ш.Т. од селото Лабуништа, струшко и на минибус со струмички регистарски ознаки, управуван од В.С. од Струмица било констатирано дека вршеле меѓународен превоз на патници без поседување на соодветна документација.

Исто така, на Граничен премин „Пелинце“, при контрола во патничко возило „форд галакси“ со бугарски национални ознаки, управувано од Н.П. од Куманово и на Граничен премин „Долно Блаце“, при контрола на патничко возило „мерцедес“ со скопски регистарски ознаки, управувано од Л.Б.(30) од Арачиново, било констатирано дека вршат меѓународен превоз на патници без поседување соодветна документација.

Од страна на Државниот инспекторат за транспорт изречени се соодветни санкции за возачите и возилата.

The post Санкции за четири возила, врешеле меѓународен превоз на патници без документација appeared first on Република.

Инспекциските служби ќе контролираат дали зголемувањето на цените што се случува изминативе денови е реално или не. Од Владата велат дека одредени компании се однесуваат некоректно и неетички во однос на зголемувањето на цените и дека е нелогично зголемувањето на цените за над 20 отсто.

Вицепремиерот за економски прашања Фатмир Битиќи изјави дека со особено внимание се следи се она што се случува изминатите три дена на слободниот пазар и дека набргу очекува извештај од инспекциските служби.

Одредени компании се однесуваат некоректно, неетички и неморално кон зголемувањето на цените. Тоа набрзо ќе наиде на одговор од страна на институциите. Не можеме да прифатиме дека цена, за 24 часа може да порасне за 20 отсто, кога производствената цена не може да порасне 24 часа за 20 отсто. Сметам дека тоа е само манипулација којашто ја прават кон нашите граѓани и за тоа секако соодветно треба да реагираат инспекциските служби - изјави Битиќи во Гостивар.

Тој најави дека нови антикризни мерки ќе се донесат штом биде изгласан ребалансот на Буџетот и дека ќе бидат таргетирани кон оние на кои им се најпотребни.

Веќе ги правиме сите анализи, штом се изгласа ребалансот, сметам дека ќе бидат донесени, но антикризните мерки нема да бидат мерки коишто се сеопфатни. Мора да бидат таргетирани за специфични целни групи коишто се најзагрозени и компании коишто се најзагрозени - изјави Битиќи.

Со свои предлози за надминување на актуелната ситуација излегоа и од Сојузот на стопански комори и од опозициската ВМРО-ДПМНЕ.

Бизнис секторот бара активирање на државните резерви, зголемување на домашното производство и елиминирање на непотребните бирократски процедури за инсталирање на обновливи извори на енергија, а опозицијата предлага законски измени со кои ќе се преполови акцизата за горивата и ќе се намали ДДВ-то на пет проценти, а основните прехранбени производи ќе се продаваат без ДДВ до крајот на годината.

Зголемувањето на цените уследи откако на 1 јуни престанаа да важат антикризните мерки со кои беа намалени ДДВ и маржите за храната и ДДВ и акцизата за горивата.

Поради ценовниот шок и неисполнувањето на барањето за зголемување на платите за 2.806 денари, Сојузот на синдикати на Македонија донесе одлука за генерален штрајк на 22 јуни. Претседателот на ССМ Дарко Димовски вчера по седницата на Претседателството изјави дека ќе стапат во генерален штрајк доколку до 21 јуни не се исполнат нивните барања – потпишување на општ колективен договор каде ќе се утврди линеарно зголемување од 2.806 денари за сите работници во јавниот сектор и враќање на изгубеното право регрес од 2023 година во износ од 30 до 100 проценти од просечната плата во државата.

The post Најавени контроли на нереално поскапените цени, помош за граѓаните и компаниите по ребаланс на буџетот appeared first on Република.