Денеска истекува рокот за преименување на здруженијата, чиишто имиња се сметаат за навредливи и претставуваат провокација што предизвикува тензии меѓу Македонија и Бугарија, во спротивно, согласно законските измени за здруженија и политички партии од ноември 2022 година, ќе бидат затворени. Здружението од Охрид „Цар Борис Трети“ има поднесено барање до Централниот регистар за промена на името согласно измените во Законот за здруженија и фондации. Од Културниот центар „Иван Михајлов“ од Битола, пак, на ден пред истекот на рокот, се уште немаат доставено барање за измени.

Бугарските клубови, согласно Законот за здруженија и фондации, што беше донесен по скратена постапка во ноември 2022, се обврзани да побараат пререгистрација или во спротивно им се заканува укинување.

Од Централниот регистар за МИА потврдија дека на 10 февруари е доставен допис со барање за усогласување на работата на Здружение за афирмација на културните вредности на македонските Бугари „Цар Борис Трети“ Охрид  и дека постапката è во тек. За здружението „Иван Михајлов“ од Битола  досега не е поднесено барање.

Според постоечката легислатива, доколку двата клуба не го сменат името, треба да заседава владината Комисија и да донесе став, што потоа треба да биде доставен до Министерството за правда и врз основа на тоа министерот да донесе одлука. Доколку одлуката е негативна, здружението треба да биде избришано од Централниот регистар.

Според измените на Законот за здруженија и фондации, се забранува граѓански здруженија, фондации и политички партии да користат имиња, прекари, псевдоними кои се поврзани со фашизам, нацизам, геноцид, третиот рајх и сл. Законот е со ретроактивно дејство и се однесува на веќе регистрираните здруженија и фондации и предвидува оние што нема да постапат според наведените измени, да се бришат од регистарот откако одлука ќе донесе министерот за правда.

Со измените се уредува дека „како име или назив на здружение не можат да бидат употребени имиња што по која било основа во минатото се поврзани со расна, верска, национална, етничка и друга нетрпеливост, нетолеранција, омраза, геноцид, екстремизам, ширење или поддршка на фашизам, нацизам, националсоцијализам и третиот рајх. Ако во името на здружението е содржано такво име, одобрение дава министерот за правда, по препорака на  Комисија која ќе биде формирана од министерот за правда со претставници на Министерството за култура, Институтот за национална историја, МАНУ и Министерството за правда“.

Тогаш бугарското МНР изрази загриженост поради изгласаните измени на законите за здруженија и фондации и за политички партии во македонското Собрание, оценувајќи дека „измените имаат за цел дискриминација и ограничување на правото на здружување на Бугарите во Македонија, бидејќи има еднострано толкување на историските факти“.

Министерот за надворешни работи Бујар Османи вчера се сретна со Ѓорѓи Трендафилов и со Љупчо Ѓоргиевски, претставници на различни организации на бугарската заедница во Македонија при што биле размените мислења за прашања што ја засегаат бугарската заедница во Македонија, предизвиците со кои се соочуваат здруженијата, како и можностите за подиректна и поинтензивна соработка со државата.

-На средбата беше изразено задоволство од директниот пристап во размената на мислења, како и интенцијата за повторна средба и засилена динамика на комуникација, со цел подиректно вклучување на бугарската заедница и здруженијата кои нив ги претставуваат во рамките на редовната соработка на државата со граѓанскиот сектор, информираа од МНР.

The post Денеска е последен ден за пререгистрација на бугарските клубови appeared first on Република.

Слободен печат“ дознава дека охридското здружение „Цар Борис“ ќе го смени името и дека веќе ги поднело потребните докумети до Централниот регистар за да се усогаси со измените на Законот за здруженија и фондации, а битолското здружение „Иван Михајлов“ досега не поднело никакво барање до Централниот регистар.

Од Централниот регистар велат дека охридското здружение пред три дена покренало постапка за да се усогласи со измените на Законот на здруженијата и фондациите.

Бугарската агенција БГНЕС  пак  објави дека министерот Османи побарал средба со претставниците на македонските Бугари. Агенцијата наведува дека барањето за средба е на само една недела откако еврокомесарот за проширување Оливер Вархељи разговарал со македонските бугарски лидери во Брисел

The post „Цар Борис“ ќе си го смени името? appeared first on Република.

Министерството за надворешни работи го осуди вечерашното повторно оштетување на стаклото на бугарскиот клуб „Цар Борис Трети“ во Охрид.

– Министерството за надворешни работи на Република Македонија најстрого го осудува вандалскиот чин што се случил вечерва, 23 ноември, при што меѓу другото со употреба на оружје се оштетени надворешните стакла на граѓанскиот клуб во Охрид. Особено загрижува фактот што овие вандалски активности се повторуваат во многу краток период, имајќи предвид дека пред само неколку дена, на 20 ноември, бевме сведоци на уште еден вандалски чин кога беше оштетен излогот на клубот. Ваквите настани се целосно неприфатливи, можат да загрозат човечки животи, и ги засилуваат ретроградните процеси кои се во спротивност со европските интеграции на земјава, се наведува во реакцијата за МНР.

Министерството ги повикува надлежните институции да ги истражат околностите под кои се случија овие „вандалски активности“ и да преземат итни мерки за откривање на сторителите, како и да преземат дополнителни превентивни активности со цел да се обезбедат соодветни услови за непречено одвивање на активностите на овој и сите други граѓански клубови и здруженија во земјава.

– Сите граѓани на Република Македонија имаат еднаква слобода на здружување заради остварување на нивните права и уверувања, што преставува и законски и уставно загарантирани човечки, граѓански права и слободи – државата како веродостоен кандидат за членство во ЕУ тоа мора да го обезбеди. Истовремено апелираме до сите граѓани за одговорно однесување и почит кон правата и слободите на другите, напоменувајќи дека мултиетничкиот карактер на нашата држава е една од темелните вредности на уставниот поредок, кое претставува право и обврска за секој од нас, се додава во соопштението на МНР.

Портпаролот на СВР Охрид Стефан Димоски за МИА потврди дека вечерва во 19 часот и 12 минути во полицијата било пријавено оштетување на стакло на канцеларијата на здружението „Цар Борис Трети“, лоцирана на булеварот „Македонски Просветители“ во трговскиот центар Амам во Охрид.

– Полициски екипи при СВР Охрид излегоа на местото на настанот при што е утврдено дека на стаклото од надворешната врата и стаклото од излогот на канцеларијата има две оштетувања направени од оружје, изјави Димоски за МИА.

За настанот бил известен јавен обвинител од ОЈО Охрид, по чии насоки се преземаат мерки за расчистување на настанот

The post На „Цар Борис“ е пукано со оружје, МНР со осуда appeared first on Република.

Министерството за надворешни работи на Бугарија остро го осудува оштетувањето на културниот клуб „Цар Борис Трети“ во Охрид извршено ноќта меѓу 20 и 21 ноември 2022 година.

-Таквите постапки намерно ги попречуваат напорите за воспоставување пријателство, добрососедство и соработка како водечки принципи во односите меѓу Бугарија и Република Македонија (РСМ), соопштија од МНР на Бугарија.

Според нив, имињата на бугарските клубови не се причина за таа кампања и потенцираат дека „лидерот на најголемата опозициска партија во Скопје веќе отворено повикува на итно затворање на бугарските клубови само затоа што се бугарски, без разлика како се нарекуваат“.

-Убедени сме дека Министерството за надворешни работи на Република Македонија ќе има навремена и соодветна реакција на она што се случи, се наведува во ставот.

Реакцијата на властите на овој и на другите случаи на криминал од омраза ќе биде показател за сериозноста што Владата во Скопје ја придава на градењето добрососедски односи и на процесот на пристапување во ЕУ, соопштија од МНР на Бугарија

The post Бугарија се налути што е скршен „Цар Борис“ appeared first on Република.

Уставниот суд денеска информира дека поради интерес на повеќе медиуми и организации оформен е предмет во кој се оспорени Статутот и Програмата на Здружението „Културен центар Иван Михајлов“.

– Предметот се наоѓа во почетна фаза, односно во претходна постапка и е предаден на работа кај советник на Судот и судија кои во следниот период треба да подготват реферат со конкретен предлог по којшто Уставниот суд  ќе одлучува на седница, стои во соопштението.

Подносител на иницијативата е политичката партија „Левица“. Подносителот наведува дека оспорените Статут и програма се спротивни на членот 20 став 2 од Уставот затоа што според него се насочени кон разгорување на национална или верска омраза или нетреливост. Во иницијативата е наведено дека дејствувањето на Здружението е насочено кон уривање на уставниот поредок на Републиката и разгорување на  национална омраза и нетрпеливост. Подносителот на иницијативата бара поништување на оспорените акти.

Од Уставниот суд информираат дека е оформен предмет во кој се оспорува Програмата за работа и Статутот на Здружението за афирмација на културните вредности на македонските бугари „Цар Борис Трети“ – Охрид. И овој предмет се наоѓа во рана фаза – претходна постапка во која се прибираат потребните информации.

Подносител на иницијативата е адвокатот Тони Менкиновски.

-Во иницијативата се наведува дека оспорените акти се противуставни бидејќи се насочени кон насилно уривање на уставниот поредок, попречување на слободното изразување на националната припадност на македонскиот народ, негирање на неговата самобитност и разгорување на национална омраза или нетрпеливост. Подносителот на иницијативата бара поништување на оспорените акти, се вели во соопштението од Уставен суд.

The post Уставниот суд оформи предмети за „Ванчо Михајлов“ и Цар Борис“ appeared first on Република.

Лице од Софија, Република Бугарија со два ножа вчера било приведено во близина на бугарскиот културен клуб „Цар Борис Трети“ во Охрид.

Лицето кое се движело кон неодамна отворениот бугарски културен центар им било сомнително на полициските службеници, што биле во близина, и при негов претрес ги пронашле ножовите со должина на сечилата од 10 и 15 сантиметри.

СВР Охрид денеска соопшти дека во трговски центар „Амам“ на булеварот „Македонски Просветители“ во Охрид во 11 часот полициски службеници го лишиле од слобода И.Н.И.(22) од Република Бугарија.

При преглед, кај него пронајдени и одземени се два ножа, со што сторил прекршок по член 80 од Законот за оружје, изјави портпаролот Стефан Димоски.

Појасни дека казненото дело е процесирано по брза постапка, бидејќи се работи за странски државјанин, а лицето добило забрана од две години за влез во Република Македонија.

Тој е предаден на Судија на претходна постапка при Основниот суд во Охрид, додаде Димоски.

The post Бугарин фатен со ножеви пред бугарскиот клуб во Охрид appeared first on Република.

Четириесет и седумгодишен охриѓанец ја искршил таблата, поставена над просториите на новоотворениот бугарски културен клуб „Цар Борис Трети“ во Охрид, информира портпаролот на СВР Охрид, Стефан Димоски.

Според него, вчера бил извршен разговор со Г.И.(47) од Охрид, при што било констатирано дека тој е сторител на кривичното дело „оштетување“, извршено на рекламна табла со натпис „Цар Борис III“ поставена над објектот од здружението лоцирано во трговскиот центар „Амам“ на булеварот „Македонски Просветители“ во Охрид.

Во врска со делото, предвидено во член 243 од Кривичниот законик, а во консулатација со јавен обвинител, СВР Охрид до Здружението ќе испрати известување имајќи предвид дека согласно чл.243 ст.3 гонењето за делото се презема по приватна тужба, стои во информацијата на СВР Охрид.

Охриѓанецот, вчера претпладне со земјоделска алатка ја искршил таблата на која стоеше натписот „Цар Борис Трети“, а потоа сам се пријавил во Полициската станица во Охрид. Делото го извршил самоиницијативно, но не ги навел причините.

The post Охриѓанецот сам се пријавил в полиција дека ја искршил таблата на „Цар Борис III“ appeared first on Република.

Вчера во СВР Охрид извршен е разговор со Г.И.(47) од Охрид и притоа констатирано е дека тој е сторител на кривичното дело „оштетување“, извршено на рекламна табла со натпис „Цар Борис III“ поставена над објектот од здружението лоцирано во трговскиот центар „Амам“ на булеварот „Македонски Просветители“ во Охрид, соопшти денеска МВР.

Во врска со делото, предвидено во член 243 од Кривичниот законик, а во консулатација со Јавен обвинител, СВР Охрид до здружението ќе испрати известување заради нивно натамошно постапување, додаваат оттаму.

The post 47-годишен охриѓанец ја оштетил таблата на клубот „Цар Борис Трети“ appeared first on Република.

Министерството за надворешни работи соопшти дека најстрого го осудува „вандалскиот чин“, кој се случи денеска во Охрид, а со кој е искршена таблата на неодамна отворениот бугарски клуб.

https://republika.mk/vesti/crna-hronika/tolku-od-car-boris-vo-ohrid-unishtena-tablata-so-natpisot/

Од МНР потенцираат дека според Уставот, и според долгогодишната пракса во земјава, сите граѓани имаат еднаква слобода на здружување заради остварување на нивните права и уверувања. Од МНР ги повикуваат сите надлежни институции да преземат соодветни мерки за овозможување на непречено исполнување на сите со Устав и закон загарантирани човечки и граѓански права и слободи.

Истовремено, го повторуваме апелот и до сите граѓани и здруженија на граѓани за зрело и одговорно однесување со почит кон правата и слободите на другите, напоменувајќи дека мултиетничкиот карактер на нашата држава е една од темелните вредности на уставниот поредок, кое претставува право и обврска за секој од нас, се вели во соопштението од МНР.

Претходно, од СВР Охрид информираа дека е оштетен дел од таблата на која е испишано името на новоотворениот бугарски културен клуб „Цар Борис Трети“ во Охрид.

Околу 12 часот и 45 минути во СВР Охрид пријавено е оштетување на дел од таблата поставен над просторијата во која е сместен бугарскиот културен клуб „Цар Борис Трети“. Екипи на СВР Охрид во моментот вршат увид на местото на настанот и се работи на расветлување на случајот, изјави Димоски за МИА.

Бугарскиот клуб беше отворен пред пет дена, а на денот на отворањето пред просториите се одржа протест на кој револтирани граѓани го изразија своето незадоволство против името на клубот.

The post Од МВР најостро го осудуваат „вандалскиот чин“ appeared first on Република.

Премиерот Димитар Ковачевски го осуди отворањето на бугарскиот културен клуб со името „Цар Борис Трети“ во Охрид, чие отворање беше најавувано со месеци, а се случи денеска во напната атмосфера и со протест против контроверзното име на клубот, на кој учествуваа неколку стотици граѓани.

„Го осудувам отворањето на тој културен центар со такво име, иако го имаат отворено граѓани на нашата држава. Сметам дека тоа е провокација, која никому не му носи добро. Сметам дека отворање културен центар треба да носи име на некој кој зближува, а не на некој кон кој граѓаните во оваа држава имаат негативни чувства, не само Македонците, туку доминанто и Евреите бидејќи знаеме што се има случено со еврејската заедница во нашата држава во Втората светска војна. Треба да се има почит од организаторите на тоа здружение“, изјави вечерва Ковачевски во гостувањето на ТВ21.

Тоа, според премиерот, е аспектот на осуда и на провокација. Тој смета дека тоа се „мали групи кои имаат некакви свои, лични интереси во формирањето клубови со такви имиња“.

Прашан кои се луѓето што го прават тоа, Ковачевски рече дека не ги знае и дека тие не се блиски до СДСМ или поврзани со партијата.

Спред него, од легалистички аспект ние имаме „премногу либерално законодавство во делот на организирање НВО и здруженија и во делот на определување имиња, дури и на трговски друштва и компании“. Затоа, како што додаде, Владата го формирала ад хок телото во Министерството за правда кое ќе ги разгледува предлозите за имиња на новоотворените здруженија.

„Се подготвува нов закон за здруженија на граѓани, кој треба ова да го превенира. Ги повикувам сите политички партии да учествуваат во финализирањето на ова законско решение бидејќи на такви групи и поединци кои веќе втор или третпат злоупотребуваат чувства на граѓаните на оваа држава заради лични треба да сестави крај“, рече Ковачевски.

Претходно денеска, министерот за внатрешни работи Оливер Спасовски беше првиот висок владин функционери кој го осуди отворањето на бугарскиот клуб со контроверзно име, велејќи дека неговиот личен став е дека е „апсолутно неприфатливо да биде промовиран начинот на однесување преку ликови кои биле дел од фашизмот“.

The post По свадба тапани: Ковачевски го осуди името на клубот и го нарече провокација appeared first on Република.

Претседателот на ВМРО-ДПМНЕ Христијан Мицкоски во вечерашното гостување во емисијата „360 степени“ на Алсат-М Телевизија изјави дека отворањето на бугарскиот клуб на фашистичкиот окупатор Цар Борис е тешка провокација, тоа е последица на прифатените отстапки од оваа Влада

„Проблемот е што нас денеска од Охрид ни се случува типичен обид за асимилација, а тоа е Цар Борис Трети, културниот бугарски центар. Во Битола претходно ни се случи „Ванчо Михајлов“ се сеќавате тогаш имаше разни изјави од страна на Владата дека во Благоевград ќе никнел културен центар „Гоце Делчев“ или не знам како веќе се обидуваат да шпекулираат дека ќе има македонски културен центар, но од тоа ништо не се случи“, рече Мицкоски.

Мицкоски посочи дека не слушнал од Бугарија да се зборува за заеднички проект од патната инфраструктура, па да се добие голем грант од ЕУ, кога за тоа ќе се зборува и кога ќе се слушне од другата страна јасен став дека нема да се има намера да се занимава со историјата, бидејќи историјата не може да биде вечна за интегрирањето на Македонија.

„Јас ниту еднашка не видов од бугарска страна да зборуваме за тоа што е актуелно денеска, а тоа е изградба на новиот интерконектор помеѓу Македонија и Бугарија во делот Струмица – Петрич, па да се приклучиме на оној гасовод“, кажа Мицкоски.

Мицкоски потенцираше дека не гледа ништо добрососедство во тој Договор и ништо пријателско во тој Договор. Затоа тој вели дека процесот на Македонија наместо да биде интегрирање ќе стане процес на асимилирање и според него тој тоа не може да го прифати.

„Со бугарскиот договор процесот на интеграција на Македонија станува процес на асимилирање и тоа го гледавме во многу процеси изминатиот период, го гледаме и денес со отварањето на клубот со име на човекот кои ги предводел фашистичките окупатори во Македонија во време на втората светска војна и кој е најодговорен за егзодусот на многу македонски граѓани, македонски Евреи во станкционираните логори“, посочи Мицкоски.

The post Тешка провокација е отворање на клубот на фашистичкиот окупатор цар Борис, смета Мицкоски appeared first on Република.

СДСМ ја осудува денешната провокација во Охрид, но и секоја друга провокација, наша обврска е институционално да најдеме решенија за да ги затвориме овие прашања за кои сме свесни дека има незадоволство, порача пратеничката на СДСМ, Марија Георгиевска во гостување во емисијата „Само вистина“ на Канал 5 Телевизија.

„Оваа држава почива на херојството на нашите предци и делата од антифашистичката борба и за нас тоа како партија е важна, безвременска вредност. Уверени сме дека ова се спорадични, поединечни случаи на провокации кои се од трет интерес, бидејќи има групи од двете страни кои сакаат двете држави да бидат во вечен конфликт кој нема да донесе ништо добро“, порача Георгиевска, додавајќи дека има недоречености во Законот за граѓански здруженија и дека Министерството за правда веќе работи на измени на Законот кои ќе се донесат низ дебата и инклузивен процес на консултации.

Осврнувајќи се на работата на Собранието, Георгиевска порача дека ВМРО-ДПМНЕ блокира законски измени и со тоа нанесува штета на граѓаните.

„Како ВМРО-ДПМНЕ проценува кои закони се штетни за граѓаните? Ексклузивно право си дава ВМРО-ДПМНЕ да оценува дали некое законско решение дали е во интерес на граѓаните, а сите закони се за граѓаните и нивните интереси“ посочи Георгиевска.

Пратеничката Георгиевска истакна дека ВМРО-ДПМНЕ свесно сака да предизвикува кризи во државата, затоа што во таа партија се исплашени од правдата.е

„Вие во ВМРО-ДПМНЕ не сакате да функционира правосудниот систем, затоа што ви следат обвиненија, затоа што дека треба да одговарате пред судските органи. Свесно сакате да направите криза секаде за да не функционира државата, затоа што сте исплашени од правдата“ порача Георгиевска.

The post Отворање клуб „Цар Борис“ за СДСМ е само „спорадична, поединечна провокација“ appeared first on Република.

За жал гледаме дека падот на демократијата и молчењето на институциите практично им овозможуваат на оние кои не ѝ мислат добро на Македонија да промовираат најгрозоморни идеи и ликови од мрачни делови од историјата. Сето она што ни се случува антимакедонското движење, асимилаторски тенденции, негирање на македонскиот јазик и идентитет, промовирање на ликови кои се поврзани со иредентистички барања за жал доаѓаат како резултат на политиката на СДСМ, изјави пратеникот од ВМРО-ДПМНЕ, Миле Лефков за „Само вистина“ на Канал 5, во врска со отворањето на бугарскиот клуб „Цар Борис Трети“.

„Вистинското прашање е зошто потфрлаат институциите во Македонија, зошто ова го дозволуваат, зошто премолчуваат и зошто дозволуваат овие провокации да ни се случуваат во Македонија и да има вакви немили слики“, рече Лефков.

Во врска со комисијата која ја формираше владата за имиња на организации и клубови, Лефков посочи дека власта кога не сака нешто да се заврши формира комисија.

„Тоа гледаме и со енергетската криза, како се формираат совети а стопанството никако да добие помош. Уште во мај и август за овие клубови обвинителството отвори постапка и се уште се во предистрага. Она што граѓаните може да го забележат се изјавите на Заев дека сме еден народ и зборуваме ист јазик со Бугарите што наиде воодушевување во Бугарија. Сега го имаме овој сплет на настани, а Бугарија кога стана членка во ЕУ имаше изјави дека немаат отворени прашања со соседите. Погледнете до денеска каков пресврт имаме особено по потпишувањето на фамозниот Договор за пријателство и соработка“, истакна Лефков.

На тоа дека власта немала механизми да го спречи името на Борис Трети да се најде на ваков клуб, потсети дека видовме како беше забранет зборот „Македонија“ при регистрирање на здружение и фондации,  затоа посочи да не се вади Тупанчевски дека немале механизми да забранат.

„Има механизми, факт е дека потфрлаат кога треба да има јасни реакции во заштита на македонскиот идентитет. Институциите потфрлаат кога треба да се спротивстават на барањата на Бугарија, јасно е тоа и тоа е поврзано со договорот кој го потпиша Заев со Борисов. Ќе поднесеме закон кој ќе ги регулира овие ситуации да избегнеме вакви изјави дека не биле во можност да спречат, ние остануваме на ставот дека сето ова можеше да се спречи“, истакна Лефков.

При своето гостување Лефков потсети дека иницијативата за референдум поднесена од страна на ВМРО-ДПМНЕ ја одби Талат Џафери, односно се дрзна мериторно да одлучува, се повика на член 118 од Уставот и повика дека меѓународен договор не можел да биде менуван со закон.

„Ние во тој момент не поднесовме предлог на закон туку поднесовме предлог за граѓанска иницијатива за референдум, а референдумот се знае дека е непосреден начин на изјаснување на граѓаните. Практично претседателот на Собранието или спикерот Талат Џафери влезе во една политика за заштита на власта на оваа коалиција СДСМ – ДУИ и за жал непринципиелно, мериторно без да ја достави иницијативата до законодавно – правната комисија и до комисијата за политички систем и мериторно одлучи во името на цело Собрание и ја отфрли“, потсети Лефков.

The post Лефков: Зошто институциите дозволуваат провокации како „Цар Борис“? appeared first on Република.

Како Еврејка сум силно навредена од користењето на ваквиот назив, без разлика на реториката дека претставниците од здружението дека не им било тоа намера, го знаат историското минато на Цар Борис Трети, а самото знаме кое го вееја каде царот  е во воена униформа што праќа одредена политичка порака, изјави пратеничката од ВМРО-ДПМНЕ, Рашела Мизрахи за „Тема на денот“ во дневникот на Сител.

Дека Цар Борис Трети имал фашистички наратив таа посочи дека потпишувал закони против Евреите и дека самиот лично има средби со Хитлер.

„Во текот на 1940 година парламентот на тогашна Бугарија носи закон за чиста нација, кој е пандан на Нирнбершките закони, тоа законско решение ги уредува правата на Евреите носење на жолти значки и губење на граѓанските права и позиционирање на Евреите пониско од животни. Граѓанството било против, интелектуалците, Цар Борис не бил против.  На 21 јануари 1941 година указот од законот е потпишан од Цар Борис Трети. После овој закон следува законот за еднократен данок, односно одземање на имотната состојба на Евреите и биле спремани за депортација“, рече Мизрахи.

Мизрахи посочи дека носењето на овие две законски решенија е 3 месеци пред Бугарија да влезе во хитлеровиот пакт, значи пред да се приклучат тие ги спремале законите. .

„Еден од важните цитати на Цар Борис Трети е следниот: „Евреите се најголемо европско и национално зло, тие се народ без вера и морал“. Имаме и цитати каде вели дека еврејството создава омраза, безверие, неморал и дека било виновно за сите војни и катаклизми. Тој фашистички наратив бил присутен кај Борис Трети“, истакна таа.

Мизрахи додаде дека 7.144 Евреи се собрани во Тутунскиот комбинат во Скопје и понатаму со три конвои пренесени во Треблинка од каде никој не се враќа, во тие имаме 1.500 деца под 15 години.

„Доколку сакаме да прикажеме добрососедство и добронамерност тоа се прави едноставно, жал ми е што го одбираат начинот на зло помеѓу двата народи“, изјави Мизрахи.

„Доколку државата сака секогаш се има начин да се спречи било што. Доколку јас правам нешто кое што е неприфатливо за оваа држава, без разлика дали имам пратенички мандат ќе бидам спречена до утре наутро. Претпоставувам дека истото важи за сите граѓани во оваа држава. Меѓутоа дека државата покажува институционална дисфункционалност е од повеќе од јасно. Врвот на таа дисфункционалност е секако Владата на државата, таа го поставува редот на нештата, таа ја поставува аритмиката на функционирање на институциите. Се чини дека последните 5-6 години особено последнава што е страотно бидејќи од КОВИД криза влеговме во страшна економска криза, енергетска криза, топлинска криза и така натаму, нашите институции буквално не функционираат“, нагласи Мизрахи.

Мизрахи рече дека државата односно институциите требало да спречат отворање на клубови со фашистички имиња.

„Со ваквиот наратив и однесување на нашите политички елити односно мнозинството и власта се чувствувам поинаква и незаштитена“, истакна пратеничката.

The post Мизрахи: Навредена сум, се чувствувам незаштитено, за цар Борис Евреите биле „најголемото европско зло“ appeared first on Република.

Денешниот протест во врска со отворањето на бугарскиот клуб „Цар Борис Трети” во Охрид заврши без посебни нарушувања на јавниот ред и мир, а наспроти шпекулациите, немало никакви обиди за судир со полицијата, вели министерот за внатрешни работи Оливер Спасовски.

– Јас го разбирам протестот кој го изразуваат граѓаните како најсилно право да го искажат тоа што го размислуваат. Лично јас, осудувам отворање на таков клуб во Република Македонија, посебно во Охрид. Зошто, заради тоа што ние сме држава која е родена на придобивките на НОБ. Тие придобивки ги чуваме, ги негуваме, поради тоа што на тој начин ја чуваме државата. Во идеолошка смисла јас сум следбеник на тие политики и мислам дека е апсолутно неприфатливо да биде промовиран начинот на однесување преку ликови кои биле дел од фашизмот, порача Спасовски во денешното интервју за Макфакс.

Запрашан какво влијание врз безбедносната состојба ќе имаат актуелните случувања и константното провоцирање од бугарска страна со за нас контроверзни имиња од бугарската историја, министерот рече дека во смисла на безбедноста не може да има сериозни нарушувања, бидејќи тоа се маргинални групи, кои заради некакви лични интереси, финансиски интереси, успеваат да ги ангажираат и да бидат дел од некакви процеси овде.

-Најголемото мнозинство од македонските граѓани не ги поддржуваат тие придобивки, туку придобивките кои се база, темел на македонската држава. Затоа е и мојот став таков, личен став, но и став на градот од кој доаѓам. Куманово е град кој жестоко се спротивставил на фашизмот и тоа го направиле плејада на македонски граѓани кои заеднички се бореле против фашизмот, рече Спасовски.

Тој додава дека е многу нелогично тоа што од една страна барањата на Бугарија се дека не треба да се нарекуваат фашисти, наспроти историските факти дека во одреден период на историјата биле на страна на фашизмот, што од друга страна, воопшто не кореспондира со овие настани кои сакаат да ги промовираат во Македонија.

„Едно со друго не оди! Едноставно, мора да се определиме кон иднината, мора да имаме визија за иднината на државата, на граѓаните. Ретроградните процеси нема да придонесат за ништо добро за било кој што живее во Република Македонија“, рече министерот Спасовски.

The post Спасовски го осудува отворањето на клубот „Цар Борис Трети“: По идеологија сум антифашист appeared first on Република.

Не се регистрирани нарушувања на јавниот ред и мир на денешниот протест против отворањето на бугарскиот културен клуб „Цар Борис III“ во Охрид, соопшти попладнево МВР.

Добиј ги најважните вести, бесплатно на Viber
Според СВР Охрид, полицајците ангажирани на обезбедувањето на протестот евидентирале едно лице кое на јавно место фрлило предмет кон група граѓани и тоа ќе добие прекршочна пријава.

– Против лицето ќе биде поднесена прекршочна пријава по член 5 од Законот за прекршоци против јавниот ред и мир, стои во информацијата на СВР Охрид.

The post МВР: Не се регистрирани инциденти на протестот во Охрид appeared first on Република.

The post ВМРО-ДПМНЕ: Ако СДС не поддржуваат фашизам, зошто поддржаа отворање на културен клуб со името на фашистот Цар Борис во Охрид? appeared first on Република.

СВР Охрид соопшти дека на протестот одржан денеска во Охрид, не се регистрирани нарушувања на јавниот ред и мир.

Полициските службеници евидентираа едно лице кое на јавно место, кон одредена група граѓани фрли со предмет“, се вели во соопштението.

Против него ќе биде поднесена прекршочна пријава по член 5 од Законот за прекршоци против јавниот ред и мир.

The post Пријава за лице кое фрлило предмет на протестот во Охрид appeared first on Република.

The post Едноставно е – кој и понатаму ги поддржува СДСМ и владата е соработник на фашизмот и ќе дојди ден кога така ќе биде суден appeared first on Република.

Секој мава со тоа шо го има, коментира пратеникот и лидер на Левица Димитар Апасиев, коментирајќи ги денешните демонстрации во Охрид по повод отворањето на таканаречениот бугарски културен клуб „Цар Борис Трети“, именуван по бугарскиот цар под чие водство Бугарија се приклучи на Тројниот пакт на нацистичка Германија, фашистичка Италија и милитаристичка Јапонија.

https://republika.mk/vesti/makedonija/bugarskiot-klub-vo-ohrid-se-demolira-so-jajca/

Левичарите мавале со ЈАЈЦА по фашистите у Охрид!? Е ако де. Секој мава со тоа шо го има, коментира Апасиев, чија партија беше организатор на денешниот протест.

Левица денеска ја поднесе и иницијативата за референдум против пробугарскиот предлог.

Денес сме сведоци како се вее знамето на цар Борис, додека немаме никаква осуда од Владата на СДСМ и ДУИ. Напротив, вчера и отворено МНР на Бујар Османи директно застана на страната на промоција на фашизмот и побара да се почитува правото на почитување на сите граѓани, дури и на оние кои негуваат фашистички вредности, изјави генералната секретарка на партијата Јована Мојсоска.

The post Апасиев за јајцата фрлени по клубот „Цар Борис“: Секој мава со тоа што има appeared first on Република.