Во Собранието на Република Македонија денеска Комисијата за европски прашања ќе ја продложи 59. седница на која преостаната точка на дневниот ред е Предлог законот за измена и дополнување на Законот за данок на добивка, во скратена постапка.

Како што стои во образложението, целта на предложените измени и дополнувања на Законот за данокот на добивка е усогласување со Директивата 2016/1164 на Советот на Европската Унија од 12 јули 2016 година за утврдување правила против практиките за избегнување данок кои директно влијаат врз функционирањето на внатрешниот пазар, како и препораките од Европската Комисија и од меѓународните финансиски институции.

Исто така, со предметниот закон се пропишуваат законски решенија кои придонесуваат за намалување на административниот товар на даночните обврзници и на Управата за јавни приходи, проширување на даночната база, преку таргетирање на даночните ослободувања и олеснувања во постојниот систем на данокот на добивка.

Предлог законот ги содржи следниве решенија: утврдување на третман на непризнат расход на целиот износ на трошоците по основ на уплатени премии за осигурување на живот на вработените, укинување на правото на намалување на пресметаниот данок за износот на донираните средства на спортски субјекти, укинување на обврската за задолжително поднесување на извештаите за трансферни цени, односно пропишување на обврска за доставување на истите само по барање на Управата за јавни приходи, пропишување на генерално правило против злоупотреба на аранжман или низа на аранжмани, чија главна цел или една од целите е користење на даночните поволности уредени со Законот за данокот на добивка и усогласување на текстот на законот со уставното име на државата.

Спроведувањето на Предлог-законот за изменување и дополнување на Законот за данокот на добивка, се посочува, ќе предизвика позитивни фискални импликации врз Буџетот на Република Македонија во износ од околу 518 милиони денари.

На истава седница поминаа Предлог законот за данок на солидарност и измените и дополнувањата на Законот за ДДВ, и двата по скратена постапка

The post Измените на Законот за ДДВ пред Комисијата за европски прашања appeared first on Република.

Собраниската Комисија за европски прашања денеска ќе ја продолжи расправата за предложените измени на законите поврзани со изградбата на коридорите, означени со европско знаменце, кои треба да се донесат по скратена постапка.

На денешното продолжение, членовите на собраниската Комисија за европски прашања треба да дискутираат по Предлог на законот за изменување и дополнување на Законот за урбанистичко планирање, по скратена постапка. На дневен ред на оваа седница се и Предлог на законот за изменување и дополнување на Законот за градење, Предлог на законот за изменување и дополнување на Законот за експропријација, Предлог на законот за изменување и дополнување на Законот за утврдување на јавен интерес и номинирање на стратешки партнер за имплементација на проектот за изградба на инфраструктурниот Коридор 8 (делница: Тетово – Гостивар – Букојчани и проектот за автопатот Требеништа – Струга – Ќафасан) и Коридорот 10 д (делница на автопатот Прилеп– Битола) во Република Македонија, сите по скратена постапка.

The post „Европските“ закони за изградба н коридорите на комисија за европски прашања appeared first on Република.

Потпретседателката Арта Биљали-Зендели дивее со Комисијата за европски прашања. Ова е ставот на пратеничката од ВМРО-ДПМНЕ, Дафина Стојаноска, а кој доаѓа откако Биљали-Зендели дозволи гласање на амандман, додека во салата се бараа процедурални обраќања и измени на дневниот ред, објави А1.он.мк.

Жестока реакција на седницата имаше и пратеничката Гордана Силјановска-Давкова.

Престанете неделовнички да работите. Немојте неделновнички да работите. Ова е срам за сите вас – сметат пратениците од ВМРО-ДПМНЕ.

Бидејќи Биљали-Зендели постојано комунцира на телефон, а пратениците од ВМРО-ДПМНЕ посочија дека таа добива инструкции од страна.

Цело време сте на хот лајн! Срам да ви е! Засрамете од вокацијата која ја имате! Вие немате ништо заедничко со правото – кажа пратеничката Горадана Силјановска-Давкова.

Караница имаше и меѓу Биљали-Зендели и Благица Ласоска.

Зошто ти е вклучен микрофонот? – праша пратеничката Ласоска бидејќи додека зборуваше нејзината колешка Стојаноска, микрофонот на потпретседателката беше вклучен.

Арта Биљали-Зендели и читаше што е нејзина надлежност како и надлежност на Комисијата за европски прашања.

По едно процедурално и гласање без пребројување, повторно е одложена седницата на Комисијата.

The post Дафина Стојаноска: Заменичката на Адеми дивее со Комисијата за европски прашња appeared first on Република.

Денеска продолжи седницата на Комисијата за европски прашања. Седницата се одржува во друга сала, затоа што при вчерашното насилие на претседателот на комисијата Арбр Адеми, беше уништен дел од техниката во салата.

Во новата просторија, пратеницте од ВМРО-ДПМНЕ ги зафатија сите столчиња, па седницата почна со мало задоцунвање. Пратениците од власта стојат во вториот ред.

Пратениците на опозициската ВМРО-ДПМНЕ жестоко реагираа на барањето на потпретседателката на КЕП, Арта Биљали Зендели за да се започне со дискусија по Законот за работни односи. Бараат, според деловникот, седницата да трае два дена, но да не се смета вчерашниот ден, затоа што тој завршил со процедуралните забелешки, а едвај бил изгласан дневниот ред.

Денеска продолжуваат со истите прашања, тропаат по масите и постојано бараат процедурално да се обратат. Седницата ја предводи потпретседателката на Комисијата за европски прашања Арта Биљали Зендели.

The post Повторно тензично на Комисијата за европски прашања appeared first on Република.