Денес претседателот на ВМРО-ДПМНЕ Христијан Мицкоски одржа состанок со претседателите на партиите дел од Коалицијата за Обнова на Македонија.

На состанокот претседателите на сите партии беа едногласни дека со секој поминат ден со СДСМ и ДУИ на чело на владата народот живее се полошо, криминалот е секојдневие, а сиромаштијата се повеќе ни се заканува.

Премногу е од оваа власта, е генералниот заклучок од средбата, констатација која што велат не е само нивен став, туку и на стотици илјади граѓани низ државата.

Претседателите на политичките партии дел од Коалицијата за Обнова на Македонија дадоа поддршка за протестот во сабота на 18-ти јуни, и сите политички партии учествуваат во негова подготовка и се поголема масовност на истиот.

Пораката која власта одамна одбива да ја прими е дека е премногу, и дека мора да се распишат предвремени парламентарни избори, за на чело на државата да застане политичка коалиција која ќе ја извади Македонија од кризите во кои СДСМ и ДУИ не втурнале.

The post Премногу е катастрофи: Партиите од Коалицијата за Обнова на Македонија го поддржуваат протестот на 18 јуни appeared first on Република.

Централниот одбор на ГРОМ донел одлука за официјално раскинување на коалицијата со ВМРО-ДПМНЕ. Како што информираат од оваа партија на вчерашната седница се одлучувало по неколку важни точки на дневен ред, кои се однесувале на дејствувањето и позиционирањето на ГРОМ на политичката сцена како и идните чекори на партијата и избор на раководни тела на партијата.

„Точка за одлучување од круцијално значење на Централниот oдбор беше напуштање на коалицијата со ВМРО-ДПМНЕ, по исцрпната дебата, Централниот одбор донесе одлука за раскинување на коалицијата со ВМРО-ДПМНЕ“, се вели во соопштението од ГРОМ.

Меѓу другото на состанокот на ЦО бил донесен и заклучок дека ГРОМ ќе продолжи да дејствува опозициски и ќе се подготвува за самостоен настап на следните парламентарни избори.

Пред неколку дена градоначалникот на Карпош Стевчо Јакимовски соопшти дека по 99 месеци ја прекинува коалициската соработка со ВМРО-ДПМНЕ и дека таа коалиција повеќе не може да опстои во оваа скопска oпштина.

The post ГРОМ официјално ја раскинува коалицијата со ВМРО-ДПМНЕ appeared first on Република.