Летонија почна да запленува автомобили од многу пијани возачи оваа година, а бидејќи стотици возила почнаа да ги преполнуваат складиштата, властите одлучија да и ги испратат на украинската војска и болниците, пишува „Ројтерс“.

Во последниве два месеци, во оваа балтичка земја со 1,9 милиони жители, над 200 автомобили биле одземени од возачи кај кои биле откриени нивоа на алкохол во крвта над 0,15%.

Всушност е многу страшно кога ќе сфатите колку возачи возат пијани“, вели Реинис Познакс, основач на невладината организација која е задолжена од Владата да ги испорача возилата во Украина.

Познакис вели дека дваесетините конфискувани автомобили што државата и ги ветила на Украина, ќе ги тестираат границите на летонската, главно доброволна, операција.

Никој не очекуваше дека толку голем број луѓе возат пијани, а не државата не може да ги продаде толку брзо. Затоа, дојдов со идеја – да ги испратам во Украина“, рече Познакс.

Тој раскажува дека во едно од возилата пронашол закачено руско знаме, кое го оставил таму сопственикот.

Невладината организација веќе испратила околу 1.200 возила од почетокот на руската воена операција на 24 февруари минатата година. Собрале два милиона евра за купување возила, реновирање и логистика во 2022 година.

Летонскиот министер за финансии, Арвилс Асераденс, вели дека Владата била инспирирана од успехот на невладината организација и одлучила да се откаже од обидите за аукција на возилата.

Рековме, добро, можете да ги земете тие автомобили. Подготвени сме да направиме практично сè за да ги поддржиме Украинците!“, изјави Асераденс.

Во полициската рација во средата, каде што четворица полицајци го затвориле патот во Рига на половина час за да го проверат секој возач дали има алкохол, никој не беше пронајден пијан.

Сепак, минатата година на патиштата во Летонија 4.300 возачи биле фатени како возат со ниво на алкохол над дозволеното, соопшти полицијата, а изминатата година се случиле речиси илјадници несреќи на патиштата.

The post Летонија запленува автомобили од пијани возачи и ѝ ги подарува на Украина appeared first on Република.