„Денес беше првиот состанок на Советот на странски инвеститори со економскиот тим на Владата, предводен од премиерот Мицкоски, и можам да кажам дека имавме неколку многу важни теми кои ги засегаат странските компании.

Пред сѐ разговаравме за работните односи, разговаравме за образованието, за царинските и даночните теми, кои се многу важи за странските компании кои работат тука, за инфраструктурата и општо што значи и колку е важно зголемување на конкурентноста на компаниите кои функционираат тука веќе подолго време.

Имавме присутни околу 40 компании каде што со сите институции од Владата директно ги кажавме нашите барања, потребите, дури и законските потенцијални измени кои треба да се случат во следниот период. И она што е важно е дека имавме плодна, детална дискусија и очекуваме во следниот период преку работни групи со различните министерства и институции подлабински да навлеземе во сето она што треба да се адаптира, да се промени, да се подобри, за да креираме конкурентна, плодна почва за работа, за можност за дополнителни инвестиции од наша страна, но истовремено и за конкурентност при процесот на потенцијални привлекувања на нови компании.

Иако ние како компании тука работиме на подобрување на нашите резултати и нашите успеси тука, знаме дека како компании кои работат успешно тука можеме да бидеме и амбасадори при процесот на привлекување на нови компании“.

The post Мизо: Имавме детална дискусија и очекуваме во следниот период подлабински да навлеземе во сето она што треба да се промени и подобри, сѐ со цел привлекување на нови странски инвестиции appeared first on Република.

The post Мицкоски: Прво фактура за завршената работа, а потоа исплата, нема бланко трошење 250 милиони евра appeared first on Република.

Претседателот на Владата на Република Македонија, Христијан Мицкоски во интервју во Топ тема на телевизија Телма изјави дека на следната владина седница ќе се формира ад хок тело во кое ќе се испитуваат како претходната влада поделила 100 милиони евра без критериуми за наводна поддршка на компаниите во време на ковид кризата.

Знаете ли колку пари се потрошени по основ поддршка на компаниите, онаа владина помош? Знаете ли колку пари се потрошени, зборувам за онаа инвестиција жестоко најавувана поддршка на македонското стопанство, закон се носеше итн. 100 милиони евра се потрошени. Но, дали некој знае за што се овие пари потрошени, бидејќи во законот секој може да конкурира, дури вели во законот и оние правни лица кои што не ги исполнуваат условите согласно овој закон. Дали некој знае и направил проверка зошто овие 100 милиони евра се потрошени, праша премиерот Мицкоски.

Премиерот Мицкоски најави дека во среда на владина седница ќе се формира ад хок тело кое ќе испита како се поделиле овие 100 милиони евра, нагласувајќи дека согласно законот и правилникот стоело обврска дека треба да има формирано тело кое ќе следи како и на што се трошеле овие средства.

Сега ќе формираме ад хок тело на оваа седница во среда која што ќе ја имаме, а согласно законот стои обврска да се формира тело кое што ќе следи како се трошат парите и за што се трошат. Но, никој не го формирал тоа тело, ниту пак го создал правилникот којшто согласно законот морале да го создадат, дециден е тој.

The post Мицкоски: Ќе формираме ад хок тело кое ќе испитува како се поделени 100 милиони евра без критериуми за наводна поддршка на компании во ковид appeared first on Република.

Само 100 од 500 европски компании официјално го напуштија рускиот пазар, а повеќето од нив го задржаа правото на откуп, изјави рускиот вицепремиер и министер за индустрија и трговија Денис Мантуров на пленарната седница по повод Денот на индустријата.

Тоа е податок на Асоцијацијата на европските компании. Од 500 големи компании (не ги вклучувам оние со обрт помал од половина милијарда рубљи годишно) од различни европски земји, само 100 официјално го напуштиле рускиот пазар, што е 20 отсто, рече Мантуров.

Од 350 големи американски компании застапени на рускиот пазар, 66 или околу 19 отсто ја напуштиле Русија, додаде Мантуров.

Тоа сугерира дека нашиот пазар е интересен и дека нашиот потенцијал е исто така интересен, вклучувајќи ги и трошоците за енергенси. Погледнете што се случува во Европа. Таму компаниите навистина постепено се намалуваат, рече тој.

Мантуров додаде дека Русија не планира да престане да привлекува странски инвестиции и оти ќе создаде соодветни услови „и за поединци и за инвеститорите и сопствениците на бизниси кои се подготвени да дојдат од странство“.

The post Само 20 отсто од европските и американските компании официјално го напуштиле рускиот пазар appeared first on Република.

Ги повикувам домашните компании да го следат примерот на АТС АММО од Самоков, да се охрабрат и да ги реструктуираат своите произвдствени процеси, односно своите процеси да ги усоглаат со највисоките стандарди на НАТО-Алијансата што е услов за учество во тендерските постапки, порача вицепремиерот за економски прашања Фатмир Битиќи при денешната посета на наменската фабрика АТ АММО во Самоков кај Македонски Брод.

Успешноста на фабриката е поттик за локалната економија, но и за македонските компании.

- Би сакал да ги повикам домашните компании да го следат примерот на АТС АММО, да се охрабрат и да ги реструктуираат своите произвдствени процеси , односно своите процеси да ги усоглаат со највисоките стандарди на НАТО-Алијансата што е услов за учество во тендерските постапки. Ова бара технолошко унапредување, но затоа компаниите не се оставени сами. Во оваа насока ќе го споменам Законот за финансиска поддршка на инвестиции како можност која ја создадовме за домашните копмании за да бидат поддржани токму во делот за инвестициите и технолошкото унапредување на производството, посебно за истражувањето и за развојот каде финансиската поддршка изнесува 50 проценти од прифатливите трошоци, како и поддршка во делот на извозот, изјави Битиќи.

Наменската фабрика АТЅС АММО е една од најмодерните фабрики во Македонски Брод која придонесува значително за локалната економија. Ова е потврда на економските придобивки кои полноправното членство во НАТО за земјава ги носи за сите, особено за домашните компании.

-Полноправното членство во НАТО нема само политичко и безбедносно значењеза државава, носи и позитивни ефекти за локалната економија, создавајќи можности за раст на домашните компании за што пример е АТС АММО која е впишана како економски оператор којаима пристап до тендерски постапки во вредност од над 5 милиона евра. Како членка на оваа стратешка Алијанса, на домашните компании им се создаде можност да пристапат до нова мрежа на економска соработка и трговско партерство. Да создадат нова додадена вредност како за нив, така и за севкупната економија во нашава држава, изјави вицепремиерот Битиќи.

Инаку, преку Законот за фнансиска поддршка на компаниите. веќе се поддржани над 919 компании кои имаат реализирано инвестициски циклус од половина милијарда евра, поддржани од Владата со околу 100 милиона евра.

-На овој начин директно ги стимулираме и домашните компании своите пшроизводи да ги приспоисобат на критериумите од Алијансата и со тоа да им отвориме нов простор за раст на бизнисите за отворање нови работни места со достоинствени плати на нашите сограѓани, изјави вицепремиерот з економски прашања Фатмир Битиќи при денешната посета на наменската фабрика АТС АММО во Самоков кај Македонски Брод. ем/нд/

The post Битиќи: Ги повикувам домашните компании да го реструктуираат производството appeared first on Република.

Приватните компании не им веруваат на државните институции и затоа не се јавуваат на јавните тендери, изјави денеска министерот за информатичко општество и администрација Азир Алиу.

Алиу кажа дека внатрешната ревизија што ја спровела Министерството за информатичко општество и администрација за периодот 2021 – 2023 година покажала дека компаниите не се заинтересиорани да аплицираат на јавни тендери, што значи дека довербата на приватниот сектор кон државните институции е намалена. На 14 од вкупно 18 анализирани тендерски постапки од јануари 2021 до јуни 2023, пријавена била само една компанија.

На средба со компаниите тие посочија дека една од причините за ова е што тендерската документација или не е јасна или е толку јасна што се гледа дека е направена за дел од приватниот сектор. Не сакам да верувам во тоа, зашто нашите колеги од МИОА се експерти и убеден сум дека може да имаме повеќе заинтересирани компании кои би аплицирале, рече Алиу.

The post Компаниите не им веруваат на државните институции и затоа не се јавуваат на јавните тендери appeared first on Република.

Најголемите европски компании изгубија 100 милијарди евра од февруари 2022 година поради продажба, затворање или намалување на нивниот бизнис во Русија.

Според Фајненшал тајмс од годишните извештаи на 600 европски компании и нивните финансиски извештаи за 2023 година, произлегува дека 176 компании избегнале девалвација на нивните средства и дополнителни трошоци поради промената на бизнисот во Русија.

Во таа пресметка не се вклучени индиректните трошоци како што е поскапувањето на енергијата и стоките. Најголемите загуби се концентрирани во неколку сектори како што се енергетиката, автомобилската индустрија и финансискиот сектор.

Три компании од енергетскиот сектор – „БП“, „Шел“ и „Тотал енерџи“ објавија дека повлекувањето од Русија ги чинело околу 40,6 милијарди евра, но од ФТ велат дека овие загуби се надоместени со зголемувањето на профитот поради поскапување на нафтата и гасот.

Загубите на европската автомобилска индустрија изнесуваат 13,6 милијарди евра, додека финансискиот сектор - банките, осигурителните компании, инвестициските компании загубија 17,5 милијарди евра поради заминувањето од Русија.

The post Најголемите европски компании загубија 100 милијарди евра поради затворањето на бизнисите во Русија appeared first on Република.

Околу 13 отсто од германските компании во моментов користат вештачка интелигенција додека околу 9 отсто планираат да го сторат тоа. Тие цифри ги објави Иститутот за економски истражувања Ифо, јави ДПА.

Во индустријата, секоја трета компанија користи вештачка интелигенција или планира да ја користи, додека околу 20 проценти од компаниите во услужниот и малопродажниот сектор и 15 проценти од градежните компании исто така користат.

За околу 40 отсто од компаниите во Германија, вештачката интелигенција не игра никаква улога во моментов. Во градежниот сектор таа цифра е 60 отсто.

Системите базирани на вештачка интелигенција обработуваат големи количини на податоци со помош на алгоритми со цел брзо да носат одлуки со автоматска анализа.

Во своето економско истражување во јуни, Институтот анкетираше околу 9.000 компании.

The post Околу 13 отсто германски компании користат вештачка интелегенција appeared first on Република.

Министерот за економија Крешник Бектеши денеска соопшти дека ако компаниите од прехранбената индустрија одлучат да ги намалат цените повеќе од процентот предвиден со одлуката за замрзнување, ќе се разгледа опцијата да добијат поддршка од државата.

Донесовме одлука намалувањето да биде минимум 10 отсто, но ако компаниите одлучат и ги намалат цените за 20 отсто, на пример, ќе разговараме за тие дополнителни 10 проценти да им дадеме поддршка. Ако одреден сектор, наместо за 10 отсто, ги намали цените на 15 - 20 проценти, тогаш ќе разговараме за да им се излезе во пресрет. Нашата цел е грѓаните да плаќаат пониски цени“, потенцира Бектеши.

Тој информира дека за тоа разговарал вчера со премиерот Димитар Ковачевски.

Вчера со премиерот разговаравме да им излеземе во пресрет дополнително на одредени сектори во индустријата. Имаме толку голем простор преку ЕСМ зашто е зголемено производството, што за тие компании кои ќе ги намалат цените државата ќе излезе во пресрет со поддршка, а за тие што нема тоа да го направат, ќе се укинат сите поддршки“, подвлече министерот.

The post Оној кој ќе ги намали цените повеќе од предвиденото може да добие државна помош appeared first on Република.

На ден 04.03.2023 година (сабота), пазарниот инспекторат изврши над 250 надзори и контроли на територија на цела Македонија. Она што е утврдено од надзорите и контролите е дека поголем број од трговците ги почитуваат Одлуките на Владата. Леб се продава од 28 до 33 денари, зависно од грамажата и градот во кој се вршени надзорите и контролите, a трговците на големо и мало со прехранбени производи, генерално ја почитуваат обврската да го произведуваат и да го ставаат во промет лебот опфатен со Одлуката на Владата, во количина од најмалку 80% од производството на овој леб во месец декември 2022 година, информираат од инспекторатот.

Онаму каде што се констатирани прекршувања издадени се вкупно 6 прекршочни платни налози и тоа во висина од над 960.000 денари.

Државниот пазарен инспекторат и понатаму интензивно ќе спроведува контроли и надзори по Одлуките на Владата. Нема да има отстапувања и ќе биде казнет секој оној кој пробал на било каков начин да изврши прекршување на овие Одлуки.

Апелираме трговците да ја адаптираат цената и доставата на лебот во согласност со Одлуките, бидејќи во спротивно ќе се соочат со казни кои се многу високи, и изнесуваат од 800 до 10.000 евра, во зависност од големината на економскиот субјект, а во надлежност со Законот за трговија, нагласуваат од ДПИ.

The post Над 960 илјади денари казни за 6 компании кои не ја почитувале одлуката за замрзна цена на лебот appeared first on Република.

Компаниите кои што произведуваат основни прехранбени производи и се се регистрирани со шифри на дејност 10.41, 10.51, 10.61, 10.71 во кои спаѓаат производителите на масло за јадење, леб и пекарски производи, брашно, млеко и млечни производи како и производители на јајца ќе имаат фиксна цена на електрична енергија. Оваа цена на струја која што ќе ја обезбеди Владата ќе биде помала од 100 евра за мегават час, што е двојно пониска од цената на регулиран пазар, кажа министерот за економија Крешник Бектеши по денешната средба со претставници од прехранбената индустрија.

Како што кажа министерот ова е една од мерките кои ги вети Владата за поддршка на прехранбената индустрија, а која ја реализира Министерството за економија.

Работиме заедно со производителите на преханбени производи во креирањето на мерки со цел сите заеднички да придонесеме во ублажувањето на кризата било тоа економска, финансиска или енергетска. Како што најавивме и претходно и премиерот Димитар Ковачевски и ние како Министерство за економија, веќе ги подготвивме сите мерки се со цел да им излеземе на пресрет на тие компании кои ги преизведуваат основните преханбени производи„ изјави Бектеши и додаде дека овие мерки се со цел компаниите, пред се производителите на основни прехранбени производи да имаат предвидливост и на таков начин да можеме да влијаеме и врз цените на финалните производи кои се произведуват и се продават од овие компании.

Како што кажа министерот, предлогот е доставен до Стопанските комори, а со него е предвидено мерката за субвенционирање на цената на електричната енергија за прехранбената индустрија да трае до крајот на април

ЕСМ Продажба ќе ги снабдува со електрична енергија овие компании, согласно разговорите со Министерството за финансии, пи финансискиот простор што го имаме. Според првичните пресметки тоа ќе биде најверојатно под 100 евра на мегават час, што значи дека ќе биде двојно пониска од тоа што во моемнтов е на регулиран пазар, а речиси тројно или повеќе од тоа што е на отворен пазар,  што значи дека  секако ќе се намалат оперативните трошоци на компаниите до крајот на април и на таков начин може да направат дополнителни калкулаци во делот на одредување на крајната цена”, изјави Бектеши.

Министерот најави дека на ист начин и речиси слични одлуки веќе се подготвени од Министерството за економија во соработка со ЕСМ со другите енергетски компании и за основните и средни училишта, болници, јавни претрпијатија, а одлуката за нив ќе биде донесена до крајот на неделата.

Овој е еден сериозен и добар исчекор на напред во однос на тоа дека ќе добиеме пониска цена на елекрична енергија која ќе овозможи цените на основните производи коишто се произведуваат со овие шифри на дејност да биде со цена која што ќе биде прифатлива за крајните консументи. Покрај овој добар изчекор и понатака ние би очекувале и некои соодветни други изчекори кои би можеле уште повеќе да дојдат до ситуација цената на производите во тешкиот период да се спушти на уште пониско посоодветно ниво„ кажа Горан Ѓоргиевски од Сојуз на стопански комори, претставник од пекарската индустрија по состанокот со министерот Бектеши.

На крајот на прес-конференцијата за медиумите, министерот Бектеши исто така најави дека како една од мерките за стабилно обезбедување на електрична енергија е дека од 1 ноември ќе почне да со работа и ТЕ-ТО од каде ќе се обезбедат дополнителни количини на електрична, а со тоа и топлинска енергија.

The post Бектеши: Ќе обезбедиме двојно поевтина електрична енергија на компаниите кои произведуваат основни прехранбени производи appeared first on Република.

Без поддршка од државата, прашање на време е кога ќе затворат компаниите кои се соочуваат со неколкукратно повисоки трошоци за електрична енергија. Ваква порака добил претседателот на Стопанската комора на  Македонија при посетата на компаниите „Кожувчанка“ и „Металопромет“.

Од „Кожувчанка“ посочиле дека скапата енергија ги зголемила цените и на репроматеријалите, во просек за 30 проценти и дека сето тоа придонесува за намалување на конкурентноста на домашниот пазар, во однос на увозните производи, кои имаат доста пониски трошоци за електрична енергија, а следствено на тоа и пониски трошоци за производство.

Следува зима кога првпат не знаеме ниту како да го испланираме производниот процес, а за начин на продажба и конкуренција на пазарот и остварување на приход, не станува ниту збор. Ова е време кога е потребно да се задржиме како компанија на пазарот и да ги задржиме вработените сѐ со цел да се почекаат подобри времиња. Но, без субвенции тоа ќе биде невозможно, ќе бидеме принудени да го прекинеме производството или да го сведеме на минимум и да го намалиме бројот на вработени - истакнала Јанинка Чупаркоска, управител и сопственик на „Кожувчанка“.

И компанијата Металопромет – Струмица, која е на листата на големи потрошувачи на електрична енергија, побарала Владата итно да преземе мерки за ублажување на кризата предизвикана од високите цени на струјата. Во спротивно, велат од компанијата, прашање на време е уште колку долго можат да издржат.

Нашата компанија е 95 проценти извозно ориентирана, но сме целосно неконкурентни на пазарите на Европа затоа што конкуренти од регионот плаќаат многу поевтина цена на струјата - истакнал сопственикот Митко Шапковски.

Од компанијата, чија основна дејност е производство на заварени цевки и профили, додаваат дека сегашната продажба во споредба со првиот квартал од 2022 година, е намалена за 80 проценти.

И двете компании, како што информира Стопанската комора, дале силна поддршка и застанале зад барањата на Комората, стопанството да добие брза и ефикасна поддршка од државата.

Мора брзо да се дејствува, изгубивме многу време чекајќи ги мерките коишто треба да ги намалат негативните последици и ефекти по економијата што ги носи енергетската криза, потенцирал Азески на средбите.

Тим од Стопанската комора предводен од претседателот Бранко Азески денеска беше во посета на компаниите „ТЕ-ТО“ и „Ултра“. Целта на посетата е да се даде поддршка на компаниите во услови на енергетска криза, но и да се добијат информации за планот за работа на централата ТЕ-ТО, чија основна дејност е когенеративно производство на електрична и топлинска енергија во таканаречен комбиниран циклус.

The post Компаниите бараат субвенции за да ги задржат вработените и да останат конкурентни на пазарите appeared first on Република.

Жалосни се податоците кои пристигаат до нас, имаме и економски совет во рамки на локалната самоуправа, на дневна основа комуницираме со правните субјекти, и како што ние сме соочени како локална самоуправа со енергетската и финансиска криза уште повеќе се соочени компаниите кои треба да се генератор на економијата и развојот на една општина и една држава, изјави градоначалникот на општина Штип, Иван Јорданов за „Што не е јасно“ на Алфа.

Тој додаде дека кога ги оптеретувате со зголемени давачки и даноци компаниите и со трошоци кои се оставени на слободниот пазар и тие не може никој да ги испланира, во најмала рака сите тие компании се неконкурентни на компаниите, не само од Европа туку и регионот.

– Домашните компании имаат повисоки трошоци од компаниите во Косово, Албанија, Бугарија, Хрватска или Србија и нормално дека производите и услугите кои ги пласираат на пазарот ќе биде повисока и не се конкурентни да опстојат, истакна Јорданов.

Јорданов посочи дека овде алармот требаше да биде вклучен многу порано затоа што компаниите алармирале дека ќе дојде до затворање на производствените погони, и државата многу одамна требаше да изготви мерки и за општините и за компаниите.

– Тоа е еден синџир на поврзаност и доколку ги уништите компаниите и ако граѓаните не земаат плата, бадијала ќе биде субвенција која ќе ја давате на граѓанството. Компаниите треба да бидат субвенционирани да бидат конкурентни на пазарот. Тоа не се случува, општините и компаниите плаќаат највисока електрична енергија во регионот и Европа и прашање на време е кога истите ќе ја преселат инвестицијата во соседна држава, а вработените ќе останат без плата, нагласи Јорданов.

Додаде дека ако се уништени компаниите, тогаш општините ќе не можат да наплати данок, а исто и државата.
Ќе има невработеност, намалени приходи затоа што ќе нема кој да плати данок и тогаш и да воведувате мерки ќе е касно. Ќе ни се случи банкрот на државата и прашање на време е. Алармот е вклучен, жалам што никој не смогна сили да се седне на маса и да ја надминеме оваа криза. Оваа зима ќе биде најтешката од осамостојувањето, изјави Јорданов.

The post Јорданов: Домашните компании имаат најголеми трошоци во регионот, ако државата ги уништи ќе нема кој да дава плата, ќе има невработеност appeared first on Република.

Министерот за економија, Крешник Бектеши вечерва информираше дека веќе се контактирани контактите и позициите што ги даде лидерот на ВМРО-ДПМНЕ, Христијан Мицкоски до Владата за набавка на поевтини енергенси.

-Стапивме во контакт со компаниите кои ни ги посочи господинот Мицкоски. До крајот на оваа недела, во однос на компанијата за гас ќе седнеме заедно со генералниот директор и советникот на премиерот да преговараме за условите, обврските што можеби ги имаат.

Утре е закажан состанок со директорот на ЕСМ, Васко Ковачевски, јас и советникот на премиерот и ќе разговараме лично. ЕСМ тоа треба да го направи со трговец со природен гас. Количините ги испративме, утре треба да ја добиеме понудата од компанијата. Се работи за компанија од Европа и средбата ќе биде надвор од земјава. Јавноста ќе биде информирама на транспарентен начин и во делот на понудата, потенцира Бектеши во вестите на Тв Сител.

Тој додаде дека сме блиску до договор со Србија околу размената на гас за електрична енергија.

-Нема да чекаме, бидејќи разгледуваме различни понуди. Секогаш е паника дека нема природен гас за топланите, а веќе денес е склучен договор на ЕСМ за набавка за топланите, истакна Бектеши.

The post Бектеши стапил во контакт со компаниите што ги понуди Мицкоски, за утре закажан состанок appeared first on Република.

Владата често пати изминатиот период ја слушаме како вели дека повеќе од 72.000 компании добивале повластена цена на струјата. Излегоа податоците од ДЗС, излегоа податоците од ЕУРОСТАТ за правата половина од 2022 година, и од тоа можеме да заклучиме дека македонската индустрија, македонското стопанство, македонските компании плаќаат убедливо најскапа струја споредено со нивните колеги во регионот и 8ми се по скалата по највисока цена во Европа - вели претседателот на ВМРО-ДПМНЕ Христијан Мицкоски одговарајќи на новинарско прашање.

Претседателот Мицкоски истакна дека согласно рангирањата на ЕУРОСТАТ од 40 држави, македонските компании се 8ми според висината на цената која ја плаќаат за струја, додавајќи дека поради тоа што власта не ги поддржува компаниите и стопанството, дел од нив се на работ на банкрот и на затворање на истите.

Значи од 40 држави колку што се на таа ранг листа на ЕУРОСТАТ, македонските компании се 8ми според висината на цената која што ја плаќаат за струјата. Сега дали ние како економија и дали тие како компании можат тоа да го издржат? Јас ви велам не, и затоа голем дел од нив ќе банкротираат, ќе го затворат својот бизнис, многу работници ќе останат без работа, тоа нивните семејства ќе ги втурне во неизвесност. А кога еднаш ќе затворите таков бизнис верувајте многу тешко ќе го рестартирате, па дури и задутре да помине кризата, а нема да помине задутре кризата. Што значи дека е лага и невистина дека владата ги поддржува компаниите - потенцираше Мицкоски.

Мицкоски, објасни дека кога тој управувал со АД ЕЛЕКТАРНИ на Македонија, македонските компании плаќале четврта најевтина цена за струјата, или два ипол речиси пати помалку од тоа што го плаќаат 5 години потоа, укажувајќи дека колку подолго останат овие политички измамници од власта, толку полошо им се пишува на Македонија и граѓаните.

Јас во тој статус кој што утринава го објавив, се повикувам и на периодот кога јас управува со АД ЕЛЕКТРАНИ на Македонија. Тогаш во првата половина во 2017тата година, значи пред само 5 години македонското стопанство, македонските компании плаќаа четврта најевтина цена за струјата, или два и пол речиси пати помалку од тоа што го плаќаат 5 години потоа. Значи замислете за 5 години оваа влада која што ветуваше живот, која што ветуваше укинување на скапата тарифа, која што ветуваше бројчаници, која што ветуваше што ли уште не, не можам веќе да се сетам колку лаги изнакажа за македонските компании, за македонското стопанство според ЕУРОСТАТ, не според мене, цената на струјата за 5 години ја покачи за два и пол пати. Ете за таква влада зборуваме, и затоа колку побрзо оваа влада замине, толку побрзо на Македонија и македонските граѓани ќе им тргне. Колку подолго останат овие политички измамници, толку полошо и се пишува на Македонија - дециден е Мицкоски.

The post Мицкоски: Компаниите од Македонија плаќаат најскапа струја во регионот, цената е 2,5 пати зголемена во однос на времето кога јас бев задолжен за енергетскиот сектор appeared first on Република.

По одржаната работна средба на Стопанската комора и Владата, предводена од заменик-претседателот на Комората и претседател на МЕА, Кочо Анѓушев и министерот за економија, Крешник Бектеши, Анѓушев ги објави 5-те барања кои биле констатирани и подржани од сите членки на МЕА:

1.Имајќи предвид дека сите земји во Европа преземаат мерки поради тешката и неизвесна претстојна зимска сезона потребно е и нашата државата да го стави како приоритетно прашање бидејќи сме енергетска зависна држава во повеќе сегменти. За таа цел потребно е да се зголеми домашното производство, бидејќи сите земји кои имаат свое сопствено производство имаат голема сигурност, стабилност и пониска продажна цена, а за да се зголеми домашното производство треба да се искористат сите можни ресурси и тоа:

– За да може максимално ЕСМ да произведува електрична енергија потребно е да се премине кон набавка на јаглен веднаш за да не биде доцна после во текот на зимата и треба државата финансиски да помогне доколку е тоа потребно.

– Да се обезбеди мазут за вклучување на ТЕЦ Неготино бидејќи согласно постојните цени на електричната енергија и на мазутот, цената од ТЕЦ Неготино е околу 250 евра по мегават час, наспроти пазарната цена која во моментот е 350 евра, а во претстојниот зимски период се очекуваат и повисоки цени.

– Да се разгледа можноста ТЕ-ТО да биде во функција цела година, бидејќи е многу важно да се има домашно производство не само во услови за да има стабилност туку и за услови доколку се случи затворање на границите и на cross border протокот (преку граничниот проток на електрична енергија). Доколку нема домашно производство многу извесно е дека ќе се случат рестрикции со цел заштеда на електрична енергија во државата, што негативно ќе се одрази на континуирано производство на домашната економија .

– Во моментот во земјата има 40 до 45 мегавати фотоволтаици што се инсталирани и/или се инсталираат, но, чекаат на приклучок на мрежа. За таа цел се бара ЕВН и сите субјекти кој што се одговорни да ги приклучат во најбрз можен рок, бидејќи нема економска оправданост да има инсталирани фотоволтаици а истите да не се ставени во функција само затоа што не се приклучени на мрежата. Истовремено, сите тие имаат дозвола за приклучок но поради административни пречки нивното приклучување не се реализира.

– За да може да се обезбедат нови количини на мазут потребно е да се пушти продажбата на слободен пазар, односно да се тргне од листата на регулирана цена. Се додека мазутот го држиме по регулирана цена, истиот тешко ќе се набави, а подоцна може да има и недостиг на пазарот.

Компаниите, членки на комората ја подржуваат политиката на Владата да се помогне на домаќинствата и да се обезбеди електрична енергија која нема да биде големо оптоварување за семејниот буџет на секое семејство, но бизнисот укажува дека треба да се мисли и на економијата, бидејќи ако не се исплатат плати на работниците и се изгубат работни места , ќе нема кој да ги плати сметките за струја ниту за домаќинствата. Пред се доколкуу цената на струјата на HUPEX берзата, што сега изнесува 500 евра за мегават час продолжи да расте, а најавите се дека до крајот на годината може да достигне и 1000 евра, што ќе ги натера компаниите да размислуваат за намалување на бројот на работници до целосно затворање на капацитетите.

2.Владата да ја врати Уредбата која беше во функција во услови на прогласена кризна состојба со која целокупната произведена енергија од обновливи избори беше насочена само за индустријата. Имено, Уредбата што ја имаше донесено Владата во услови на кризна состојба предвидуваше, произведената електрична енергија од повластените производители да оди само кон индустријата а не и кон домаќинствата, со што се овозможуваше индустријата да обезбедува од 15% до 17% од потребите за енергија од домашни обновливи извори, чија цена беше помеѓу 90 и 110 евра. Тоа беше и единствена мерка за поддршка на индустријата во делот на набавка на енергенси со поповолни услови. Со укинување на таа Уредба енергијата произведена од обновливи извори наменета за индустријата се намали за цели 8 процентни поени и сега изнесува од 6% до 7%, што значи со губењето на енергија од обновливите извори за потребите на индустрија производните трошоци на компаниите ќе растат.

3.МЕА бара измени во Законот за градба, со цел легализирање на индустриски капацитети/објекти само со Г намена (за незагадувачка индустрија), кои се изградени согласно веќе донесените урбанистички планови и имаат основни проекти, но немаат дозвола за градба од повеќе објективни причини.Имено, постојат многу индустриски објекти и производни хали, кои се изградени согласно урбанистичките планови, на сопствено земјиште, меѓутоа за истите се`уште немаат обезбедена градежни дозволи и денеска се водат како нелегални (без градежна дозвола), а сепак ги исполнуваат сите услови. Ова пред се поради фактот што за да поставиш фотоволтаици на крововите од индустриските објекти, хали, потребно е истиот да има градежна дозвола што значи да биде легален објект, за да можат да ги создадат условите да постават фотоволтаици.

4.Владата на РСМ да воспостави деловна комуникација со сите влади на соседните држави за истите да издадат гаранции кон нашата држава дека во текот на претстојниот зимски период нема да ги затворат границите за проток на електрична енергија. Односно дека ниту една држава нема да ја затвори границата и да го сведе граничниот проток на електрична енергија на нула.

5. Регулаторна комисија за енергетика да припреми правилник за организирање дистрибутивни мрежи. Зошто?

– Затоа што со зголемување на инсталираната моќност од фотоволтаиците
ќе настане потреба од градење на 110 киловолтни трафостаници а на тие ќе има можност да се приклучат и други производители. За да може тоа да се реализира треба Регучаторната комисија за енергетика да направи Правилник за дистрибутивни системи.

– Да се спречат злоупотребите на стопанските субјекти кои се префрлаат на универзален снабдувач а при тоа ги исполнуваат условите да бидат на слободен пазар. Тоа е работа на Регулаторна комисија за енергетика, која при вака констатирани злоупотреби треба да му даде налог на ЕВН истите да се прекинат, бидејќи со таквата злоупотреба се прават две штети. Прво се ставаат економските субјекти во нерамноправна положба и второ непотребно се оптоварува ЕСМ.

6.Да се разгледа можноста за складирање на гас во постојните капацитети кои за тоа имаат можност и/или да се закупи капацитет каде тој гас би се складирал. Ваков модел на обезбедување резерви на гас постои во соседните и други земји во светот.

7.Да се задолжи владина група, комисија и сл., која ќе направи неколку сценарија како економски ќе се одрази состојбата со енергетската криза врз македонската економија согласно континуираниот раст на цената на струјата но и на другите енергенси за потребите на стопанството, како и ризикот од набавки на енергенси, и транспорт на истите до нашата државата. Истовремено да се направи анализа на веќе потрошените средства од буџетот минатата година за да се види како истите се потрошени, што ќе послужи како насока што е најдобро и најекономично да се преземе како чекори во следниот период.

Бизнис секторот укажува дека доколку се задржи ова ценовно ниво и продолжи растот на цените на енергијата во текот на зимскиот период, треба да се размисли за директна буџетска поддршка и за компаниите исто како и за домаќинствата, со цел да се спасат фирмите од пропаѓање. Вакви чекори преземаат соседните земји што ја прави македонската економија неконкурентна споредено со земјите во окружувањето.

The post Бизнисот предупредува: Ако не им се помогне на компаниите за струјата, ќе нема кој да ја плаќа appeared first on Република.

Договори за финансиска помош ќе бидат потпишани со 280 компании кои влегуваат во инвестициски циклус од околу 145 милиони евра и ќе креираат повеќе од 3.700 работни места.

Станува збор за компании кои во 2021 година инвестирале околу 50 милиони евра и креирале над 1.500 нови работни места. За првпат државната помош ќе се исплаќа во две транши со што им се помага на компаниите за зачувување на нивната ликвидност, а поголем процент од поддршката добиваат компании кои инвестираат во помалку развиените планиски региони. Годинава, повеќе од 70 проценти од компаниите се надвор од најразвиениот Скопски регион, а има и 22 компании кои аплицирале за финансиска поддршка за истражување и развој.

Нашите компании уште еднаш покажаа колку се агилни и во овие тешки времиња инвестираат во подобрување на нивната конкуретност, нивните продукти и воведување на нови производствени линии, истакна вицепремиерот задолжен за економски прашања Фатмир Битиќи на денешната прес-конференција во Владата.

Преку Законот за финансиска поддршка на инвестиции во изминатите пет години, колку што се спроведува ова законско решение, склучени се вкупно 633 договори. Дел од договорите, околу 20-тина, се раскинати поради неисполнување на обврските.

Договорите за финансиска поддршка кога се склучуваат, имаат договорни обврски. Секоја инвестиција има рок од инвестициски циклус од неколку години и процент на исполнетот. Ги следиме сите и соодветно на тоа постапуваме. Има инвеститори кои заради одредени причини, а една од причините може да биде и  Ковид, прекинуваат со своите инвестиции и бараат прекин на договорот и таму нема пенали. Има 15 договори во кои имаме побарано едностранпрекин од наша страна бидејќи инвеститорот не реализирал дел од инвестицијата, појасни Битиќи.

Според министерот за економија Крешник Бектеши, како резултат на олеснетите критериуми и проширувањето на видовите на финансиска помош, денес се потпишуваат договори со 280 компании.

Од 2018 година се до денес, ако правиме споредба со она што е направено претходно, може да видиме дека над 50 милиони евра се дадени само преку Законот за финансиска поддршка на инвестициите, рече Бектеши.

Во моментот се работи и на новата стратегија за паметна специјализација со која, според Бектеши, ќе се идентификуваат главните сектори кои можат да имаат додадена вредност.

The post 280 компании ќе добијат пари од државата appeared first on Република.

Откако инспекциските служби ќе утврдат дали порастот на цените е реален, Владата ќе ги објави сите компании кои направиле вештачки скок на цените, најави денеска вицепремиерот за економски прашања Фатмир Битиќи.

Битиќи останува на ставот дека е направено вештачко зголемување на одредени производи, а како пример посочува тестенина за која маржата на добивка за два дена скокнала од 4 на 72,5 проценти.

Дека има вртоглаво и вештачко зголемување на цените, кажав и минатата недела. Еве, два примера зошто го тврдев тоа. За само два дена, маржата на добивка кај тестенина од еден производител, пораснала од четири проценти на 31 мај на 72,5 проценти т.е. граѓаните плаќаат 65 проценти повисока маржа на добивка за тестенина од еден производител, изјави Битиќи, одговарајќи на новинарски прашања по денешната посета на фабриката „Таб мак“ во Пробиштип.

Во текот на оваа недела, според најавите на вицепремиерот, повторно треба да има и средба со претставници на Сојузот на синдикати кои најавија генерален штрајк на 22-ри овој месец поради неисполнување на нивните барања.

Дијалогот, како што изјави Битиќи, продолжува и има отворени прашања за кои треба да се разговара.

Имаме отворени прашања со ССМ. Не е само усогласувањето на платите и нивното барање за линеарно зголемување на платите. Тука е методологијата за раст на платите и законот за плати кој треба еднаш за секогаш да го реши прашањето за зголемувањето, ефикасноста, ефективноста. Се додека имаме отворени прашања, не би требало да повикаме на штрајк. Треба да седнеме на маса. Веќе оваа недела ќе ги повикаме, за да зборуваме за овие отворени прашања, рече Битиќи, најавувајќи дека на следната владина седница ќе бидат формирани работните групи од страна на Владата кои ќе треба да почнат да работат на одржливо решение.

The post Битиќи: Ќе биде објавен список со компаниите кои направија вештачки скок на цените appeared first on Република.

Не може поскапувањата да бидат за 20 отсто за 24 часа, вели вицепремиерот за економски прашања Фатмир Битиќи појаснувајжи дека а трговците и останатите дејности во голем дел се служат со манипулации со цените и дека ќе мора да реагираат инспекциските служби.

Со особен интерес ги следиме цените во последните три дена на слободниот пазар и има некоректно, неетичко и неморално однесување на одредени компании кон зголемувањето на цените, што ќе наиде на одговор на институциите. Не може цената да порасне за 24 часа за 20 посто, кога производствената цена не пораснала за 20 отсто во тие 24 часа. Тоа е една одредена манипулација кон нашите граѓани и затоа соодветно ќе реагираат инспекциските служби од кои очекувам извештај, реагира Битиќи.

Тој напомена дека ги очекува извештаите од инспекциските служби со мерики за сите кои тоа го имаат направено.

The post Битиќи: Трговците се служат со манипулации, не може поскапувањата да бидат за 20 отсто за 24 часа appeared first on Република.

Во ваква ситуација да донесеш ребаланс на Буџетот значи да се прилагодиш на ситуацијата и во тоа не гледам ништо друго освен намалување на непродуктивните трошоци, задржување на економската активност и на работните места. Ние однапред кажавме дека ситуацијата е тешка, па не знам кој би можел и нешто друго да изведе, рече денеска претседателот на Стопанската комора на Македонија, Бранко Азески.

Одговорајќи на новинарски прашања по средбата со поглаварот на МПЦ-ОА г.г. Стефан, Азески апелира Владата максимално одговорно да се однесува и да им помогне на компаниите, а тоа може да се реализира само ако, рече, сите се движат кон утврдените приоритети.

Чекаме да видиме што ќе се случи со ребалансот, па да седнеме со Владата и да разговараме. Мерките што ќе ги предлагаме ќе бидат во насока да се задржи постојното ниво на економска активност и на работните места. Не загрижува проблемот со скапите суровини и нивната набавка, но и цената на струјата. Треба да се подигне степенот на домашно производство и рационално да се троши енергијата. Понудивме и други решенија како јавно-приватно партнерство во електропроизводството, а имаме и предлози како да се менаџираат јавните набавки. До крајот на годината не треба да се носат нови даночни задолжувања, треба да има и предвидливост, потенцира Азески.

Тој подвлече и дека стопанството покажа дека може да се носи со вакви предизвици.

Од 2008 година сме во криза, но бизнисот жилаво се држи, рече Азески.

The post Азески: Владата да се однесува одговорно и да им помогне на компаниите appeared first on Република.