Националниот Џез Оркестар вечерва најавува незаборавна вечер. Подгответе се за уникатно музичко доживување кое ќе ги спои најдобрите рок хитови со магијата на џезот.

На 30-ти ноември, во 20:00 часот, во салата на Македонската филхармонија, ќе се одржи концертот “Golden Rock Swings”.

Нашиот оркестар, ќе ви ги претстави легендарните рок песни во сосема ново светло, преку виртуозни џез аранжмани. Оваа вечер ќе биде исполнета со енергија, страст и музичка мајсторија која ќе ве остави без здив.

Ексклузивни гости на концертот ќе бидат:
– Бранислав Николов од Фолтин
– Фантастичниот џез вокал Џон Илија Апелгреен
– Неверојатната Светлана Јовановска.

Не пропуштајте ја оваа можност да бидете дел од музичкиот спектакл кој ќе ги обедини љубителите на рокот и џезот. Дојдете и уживајте во звуците на “Golden Rock Swings” и дозволете музиката да ве понесе на едно незаборавно патување, велат организаторите.

The post Националниот џез оркестар вечерва ќе ги изведе најдобрите рок хитови со магијата на џезот appeared first on Република.

Вечерва во СЦ Јане Сандански, со почеток во 21:00 часот, ќе имате можност да го проследите концертот на легендарниот хрватски состав „Парни Ваљак“.

Фреди Меркјури и нашиот Аки Рахимовски имаат многу заеднички особини, но една е посебно изразена. А, тоа е, дека и двајцата беа суверени владатели како на сцената, така и со публиката. Фреди Меркјури ја отпеа ,,The Show Must go On”, а сите ние знаеме дека секогаш истото го мислеше и до последен здив така и живееше и нашиот Аки. Парни Ваљак продолжи понатаму со нов пејач, гордо и квалитетно, онака како што и изгледа од своите први денови на почетокот на кариерата.

За скопскиот концерт на Парни Ваљак своја изјава даде и лидерот на бендот, Хус, кој заедно со Парни Ваљак оваа година ќе ја добие најпрестижната можна награда за музика во Хрватска – ПОРИН за животно дело:

,,Наша голема желба, а уште поголема одговорност е во Скопје, во градот на Аки, да отсвириме концерт, кој нашата одлука да продолжиме понатаму ќе направи да биде оправдана. Се разбира дека, во приказната за Парни Ваљак, Аки е неизоставен дел и тој секогаш ќе биде во нашите срца.”

The post Концерт на „Парни Ваљак“ вечерва во СЦ Јане Сандански appeared first on Република.

Вечерва во „Борис Трајковски“, со почеток во 20:00 часот, ќе имате единствена можност да го пролследите настапот на една од најжестоките светски лајв атракции, symphonic metal бендот Apocalyptica.

Ова е нивната досега најатрактивна и најголема светска турнеја со наслов „Apocalyptica Plays Metallica Vol.2 “. Спојувајќи ја класичната музика со хеви метал како никој досега, Apocalyptica за кратко време станаа светска атракција!

Со оваа оригинална идеја и врвна интерпретација на најголемите хитови на Metallica, момците од Apocalyptica докажаа дека универзалниот јазик на одличната музика не познава жанровски ограничувања, а резултат на тоа се и стотиците илјади продадени албуми, бројни турнеи и фанови ширум светот. На нивните албуми гостувале:

Sandra Nasic od Guano Apes, Dave Lombardo (Slayer) , Ville Valo (HIM), Lauri Ylönen ( Rasmus), Till Lindemann (Rammstein), Corey Taylor (Slipknot) Adam Gontier( Three Days Grace) , Gavin Rossdale,( Bush) и многу други.

The post „Апокалиптика“ вечерва во „Борис Трајковски“ appeared first on Република.

Денес со почeток од 20 часот, во Дом на култура Иван Мазов – Климе“ Кавадарци ќе се оддржи ексклузивен “Концерт на Јордан Костов Квартет“.

Еден од музичарите кои го освојуваат светот со својата музика – Јордан Костов, со својот квартет доаѓа во родното Кавадарци. Ретка прилика во живо да се видат неговите музички мајстории.

Овој пат во состав:
Драган Теодосиев (Македонија) на тапани – најдобар млад македонски џез музичар за 2024 на Скопје Џез фест; Маки Хачија (Јапонија) на пијано – вокален перформер, пијанист, има издадено осум самостојни албуми.

Соработува со врвни професионални играчи, музичари, поети, ликовни уметници низ целиот свет; Јордан Костов (Македонија) на хармоника – музичар кој го освојува светот со својот инструмент и музика со десетина албуми во својот репертоа, што самостојни, што со неговите групи.

Описот на нивната музика оди вака: Публиката во Кавадарци ќе може да слушне испреплетување на повеќе музички свери, балансиран контраст на импро и комплексни и едноставни мелодии со моменти на космички звук , хармонски манипулации итн. Арт од енергична вокална техника, модерен џез и силна ритам секција.

Овој квартет ќе го донесе духот на алтернативата , подземјето и авангардата од Токио но и други свери, во исто време оживувајќи го духот на Никола Бадев.

Влезот на концертот е бесплатен. Се гледаме на светска музика!

The post Ексклузивен концерт на „Јордан Костов Квартет“ вечерва во Кавадарци appeared first on Република.

Музичкиот бенд „Дрим Тим“ вечерва со почеток во 20 часот во Македонскиот народен театар ќе одржат концерт по повод нивниот јубилеј 25 години постоење.

 

 

Концертот се најавува како вистинско музичко патување низ времето, низ кариерата која почна во далечната 1999 година кога тогашната постава на Дрим Тим во која членуваа Никола Коцев, Маријан Коцев, Александар Ангелов, Сашко Велков, Ангел Ќосев и Гоце Илиоски реши да почне да ја раскажува својата музичка приказна.

 

 

Сегашната постава на Дрим Тим ги вбројува Дејан Николовски – Чуле (вокал), Никола Коцев (труба), Димитар Митровски (хармоника), Александар Ангелов (кларинет/сакс), Ангел Ќосев (клавијатура) и Гоце Илиоски (тапани).

На сцената вечерва се очекува да се придружат дел од колегите со кои соработувале низ годините, како што се Синтезис, Влатко Лозановски, Маријан Коцев и Сузана Гавазова.

The post Дрим Тим со концерт во МНТ одбележуваат 25 години постоење appeared first on Република.

Симон Трпчески со оркестарот на Филхармонијата за прв пат настапил на 15 години, реализирал уште неколку заеднички концерти низ годините, а вечерва ќе настапи на роденденскиот концерт насловен „80 години - Љубов“, на кој ќе го изведе „ Концертот за пијано и оркестар во а- мол“ од Едвард Григ.

Мило ми е што сум еве дел од нив. Секогаш кога се свири дома е посебно чувство. А, кога се има повод за особено еден ваков, сериозен и многу голем и убав јубилеј, секако дека чувствата работат со поголем интензитет. И мислам дека тоа се чувства кај сите колеги од оркестарот и им посакувам сѐ најдобро, вели Трпчески во изјава за Телма телевизија .

Покрај делото на Григ, ќе биде изведена праизведбата на „ Куклици“ од Ана Пандевска, со што продолжува традицијата на нашиот најголем симфониски оркестар за афирмација на домашното творештво, а во завршиницата ќе биде изведена Симфонијата бр 1- „Титан “ , од Густав Малер.

Меѓу гостите на концертот, ќе бидат и директорите на Филхармонијата од Софија и на Симфонискиот оркестар од Солун, пред првиот заеднички настап со нашата Филхармонија, на 17. февруари идната година во салата НДК.

Пред концертот, во фоајето ќе може да се види изложбата на фотографии, од развојот и најважните мигови во опстојот на Македонската филхармонија. А, ќе натапи и хорот „ Мирче Ацев“, со три композиции од основоположниците на овој оркестар, Тодор Скаловски и Трајко Прокопиев.

Македонската филхармонија е формирана на 24 ноември 1944 година во домот на композиторот Тодор Скаловски. Првично се викала Државен симфониски оркестар. За 80 години постоење , одржала над 2500 концерти, со учество на над 3500 уметници.

The post Симон Трпчески пред вечерашниот роденденски концерт на Македонската филхармонија: Секогаш кога се свири дома е посебно чувство appeared first on Република.

Има една земја сонце што ја грее, оди таму, в' срце земи ја, слушни вечна песна таму што се пее: Нека живеј Македонија!... дел од стиховите на една од трите најавени нови преработки со наслов „Има една земја“, а која ќе биде отпеана на концертот „Македонијо во срце те носиме“ закажан на 7 декември во Филхармонија.

Песната е со потписот на Григор Копров, а е отпеана во далечната 1986 година од страна на легендарниот Гоце Николовски и се нашла на албумот што го носел неговото име. Песната носи моќни стихови, а во себе крие и интересна приказна за тоа како станала дел од опусот на Николовски, кој во тоа време живеел во Ниш, пеел шлагери и бил дел од една од легендарните нишки групи, познатите Далтони. Набрзо влегол во етно водите и светот на народната музика, а токму со Копров работел на споменатиот албум кој бил издаден за РТВ Словенија. Всушност тоа бил неговиот прв фолк албум.

Кога го побаравме Копров беше изненаден што некој воопшто се сетил на оваа композиција која одлично се вклопува во целата наша приказна што ја раскажуваме во изминатите две години. На сцената на Филхармонија сега ќе биде отпеана во дует и тоа од Сузана Спасовска и Александар Тарабунов, велат од Скендеровски продукција, инаку задолжени за целата ова убава приказна која се раскажа во сите поголеми градови ширум земјата.

Освен „Има една земја“, веќе добро познатите 12 нумери кои публиката имаше можност да ги чуе, на сцената ќе ја чуеме и „Молитва“ на авторот Миле Барбаровски, а што ќе ја отпее Бојана Скендеровски. За преработките, но и оркестрациите ќе се погрижи маестро Николче Мицевски, додека симфонискиот оркестар ќе музицира под диригентската палка на Сашо Татарчевски.

Влезниците се продаваат преку мрежата на www.kupikarta.com по цени од 1000 и 1400 денари, а организаторите откриваат дека сите средства од продажбата ќе бидат насочени во хуманитарни цели. Низ целиот музичко-драмски перформанс, пак, публиката ќе ја води актерот Дејан Лилиќ.

7 декември со почеток од 20:00 часот бидете во Филхармонија, бидете дел од завршниот концерт во рамки на приказната „Македонијо во срце те носиме“ за уште еднаш да ја обоиме Македонија со најубавите звуци и да се потсетиме на аманетот што ни го оставиле генерациите пред нас. И, секако, сите заедно да уживаме во дел од најубавите македонски патриотски песни, и изведбите на Бојана Скендеровски, Миле Кузмановски, Сузана Спасовска, ДНК, Наум Петрески, Зуица Лазова, Александар Тарабунов, Мина Блажев, Андријана Јаневска, Марија Спасовска, Огнен Здравковски и Ламбе Алабаковски, велат организаторите.

The post „Има една земја“- една од трите најавени нови преработки која ќе биде отпеана на концертот „Македонијо во срце те носиме“ appeared first on Република.

Во рамките на Неделата на Бах на германската Амбасада во Културно-информативниот центар-Скопје на 4 декември ќе одржи концерт реномираниот македонски пијанист Дино Имери.

Ве каниме да го искусите врвот на барокната варијациска уметност. Дино Имери ќе ги изведе Голдберг Варијациите на Јохан Себајстијан Бах на 4 декември во 20 часот во КИЦ-Скопје, влезот е бесплатен, стои во поканата од организаторите.

The post Недела на Бах: Искусете го врвот на барокната варијациска уметност appeared first on Република.

Со концертот насловен „80 години – Љубов“, денеска, со почеток во 20 часот, оркестарот на Македонската филхармонија ќе го прослави својот јубилеј – осумдесет години од формирањето. На програмата е светска премиера на „Куклици“ од македонската композиторка Ана Пандевска, како и Концерт за пијано и оркестар во а-мол од Едвард Григ и монументалната Симфонија бр. 1 – „Титан“ од Густав Малер.

Како солист ќе настапи нашиот пијанист со блескава интернационална кариера – Симон Трпчески, а концертот ќе го води шеф-диригентот на Македонска филхармонија - маестро Јерухам Шаровски од Израел, информираат од Македонска филхармонија.

Оттаму истакнуваат дека македонскиот пијанист Симон Трпчески во својата богата кариера има соработувано со над стотина оркестри на четири континенти, меѓу кои: Лондонскиот симфониски оркестар, Оркестарот Филхармонија, Националниот оркестар на Франција, Кралскиот оркестар Концертгебау, Оркестарот Тонхале во Цирих, Германскиот симфониски оркестар во Берлин, Радио-симфонискиот оркестар Берлин и Елбфилхармонијата.

Во Северна Америка, тој често настапува како солист со оркестрите во Кливленд и Филаделфија, Лос Анџелес и Њујоршката филхармонија, како и со симфониските оркестри на Чикаго, Сан Франциско, Сент Луис, Сиетл и Балтимор. Во Јужна Америка има изградено прекрасна релација со Оркестарот „Естабле дел Театро Колон“, а настапувал и со симфониите на Сеул, Хонгконг и со симфониските оркестри на Сиднеј, Мелбурн и Нов Зеланд, велат од Филхармонија.

Трпчески има работено со голем број истакнати диригенти, меѓу кои и: Лорин Мазел, Владимир Ашкенази, Марин Алсоп, Густаво Дудамел, Кристијан Мачелару, Џанандреа Носеда, Василиј Петренко, Владимир Јуровски, Антонио Папано, Габриел Бебешелеа, Давид Цинман.

Неговата долгорочна соработка со Василиј Петренко резултираше со богата дискографија; меѓу другите и заедно со Кралскиот ливерпулски филхармониски оркестар ги снимија сите пијано-концерти на Рахмањинов и пијано-концертите на Чајковски и Прокофјев. Во сезоната 2023-24, како резидентен уметник со Кралскиот шкотски национален оркестар, Трпчески го сними својот најнов албум за „Лин Рекордс“, кој ќе ги содржи концертите бр. 2 и бр. 5 на Сен-Санс под диригенство на Томас Сондергард. Во сезоната 2024-25, пак, ќе ја отвори концертната сезона на Симфонискиот оркестар на Дизелдорф, а ќе има нови бројни настапи со симфонискиот оркестар на Монтреал и Оркестра Симфоника де Сао Паоло, Симфонијата на Балтимор, со Џанандреа Носеда и Циришката филхармонија, соопштуваат од Македонската филхармонија.

Инаку, Трпчески е посветен и на зајакнување на културниот имиџ на неговата родна Македонија. Неговиот проект за камерна музика „Македонисимо“ е посветен на запознавање на светската публика со богатите традиционални македонски фолклорни корени.

Со посебна поддршка од „КултурОп“ – македонска организација за култура и уметност – Симон Трпчески редовно работи со млади музичари во својата татковина, негувајќи го талентот на идната генерација уметници. Во 2009, доби Орден за заслуги на Македонија, награда за странски и домашни заслужни личности за афирмација на Македонија во странство. Во 2011 година стана првиот што ја понесе титулата „Национален уметник на Македонија“. Роден е во Македонија во 1979 година, а дипломирал на Факултетот за музичка уметност во класата на проф. Борис Романов. Беше уметник од новата генерација на „Би-би-си“ во периодот 2001 – 2003 година, а во 2003 година ја доби Наградата за млад уметник од Кралското филхармониско друштво, посочуваат од Филхармонија.

Роден во Буенос Аирес, Аргентина, маестро Јерухам Шаровски рано започнал да изучува музика, а потоа студирал флејта, контрабас, композиција и диригирање на Националниот конзерваториум за музика во неговиот град. Во раните 70-ти имигрирал во Израел, каде што дипломирал на Академијата за музика „Рубин“ во Ерусалим, под палката на проф. Менди Родан. Во 1990 година, Шаровски бил избран од страна на славниот маестро Зубин Мехта да ја прими наградата „Млад артист на годината“. Тогаш ја добил и привилегијата да диригира со Израелската филхармонија, како и со другите поголеми оркестри во Израел.

- По турнејата во поранешниот Советски Сојуз (СССР), која за него била значајна во кариерата, во 1991 година станал уметнички директор и шеф диригент на Симфонискиот оркестар „Раанана“ во Израел. Под палката на Шаровски, овој оркестар прераснал во еден од најпопуларните симфониски ансамбли изведувајќи стотици дела и надвор од земјата. Од 1998 до 2004, маестро Шаровски раководел и со бразилскиот симфониски оркестар на Рио де Жанеиро, со кој остварувал турнеи во Бразил и во Европа и снимил четири цедеа. Во тој период, Шаровски го формирал Младинскиот симфониски оркестар на Бразил, кој станал еден од најпознатите ансамбли во земјата, известуваат од Филхармонија.

За време на својата кариера, маестро Шаровски диригирал со над 50 оркестри во повеќе од 20 различни земји, вклучувајќи ги и серијата концерти со маестро Лорин Мазел, диригирајќи со Минхенската филхармонија во Германија и со Симфонискиот оркестар на Ерусалим заедно со Баварскиот радио-оркестар на концерти посветени на градот Ерусалим. Во моментов, маестро Шаровски ја извршува и функцијата шеф диригент на Македонската филхармонија.

Свечената церемонија по повод одбележувањето на 80-годишниот јубилеј ќе започне во 19.30 часот, во фоајето на Филхармонија со настап на академскиот хор „Мирче Ацев“ кој ќе изведе три композиции од основоположниците на оркестарот на Македонска филхармонија – Тодор Скаловски и Трајко Прокопиев. Публиката ќе има можност да ги чуе „Ленка“ од Прокопиев и „Рапсодија бр. 2“ и „Македонска хумореска“ од Скаловски. Со хорот ќе диригира Јасмина Ѓорѓеска – Каро. Во фоајето ќе биде поставена и изложба на фотографии кои го следат историскиот континуитет на Македонската филхармонија и нејзините најзначајни моменти.

Свечениот концерт на Македонската филхармонија преку директен пренос ќе го пренесува МРТ со цел јубилејното чествување да го проследи поголем број на публика, ширум нашата држава.

Преносот ќе биде збогатен со дополнителни прилози и содржини, а за време на паузата од отвореното студио на МРТ во фоајето на Филхармонија, гледачите ќе имаат можност да проследат кратки разговори и интервјуа со значајни дејци од музичкиот живот во земјата.

The post Македонска филхармонија го слави јубилејот со концертот „80 години – Љубов!“ appeared first on Република.

Одбројувањето до големиот славенички концерт 25 години Дрим тим почна, а до петочното патување низ времето, низ кариерата која датира од далечната 1999 година кога тогашната постава тргна да ја раскажува својата музичка приказна, остана уште малку. Во моментов се вршат последните подготовки, односно во тек се последните проби пред славеничкиот концерт закажан в петок, на 29 ноември во Македонскиот народен театар со почеток од 20:00 часот.

На сцената освен Дејан Николовски – Чуле (вокал), Никола Коцев (труба), Димитар Митровски (хармоника), Александар Ангелов (кларинет/сакс), Ангел Ќосев (клавијатура) и Гоце Илиоски (тапани) присутните ќе имаат можност да видат и дел од колегите со кои тие соработувале низ годините, а меѓу нив се: Маријан Коцев, Сузана Гавазова, Влатко Лозановски, Синтезис, Сузана Гавазова и Благоја Грујовски. На репертоарот, пак, ќе се најдат некои од најголемите хитови кои ја одбележаа кариерата на Дрим тим.

Она што е сигурно е дека квалитетна музика нема да недостасува, нема да недостасува ниту добро расположение затоа што таму каде што се Дрим тим не смее нешто да нема. Така е затоа што сите - од прв до последен, се врвни музичари и кога се живите настапи во прашање им нема рамни.

The post Концертен јубилеј на „Дрим тим“ – 25 години музика appeared first on Република.

По неодамнешениот концерт на Дино Имери во Белград, каде настапи со уште двајца врвни музичари – Роман Симовиќ на виолина и Драган Ѓорѓевиќ на виолончело, а кој заврши со стоечки овации во преполната сала во „Коларац“, нашиот пијанист приредува уште еден мошне значаен настан. Станува збор за „Недела на Бах“, којшто на различни локации во Скопје ќе се случува од втори до седми декември.

Во соработка со германската амбасада и поддржано од Министерството за култура и туризам, ќе се одржат концерт, музички работилници за деца и предавања, кои од различни аспекти ќе ни ја претстават музиката, филозофијата, животот, на најголемиот композитор на сите времиња, Јохан Себастијан Бах, без чие постоење и делување, светот не би бил ист.

Имено, централниот настан на „Недела на Бах“ е концертот на „волшебникот на пијаното“, Дино Имери, со наслов „Кодот на Бах“, којшто ќе се случи на 4 декември во Културно-информативниот центар (Салон 19, 19). Рецитален настап, на кој Имери ќе го изведе најпознатото и едно од најкомплексните дела на славниот композитор, неговите „Голдберг варијации“, коешто се смета за споменик во целокупната западна класична музика. Јохан Себастијан Бах создал магија од музика. Целото негово творештво е неповторливо и уникатно, но „Голдберг варијациите“ се центарот на неговиот свет. Тие се сон за секој пијанист и со право се смета за едно од најгенијалните и најкомплексните дела на Бах, во кое се покажува неговиот талент за хармонија, контрапункт и виртуозност.

На 2 декември, пак, кога и официјално ќе започне „Неделата на Бах“, на Факултетот за музичка уметност, со почеток во 13 часот, Дино Имери ќе одржи отворено предавање пред студентите, на кое ќе се осврне претежно на создавањето, идејата и композиторската структура на „Голдберг варијациите“.

На 6 и на 7декември, за децата во ООУ „Љубен Лапе“, односно за децата во СОС „Детско село“, Имери и Иванова ќе одржат музички работилници во вид на претстава, под наслов „Голди, Бах и музичкото село“. Автор на приказната е Тина Иванова, којашто ќе се јави и како наратор, заедно со пијано придружба и нарација на Дино Имери. Овие музички работилници имаат за цел децата да го запознаат Бах и особено неговите „Голдберг варијации“, преку интересна, автентична приказна, како би се насочиле кон понатамошен интерес и истражување за вечната музика на Бах.

Додека, пак, по завршувањето на целиот настан, во просториите на ЕУ Инфо центарот, заедно со пијанистот Имери, на отвореното предавање за филозофскиот, музичкиот, естетскиот аспект на творештвото на Ј. С. Бах, ќе учествува и музикологот Тина Иванова. Всушност, ова предавање е замислено во вид на интервју, низ кое ќе се откријат повеќе аспекти и за денешното влијание на големиот германски музички автор. Предавањето носи наслов „Универзалниот јазик на Бах – што неговата музика може да не научи денес?“

The post Од втори до седми декември „Недела на Бах“ со предавања, концерт на пијанистот Дино Имери и работилници за деца appeared first on Република.

Министерот за култура и туризам, Зоран Љутков, и комесарот за културни врски на Јапонија, Шуничи Токура, кој е во дводневна работна посета на нашата држава, вечер во 18:00 часот во Македонскиот народен театар ќе присуствуваат на концерт на Оркестарот за џез-музика на РС Македонија.

Концертот се одржува во чест на одбележувањето на 30-годишнината од воспоставувањето на билатералните односи меѓу Република Македонија и Јапонија.

Пред почетокот на концертот, предвидени се и кратки поздравни обраќања на министерот Љутков, комесарот Токура, амбасадорот на Јапонија во С Македонија, Оцука Казуја, како и на заменик-министерот за надворешни работи и надворешна трговија, Зоран Димитровски.

На концертот, Џез-оркестарот ќе изведе композиции инспирирани од македонското изворно творештво, како и авторска композиција на гостинот Нобуо Ватанабе од Јапонија.

The post Концерт во МНТ во чест на 30 години билатерални македонско-јапонски односи appeared first on Република.

Со концертот насловен „80 години – Љубов“, в четврток, со почеток во 20 часот, оркестарот на Македонската филхармонија ќе го прослави својот јубилеј – осумдесет години од формирањето. На програмата е светска премиера на „Куклици“ од македонската композиторка Ана Пандевска, како и Концерт за пијано и оркестар во а-мол од Едвард Григ и монументалната Симфонија бр.1 – „Титан“ од Густав МАлер. Како солист ќе настапи нашиот пијанист со блескава интернационална кариера – Симон Трпчески, а концертот ќе го води шеф-диригентот на Македонска филхармонија- маестро Јерухам Шаровски од Израел. 

Македонскиот пијанист со светско реноме, Симон Трпчески, добива позитивни критики за својата моќна виртуозност и длабоко изразен пристап, како и за неговото харизматично присуство на сцената. Пред дваесет години започна на меѓународната сцена како уметник од новата генерација на „Би-би-си“, и во својата неверојатно брзорастечка кариера, без ограничувања во музиката, има соработувано со над стотина оркестри на четири континенти, меѓу кои: Лондонскиот симфониски оркестар, Оркестарот Филхармонија, Националниот оркестар на Франција, Кралскиот оркестар Концертгебау, Оркестарот Тонхале во Цирих, Германскиот симфониски оркестар во Берлин, Радио-симфонискиот оркестар Берлин и Елбфилхармонијата. Во Северна Америка, тој често настапува како солист со оркестрите во Кливленд и Филаделфија, Лос Анџелес и Њујоршката филхармонија, како и со симфониските оркестри на Чикаго, Сан Франциско, Сент Луис, Сиетл и Балтимор. Во Јужна Америка има изградено прекрасна релација со Оркестарот „Естабле дел Театро Колон“, а настапувал и со симфониите на Сеул, Хонгконг и со симфониските оркестри на Сиднеј, Мелбурн и Нов Зеланд. Трпчески има работено со голем број истакнати диригенти, меѓу кои и: Лорин Мазел, Владимир Ашкенази, Марин Алсоп, Густаво Дудамел, Кристијан Мачелару, Џанандреа Носеда, Василиј Петренко, Владимир Јуровски, Антонио Папано, Габриел Бебешелеа, Давид Цинман... Неговата долгорочна соработка со Василиј Петренко резултираше со богата дискографија; меѓу другите и заедно со Кралскиот ливерпулски филхармониски оркестар ги снимија сите пијано-концерти на Рахмањинов и пијано-концертите на Чајковски и Прокофјев... Во сезоната 2023-24, како резидентен уметник со Кралскиот шкотски национален оркестар, Трпчески го сними својот најнов албум за „Лин Рекордс“, кој ќе ги содржи концертите бр. 2 и бр. 5 на Сен-Санс под диригенство на Томас Сондергард. Во сезоната 2024-25, пак, ќе ја отвори концертната сезона на Симфонискиот оркестар на Дизелдорф, а ќе има нови бројни настапи со симфонискиот оркестар на Монтреал и Оркестра Симфоника де Сао Паоло, Симфонијата на Балтимор, со Џанандреа Носеда и Циришката филхармонија.... Бројна е и неговата рецитална програма во големи сали во градови како Њујорк, Сан Франциско, Вашингтон, Лондон, Париз, Амстердам, Милано, Минхен, Прага, Хамбург, Билбао, Истанбул, Даблин и Токио. Од своето деби во Вигмор Хол во 2001 година, тој редовно настапува во оваа престижна сала, а неговиот природен афинитет кон руските композитори од 19 и 20 век е претставен во седум албуми со рецитали. Инаку, Трпчески е посветен и на зајакнување на културниот имиџ на неговата родна Македонија. Неговиот проект за камерна музика „Македонисимо“ е посветен на запознавање на светската публика со богатите традиционални македонски фолклорни корени. Со посебна поддршка од „КултурОп“ – македонска организација за култура и уметност – Симон Трпчески редовно работи со млади музичари во својата татковина, негувајќи го талентот на идната генерација уметници. Во 2009, доби Орден за заслуги на Македонија, награда за странски и домашни заслужни личности за афирмација на Македонија во странство. Во 2011 година стана првиот што ја понесе титулата „Национален уметник на Македонија“. Роден е во Македонија во 1979 година, а дипломирал на Факултетот за музичка уметност во класата на проф. Борис Романов. Беше уметник од новата генерација на „Би-би-си“ во периодот 2001 – 2003 година, а во 2003 година ја доби Наградата за млад уметник од Кралското филхармониско друштво.

Роден во Буенос Аирес, Аргентина, маестро Јерухам Шаровски рано започнал да изучува музика, а потоа студирал флејта, контрабас, композиција и диригирање на Националниот конзерваториум за музика во неговиот град. Во раните 70-ти имигрирал во Израел, каде што дипломирал на Академијата за музика „Рубин“ во Ерусалим, под палката на проф. Менди Родан. Во 1990 година, Шаровски бил избран од страна на славниот маестро Зубин Мехта да ја прими наградата „Млад артист на годината“. Тогаш ја добил и привилегијата да диригира со Израелската филхармонија, како и со другите поголеми оркестри во Израел.

По турнејата во поранешниот Советски Сојуз (СССР), која за него била значајна во кариерата, во 1991 година станал уметнички директор и шеф диригент на Симфонискиот оркестар „Раанана“ во Израел. Под палката на Шаровски, овој оркестар прераснал во еден од најпопуларните симфониски ансамбли изведувајќи стотици дела и надвор од земјата. Од 1998 до 2004, маестро Шаровски раководел и со Бразилскиот симфониски оркестар на Рио де Жанеиро, со кој остварувал турнеи во Бразил и во Европа и снимил четири цедеа. Во тој период, Шаровски го формирал Младинскиот симфониски оркестар на Бразил, кој станал еден од најпознатите ансамбли во земјата. За време на својата кариера, маестро Шаровски диригирал со над 50 оркестри во повеќе од 20 различни земји, вклучувајќи ги и серијата концерти со маестро Лорин Мазел, диригирајќи со Минхенската филхармонија во Германија и со Симфонискиот оркестар на Ерусалим заедно со Баварскиот радио-оркестар на концерти посветени на градот Ерусалим. Во моментов, маестро Шаровски ја извршува и функцијата шеф диригент на Македонската филхармонија.

Настап на хорот „Мирче Ацев“ и изложба во фоајето на Филхармонија

Свечената церемонија по повод одбележувањето на 80-годишниот јубилеј ќе започне во 19.30 часот, во фоајето на Филхармонија со настап на академскиот хор „Мирче Ацев“ кој ќе изведе три композиции од основоположниците на оркестарот на Македонска филхармонија – Тодор Скаловски и Трајко Прокопиев. Публиката ќе има можност да ги чуе „Ленка“ од Прокопиев и „Рапсодија бр.2“ и „Македонска хумореска“ од Скаловски. Со хорот ќе диригира Јасмина Ѓорѓеска – Каро. Во фоајето ќе биде поставена и изложба на фотографии кои го следат историскиот континуитет на Македонската филхармонија и нејзините најзначајни моменти.

МРТ ќе врши директен пренос од свечениот концерт

Свечениот концерт на Македонската филхармонија преку директен пренос ќе го пренесува МРТ со цел јубилејното чествување да го проследи поголем број на публика, ширум нашата држава.

Преносот ќе биде збогатен со дополнителни прилози и содржини, а за време на паузата од отвореното студио на МРТ во фоајето на Филхармонија, гледачите ќе имаат можност да проследат кратки разговори и интервјуа со знајачни дејци од музичиот живот во земјата.

The post Концертот „80 години – Љубов“ во Филхармонија: Солист е Симон Трпчески, а со оркестарот ќе диригира маестро Јерухам Шаровски appeared first on Република.

Во арената „Борис Трајковски” се одржа прес конференција по повод претстојниот концерт на балканската музичка ѕвезда Аца Лукас, кој ќе се одржи на 25 декември во арената „Борис Трајковски” во Скопје.

На прес конференцијата, Аца Лукас откри дека подготовките за концертот се во полн ек и најави незаборавна вечер полна со емоции, хитови и специјални изненадувања за публиката. Тој истакна дека Скопје за него има посебно место во срцето и дека секој негов настап во македонската престолнина е уникатен, благодарение на топлината и енергијата на македонската публика.

„Македонија е мој втор дом, а публиката во Скопје секогаш ми дава неверојатна енергија. Овој концерт нема да биде исклучок – ветувам дека ќе приредиме шоу за паметење.” изјави Лукас.

Организаторите најавија дека сценографијата, звукот и осветлувањето ќе бидат на највисоко ниво, следејќи го светскиот стандард на продукција, а дополнителни детали за гостите и специјалните моменти ќе бидат откриени во следните денови.

The post Аца Лукас најави незаборавен концерт: Македонија е мој втор дом, а публиката во Скопје секогаш ми дава неверојатна енергија appeared first on Република.

Концертот ќе биде гламурозен, со прекрасни аранжмани и прекрасни солисти, вели Гоце Стевковски, директорот на Националниот џез оркестар (НЏО) кој ќе одржи концерт в сабота, на 30 ноември во 20 часот во салата на Македонската филхармонија во Скопје.

На концертот ќе бидат изведени композиции од албумот на Пол Енка „ Rock Swings“. Албумот содржи нумери кои беа хитови во 80-те и во 90-те години на минатиот век, а на концертот под диригентство на Џијан Емин, ќе бидат изведени во оригиналните аранжмани, платени за овој настан. Специјални гости на концертот се Бранислав Николов- Пијан славеј и џез вокалистите Светлана Јовановска и Џон Илија Апелгрин. Секој од нив ќе испее по четири песни од албумот на Енка.

Оваа идеја за концертот ја имавме замислено поодамна. Ќе биде нешто ново, нечуено на овие простори. Пејачите, односно солистите кои ќе настапат се посебни, секој со својот карактер, и намерно беа одбрани за овој концерт. Концертот ќе биде гламурозен, со прекрасни аранжмани и прекрасни солисти, изјави Стевковски на денешната прес-конфренција.

Светлана Јовановска како изведувач на денешниот прес кажа дека публиката ги знае овие песни и ќе ужива на концертот, но песните ќе биде во едно ново поинакво светло.

Како што информира Џон Илија Апелгрен станува збор за албумот на Пол Енка „Rock swings“ со хитови од 80 години и 90 години рок и поп хитови меѓу кои се хитови на Spandau Ballet, Ерик Клептон, Ван Хален.

Аранжманите се прекрасни, а сите кои ќе присуствуваат на концертот ќе уживаат во звучната слика, порача Апелгрен.

Од НЏО велат дека саботната вечер ќе биде исполнета со енергија, страст и музичка мајсторија која публиката ќе ја остави без здив.

Не пропуштајте ја оваа можност да бидете дел од музичкиот спектакл кој ќе ги обедини љубителите на рокот и џезот. Дојдете и уживајте во звуците на „Golden Rock Swings" и дозволете музиката да ве понесе на едно незаборавно патување, порачаа од Националниот Џез оркестар.

The post Ќе биде гламурозно, со прекрасни аранжмани и солисти, вели Гоце Стевковски, директорот на џезерите за саботниот концерт во Филхармонија appeared first on Република.

Пред многубројната публика Националната установа „Музички ансамбл на Република Македонија“ – Тетово, на сцената на Центарот за култура во Тетово, го одржа свечениот концерт „ПОД НОЕМВРИСКИТЕ ЗВУЦИ“, со кој беа одбележани историските датуми на албанскиот народ.

Пред публиката настапи симфонискиот оркестар под диригентската палка на Агона Чупи и Претим Етеми, како и познатите солисти: Бесарта Муртазани, Џетмир Реџепи, Леотрим Зејнула, Дијана Малолари Пајазити и Бетим Шабани.

Исто така, како гости на овој концерт настапи и се претстави хорскиот октет „Илирикум“ – Тетово.

Во уметничкиот репертоар беа изведени маестрални дела на познати албански композитори како Ческ Задеја, Пренк Јакова, Лоренц Антони, Авни Мула и многу други.

Овој концерт се реализираше во чест на најголемите празници на албанскиот народ, 22 Ноември – Денот на албанската азбука и 28 Ноември – Ден на  албанското знаме.

Националната установа Музички ансамбл - Тетово останува посветен на збогатување на културната понуда за промоција и афирмацијата на посебностите на јазикот и писмото на Албанците, но и на идентитетскире посебности на сите заедници кои се нераскинлив дел од заедничкото јазично и културно богатство на Република Македонија, вели в.д. директорот Ардиан Исмаили.

Проектот беше поддржан од Министертвото за културa и туризам на Република Македонија.

The post Со богатa музичка програма НУ Музички Ансамбл – Тетово ги одбележа 22 Ноември и 28 Ноември appeared first on Република.

Вечерва во Салон 19:19, во Културно Информативниот Центар во Скопје, со почеток во 20:00 часот, ќе имате можност да го проследите концертот на Сашко Костов. Настап кој е составен од музика за театарски претстави од Сашко Костов, начин на творење кое стана негова голема пасија и во континуитет ја создава веќе 14 години.

Музиката на овој концерт ќе биде сосема нова и различна од она што ги знаеме Сашко и Орхидеја претходно на сцената. Во главно ќе се изведат композиции од театарските претстави: “Рацин”, “Инферно” “Медеја” и “Црна дупка”. Дуетот активно работи 3 години и исполнува музика во живо за театарски претстави. Овој дует има амбиции во иднина да прерасне во поголем оркестар.

Орхидеја Дукова – Вокал
Сашко Костов – Тапан, перкусии, гитари, клавијатура, програминг, саксофон, рециклирани инструменти и вокал.

The post Концерт на Сашко Костов вечерва во КИЦ: Композиции од театарските претстави „Рацин“, „Инферно“, „Медеја“ и „Црна дупка“ appeared first on Република.

На 23-ти ноември во 20:00 часот, во театарот „Јордан Хаџи Константинов-Џинот” во Велес ќе се одржи авторски концерт на македонскиот композитор и диригент Владимир Николов. На концертот ќе бидат изведени одбрани композиции од неговиот богат творечки опус, меѓу нив и неколку светски и македонски премиери. Ова е воедно и прв негов целовечерен авторски концерт со овој оркестар.

Владимир Николов е композитор чие творештво опфаќа широк спектар на изразни средства и жанри, користејќи ги искуствата во класичната музика и џезот како точка на поаѓање. Веќе подолго време е "зад сцената" во улога на аранжер во светски оркестарски проекти, но често настапува и како диригент со реномирани солисти и ансамбли.

Како редовен аранжер на еден од најдобрите ревиски оркестри во светот - Метропол Оркест, соработувал со врвни имиња како Џон Клејтон, Ренди Брекер, Винс Мендоза, Џулс Бакли и Џејкоб Колиер. Како автор и бенд лидер има издадено три студиски албума со ансамблот Николов-Ивановиќ Ундектет. Угледниот магазин JazzTimes овој ансамбл го оценува како „извонреден, еден од моментално најкреативните големи џез ансамбли во Европа”, а Downbeat музиката на овој ансамбл ја оценува како „ритмички сложенa, хармонски евокативнa, беспрекорно аранжиранa”.

Овие квалитети прострујуваат и во неговата музика за Биг Бенд оркестар која соединува различни стилови во еден органски сублимат. За своите композиции и аранжмани за Биг Бенд е добитник на бројни награди и признанија. Авторскиот концерт насловен „Crossover Stories” вклучува композиции од различни периоди во минатите 22 години авторска дејност.

The post Авторски концерт на Владимир Николов и Националниот џез оркестар во Велес appeared first on Република.

Во рамките на фестивалот „Есенски музички свечености“, Пламенка Трајковска – гудачки квартет, ќе одржи концерт со наслов „Балканско патување“. Концертот ќе се реализира на 21 ноември (четврток) со почеток во 20.00 часот во Музеј на македонската борба.

Во гудачкиот квартет ќе учествуваат следните музичарки: Пламенка Трајковска на виолина, Милена Гиевска Андоновска на виолина, Љубица Бошкоска на виола и Александра Јаневска на виолончело. Аранжманите за гудачки квартет ги подготви Пламенка Трајковска.

Концертот „Балканско патување“ претставува музички истражувачки проект, во кој се откриваат заедничките музички корени на балканските простори, богатата балканска музичка ризница и одделните мелодиски и ритмички елементи, кои се блиски на регионот а за кои одделните народи сметаат дека се нивни автентични. Овие заеднички елементи се користени како основа за создавање на нови композиции со гудачки квартет.

Во новите композиции струјат неколку доминанти елементи и тоа: влијанијата на класичната музика и сосема класичниот инструментариум на гудачкиот квартет,заедничките мелодиски и ритмички линии од сите региони на Балканот, и аранжмански пристап кој има за цел да ги отслика музичките прелевања од регион во регион. Сите овие елементи се вткаени во нови музички слики кои имаат само еден наслов – балканска композиција.

Концертот „Балканско патување“ е покана и предизвик за слушателот преку интерпретација на балканските музички слики со гудачки квартет да се нурне во музичката ризница наречена Балканска музика и преку неа да ја доживее историјата, културата и емоцијата на балканските народи.

Пламенка Трајковска и членовите на гудачкиот квартет имаат реализирано повеќе проекти во кои обработуваат теми на светското музичко наследство. До сега Пламенка има направено аранжмани за македонски фолклорни теми во класичен и кросовер стил и тоа: Ој девојче, Шумат кај шумат шумите, Елено ќерко, Ај да бегаме мори Васе , Ламенто вело и други.

Пламенка Трајковска досега има настапено на речиси сите позначајни сцени и фестивали кај нас и има реализирано концерти во Хрватска, Србија, Бугарија, Грција, Франција, Танзанија и Турција.

Концертот се реализира со поддршка на Министерството за култура, Дирекција за култура и уметност, Скопје, Музеј на Македонската борба и Здружение Пламенка Трајковска – МКС, Скопје.

The post Концерт „Балканско патување“ – Пламенка Трајковска – гудачки квартет appeared first on Република.

В среда,на 20 ноември, од 21 часот во „Котур“ ќе се одржи концерт на Psychedelic Trips Тo Death од Солун и Will Discuss од Скопје.

Psychedelic Trips Тo Death се енергичен пост-панк/ноиз бенд кој доаѓа од Солун. Формирани се во 2010 година и се едни од предводниците на солунската алтернативна сцена. Нивниот мрачен и дистописки звук вградува елементи на психоделичен рок, индастриал и експериментална електроника. Со беспрекорна напнатост, од метрономските пулсации на воведните тактови, преку заканувачките вокали до цврстите бас линии, тие создаваат френетични и параноични звучни пејзажи кои влегуваат под кожата.

Како локална поддршка ќе настапат Will Discuss од Скопје. Се работи за отворен колаборативен проект на Тодор Караколев (електроника, вокал), овојпат заедно со Кристијан Савиќ (гитара). Во спонтана музичка (де)компресија тие создаваат психоделична музика за танц. Нивниот деби албум излегува наскоро во издание на Стотројка.

The post Концерт на пост-панк/ноиз бендот „Psychedelic Trips To Death“ во Котур appeared first on Република.