Мислам дека последните седум години се рекорд во тоа колку лаги се кажани за високото образование, исто така и колку ништо не е направено за оваа област, рече Самоил Малчески, член на Комисија за образование и наука на ВМРО-ДПМНЕ на денешната дебата „Образовна платформа за иднина“ на тема „Нов концепт за развој на образованието“.

Малчески информираше дека концептот на ВМРО-ДПМНЕ подразбира соработка со универзитетите, научните институти, МАНУ притоа почитувајќи ја уставно загарантирана автономија и законите.

Во овој момент единствено тело преку кое може да се направи нешто во високото образование е Агенцијата за квалитет во високото образование, а таа во последниве седум години е потценета, предмет на политичко поткусурување меѓу СДСМ и ДУИ, и токму таму имаме директор поставен спротивен на Законот за високо образование и да бидам до крај искрен не најдовме дали и каде се стекнал со наставно научното звање“, кажа Малчески.

Малчески додаде дека ВМРО-ДПМНЕ во соработка со универзитетите, МАНУ по систем на меритократија ќе направи да се избираат во оваа агенција лица по системот на меритократија, односно луѓе кои се квалитетни, професионални и ги исполнуваат критериумите.

Планирано е формирање на координативно тело кое ќе спроведе реформи во координација со сите инволвирани, да помогнеме да се креираат програмски планови согласно пазарот на труд, поддршка на студенти за природно математички и техничко технолошките науки, мерки за наставнички факултети како и професијата наставник да си го добие заслуженото место во општеството. Исто така се обврзуваме дека ќе ги изградиме популарните згради на ФИНКИ и на ФФК, оваа влада буџетира средства за изградба на тие објекти шест години и не видовме ништо, зградите само пропаѓаат“, заклучи Малчески.

The post Малчески: Концептот на ВМРО-ДПМНЕ за високото образование подразбира соработка со универзитетите, научните институти, МАНУ притоа почитувајќи ја уставно загарантирана автономија и законите appeared first on Република.

При спроведувањето на матурата и оваа година повторно се потврди неспособноста на државните институции, но и на сите официјални учесници во процесот, за спроведување на обврските, велат во партиското соопштение од Комисијата за образование и наука на ВМРО-ДПМНЕ за матурата 2023 година.

Веста дека се пробиени тестовите по англиски јазик треба официјално да ја потврди ДИЦ, и директорката на ДИЦ тврди дека од ДИЦ тестови не се излезени, но излезените скриншотови од договарањата по вибер групите се сигурен доказ дека матурата не е спроведена така како што треба. Според добиените информации, најмалку 7000 средношколци препишувале, односно се договарале.

Се зборува дека ситуацијата била слична и на испитот по македонски јазик. Сето ова укажува на комплетен распад на системот и драстично менување на вредносниот систем како на учениците, така и на учесниците во процесот на матурата.

Очигледно е дека институциите веќе не се во состојба да си ги извршуваат обврските и потребен им е итен рестарт, стои во соопштението на комисијата.

The post Комисија за образование и наука на ВМРО-ДПМНЕ: Имаме целосен распад на системот, матурата не е спроведена како што треба appeared first on Република.