ЈП Комунална хигиена-Скопје со допис ја информира јавноста дека на територијата на Град Скопје вклучително и општина Центар комуналниот отпад се собира и транспортира без никаков застој, односно во согласност со динамиката утврдена со Оперативната програма за собирање и транспортирање на комуналниот отпад од подрачјето на градот Скопје, усвоена од страна на Советот на Градот Скопје.

„Редовно се врши според Планот за одржување на јавна чистота рачно и машинско метење и машинско миење на улиците. Како и во текот на целата година и ово ј период од годината поради високите температури се врши и миење на контејнерите и микролокациите на кои се поставени.

Апелираме до граѓаните одложувањето на комуналниот отпад да се врши соодветно – во контејнерите, а не до и околу нив со што ќе влијаеме на заштита на животната средина и ќе се избегне создавање на сметишта и диви депонии до контејнерите

Екипите на Претпријатието се исто така аактивни и преку спроведување вонредни активности во оваа скопска општина со собирање на неправилно одложениот кабаст отпад, каде што за изминатиот викенд е интервенирано на улиците Аминта трети , Средно Водно и ул. „164„ од која се собрани 15м3 различен отпад. Градот Скопје и ЈП Комунална хигиена-Скопје апелираат до несовесните граѓани да го почитуваат Законот за животна средина и да не го одложуваат отпадот на јавни површини туку да го одложуваат во садовите за таа намена , а кабастиот отпад бесплатно може да го однесат во Центарот за селекција на отпад во општина Карпош или за соодветен надомест да ги повикаат службите на Претпријатието кои ќе го подигнат и одложат соодветно“ се вели во соопштението на претпријатието

Од Комунална хигиена го повикаа градоначалникот на Центар да ги активира инспекциските служби при општината кои се надлежни и задолжени да го санкционираат секое прекршување на Законот за јавна чистота.

The post ЈП Комунална хигиена: Редовно го собираме и транспортираме отпадот во Центар, го повикуваме градоначалникот да казнува appeared first on Република.

Во врска со неодамнешното Соопштение на градоначалникот на општината Аеродром поврзано со собирањето и транспортот на комуналниот отпад во општината, од ЈП Комунална хигиена-Скопје реагираат дека „неспособноста на градоначалникот на општина Аеродром е само негова, без разлика колку се обидува да ја префрли на туѓа адреса“.

Контејнерите кои се надлежност на Комунална хигиена Скопје се целосно исчистени, редовно и без отстапки.

 

За жал, општинската служба поради неспособното раководство на општината Аеродром е нефункционална, се вели во реакцијата на претпријатието.

The post ЈП Комунална хигиена контра градоначалникот на Аеродром: Контејнерите во наша надлежност се редовно и целосно исчистени appeared first on Република.

Треба да одговорите на прашањето, зошто распишавте оглас за вработување и покрај тоа што Советот даде негативно мислење за вашиот план за вработување, го праша директорот на Комунална Хигиена, советникот во Советот на Град Скопје, и член на ИК на ВМРО-ДПМНЕ Луке Галески при што му посочи и дека ја заобиколува и не ја зборува вистината.

Точно е и добро го прочитавте законот, додаде Галески кон директорот на претпријатието, посочувајќи му дека таму кажува и дека Советот дава препораки и забелешки и дека Советот веќе им даде забелешка да не го прават тоа, а тие распишуваат оглас за вработувања.

Што се однесува до бројот на вработени, Галески рече дека иако директорот негира, во претпријатието драстично и селективно се зголемиле платите на вработените.

„Јас имам фактура од вашето претпријатие за четврти месец минатата година. Бруто износот за привремени вработувања за четврти месец минатата година е четири милиони и 300 илјади денари. Знаете неколку месеци подоцна колку е истава фактура за истиот број на вработени? Осум милиони 500 илјади денари. А, тоа е така затоа што, тука вработени кои што земале по 30 илјади плата, сега земаат по 50 илјади денари плата, тие кои што земале по 40 илјади плата, сега земаат 60 илјади плата“, рече Галески.

Галески истакна дека не сака да ги чита презимињата, но ќе спомене само неколку имињата колку да докажам дека ова што го кажува е прецизно.

„Усаме земал 34 илјади бруто плата, сега земал 58 илјади денари плата, Рамадан претходно земал 45 илјади денари плата сега зема скоро 60 илјади плата, Влатко земал 39 илјади сега зема 66 илјади плата. Како не ги имате зголемено платите? Токму овие плати сакате да ги претворите од привремени во трајни вработувања и затоа го распишувате конкурсот“, посочи Галески.

https://www.youtube.com/watch?v=HzYoetO5Rrs&embeds_referring_euri=https%3A%2F%2Fkanal5.com.mk%2F&source_ve_path=Mjg2NjY&feature=emb_logo

The post Галески до директорот на КХС: Имате загуба, а селективно сте си ги зголемиле платите? appeared first on Република.

Државниот инспекторат за труд по поднесената претставка од вработените во ЈП „Комунална хигиена“ Скопје на кои им беа дадени откази, донесе Инспекциска мерка со која Менаџментот на ЈП „Комунална хигиена“ Скопје треба да донесе писмен акт со кој ќе ги поништи одлуките за отказ поради тоа што истите се спротивни на закон и колективен договор, соопшти Сојузот на синдикати на Македонија (ССМ).

Соработката помеѓу ССМ и ДИТ воспоставена на највисоко ниво, дава резултати во интерес на работниците и ССМ ја поздравува брзата реакција на инспекторатот. СУТКОЗ и ССМ очекуваат Управниот одбор на ЈП „Комунална хигиена“ Скопје на седницата која ќе ја одржи утре, на ден 25.07.2023 година постапувајќи согласно Инспекциската мерка како и врз основа на поднесените приговори од работниците да донесе одлука со која ќе ги поништи отказните решенија и вработените ќе ги врати веднаш на работните места – се вели во објавата.

The post Трудовиот инспекторат ги поништи отказите на вработените во „Комунална Хигиена“ appeared first on Република.

Државниот инспекторат за труд по поднесената претставка од вработените во Јавното претпријатие Комунална хигиена Скопје на кои им беа дадени откази, утврдил дека тие биле отпуштени незаконски.

Како што информираа од Сојузот на синдикатите, инспекторатот налага да се поништат отказите.

Донесена е Инспекциска мерка со која Менаџментот на ЈП Комунална хигиена Скопје треба да донесе писмен акт со кој ќе ги поништи одлуките за отказ поради тоа што истите се спротивни на закон и колективен договор“, велат од синдикатот.

Синдикатите очекуваат Управниот одбор на ЈП Комунална хигиена Скопје на седницата која ќе ја одржи денес, постапувајќи согласно Инспекциската мерка како и врз основа на поднесените приговори од работниците, да донесе одлука со која ќе ги поништи отказните решенија и вработените ќе ги врати веднаш на работните места.

СУТКОЗ и ССМ изминатиот период укажуваа дека раководството на Комунална хигиена Скопје треба да го почитува законот и колективните договори и дека постапките кои се преземаат се ништо друго туку реваншизам кон работниците за нивната синдикална борба. Се апелира на дијалог.

The post Мазнева незаконски ги отпуштила комуналците, да ги поништи одлуките, налага инспекторатот за труд appeared first on Република.

Скопскиот плански регион бара итно постапување од Јавното претпријатие „Комунална хигиена Скопје“ во решавање на проблемот со комуналната хигиена.

На денешната итна седница во врска со комуналната хигиена во рамките на Град Скопје, Советот на Скопскиот плански регион одлучи да побара извештај од Град Скопје за состојбите поврзани со комунална хигиена, како и препорака со која се бара Градот Скопје да ја разгледа состојбата и да преземе мерки за итно постапување од Јавното претпријатие „Комунална хигиена Скопје“ во решавање на проблемот и иницијатива самите општини да ја преземат механизацијата за одржувањето на комуналната хигиена.

На седницата беше донесен и заклучок со кој Скопскиот плански регион бара од страна на Владата, доколку проблемот не може да се реши на ниво на Градот, да се вклучи во негово решавање.

Овие предлози беа изгласани од 12-те градоначалници кои беа присутни на седницата која се одржа во просториите на Општина Аеродром.

На итната седницата на Скопскиот плански регион не присуствува градоначалничката на Град Скопје, Данела Арсовска и градоначалниците Стевчо Јакимовски - Општина Карпош, Коста Маневски - Општина Зелениково, Сашко Комненовиќ - Општина Чучер Сандево, Блерим Беџети - Општина Сарај и Висар Ганиу - Општина Чаир. 

Состанокот на Скопскиот плански регион следува по состојбата со која главниот град е затрупан во смет поради протест на вработените во Јавното претпријатие „Комунална Хигиена“, кои бараат повисока плата и враќање на отпуштените работници

The post 12 градоначалници здружно со конкретни барања за решение за ѓубрето, на средбата не се појавија Арсовска, Јакимовски, Ганиу… appeared first on Република.

Полицијата вчера после полноќ лишила од слобода вработен во ЈП „Комунална хигиена Скопје“ кој заедно со уште неколку лица физички нападнале вработен кој во моментот ги извршувал своите работни задачи.

- Денеска (10.07.2023) во 00.05 часот на подрачјето на Гази Баба полициски службеници од Единицата за интервентна полиција при СВР Скопје го лишиле од слобода Ф.Ц.(28) од Скопје, вработен во ЈП Комунална хигиена Скопје, поради тоа што на 09.07.2023 околу 23.30 часот во трговски центар на подрачјето на Гази Баба, заедно со Д.Д. и уште неколку лица, физички го нападнале Д.С.(37) од Скопје, додека ги извршувал своите работни задачи како вработен во истото претпријатие, соопштуваат од Министерството за внатрешни работи.

Оттаму дополнуваат дека се преземаат мерки за целосно расчистување на случајот и утврдување на лицата, а по неговото документирање од страна на Единицата за насилен криминал ќе биде поднесена кривична пријава за сторено кривично дело „насилство“, по член 386 од Кривичниот законик.

The post Го претепале зошто чистел: Приведен вработен во Комунална хигиена Скопје за физички напад на колега appeared first on Република.

Иако синоќа дел од камионите на „Комунална хигиена“ со полициска асистенција излегоа да чистат, а дел од скопските градоначалници се самоорганизираа и со помош на други градови собраа дел од насобраното ѓубре, сепак неколкудневното таложење и насобирање на отпадот не беше лесна мисија за да се собере за неколку часа, па утринава скопјани повторно се разбудија претрупани во ѓубре и смрдеа.

За денеска е најавен состанок на градоначалниците од Скопскиот плански регион на кој ќе расправаат за состојбата со хигиената во Скопје

Градоначалникот на општина Центар, Горан Герасимовски утринава за „Телма“, рече дека во координација со другите градоначалници ќе се разговара за одземање на ингеренциите на ЈП „Комунална хигиена”.

The post Откако и утрово тонеме во ѓубре, градоначалниците ќе разговараат за одземање на ингеренциите на ЈП „Комунална хигиена” appeared first on Република.

Четири лица се приведени од кругот на „Комунална хигиена“. Вработените посочуваат дека дел од нив биле ангажирани со авторски договори повеќе од десет години. Директорката Косана Мазнева им ги раскинала. Тие во знак на револт дошле да бараат нејзина оставка. Бидејќи тие повеќе немале договор, менаџментот на Мазнева ѝ посочил на полицијата кои се тие, па биле приведени.

„Ништо не ни кажаа. Само ги зедоа луѓето, ги приведоа. Без никаква причина ги приведоа“, посочува вработен во „Комунална хигиена“.

Прашан дали тие се приведени бидејќи ја попречувале полицијата – вработените во „Комунална хигиена“ негираа.

„Избркан работник кој бил ангажиран преку авторска агенција, дошол зошто сака да се врати на работа. Го знам. Тој беше приведен“, објасни друг вработен во „Комунална хигиена“.

Претходно, двапати интервенираше и Брза помош, а едно лице е однесено во болница.

The post Четири лица се уапсени на протестите на „Комунална хигиена“ appeared first on Република.

Најголем дел од вработените прифатија да се вратат на своите работни места и задачи, изјави Косана Николиќ Мазнева за Телма ТВ. Таквиот епилог, како што истакна, бил резултат по целодневните разговори.

„Формирана е работна група од прва и од втора смена, заедно со трета, и излезени се на терен со потребната механизација. По целодневните преговори, најголем дел од вработените прифатија да се вратат на своите работни места и задачи. Вечерва екипите се придружувани од полиција. Во текот на утрешниот ден ќе следат постапки за откази на онаа група која три дена го узурпираше претрпријатието. Против иститие поднесени се денеска и кривични пројави за загрозување на безбедноста и здравјето на граѓаните, вели Мазнева за ТВ Телма.

The post Мазнева: Екипите вечерва се придружувани од полиција, утре откази за оние кои три дена го узурпираа претпријатието appeared first on Република.

Градоначалникот на Општина Кисела Вода Орце Ѓорѓиевски и неговиот колега од Аеродром, Тимчо Муцунски вечерва го оставија отпадот пред капиите на Дрисла. Откако оваа депонија не го прими отпадот кој скопските градоначалници  го собраа со помош на механизација од другите градови, тие немаа избор освен да го остават пред капијата.

Претходно  Ѓорѓиевски изјави:

„Ако ни се спротивставува директорот да го прими и  да го одложиме отпадот внатре, луѓето ги држиме саат време овде, тие имаат фамилии а имаат и уште многу работа, тогаш ќе го одложиме отпадот пред „Дрисла“ па тоа ќе треба да си го собира директорот и градоначалничката“.

Тој додаде дека ќе почекаат  уште 10 минути максимум.

„Дечки ќе почекаме уште 10 минути, ако не добиеме одобрување од страна на директорот кој им забранува да комуницираат со нас, да ги отвори рампите да се влезе да се одложи ѓубрето, а за тоа плаќаме и имаме договори сите општини“, изјави Ѓорѓиевски.

Ѓорѓиевски посочи дека за одложувањето на отпадот пред капиите на Дрисла цела одговорност е негова и на Тимчо Муцунски.

https://republika.mk/vesti/skopje/gradonachalnitsite-od-vmro-dpmne-go-sobraa-smetot-drisla-ne-go-prima-otpadot-danela-arsovska-prodolzhuva-so-destruktsija/

The post Отпадот од скопските општини истоварен пред капиите на Дрисла appeared first on Република.

Два дена и требаше на грдоначалничката Данела Арсовска да реагира на сметот во Скопје. Откако Скопје на температури над 30 степени целзиусови се затрупа вечерва заседаваше Кризниот штаб на Град Скопје кој поради штрајкот во ЈП Комунална хигиена и одбивањето на работниците да го собираат ѓубрето. По состанокот градоначалничката Данела Арсовска изјави дека ѓубрето ќе биде исчистено, иако општините каде што градоначалниците се од ВМРО-ДПМНЕ, веќе го собраа сметот со помош на механизација од други општини.

Арсовска пак се занимаваше со напади, обвинувања и навреди. Вели мафијашки структури два дена го блокираат претпријатието. Причините биле лични интереси, а се работело за лица кои повеќе од 15 години работеле само една смена што било спротивно на закон. Арсовска вели дека поголем дел од нив воопшто не доаѓале на работа. Според неа директорката Мазнева била во право дека ќе се појават стаорци низ градот, притоа навредувајќи ги градоначалниците од скопските општини со кои раководи ВМРО-ДПМНЕ.

-Тоа и се случи. Погледнете ги овие стаорци од политичките елити како инструирано веднаш отскокнаа и ја користат оваа состојба која самата ја креираат за ситни политички поени - вели Арсовска.

Воедно Данела Арсовска на прес конференција вечерва му порача на лидерот на ВМРО-ДПМНЕ, Христијан Мицкоски дека е разобличен.

Разобличен е затоа што со бескрупулозност, за евтини политички поени, сака да креира проблеми за граѓаните кои потоа сака да се претставува дека ги решава и дека ги расчистува. Таквите политичари се најголемото ѓубре кое што овој град го видел и ние вечерва ќе почнеме со чистење на ѓубрето да ги чистиме и нив, порача Арсовска.

Реагираа од ВМРО-ДПМНЕ

Ја разбираме специфичната состојба во која се наоѓа Данела Арсовска, иако не ја оправдуваме истата. Веројатно ѓубрето е помалиот дел од проблемот, туку личноста со слицни карактеристики на него, која го води градот. Оттука изразуваме сериозен сомнеж за деловната способност на Арсовска да го води градот. Нема претпријатие кое не го упропасти, а последниот случај покажа дека ЈП Комунална хигиена може да работи само во тесна соработка со полицијата на Спасовски.

Данела Арсовска потребно е да си даде оставка и да престани да го измачува Скопје.

The post Арсовска: Мицкоски е најголемото ѓубре, ВМРО-ДПМНЕ: Да се преиспита деловната способност на Арсовска appeared first on Република.

Состојбата со хигиената во главниот град Скопје е единствена точка на дневниот ред на утрешниот состанок на градоначалниците од Скопскиот плански регион.

https://republika.mk/vesti/skopje/skopje-se-davi-vo-smet-direktorkata-na-komunalna-higena-se-kara-so-vrabotenite/

Состанокот ќе се одржи поради тоа што не се собира сметот од Скопје поради протест на вработените во Комунална хигиена.

Како што се најавува, по состанокот, кој ќе се одржи во просториите на Општина Аеродром, градоначалниците ќе излезат со свој став за настанатата состојба.

Скопскиот плански регион го опфаќа басенот на Скопската котлина и зафаќа вкупна површина од 1812 км2 или 7% од територијата на Република Македонија. Овој регион опфаќа 17 општини од кои десет се дел од градот Скопје како посебна единица на локалната самоуправа. Градот Скопје е составен од следните општини: Аеродром, Бутел, Гази Баба, Ѓорче Петров, Карпош, Кисела Вода, Сарај, Центар, Чаир и Шуто Оризари.

The post Градоначалниците заедно ќе бараат решение за ѓубрето, ама од утре appeared first on Република.

Ноќеска состојбата во ЈП Комунална хигиена била тензична.

Имено, полицијата била повикана во претпријатието со цел вработените да излезат на терен да работат, јавува ТВ21.

Вработените во петокот пред полноќ прекинале со работа, и се жалат на отпуштањето на голем број вработени и деградадирање од страна на актуелните раководители на претпријатието

Тие бараат подобри услови, но и повисоки плати.

Сепак, според директорката Косана Мазнева штрајк не смее да има, бидејќи граѓаните на Скопје не смеат да се гушат во смет.

The post Ноќеска тензично во ЈП Комунална хигиена, повикана била и полицијата appeared first on Република.

Поранешниот директор на скопска „Комунална хигиена“ Абдусамед Шабани кадар на ДУИ стана организациски директор на Клиниката за кардиологија.

После се чудиме зошто доктори бегаат, зошто здравството пропаѓа, зошто институциите се сведени на партиски пазар.

Еве зошто…, пишува Ивор Мицковски на фејсбук.

The post Ивор Мицковски: Поранешниот директор на скопска „Комунална хигиена“ Абдусамед Шабани кадар на ДУИ стана организациски директор на Клиниката за кардиологија appeared first on Република.

Скопје вчера загина при извршување на работни задачи во Центар.

Како што соопштија од МВР, во 09.14 часот во СВР Скопје било пријавено дека на бул.„11 Октомври“, при извршување работни задачи, А.С.(43) од Скопје - вработен во ЈП „Комунална хигиена“ се здобил со повреди и починал на местото.

Смрт констатил лекар од Итна медицинска помош, а увид извршила екипа од СВР Скопје.

За настанот бил известен трудов инспектор и по наредба на јавен обвинител телото на починатиот било дадено на обдукција.

The post Работник од Комунална хигиена загина во несреќа во Центар appeared first on Република.

Јавното претпријатие Комунална хигиена реагираше на пишувањата дека непознати лица го чистеле споменикот на Гоце Делчев и ставиле на него знаме на Бугарија.

Невистинити се објавите на извесни провокатори чии фотографии осамнаа на интернет, дека го чистеле споменикот на Гоце Делчев во Градскиот парк. Имено, споменикот на Гоце Делчев, како и бројни други споменици низ градот се предмет на вандалски чинови и оштетувања во континуитет, при што само на споменикот на Гоце Делчев јавното претпријатие Комунална кигиена во изминатиот месец дури трипати има превземено акција на целосно чистење со соодветна механизација, средства и човечки ресурси.

Тоа што некој врз нашите обележја става знаме на странска држава, а воедно лажно зема заслуги за работата на Јавното комунално претпријатие презентирајќи ја како своја, дополнително е за осуда и ги повикуваме надлежните институции да го истражат случајот и да превземат соодветни мерки. Повторно апелираме и повикуваме на свесност кај граѓаните да не се вандализираат и оштетуваат спомен обележјата и јавните површини, стои во реакцијата на Комунална хигиена.

 

The post Комунална хигиена негира дека некој друг го чистел споменикот на Гоце Делчев appeared first on Република.

Зуди Енузи Кока, в.д. директор на Јавното претпријатие „Комунална хигиена“ – Скопје, објави видео со срамна содржина во кое се гледа како поединци намерно ги уништуваат контејнерите и го разнесуваат отпадот низ центарот на Скопје.

Срамно! Анонимно од страна на граѓани ни беше испратена оваа снимка на којашто може да се види како поединци намерно ги уништуваат садовите за одлагање на отпадот и разнесуваат отпад низ центарот на Скопје.

Ваквото недолично и безобразно однесување каде што може да се види и уништување на јавен имот е забележано на неколку локации низ градот, на местата каде што комуналните служби претходно имаат исчистено, поединци отпадот го разнесуваат намерно и од црни кеси го истураат на јавни површини. Дали станува збор за организирана акција ќе треба допрва да се утврди“ – напиша тој.

Енузи порача:

Ги повикувам граѓаните да реагираат на ваквото срамно однесување, а доколку забележат вакво однесување на поединци или групи истото да го пријават. Скопјани заслужуваат да живеат во чиста животна средина, а ваквото однесување е непочитување на трудот на комуналните служби, но и претставува казнено дело.

The post Директорот на „Комунална хигиена“ објави видео на кое се гледа како тројца ги уништуваат контејнерите и го расфрлаат ѓубрето низ центарот на Скопје appeared first on Република.