Палестинската вооружена група Хамас денеска ја потврди смртта на уште еден нејзин командир во Либан.

Саид Аталах Али, еден од лидерите на Бригадите „Изедин ал Касам“ – военото крило на Хамас, е убиен во израелски напад врз бегалскиот камп Бедави, на околу пет километри северно од пристанишниот град Триполи, во Северен Либан, соопшти Хамас.

Либанската новинска агенција ННА објави дека сопругата и двете деца на Али исто така загинале во нападот.

Претходно, либански безбедносни извори информираа дека беспилотно летало погодило стан во палестински бегалски камп во близина на Триполи.

The post Хамас ја потврди смртта на свој командант при израелски напад во Северен Либан appeared first on Република.

Во понеделникот во 23.30 часот во с.Кривогаштани, полициски службеници од Полициското одделение Кривогаштани ги лишиле од слобода М.Ј.(33) од с.Крушеани, З.К.(35) од с.Кривогаштани, М.М.(55) од Прилеп и С.Л.(56) од Прилеп.

Тие се сомничат дека претходно во угостителски објект во с.Кривогаштани, сопственост на Б.Ѓ.(27) од с.Годивље, оштетиле дел од инвентарот, а подоцна запреле патничко возило „бмв” со прилепски регистарски ознаки, кое го управувал Б.Ѓ, со употреба на сила му го одзеле, го однеле на ул.„Илинденска“ и го запалиле.

Пожарот бил локализиран од екипа на Територијалната противпожарна единица Кривогаштани, а повредени лица нема.

Во врска со настанот, на 21.05.2024 во 03.50 часот во ОВР Прилеп било пријавено дека на 20.05.2024 околу 23.30 часот М.М. и З.К. агресивно се однесувале кон командир на Полициското одделение Кривогаштани и му упатувале закани, додека тој извршувал службени дејства. По целосно расчистување и документирање на случајот, против лицата ќе бидат поднесени соодветни пријави, соопшти МВР.

The post Луда ноќ во Кривогаштани: Искршиле локал, запалиле „бмв“, па му се заканувале на командирот appeared first on Република.

Од ВМРО-ДПМНЕ бараат министерот за внатрешни работи Оливер Спасовски да понесе одговороност за како што велат за броните инциденти и вооружени пресметки што се случуваат за време во изминатите седум години откако Спасовски на чело на МВР. Повод за реакцијата од најголемата опозициска партија е вооружениот инцидент во кој учествувал полициски командир од ПС Ропотово.

Мафијашки пресметки, убиства, кражби, дивеења, киднапирања сред бел ден и пукања со автоматско оружје се реалната слика од седумгодишното мистерување на Оливер Спасовски.

30 годишен командир на полициската станица Ропотово пукал со калашников од тераса, додека други граѓани гледаат и снимаат.

Командирите кои ги постави Спасовски и СДС се однесуваат како локални полициски шерифи и наместо да обезбедат безбедност, тие демонтрираат сила и моќ.

Со ваквото однесување командирот на ПС Ропотово кој треба да обезбеди безбедност за граѓаните, истато не само што не го прави, туку им ја загрозува безбедноста и ги вознемирува граѓаните“ – стои во реакцијата од ВМРО-ДПМНЕ.

Ова ли се тие европски принципи за кои се залага СДС и ДУИ? – прашуваат од опозициската партија.

„Само СДС и ДУИ може да промовираат вакви европски вредности каде што полициски службеник пука со калашников. Спасовски е најодговорен за вакво дивјаштво од првите луѓе на полициските станици.

Спасовски мора да понесе одговорност, бидејќи до сега не успеа како министер да расветли ниту едно убиство. Истрагата мора да покаже дали командирот на ПС Ропотово нелегално поседувал калашников, бидејќи истото може да го има само Армијата или министертвото, додека за цивили е забрането.

Очекуваме надлежните да поведат соодветна истрага и случајот целосно да биде расветлен. Одговорност мора да има.

Спасовски веднаш да поднесе оставка. Никој не смее да предизвикува општа опасност и да ја загрозува безбедноста и мирот на граѓаните!“ – посочуваат од ВМРО-ДПМНЕ.

The post ВМРО ДПМНЕ бара Спасовски да поднесе оставка поради инцидентот со командирот кој пукаше со калашников appeared first on Република.

Вчера, од страна на полициски службеници од ОВР Прилеп е лишен од слобода и задржан во ПС ОН Прилеп Е.Р. (30) од с.Дебреште, командир на ПО Ропотово, поради сомнение за сторено кривично дело „предизвикување општа опасност“ односно поради основи на сомнение дека на 19.08.2023 на свадба кај негови роднини во семејна куќа во с.Дебреште пукал од огнено оружје, соопштува МВР.

ОВР Прилеп презема мерки за расчистување на случајот во координација со ОЈО Прилеп и Одделот за внатрешна контрола, криминалистички истраги и професионални стандарди и по целосно расчистување на случајот, до ОЈО Прилеп ќе биде поднесен соодветен поднесок.

Од страна на Одделот за внатрешна контрола, криминалистички истраги и професионални стандарди ќе биде поведена постапка за утврдување на дисциплинска одговорност и тој ќе биде суспендиран до донесување на решение во дисциплинската постапка.

The post Приведен командирот на Ропотово кој пукаше со калашников од балкон appeared first on Република.

Е.Р. (30) од село Дебреште, командир на ПО Ропотово, е лишен од слобода и задржан во Полициската станица од општа надлежност Прилеп поради сомнение за сторено кривично дело „предизвикување општа опасност“.

Тој е осомничен дека на 19. овој месец на свадба кај негови роднини во семејна куќа во село Дебреште пукал од огнено оружје.

Како што соопшти Министерството за внатрешни работи, ОВР Прилеп презема мерки за расчистување на случајот во координација со ОЈО Прилеп и Одделот за внатрешна контрола, криминалистички истраги и професионални стандарди и по целосно расчистување на случајот, до ОЈО Прилеп ќе биде поднесен соодветен поднесок.

Од страна на Одделот за внатрешна контрола, криминалистички истраги и професионални стандарди ќе биде поведена постапка за утврдување на дисциплинска одговорност и тој ќе биде суспендиран до донесување на решение во дисциплинската постапка, велат од МВР

The post Полициски командир пукал на свадба appeared first on Република.

Пратеникот на ВМРО-ДПМНЕ, Драган Ковачки, на Твитер објави видео на кое се гледа човек како пука со калашников од балконот.

Тврди дека лицето било командир во полициска станица. На видеото се гледа дека човекот пука за време на некоја прослава.

Со дивјаштвото и односот од првите луѓе на полицијата, личиме на африканска држава. Ова е во Македонија, командир на полициска станица, со автоматско оружје предизвикува општа опасност и не одговара за ништо. Не одговара ниту тој што го поставил, напиша Ковачки.

Тој вели дека сме далеку од ЕУ. Власта и опозицијата деновиве се конфронтираат околу уставните измени. Власта тврди дека опозицијата ја блокира Македонија на патот кон ЕУ.

Со дивјаштвото и односот од првите луѓе на полицијата, личиме на африканска држава.

Ова е во МК, командир на полициска станица, со автоматско оружје предизвикува општа опасност и не одговара за ништо.
Не одговара ниту тој што го поставил.#ДалекуСмеОдЕу pic.twitter.com/MVeBlWwdMd

— Драган Ковачки (@Kovacki1) August 27, 2023

The post Ковачки: Командир во полиција пука со калашников од балкон appeared first on Република.

МВР поднесе кривична пријава, а Основното јавно обвинителство Скопје донесе Наредба за спроведување истражна постапка против 45-годишен жител на Тетово, вработен во Министерство за одбрана како командир во тетовска касарна, бидејќи постои основано сомнение дека поттикнувал кривично дело – Примање поткуп од член 357 став 1 во врска со член 23 од Кривичниот законик.

Осомничениот, на 18 и 19 мај во Скопје, со умисла поттикнал една осомничена -професионален војник во Армијата на РСМ, директно да побара и да прими парични средства во износ од 3.000 – 4.000 евра, од еден оштетен за да изврши службено дејствие што не би смеело да се изврши. За таа осомничена обвинителството веќе поведе постапка, а во текот на истрагата обезбеди докази кои даваат основано сомнение за поттикнувачот.

Таа, сакајќи да му помогне на нејзин колега – кандидат на конкурс за прием на офицери, го контактирала сега осомничениот, а тој и кажал дека ако сака оштетениот да биде избран, тој ќе треба да плати 3.000-4.000 евра. Се договориле паричните средства оштетениот да и ги предаде на осомничената, а таа да му ги предаде на командирот од Тетово. При примопредавање на средствата, осомничената беше затекната и лишена од слобода, информираат од Обвинителството.

Надлежниот јавен обвинител до Основниот кривичен суд Скопје достави предлог за определување мерка притвор и за осомничениот за кого денеска беше отворена истрага.

The post Кривична за командир во тетовската касарна, поттикнал војник да побара 3.000 евра мито за избор на офицер appeared first on Република.

Надлежен јавен обвинител од Специјализираното одделение за гонење на кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција (ОЈОГОКК) во текот на вчерашниот ден, постапувајќи по кривичната пријава поднесена од страна на Министерството за внатрешни работи, презеде истражни дејствија против четворица припадници на затворската полиција.

Од таму велат дека постои основано сомнение дека осомничените – командир на надворешно обезбедување и тројца затворски полицајци вработени во КПУ Затвор „Идризово“ сториле кривично дело „Противзаконито ослободување на лице лишено од слобода“ од чл. 373 в.в чл. 22 од Кривичниот законик.

-Осомничените, по претходни насоки на првоосомничениот- командир, како службени лица, со умисла, преземајќи и непреземајќи дејствијата што биле должни да ги преземат му помогнале и му овозможиле на осуденикот Беким Мемети да избега. Притоа ги повредиле сите процедури за спровод на осуденик кој издржува затворска казна за потешко кривично дело до здравствена установа. Па така, откако осуденикот се самоповредил расекувајќи ја левата дланка и бил преврзан во домската амбуланта, не побарале лекарска интервенција од брзата помош, за да се утврди дали повредите може да се санираат на лице место, туку по препорака на осудено лице, работно ангажирано во амбулантата, пристапиле кон дејствија самоиницијативно да го однесат повредениот во Ургентен центар. Иако процедурите налагаат доколку осуденикот треба да се третира во здравствена установа, затворската служба да побара асистенција од Министерството за внатрешни работи и возилото за спровод на осуденикот да биде придружувано од полициска патрола, тие не го сториле тоа што претходно било случај кога истото осудено лице било спроведувано до одредена здравствена установа, велат од ОЈО.

Како што е веќе познато, потенцираат од Обвинителството, осудениот Беким Мемети откако на ден 12.01.2023 година во ноќните часови се самоповредил, првоосомничениот – дежурен командир наредил кои затворски полицајци треба да го спроведат осуденикот во здравствена установа и кој каде да седи при спроводот.

Па така, надвор од правилата, осуденикот бил сместен во средишниот дел на возилото. Второосомничениот дал насока за рутата и возилото се упатило кон Скопје преку автопатот од Петровец кон Скопје. Кога се приближиле до бензинска пумпа на Лукоил, второосомничениот кој седел помеѓу осуденикот и третоосомничениот, започнал да се преместува и свесно му овозможил на осуденикот да го искористи моментот и со лисици на рацете да успее да му го земе службениот пиштол од закопчаната футрола. Третоосомничениот, кој патем бил без оружје, иако сето тоа го следел не презел никакво дејствие за да го спречи осуденикот да го репетира пиштолот и да започне да пука низ возилото барајќи да го сопрат возилото, при што го повредил возачот и возилото застанало, а осуденикот ја отворил вратата, излегол од комбето и се качил во сиво Ауди кое во меѓувреме застанало пред затворското комбе, велат од таму.

-Предметниот обвинител заради непречено водење на кривичната постапка, на судијата на претходна постапка при Основниот кривичен суд Скопје му предложи на тројца осомничени да им биде определена мерка притвор, додека на четвртоосомничениот да му бидат изречени мерки за обезбедување. Судијата го прифати предлогот на обвинителството и на осомничените со решение им определи мерка притвор во траење од 8 дена, а на четвртоосомничениот му изрече мерки на претпазливост забрана за напуштање на живеалиште/престојувалиште и привремено одземање на патна или друга исправа за преминување на државната граница.

Обвинителството продолжува да ги истражува причините и мотивите кои доведоа до овој кривично правен настан, стои во соопштението на ОЈО.

The post Осумдневен притвор за командирот и двајца полицајци по бегството на затвореникот appeared first on Република.

Власта ја призна вината, МВР ја препушта на Министерството за правда, командирот на кого му избега убиецот важи за близок до Спасовски, реагираат од ВМРО ДПМНЕ.

https://republika.mk/vesti/crna-hronika/mvr-demantira-deka-komandirot-bil-izbrkan-za-potkup-a-spasovski-go-vratil-na-rabota/

Командирот во чија смена се случило бегството е поранешен полициски службеник, кој бил фатен при земање поткуп, а потоа и избркан од работа.

Полициски службеник фатен во криминал, од СДС е назначен за командир во Идризово, се вели во реакцијата на ВМРО ДПМНЕ.

https://republika.mk/vesti/makedonija/komandirot-na-koj-mu-izbega-ubietsot-izbrkan-za-potkup-a-spasovski-go-vratil-i-napravil-komandir-vo-idrizovo/

Истиот тој Командир при транспорт на лица со зголемен ризик е одговорен да направи проценка и да побара асистенција од МВР. Зошто не е побарана асистенција од МВР? За кого бараат од Идризово полициска асистенција, ако не за криминалци осудени за убиство?

Дали намерно не е побарана полициска асистенција? Дали командирот кој е поддржувал на СДС исполнува партиски насоки?

Ќе се изјасни ли министерството за правда, откако Спасовски им ја препушти вината?, реагираат од ВМРО ДПМНЕ.

 

The post ВМРО ДПМНЕ: Власта ја призна вината, командирот на кого му избега убиецот важи за близок до Спасовски appeared first on Република.

Командирот на кој му избега убиецот, избркан за поткуп, а Спасовски го вратил и направил Командир во Идризово, на фејсбук статуси со да живее СДСМ. Командир на смена во Идризово кој е одговорен за проценка на ризик при транспорт на затвореници дента кога се пренесувал убиецот кој избега, а притоа повреди полицајци е човек близок до СДС, се вели во соопштението од ВМРО-ДПМНЕ.

Од партијата додаваат дека командирот Димитријевски е поставен од Спасовски, и истиот е задолжен за проценката на ризик, тој можел да побара асистенција од МВР, што е пракса кога постои зголемен ризик од бегство. Зошто не побарал треба да одговори и самиот Спасовски кој го враќа во МВР и унапредува. За каков криминалец, ако не за осуденик за убиство постои зголемен ризик од бегство?

Кој е Срѓан Поп Димитријевски? Тој е Командир на смена во Идризово и не ја крие својата поддршка за СДС, па јавно на својот фејсбук профил објавува содржини со наслови да живее СДС.

Според информациите на ВМРО-ДПМНЕ, Командирот на смена во чија смена се случило бегството пред неколку години бил избркан од МВР, како последица на учество во криминални дејствија, информациите говорат дека тој бил фатен на дело во ПС Бит Пазар при кривично дело Поткуп по што бил избркан од работа.

Со доаѓањето на Спасовски тој го враќа и го поставува на командирска позиција во Идризово.

Од партијата прашуваат зошто Спасовски го вратил и унапредил овој полициски службеник, кој бил фатен во вршење на кривично дело на работа? Дали истиот е вратен затоа што дава поддршка на СДС? Дали Спасовски го вратил на работа за во иднина тој истиот да може да ги повтори делата или да направи нови од полза на СДС?

Спасовски е одговорен за бегството на затвореникот убиец. Тој не само што е министер во МВР, туку е и министерот кој го вратил командирот Димитријевски на работа по извршен криминал, и го поставил на командирска позиција. Спасовски не може да бега од одговорност. Спасовски да се соочи со последиците од својата неспособност и криминогеност. Оставка веднаш, се вели во соопштението.

The post Командирот на кој му избега убиецот бил избркан за поткуп, а Спасовски го вратил и го направил командир во Идризово appeared first on Република.

Притвор им е одреден и на двајцата полицајци , кои го превезувале Беким Мемети од затворот Идризово кон Клиничкиот центар во Скопје. Третиот полицаец е на Карил и се опоравува од прострелната рана, откако бил погоден од затвореникот при бегството од службеното комбе. За четвртиот засега нема информации. Утринава двајцата полицајци се спроведени во затворот во Шутка. По распитот во Кривичниот суд било утврдено дека командирот и полицајците можат да избегаат, а бидејќи постојат индиции кои укажуваат дека му помогнале на затвореникот Беким Мемети да избега, бидејќи биле направени голем број пропусти во процедурата при спроведувањето на затвореникот.

Во меѓувреме, полицијата распиша меѓународна потерница за затвореникот Беким Мемети, 36-годишник од Тетово, а трага и по засега непознатите кои биле во сивото Ауди со кое прво му го попречило патот на затворското комбе а потоа и го евакуирале бегалецот..

Мемети требало до 2040 година да биде во затвор за убиство и поседување дрога. Во септември 2016-та година во вооружена пресметка во Мала Речица убил едно лице, но веднаш избегал во Германија. Првично Мемети бил осуден во отсуство, а во 2020-тата година отаккао бил уапсен во Берлин и екстрадиран во земјава, му била повторена постапката во суд и повторно е осуден на 19 години затвор.

The post Притвор за командирот на Идризово и двајцата полицајци, кои го придружувале избеганиот Мемети appeared first on Република.

Ноќва во 01:50 часот во СВР Скопје било пријавено дека во кругот на Казнено поправната установа Затвор „Идризово“ на паркингот позади управната зграда, било опожарено патничко моторно возило „фиат пунто“ со скопски регистарски ознаки, сопственост на вработен во затворот.

Според изворите на „Телма“, станува збор за возилото на дежурниот командир. Ова следува откако пред два дена имаше координирана акција и  се вршеа претреси  во 25 ќелии при што беа запленети дрога, ладно оружје телефони и пари

Пожарот бил локализиран од страна на Бригадата за противпожарна заштита и сопственикот, кој при гаснење на пожарот се здобил со повреди. Се преземаат мерки за расчистување на случајот.

The post Одмазда за акцијата? Запалено возилото на командирот во Идризово appeared first on Република.

На новогодишна прослава во ресторанот „Бастион“ во селото Владимирово полицаец од Пехчево му одгризал прст на командир, а Министерството за внатрешни работи се обидело да го скрие инцидентот, пишува порталот „МКД.мк“.

Како што пишува „МКД.мк“, В.Р., командир на полициската станица Пехчево, за малку ќе останел без прстот со кој во вербална расправија мавтал кон полицаецот Д.А. од селото Ратево, кој потоа силно го гризнал. Инцидентот се случил лани на 25 декември за време на новогодишна прослава на 35 полицајци од полициската станица во Пехчево, во ресторанот Бастион во село Владимирово.

По санирањето на повредата, ОВР Берово се обидело да го скрие инцидентот, за кој не била направена никаква официјална белешка.

На 8 јануари, повредениот командир преку својот адвокат побарал внатрешната контрола на МВР да го испита случајот, по што, пред два дена, била поведена и кривична постапка пред Основниот суд во Берово. Освен тоа, командирот покренал и граѓанска тужба за надомест на штета.

The post На новогодишна прослава полицаец од Пехчево му одгризал прст на командирот, МВР сакал да го скрие инцидентот appeared first on Република.