Министерот за здравство Арбен Таравари денеска најави дека наскоро ќе има еден директор на цел Клинички центар, како и дека неколку болници ќе се спојат со здравствени домови.

Одговорајќи на новинарски прашања по промоцијата на новиот микроскоп во државната Очна клиника, Таравари потсети дека кога бил министер за здравство во 2017 година разрешил околу 30 економски директори. Неразрешени останале, рече, уште 10 до 15.

Според Таравари, има јасна анализа колку пари чиниле старо-новите советници кои претходно биле економски директори.

Еден директор приближно примал плата околу 1 500 евра, па пресметајте. Но, наскоро ќе има еден директор на цел Клинички центар и неколку болници ќе се спојат со здравствени домови. Мислам дека сумата е значајна и со тие пари место да ги добива некој што може да биде одговорен во администрација на Клиниката, да не биде директор, би плаќале повеќе инвестиции во здравството, нови апарати, нови згради, реновирање клиники и јавни здравствени институции,... Целта беше таа, не е од сега таа цел. И во 2017 година кога бев министер за здравство разрешив сигурно околу 30 директори, останаа уште 10 - 15 неразрешени, истакна Таравари.

The post Наскоро еден директор на цел Клинички центар и спојување на неколку болници со здравствени домови appeared first on Република.

Ќе успее ли Арбен Таравари да ги спои клиниките на Клинички во една целина која ќе ја раководат еден или двајца менаџери? Министерот за здравство цврсто стои позади планот кој неговите претходници го ветуваа со години. Таравари најави дека во првите денови од септември ќе ги седне на маса раководителите на клиниките – за да се направи анализа и да се бараат решенија кој и како да раководи со најголемиот здравствен центар во Македонија, анализира Алфа.

Од 2-ри септември ќе имам советодавно тело во Министерството со кое што ќе започнеме процесот на интеграција. А тоа е интеграција на Клинички центар и тоа беше ветување да немаме 32 клиники на Клинички центар каде што имаме по пет членови на управен одбор туку да биде еден клинички како секаде во светот. И да има еден директор или двајца директори евентуално борд од директори, ќе видиме кое е најдобро можно решение, изјави Таравари во политичкиот магазин на Алфа, „За или против”.

Инаку, сегашните 30-тина медицински и исто толку организациски директори, како и управни одбори во секоја здравствена установа на Клинички или околу 200 функционери, граѓаните ги чинат околу 1 милион евра. Речиси сите министри последните седум години најавуваа дека ќе ги укинат организациските директори, истото го вети и СДСМ во предизборната програма 2016-та. Но, тоа не се случи.

Идејата на Таравари не е спојување само на скопските клиники, тој вели дека доколку се направи добра реогранизација, болниците ќе раководат и со здравствените домови ширум државата.

Со истиот закон ќе се направат промени и во сите градови .На пример, постои општа болница во Штип, постои здравствен дом во Штип, ние ќе одиме со интегрирање за во секој град да има една јавна здравствена установа. Потоа ќе има шефови за примарно, секундарно здравство епидемиологија и превентива, изјави министерот за здравство.

Инаку, пред само неколку недели министерството за здравство со Владина одлука ги разреши организациските директори во јавните здравствени установи. Таравари смета дека тоа е огромен чекор за да се почне со промените.

Со оваа одлука за најмалку половина милион евра ќе биде побогата здравствената каса за една година. Оваа заштеда е само од укинување на функцијата организациски директор, а во иднина нема да има трошоци за секретари, службени возила, телефони и патувања во странство што досега ги користеа овие функционери.

The post Почнува процесот на спојување на 32 клиники во една appeared first on Република.

СТАОРЦИ СЕ ШЕТААТ ПО КЛИНИКИ - ОВА Е СЛИКАТА ВО РЕСОРОТ ЗДРАВСТВО КОЕ НА МАРГИНИТЕ ГО ОСТАВИ ВЛАСТА ВО ЗАМИНУВАЊЕ
❗️Комисијата за здравство на ВМРО -ДПМНЕ во повеќе наврати алармираше за неводењето грижа за хигиената во клиниките и во повеќе здравствени установи низ државата.
❗ Видеото со огромен стаорец како шета низ Клиниката за кардиологија кое е објавено на социјалните мрежи всушност ја отсликува сликата која денес по 7 години ја остава одродената власт во заминување која не само што не го изгради новиот Клинички центар и во наследство остава пенали за неградење на истиот изразени во најмалку 20 милиони евра оштета, покажа на дело дека не се грижи ниту за хигиената на постојните Клиники.
❓Нема одговори на прашањата:
1. Дали ДСЗИ врши контрола за хигиената на Клиника за кардиологија и другите клиники,но и сите јавни здравствени установи ширум државата и кои се наводите доколку се вршат овие надзори?
2. Дали на секои 6 месеци се врши ДДД во здравствените установи и кои се наводите од овие контроли ☑️ВМРО - ДПМНЕ многу скоро ќе стави крај на лошите практики во здравството, а граѓаните ќе го кажат последниот збор за сите негативни појави во здравствениот систем.
Ќе покажеме вистински што значи одговорно, отчетно и домаќинско работење во интерес на сите граѓани и здравствениот систем, велат во Комисијата за здравство на ВМРО ДПМНЕ.

The post Стаорци се шетаат по клиники: Власта во заминување, ресорот здравство го остава на маргините appeared first on Република.

Доктор Жаклина Шопова, преку социјалните медиуми реагира дека некои од директорите на клинитеим се заканувале на вработените во болниците поради штрајкот на здравствените работници на клиниките.

За да потсетам ако некој (од директорите), не го прочитал колективниот договор, треба да знае дека секој има право да користи пауза за доручек, за ручек, зависно во која смена работи‼️... за протест и штрајк нека си прочитаат кое што е, и како се организира, бидејќи некои директори не се членови на синдикатот па најверојатно не знаат, и поради незнаење им се заканувале на вработените... а, пак оние директори кои се членови на синдикат денес ги немаше на хелиодромот!

 

Да ја потсетам Владата, Министерството за здравство дека белиот мантил и останатиот медицински, но и помошен персонал во сектор здравство беа, се и ќе бидат ХЕРОИ, но ниеден од нив нема да дозволи да биде деградиран, на начин на кој само оваа Влада го прави тоа‼️, реагира д-р Шопова.

The post Д-р Шопова: Директори на клиниките им се заканувале на вработените поради штрајкот appeared first on Република.

Долговите за струја во Клиничкиот центар „Мајка Тереза“ се наталожени бидејќи во последните три години во време на ковид-пандемија не можевме да организираме добро менаџирање, а тука е и енергетската криза што за 500 проценти ја поскапи електричната енергија, изјави денеска министерот за здравство Беким Сали.

Тој уверува дека се работи на решавање на проблемот со заостанатиот долг за електрична енергија на клиниките.

Во изјава за медиумите појасни дека проблемот е кај дел од клиниките кои набавуваат електрична енергија преку заеднички служби.

Еден дел од клиниките набавуваат електрична енергија директно од набавувачи, додека друг дел се преку заеднички служби. Во делот на заедничките служби, поради наталожен долг во период на ковид-пандемија се соочиле со отежнато функционирање во делот на финансиското менаџирање, рече Сали.

Додаде дека Фондот за здравствено осигурување е во комуникација со клиниките и се бара начин како да се надополнат буџетите, со цел да се подмират долговите.

The post Сали: Долговите се наталожени бидејќи во време на ковид-пандемија не можевме да организираме добро менаџирање, а и струјата многу поскапи appeared first on Република.