На 30 ноември, во Националната опера и балет ќе гостува популарната српска комедија „Хотел 88“, чија премиера се одржала во 2017 година и оттогаш претставата стекнала култен статус, не само во Белград и Србија, туку и надвор од границите на државата. Има повеќе од 500 изведби и над 100.000 гледачи.

Дејството на претставата се одвива во луксузен хотел, каде што две брачни двојки — Виктор и Ана, и Сандра и Марко — доаѓаат за да поминат романтичен меден месец. Но, компликациите започнуваат кога се открива дека Ана и Марко имаат бурна и романтична историја, што доведува до страсни и комични пресврти во текот на една судбоносна ноќ.

„Хотел 88“ е комедија која со леснотија ги обработува темите за љубовта, неверството и предизвиците на брачните односи. Преку смешни и неочекувани ситуации, претставата ги истражува тенките граници помеѓу страсната љубов и вистинските животни проблеми.

Во претставата играат: Тамара Крчуновиќ, Јелисавета Орашанин Теодосиќ, Андрија Кузмановиќ и Владимир Алексиќ.

The post Популарната српска комедија „Хотел 88“ на 30 ноември гостува во Националната опера и балет appeared first on Република.

На 29 февруари 2024 година (четврток), со почеток во 20:00 часот, на сцената на штипскиот театар, ќе може да ја погледнете театарската комедија „Власт“.

Автор: според Бранислав Нушиќ
Режисер: Ѓорѓи Ризески
Драматург: Трајче Кацаров
Сценограф: Мартин Манев
Костимограф: Кети Пауновска
Композитор: Алмир Бајрамоски
Сценски Движења: Сања Русеска
Аниматор: Емил Пачковски
Дизајн – Фотографија и Видео: Емил Пачковски

Играат:
Арсо: Ефтим Трајчов Ѓаурски
Милан: Милорад Ангелов
Светозар: Никола Милошевски
Мица: Елена Шорова Дербов
Добре: Марко Трајковиќ
Секретарката: Ава Хусеини
Водител: Миланчо Ѓеоргиев
Сашо: Марко Трајковиќ
Сашка: Стефанија Митовска
Јасна: Ава Хусеини
Марин: Миланчо Ѓеоргиев
Јана: Стефанија Митовска

„Дај му власт на човека за да видиш каков е“… Тоа е точната реченица но не и точниот рецепт за оваа претстава. Дај му власт на човека за да видиш тие околу него какви се е поточниот пристап во ова дело… или пак: стапи на власт за да видиш кои и какви ти се пријателите.

Во ова дело гледаме ликови кои ставаат маски и го менуваат сосема своето однесување за всушност низ текот на претставата од нивните постапки да сфатиме кои реално и се истите низ своите толку јасно проѕирни маски.

Тематиката за жал е асполутно актуелна иако е ова постаро класично дело од авторот Нушич – за жал сметам и дека ќе биде многу актуелна во иднина… не само во нашите балкански простори – туку и насекаде низ светот. Тематиката на оваа драма е толку свежа што секој гледач би помислил дека авторот вчера ја напишал.

Сите луѓе ги интересира власта и некако не можат а да не знаат и можеби да не завидат на тој што е на Власт.

Билетите се продаваат по цена од 200 денари.

The post Комедијата „Власт“ вечерва на сцената на штипскиот театар appeared first on Република.

В сабота, на 16 декември, во 20 часот во КСП Центар Јадро ќе се одржи стендап комедија со Миранда Лончар од Босна и Херцеговина.

Стендап претставата „Сите ќе умреме“ (Svi ćemo umrijeti) е интерактивна. Темите се љубов, раѓање, политика и смрт. Тонот и расположението на шоуто зависат од публиката и од општата атмосфера на вечерта. „Сите ќе умреме“ е прослава на животот – дотолку повеќе што сите нè очекува смртта. Претставата е прилагодлива и може да им се допадне на сите, но сепак најсилно ја чувствуваат луѓето кои многу страдале во текот на животот – поточно тие што сè уште страдаат, критички насочените поединци, образованите и емпатични луѓе. Значи, накратко, жени и геј мажи.

Миранда Лончар (р. 1976) доаѓа од Мостар, Босна и Херцеговина. Таа се занимава со стендап комедија од 2008 година, а коментарите се дека ѝ оди добро во последните неколку години. Сака глупав хумор, но сепак да има некоја порака. Ја сака секоја публика, а омилена ѝ е онаа која гласно се смее: луѓе кои ширум ја отвораат устата, неоптоварени со својот изглед во моментот на напад на смеа. Комедијата во живо е игра на заведување за двајца, така што на крајот на вечерта и публиката и изведувачот се разголуваат низ смеа. Таа блискост ја возбудува г-ѓа Лончар, барем малку, затоа што веќе со години е во брак.

The post Стендап со Миранда Лончар во сабота во КСП Центар Јадро appeared first on Република.

The post „Летен маратон на комедијата“ од утре до 13 август во Охрид appeared first on Република.

Вечерва во рамките на Младиот отворен театар, публиката ќе може да ужива во комедија, во режија на режисер од Грција, Анестис Азас.

Се работи за комедијата „Република Баклава“, кој ќе започне во 20 часот, во сала Фросина, во Младинскиот културен Центар.

Надреална комедија за турско-грчки брачен пар. Не се расправаат чија е баклавата, туку ја прават најдобрата баклава на светот. Прават држава“, стои во описот на претставата.

The post „Република Баклава“ – вечерва комедија на репертоарот на МОТ appeared first on Република.