Претседателот на Колумбија, Густаво Петро, соопшти дека земјата ќе воведе визи за британските граѓани како одговор на тоа што Британија воведе визен режим за колумбиските граѓани.

Според британската одлука, на граѓаните на Колумбија ќе им треба и транзитна виза ако сакаат да поминат низ Обединетото Кралство (ОК) за да патуваат во друга земја. Колумбискиот претседател рече дека неговата земја ќе воведе слични мерки според принципот на реципроцитет.

Ако ОК повторно го воведе условот за виза за колумбиските граѓани, морам да наведам дека во согласност со принципот на реципроцитет, колумбиската влада ќе бара визи од британските граѓани кои сакаат да дојдат во Колумбија, напиша претседателот на социјалната мрежа „Х“.

Претходно, британската министерка за внатрешни работи, Ивет Купер, изјави дека одлуката е донесена поради „значајното и одржливо“ зголемување на барањата за азил и „високите стапки на одбивање“ на странците на границата од ноември 2022 година.

Нашите односи со ОК остануваат силни и пријателски. Секоја одлука за промена на визниот статус не се зема несериозно и ние редовно го ревидираме системот за граница и имиграција за да се осигураме дека тој продолжува да работи во интерес на Велика Британија, додаде Купер.

Ќе има четиринеделен преоден период без визи за оние кои веќе резервирале патување во ОК.

The post Колумбија воведува визи за државјаните на Велика Британија appeared first on Република.

Фудбалерите на Уругвај ќе играат против Колумбија во полуфиналето на Копа Америка на 11 јули.

Во борбата за финалето Колумбија ќе има поддршка од оваа убава црнка која би можела да ја засени Парагвајката Лариса Рикелме која се прослави пред 14 години на Светското првенство во Јужна Африка.

Секси навивачкта со бујни гради им ја украде славата на своите сонародници, но и ги шармираше обожавателите на социјалните мрежи. Наместо маица, оваа Колумбијка имаше само две тесни ленти низ градите во боите на знамето на нејзината земја. Кога танцуваше се се тресеше... Градите за малку и испаднаа низ провокативните шлицови, едвај се остана на своето место.

Погледнете! Ве предупредуваме, гледате на сопствен ризик.

The post Дали оваа згодна навивачка ќе и донесе среќа на Колумбија? appeared first on Република.

Во необичен инцидент, градоначалникот на Сабаналарга, во колумбиската област Атлантико, остана без панталони.

Хозе Елиас Чамс посетил локална образовна институција, која го прославувала својот 109-ти роденден. За време на говорот се случи нешто неочекувано, а снимката стана вирална на социјалните мрежи.

Чамс ѝ се обрати на публиката и наеднаш ги загуби панталоните! Отпрвин беше збунет, очигледно му беше непријатно, но луѓето околу него брилијантно реагираа.

Градоначалникот со насмевка ја прифати несреќата, а потоа ја изговори следната реченица:

Останува за историја, ослабев осум килограми“.

Потоа, тој беше награден со громогласен аплауз, пренесува „Лакале блу радио“.

https://twitter.com/HT24___/status/1780008065187586461?ref_src=twsrc%5Etfw%7Ctwcamp%5Etweetembed%7Ctwterm%5E1780008065187586461%7Ctwgr%5E8772f0c595aed7cc60dd0c0919ffdf950beb4f9f%7Ctwcon%5Es1_&ref_url=https%3A%2F%2Fkanal5.com.mk%2Fsrede-govor-na-gradonachalnik-mu-padnaa-pantalonite-dobi-aplauz-otkako-se-snajde-video%2Fa635903

The post Среде говор, на градоначалник му паднаа панталоните appeared first on Република.

Спасовски и Ковачевски од Македонија направија Колумбија, криминалците со кои се сликаа продолжуваат да се убиваат меѓу себе.Спасовски, Ковачевски, Пендаровски беа први на сликите со криминалците кои во последата година се ликвидираат меѓу себе, oбвини ВМРО-ДПМНЕ.

https://republika.mk/vesti/crna-hronika/trojtsa-maskirani-fateni-kako-go-podmetnuvaat-pozharot-vo-kafe-barot-baron-pred-ubistvoto-na-tusha/

И оваа ликвидација води кон СДС. Застреланиот бил пронајден од братот полицаец чие име се спомнува во структурата на фирмата која продава јаглен на ЕСМ и РЕК Битола. А кавна тајна е дека ЕСМ и РЕК се златните рудници каде црпи пари врвот на СДС и ДУИ.

Коалицијата на СДС со криминалот продолжува и ќе биде тука се со конечниот пад на оваа власт на 8 ми мај.

https://republika.mk/vesti/crna-hronika/ojo-se-proveruva-eventualna-povrzanost-na-pozharot-i-ubistvoto/

Сега ги гледаме последиците од 7 години коалиција на СДС со мафијата.

Пукањето по улиците и убиствата засекогаш ќе останат симбол на времето додека СДС ја водеше државата. Со право народот вели дека немаме држава, време е да ја вратиме.

The post Спасовски и Ковачевски од Македонија направија Колумбија appeared first on Република.

Девет лица загинаа, а 31 се повредени вчера во Колумбија кога автобус со венецуелски мигранти падна во провалија, соопштија властите. Полковникот Луис Хесус Леон изјави за новинарите дека „90 отсто од патниците во автобусот биле Венецуелци кои оделе за Картагена“.

Полицијата извести дека во несреќата загинале шест мажи и три жени, меѓу кои две малолетни. Несреќата се случила околу 4:20 часот (11:20 часот по средноевропско време), во близина на градот Плејон, во областа Сантандер, на североистокот на земјата, на патот на карипскиот брег на Колумбија.

Тој паднал во провалија длабока околу стотина метри

Несреќата се случила кога автобусот излетал од патот и паднал во провалија длабока околу стотина метри. На снимката што ја објави цивилната заштита се гледа автобусот среде грмушки и расфрлана облека на местото на несреќата. Сообраќајните несреќи се меѓу водечките причини за смрт во Колумбија.

Во вторникот минатата недела во департманот Ла Гуаџири, на север, осум лица загинаа кога автобус директно се судри со трактор-приколка.

The post Автобус во Колумбија падна во провалија: Девет мртви, 31 повреден appeared first on Република.

Четирите деца од домородна заедница во Колумбија се пронајдени живи на југот на земјата по повеќе од пет недели откако авионот со кој патуваа се урна во густа џунгла, изјави вчера колумбискиот претседател Густаво Петро.

Децата биле спасени од војската во близина на границата меѓу колумбиските провинции Какета и Гуавијаре, во близина на местото каде што се урнал малиот авион.

Радост за целата земја! Четирите деца кои исчезнаа... беа изгубени... во колумбиската џунгла се појавија живи, објави Петро на Твитер.

#AEstaHora comandos de la @FuerzaAereaCol sacan de la espesa selva a los 4 niños. El helicóptero 🚁 está a más de 60 mts de altura. Los árboles 🌳 son muy altos y la visibilidad es casi nula. Van al helipuerto habilitado en medio de la selva para esta operación.

Del helipuerto… pic.twitter.com/P7RYWDV9oi

— Mindefensa (@mindefensa) June 10, 2023

Малиот авион „Цесна 206“ превезувал седум лица со лет меѓу Аракуара, во државата Амазонас и Сан Хозе дел Гуавиаре, град во државата Гуавијаре, но пријавил аларм за дефект на моторот во раните утрински часови на 1 мај.

Три возрасни лица, меѓу кои и пилотот, загинаа како последица на падот, а нивните тела беа пронајдени во авионот. Падот го преживеаја четирите деца на возраст од 13, девет и четири години, како и едно 11-месечно бебе.

Првичните информации од Управата за цивилно воздухопловство, која ги координирала напорите за спасување, сугерираат дека децата избегале од авионот и се упатиле во прашумата за да побараат помош.

Спасувачките тимови, со поддршка на кучиња трагачи, претходно пронашле фрлено овошје, кое наводно децата го јаделе и импровизирани засолништа направени од вегетација од џунгла.

Во спасувачките операции учествуваа авиони и хеликоптери на колумбиската армија и воздухопловни сили.

The post Чудо во Колумбија: Четири деца пронајдени живи и здрави во џунгла 40 дена по авионска несреќа appeared first on Република.

Српскиот државјанин Слободан Марјановиќ (40), кој во неделата беше убиен во Колумбија, најверојатно дошол во таа земја со цел да се договори со извесен Пак, кој важи за водач на картелот „Лос Панченкас“, за транспорт на дрога во Холандија!

Колумбиските медиуми открија дека во истрагата за убиството многу помогнал мистериозен сведок кој престојувал со Марјановиќ во луксузен хотел во Санта Марта. Колумбиските медиуми не откриваат дали и клучниот сведок е државјанин на Србија.

Се сомневаат дека жртвата била дел од криминална група која шверцува дрога од Колумбија во Европа. Клучниот сведок, кој престојуваше со жртвата во хотелот, откри дека Марјановиќ се сретнал со лице по прекар Пако, еден од најбараните нарко босови, за да ја координира испораката на дрога од морското пристаниште во Колумбија до главниот град на Холандија.

Полицијата наводно го пронашла сведокот на аеродромот кога по убиството на Марјановиќ со авион се обидел да се врати во Богота од Санта Марта, од каде на 24 мај пристигнале во приморскиот град. Им признал дека требало да ја координираат пратката што требало да биде натоварена на бродот.

Пронајдени се и три мобилни телефони, кои детално ќе бидат анализирани во текот на истрагата, за да се утврди со кого разговарала жртвата откако пристигнала во Колумбија. Марјановиќ на 22 мај влегол на територијата на земјава, а на 25 мај се пријавил во хотелот во Санта Марта.

The post Србинот убиен во Колумбија требало да преземе дрога и да ја пренесе во Холандија appeared first on Република.

Српскиот државјанин Слободан Марјановиќ (40) е убиен вчера во Санта Марта, Колумбија. Според колумбиските медиуми неговото тело било пронајдено покрај автопатот, а првите резултати од истрагата укажуваат дека тој бил убиен со неколку истрели и дека телото потоа било исфрлено од автомобилот. Засега наведуваат дека тој престојувал во Колумбија како турист.

Првите податоци укажуваат дека тој пред неколку дена пристигнал во Санта Марта како турист, според она што е утврдено врз основа на нараквицата што ја имал на раката, според која е утврдено дека бил гостин во хотелот „Ел Родадеру“.

Се проверува дали е убиен во автомобилот од кој бил фрлен со оглед на тоа што мештаните пријавиле во полиција дека слушнале истрели, а потоа телото го пронашле покрај патот. Еден правец на истрагата е дека убиениот Марјановиќ бил пресретнат од неколку лица за да го ограбат и затоа бил убиен. Друг правец на истрагата е дека ги познавал лицата кои го убиле и оти отишол на средба со нив.

The post Влегол во земјата како турист: Србин изрешетан во Колумбија, пронајден покрај автопат appeared first on Република.

Полицијата во Колумбија трага по српскиот државјанин А.М., осомничен за шверц на поголема количина дрога од Јужна Америка во Европа, откако спектакуларно избега од аеродромот во Рионегро, кај Меделин, во моментот кога требало да биде екстрадиран во Италија!

Осомничениот бил уапсен на 9 мај откако со лажни документи пристигнал во Колумбија од Доминиканската Република. Полицијата тогаш утврдила дека се работи за тежок криминалец кој соработува и со озлогласената италијанска мафија „Ндрангета“ и кој е осомничен дека учествувал во шверц на големи количества кокаин, хероин и хашиш од Јужна Америка во Европа.

Планот на полицијата бил да го качи во авион и да им го предаде на италијанските власти кои подолго време трагаат по него.

Меѓутоа, кога во средата во 19 часот и 30 минути на аеродромот „Хозе Марија Кордова де Рионегро“ пристигнал српски државјанин во придружба на полиција, побарал дозвола да купи шише вода, по што започнала филмска сцена, пред неколку стотици луѓе.

Осомничениот го искористил невниманието на полицијата и почнал да трча кон излезот. Пред аеродромот го чекал црн џип Ауди Q7 во кој имало неколку мажи, најверојатно негови соработници. Во еден момент почнале да пукаат кон полицајците кои биле принудени да возвратат. Сепак, српскиот државјанин успеал да стигне до автомобилот и да избега.

The post Може да купам шише вода? Српски нарко бос избегал од аеродром во Колумбија appeared first on Република.

Колумбија и Боливија заеднички ќе поднесат предлог до Комисијата за наркотични дроги на Обединетите нации за листот кока да биде отстранет од списокот на забранети супстанции и да биде прифатена традиционалната употреба на ова растение.

Колумбиската заменичка-министерка за мултилатерални прашања, Лаура Гил, изјави дека предлогот што овие две земји ќе го поднесат на седницата на Комисијата во Виена во средината на март е обид да се дестигматизираат дискусиите за проблемот со дрогата.

Боливија и Колумбија веруваат дека е дојдено време да се преиспита ова прашање. Сакаме да го отстраниме листот кока, нагласувам листот, а не кокаинот, од списокот на забранети материи“, изјави Гил.

Таа образложи дека листовите кока широко сер користат во земјите од Латинска Америка, особено меѓу домородните групи, за лекување на стомачни болки и за ублажување на висинската болест, но и за време на традиционалните церемонијални обреди.

The post Колумбија и Боливија бараат од ОН да го тргне листот кока од листата на забранети супстанци appeared first on Република.

Хрватската полиција запленила пратка со колумбиски кокаин спакуван на несекојдневен начин.

„Полициски службеници на полициската управа во Загреб ја завршија кривичната истрага против 43-годишен маж и 42-годишна жена поради сомнение дека сториле кривично дело „Неовластено производство и тргување со дрога“ – пишува полицијата.

Се сомневаат дека 43-годишниот маж од засега неутврдени лица и на неутврден начин од Колумбија купил поголема количина кокаин, која се обидел да го прошверцува во Хрватска така што кокаинот бил растворен, а во растврото биле натопени асталски чаршафи.

Дрогата сокриена на овој начин во двa пакета преку редовна курирска служба била прошверцувана на територијата на Хрватска, по што 43-годишен маж ја подигнал во четвртокот.

Своите сомнежи полициските службеници ги потврдиле со претрес на споменатите пакувања во кои биле пронајдени вкупно 26 парчиња платнени чаршафи натопени во раствор од дрогата кокаин.

„Потоа е спроведена натамошна кривична истрага при што е утврдено дека 43-годишниот осомничен и 42-годишната жена спротивно на одредбите од член 3 од Законот за сузбивање на злоупотреба на дрога со цел на препродажба, набавил смола од коноп од типот на дрога и дрогата кокаин и ја измерил, препакувал и мешал со филер за да ја зголеми количината и ја скрил во стан во Загреб, се со цел производство и препродавање на дрогата“, пишува полицијата.

„Исто така, со употреба на уреди за емитување светлина, осомничените создале услови за вештачко одгледување на растенија во кои засадиле коноп од типот на дрога и го сушеле, го измериле и на крајот го препродавале“, се додава во соопштението, а пренесува Индекс.хр.

The post Чаршафчиња со кравички и лубенички тешки илјадници евра: Си пазарел кокаин од Колумбија, му го донела курирска служба appeared first on Република.

Колумбија и Венецуела повторно воспоставија целосни дипломатски врски, три години откако Каракас ги прекина поради поддршката на Богота за опозицискиот лидер Хуан Гуаидо.

Колумбискиот амбасадор Армандо Бенедети вчера пристигна во Каракас, а истиот ден во Богота беше пречекан и Венецуелецот Феликс Пласенсија.

Почнуваме да работиме на обнова на општественото и човечкото ткиво што не обединува, објави колумбиското претседателство во твит со фотографии од пристигнувањето на Бенедети во Венецуела.

Пред да тргне, Бенедети на Твитер напиша дека неговата мисија е „да ги обнови врските со соседот и да ја поправи штетата предизвикана во срцата на двата народи како резултат на прекин во односите што никогаш не требаше да се случи“.

The post Колумбија и Венецуела ги обновија дипломатските односи по три години appeared first on Република.

Густаво Петро ќе стане денес првиот колумбиски левичарски претседател, кого гласачите го избраа со надеж дека ќе спроведе амбициозни општествени и економски реформи и така ќе ги намали насилството и нееднаквоста во поларизираната држава.

Петро, поранешен припадник на герилците М-19, би требало да биде инаугуриран на Боливар плаза, главниот плоштад во Богота.

Тој ќе ја даде заклетвата пред претседателот на Сенатот Рој Берерас пред околу 10.000 луѓе, вклучувајќи го шпанскиот крал Фелипе Шести, најмалку девет претседатели на Јужна Америка и обичните Колумбијци кои ги повика Петро.

Новата потпретседателка Франсија Маркез, активистка за заштита на животната средина и поранешна домаќинка, ќе биде првата Афроколумбијка на таа должност.

Петро, 62-годишен поранешен сенатор, кажа дека негов приоритет ќе биде борбата против гладот во земјата со 50 милиони жители, во која речиси половина од населението живее во некаква сиромаштија.

Петро вети бесплатно образование на јавните универзитети и промени во здравството. Состави голема широка конгресна коалиција на левичарски и центристички партии за да се прифати неговата платформа.

Ветувањата за пензиска реформа и прекинот на новите нафтени проекти предизвикаа нервоза кај инвеститорите и покрај именувањето на Хозе Антонио Окампа, долгогодишниот функционер, за министер за финансии.

Новиот претседател, поранешен градоначалник на Богота, вети и дека ќе ги оживее прекинатите мировни преговори со бунтовниците на Националната ослободителна војска (ЕЛН) и ќе го примени мировниот договор од 2016 на поранешните припадници на герилата ФАРК кои го одбиваат.

Неговиот министер за надворешни работи кажа дека владата ќе води дијалог со бандите и потенцијално на членовите ќе им даде намалени казни во замена за информации за трговијата со дрога.

Мечот на херојот на ослободувањето на Јужна Америка од колонизаторите, Симон Боливар, кој во 1974 година го украдоа поранешните соборци на Петро од М-19, ќе биде изложен на плоштадот во Богота.

„Сите мораме едни на други да си посакаме среќа“, порача Петро.

The post Поранешен бунтовник стана претседател на Колумбија, најави преговори со нарко-бандите appeared first on Република.

Најмалку четири лица загинале, а триесет се тешко повредени откако се урна трибина во арената во Еспинал, град во централна Колумбија.

Како што соопштија локалните власти, несреќата се случила за време на популарен спектакл со бикови.

Загинаа четири лица, две жени, еден возрасен маж и еден малолетник - соопштија локалните власти за идентитетот на загинатите.

The post Се урна трибина на корида во Колумбија, најмалку четворица загинати appeared first on Република.

Колумбиските власти откриле операции на три балкански картели во земјата. Станува збор за криминални групи предводени од Дарко Шариќ, Милета Миљаниќ и Дејан Стојановиќ - Кека, кои војуваат меѓу себе!

Џебовите на корумпираните службеници кои работат во колумбиските пристаништа и аеродроми се полни со банкноти кои ги плаќаат гангстерите од Балканот, чиј бизнис во Колумбија расте заедно со кокаинот кој ја преплавува Европа, се вели во текст објавен на порталот „Елколумбијано“.

https://republika.mk/vesti/balkan/hacienda-od-nekolku-milioni-evra-poglednete-ja-kukjata-na-darko-sharikj-balkanskiot-el-chapo/

Според податоците добиени од полицијата и меѓународните агенции за борба против наркотици, не станува збор за една единствена организација од Балканот, туку за група криминални банди, кои се меѓусебно непријателски настроени.

Клановите се составени од шверцери на дрога и поранешни војници од поранешна Југославија. Затоа ги нарекуваат југословенска мафија. Во Колумбија се откриени операции на три картели: групата Шариќ, групата „Америка“ и групата на Кека - пишува „Елколумбијано“.

https://republika.mk/vesti/balkan/ova-e-spisokot-na-smrtta-na-klanot-amerika/

Извори од полицијата за овој портал објаснуваат дека балканските картели во Колумбија почнале да се однесуваат „срамежливо“ во првата деценија на 21 век, речиси секогаш во соработка со италијански нарко шверцери.

Во последните пет години тие зајакнаа и сега испраќаат свои делегати директно да преговараат за производство, транспорт и испорака на кокаин. Тие купуваат од поранешни припадници на ФАРК, ЕЛН, Кланот дел Голфо, „Ла Офисина“, Управниот одбор за трговија со дрога и независни мрежи - наведува порталот.

Криминалците кои доаѓаат во Колумбија се претежно од Србија, Албанија, Хрватска или Босна и се населуваат во главните градови како Меделин, Богота, Кали, Баранкиља и Картагена. Тие се претставуваат како инвеститори, а всушност ги координираат зделките за наркотици.

За да извлечат дрога, претпочитаат да изнајмуваат чартер летови на аеродромите во главните градови или да ја камуфлираат во контејнери што ги напуштаат пристаништата Санта Марта, Баранкиља и Картагена - изјавил за овој весник полициски агент за борба против наркотици.

https://republika.mk/vesti/balkan/vodachot-na-klanot-amerika-ostanuva-vo-zatvor-iako-trebashe-da-izleze-na-sloboda/

Еден од тие „инвеститори“, кој јавно се претставуваше како наследник на синџир хотели во Холандија, е Црногорецот Иван Армуш, кој беше уапсен во април 2021 година во Картагена, откако на неговата едрилица беше откриен половина тон кокаин!

Ширење на украинската мафија поради војната

Марија Велез де Берлинер, советник во Пентагон и професор на Универзитетот Џорџ Вашингтон, за „Елколумбијано“ вели дека покрај кланот Шариќ, групата на Кека и групата „Америка“, колумбиските власти мора да бидат внимателни и со ширењето на украинската мафија.

Како што се наведува, еден од главните нарко босови е Семјон Могилевич, за кого американската влада нуди награда од пет милиони долари.

По војната во Украина, се повеќе бегалци од оваа земја се обидуваат да добијат азил во САД, а нарко клановите ја користат тешката ситуација и се подготвени веднаш да им обезбедат „вработување“.

The post Балканските нарко кланови војуваат во Колумбија: Групата на Шариќ, кланот Америка и групата на Кека се борат до смрт поради кокаинот appeared first on Република.

Аргентинскиот фудбалски стратег Нестор Лоренцо е избран за нов селектор на репрезентацијата на Колумбија. Лоренцо доаѓа на местото на Реиналдо Руенде, кој доби отказ по неуспехот да го однесе националниот тим на Светското првенство во Катар.

Колумбија под водство на Руенде ги заврши мундијалските квалификации на шестото место во јужноамериканската зона со 23 бодови, бод помалку од петопласираниот Перу, кој избори интерконтинентален плејоф за место на завршниот турнир во Катар.

Лоренцо доаѓа на селекторското место во Колумбија од перуански Мелгар, што беше прв самостоен тренерски ангажман на 56-годишниот Аргентинец.

The post Аргентинецот Нестор Лоренцо е нов селектор на Колумбија appeared first on Република.

Поранешниот фудбалер на Реал Мадрид и репрезентативец на Колумбија, Фреди Ринкон, почина на 55-годишна возраст.

Ринкон беше дел од сообраќајна несреќа на 11 април во Кали (Колумбија), кога неговиот автомобил се судри со автобус. Поранешниот фудбалер со сериозни повреди на главата беше пренесен во болница и опериран, но денеска, Ринкон почина во болница.

Ринкон играше за Реал Мадрид од 1995 до 1996 година, а во Европа настапуваше и за Наполи. Фудбалерот двапати стана шампион на Колумбија како дел од клубот Америка (Кали), а три пати го освои и бразилското првенство (еднаш со Палмеирас и двапати со Коринтијанс). Покрај тоа, како дел од Коринтијанс, Ринкон го освои Светското клупско првенство во 2000 година и двапати стана бронзен медалист на Купот на Америка како дел од колумбиската репрезентација.

Ринкон стана херој на својата земја кога на светското првенство во Италија во 1990 година, против Германија постигна гол за 1:1 во судиското надополнување, со што на својата репрезентација и овозможи да се пласира во осминафиналето.

https://www.youtube.com/watch?v=ZDKBeiza0h4

The post Почина поранешниот фудбалер на Реал Мадрид и колумбиски репрезентативец Фреди Ринкон appeared first on Република.

Денеска стигна извештајот за корупција и Македонија е рангирана по корупција со Косово Колумбија Етиопија, Гвајана, Мароко, Суринам и Виетнам. Во едно вакво друштво кој нормален ќе ви даде почеток на преговори со ЕУ кога земјите членки се во првите 30 места. Најлошо рангирана е Бугарија, но и таа е далеку пред нас, вели Александар Николоски потпретседател на ВМРО-ДПМНЕ, за „јади бурек“ на Телевизија Сонце при што посочи дека корупцијата е една од причините зошто многу земји членки не сакаат да не видат во исто друштво со нив.

Николоски истакна дека проблемот зошто Македонија не почнува преговори, не е светски заговор или неправда туку затоа што државата не е средена.

Нема функционален систем на владеење на право, нема борба против корупција, државата економски не расте, ниту со странски инвестиции ниту се стимулираат домашните компании, рече Николоски.

Тој посочи дека ако земјите членки се убедени дека Македонија заслужува да биде дел од ЕУ, ќе пуштат дипломатски тешкаш кој ќе изврши влијание во Софија, но поради корупцијата и сите други работи, тоа не се случува.

Добар дел членки се против проширување. Од нивна гледна точка тоа може да изгледа правилно, од друга страна има притисок за проширување по логиката ако ги интегрираме ќе ги менуваме, но контрааргумент на тоа се Романија и Бугарија кои по влезот пропаднаа и се иселија. Затоа некои земји членки сметаат дека не сме спремни, со овој степен на корупција со невладеење на правото, државата нема теорија да стане членка на ЕУ, потенцираше Николоски.

The post Николоски: Македонија по корупција е на исто ниво со Колумбија и Етиопија appeared first on Република.

Колумбиската управа за борба против наркотици при рутинска проверка во пристаништето Буенавентура открила контејнер во кој имало еден тон кокаин, при што товарот бил наменет за балкански нарко-картел, а дестинацијата на бродот била Бугарија.

Кучиња трагачи успеале да откријат психотропни супстанци во пратката со крзно и кожени производи, објави колумбиската веб-страницата „Каракол“.

Полициските службеници потоа извршиле детален преглед на стоката и пронашле пластични фолии со „бела материја“, која по тестирањето била позитивна на кокаин, а пратката била тешка еден тон.

Прелиминарната истрага утврдила дека кокаинот бил наменет за европски картел од Балканот, со цел понатаму да се дистрибуира на Запад, во земји како Италија, Франција и Германија, каде би можел да се продаде за околу 75 милиони долари.

The post Пратката од еден тон кокаин од Колумбија била наменета за во Бугарија? appeared first on Република.