Градските власти во Рим соопштија дека преземаат мерки за сузбивање на наездата на стаорци околу Колосеумот, откако туристите на социјалните мрежи објавија фотографии од глодари во близина на објектот.

Директорката на градскиот оддел за собирање ѓубре, Сабрина Алфонси за италијанските медиуми изјави дека е почната „специјална интервенција“ за да би се осигурало дека луѓето може безбедно да поминуваат низ едно од најпосетуваните туристички места во Италија.

Операцијата ќе продолжи и наредната недела со чистење на зелените површини околу Колосеумот и одводите каде се вообичаени стаорците, како и поставување стапици, се вели во соопштението на градските власти.

The post Голема наезда од стаорци околу Колосеумот: Градските власти на Рим преземаат мерки за безбедн престој на туристите appeared first on Република.

Втор пат за помалку од еден месец, туристка е фатена како сквернави една од најпознатите историски атракции во Италија. Тинејџерка од Швајцарија е последниот престапник што е фатен од локален туристички водич како го врежа своето име во античкиот амфитеатар.

Водичот успеал да ја сними девојката (17) како ја пишува буквата Н на ѕидот на Колосеумот.

„Ова е прв пат да успеам да снимам вандалски чин во Колосеумот, но за шест години видов десетици, има и такви кои кинат делови од ѕидот“, изјави Дејвид Батаглино за Република Рома. „Еднаш дури ме плукаа дека сум искарал момче.

Откако Батаглино го пријавил последниот вандалски чин во Колосеумот, полицијата наводно ги испрашува тинејџерката и нејзините родители. Тој изјавил дека родителите на девојчето го оправдале нејзиното однесување велејќи:

„таа е само дете, ништо лошо не направила“.

Nuovo sfregio al Colosseo, una turista svizzera incide le sue iniziali: rischia il carcere e una maximulta. E' stata filmata da una guida e denunciata #ANSA https://t.co/LwYpfzyrdK pic.twitter.com/ZptKpOD1Db

— Agenzia ANSA (@Agenzia_Ansa) July 15, 2023

Италијанските медиуми јавуваат дека семејството се соочува со парична казна од 15.000 евра, што е максималната сума одредена во таа земја за вандализирање на историското наследство. Оваа вест доаѓа само неколку недели откако маж беше фатен како го вандализира Колосеумот кон крајот на јуни. Бугарин кој живее во Обединетото Кралство предизвика големо негодување со тоа што го издлаби името на својата девојка на антички камен.

Иван Димитров, кој живее во Бристол, е снимен како ги резба своите иницијали Хејли Брејси во структурата стара 2.000 години. Видеото од инцидентот набрзо стана вирално, а италијанската полиција го пронашла парот во Бугарија, по што Димитров се покајал.

The post Девојка фатена како си резба името на римскиот Колосеум: „Родителите ја оправдаа“ appeared first on Република.

Туристот кој го врежа своето и името на неговата девојка на 2.000 години стариот Колосеум во видеото што го видоа милиони е Бугарин кој работи како фитнес инструктор во Велика Британија, откри „Дејли мејл“.

Иван Димитров (27), кој исто така се вика Иван Хокинс, беше фатен на камера од американскиот турист Рајан Луц како ги со клуч ги пишува имињата „Иван и Хејли 23“ на ѕидот на Колосеумот.

Иван со бугарско потекло минатиот викенд бил во Рим со долгогодишната девојка Хејли Брејси (33). Полицијата вети дека ќе го фати виновникот.

„Дејли мејл“ утврди дека Иван, кој по потекло е од Ловеч, работи како фитнес тренер во Бристол, како и возач на достава. Се верува дека Хејли води сопствен бизнис за спортска исхрана.

https://www.youtube.com/watch?v=OGYe1Z4EbQ0

The post Бугарин кој живее во Англија е туристот кој чкрташе на Колосеумот во Рим appeared first on Република.