Периодов зачестена е појавата на лажни профили на социјалните мрежи кои се преставуваат во име на Интерпол или Министерството за внатрешни работи или во име на компании кои нудат некаков вид на помош, посредување па дури и враќање на парични средства на лица кој своите средства ги изгубиле во лажни онлајн инвестиции како што беше „Конти“ и други слични на него, алармираат од полиција.

Во однос на горенаведеното сакаме како Министерство за внатрешни работи да информираме а воедно и да предупредиме дека се работи за класични интернет измами или таканаречени Phishing  измами чија цел е прибирање на лични податоци со цел понатамошно нивно користење во криминални деанија, како и злоупотреба на нивните платежни картици со цел стекнување на финансиска корист. Апелираме до граѓаните да не наседнуваат на ваквиот вид на измами и да бидат многу внимателни каде ги оставаат своите лични податоци како и податоците од своите платежни картици. Исто така напоменуваме дека Министерството за внатрешни работи има свои канали на комуникација, односно сите линкови кои се поврзани со нашето министерство можете да ги најдете на официјалната на страна на министерството за внатрешни работи, односно www.mvr.gov.mk, велат од МВР.

The post Нека не ве мамат по вторпат: Лажни страници на МВР и Интерпол нудат враќање на парите од „Конти“ appeared first on Република.

За измамата преку апликацијата „Конти“, првиот полицаец во државата, Панче Тошковски информира дека официјално не е поднесена кривична пријава, но изрази голема загриженост за ваквиот пирамидален криминал поврзан со потенцијална инвестиција кој што се случува веќе неколку пати.

Според Тошковски, слична апликација за измама на граѓаните била конститирана и во 2022 година.

-Упатувам апел до граѓаните да внимаваат за ваков тип на инвестициски вложувања. Да се консултираат со експерти од областа и да се обратат во МВР. Има експерти во министерството кои што можат да дадат проценка дали станува збор за потенцијална измама. Сите оние кои што учествувале како жртви во овој потенцијален кривично-правен настан да се обратат до МВР, со цел да можеме да го истражиме и да постапиме согласно надлежностите, рече министерот на прес-конференција.

Според неофицијални информации, околу 14000 илјади граѓани од земјава биле измамени преку апликацијата.

The post Засега нема кривична за измамата преку „Конти“, МВР бара жртвите да пријават appeared first on Република.