Македонскиот ракометен шампион ЖРК Ѓорче Петров го доби тимот на Елче за противник во четвртфиналето на Европскиот куп на ЕХФ, одлучено е на денешната ждрепка во Келн.

„Лавиците“ првиот натпревар во четвртфиналето ќе го играат на гостински терен.

Другите двојки за четвртфиналето во третото по квалитет клупско натпреварување под покровителство на ЕХФ се:

Гранољерс (Шпанија) - Гран Канарија (Шпанија)
Михаловце (Словачка) - Венло (Холандија)
Бенфика (Португалија) - Јаликаваспор (Турција).

Четвртфиналните пресметки се закажани за 9/10 и на 16/17 март.

The post Елче: Tежок противник за ѓорчепетровки за влез во полуфиналето appeared first on Република.

Се чини дека песната од Нови Фосили „За добра стара времена“ се враќа во мода.Ракометарките на Ѓорче Петров се пласираа во  четвртфиналето на Европскиот ракометен куп.

Девојчите од Ѓорче загубија минимално на гостувањето во Чешка, од Лазне Кинжварт со 34-33, но на првиот натпревар во Скопје победија со 32-29.

Секоја чест на тренерот Симе Симовски и на девојките. Да ги гледаме и во финалето.

The post Kaко во старите добри времиња: Ѓорче Петров повторно е хит во Европа appeared first on Република.

Би сакал со Вас да споделам дел од атмосферата од вчерашната прослава по повод јубилејни 20 години од освоената титула Европски првак во женскиот ракомет на Ракометниот клуб Кометал-Ѓорче Петров.

И по цели 20 години, исто како и тогаш, пеевме, танцувавме, наздравуваме и споделувавме сеќавања, навраќајќи се на оној континентален успех кој го постигнаа нашите ракометарки, нашите македонски лавици- напиша Трифун Косовски на својот фејсбук профил.

Пред 20 години на 19 мај женскиот ракометен клуб „Кометал Ѓорче Петров“ ја освои европската титула во женската Лига на шампиони. По тој повод беше приредена мала прослава во кругот на најблиските пријатели на тогашниот спонзор на клубот, Костовски и дел од екипата која ги победи „Херц“ и ја освои титулата.

На забавата присуствуваше поголемиот дел од тимот „Кометал Ѓорче Петров“ како Иван Бојков, Владимир Радиќ, Лидија Аџиевска, Гордана Нацева Наталија Тодоровска, Милева Велкова, Анжела Платон, Елена Златановска, Андријана Будимир, Мирјана Чупиќ и други.

The post Песна, танц, спомени – Кометал Ѓорче Петров се собра 20 години по титулата appeared first on Република.

На 19 мај 2002 година женскиот ракометен клуб Кометал Ѓорче Петров стана европски клупски првак и се вивна на шампионското европско небо.

Предводени од тренерот Александар Панов, Индира Кастратовиќ, Гордана Нацева, Андријана Будимир, Лариса Кисељева Милева Велкова, Анжела Платон, Наталија Малахова подоцна Тодоровска, Мирјана Чупиќ, Луминица Дину, Елена Златановска, Ирина Калиниченко, Ања Андрушенко ја донесоа првата ракометна европска титула во Скопје. Се славеше на плоштадот „Македонија“. Каков ден беше тоа. За историја.

Во првиот финален меч во Будимпешта, против Херц, Кометал ЃП загуби со 27-25, а дома , во СРЦ „Кале“ победи со 26-22.

Клубот Кометал ЃП во 2010 година официјално згасна.

https://youtu.be/5840SFHo_6E

The post Пред 20 години Кометал Ѓорче Петров стана европски шамион! appeared first on Република.