Клиниката за урологија, утрово, ја посети министерот за здравство, Арбен Таравари, каде заедно со новоименуваниот директор, Башким Шабани, разговараа за потребата од унапредување на условите за третман и хоспитализација на пациентите на оваа клиника. Тоа ќе биде еден од приоритетите на Министерството во наредниот период, соопштија од Министерството.

Министерот ја посети и Клиниката за хематологија, каде со директорката Соња Генадиева-Ставриќ направија обиколка на клиниката и дискутираа за идните планови за инфраструктурно зајакнување на оваа установа.

The post Таравари во посета на Клиниките за урологија и хематологија appeared first on Република.

Од средата е почнато со помали интервенции кои траат пократко и засега не е забележан никаков проблем во смисла со будење и постоперативен третман на пациентите, изјави хирургот уролог Башким Шабани во врска со проблемот со компримираниот воздух и кислородот што ги затвори хируршките сали на клиничкиот центар „Мајка Тереза“.

Во интервју за „Топ тема“ на ТВ Телма д-р Шабани рече дека засега се наоѓа привремено решение, но тоа не е трајно.

По три недели се враќаме во некаква нормала, од средата почнавме со неколку хируршки интервенции, ќе видиме како ќе биде понатаму, рече Шабани.

Според него, листата на чекање ќе се зголемува и поради претстојните годишни одмори.

На листата на чекање моментно има околу 50-60 пациенти. Јас како хирург имам три-четири зафати, цела Урологија конкретно има околу 40 зафати неделно... Здравствениот систем во Македонија, за жал, е централизиран и најголемиот дел од хируршките интервенции се прават во Скопје, истакна Шабани.

Додаде дека во моментот не може да се направи план како да се решава листата на чекање, бидејќи за техничкиот проблем со работа на салите е најдено „некое привремено решение“.

Како ќе биде не знаеме. Се наоѓаме во време на промена на влади, можеби и тоа малку влијае, меѓутоа мислам дека треба да се постапи за што побрзо решавање на тој проблем, рече хирургот уролог.

The post На листата на чекање моментно има околу 50-60 пациенти, вели д-р Шабани од Клиниката за урологија appeared first on Република.

Камен со големина од 8 сантиметри е изваден од мочниот меур на повозрасен пациент во Македонија. Станува збор за најголемиот камен што бил изваден во Македонија во последниве 20-тина години.

Докторот Азим Муса од Универзитетската клиника за урологија „Мајка Тереза“, на својот Фејсбук профил сподели видео и фотографии од хируршката постапка за вадење на каменот, кој наликува на големо јајце.

Каменот го извадивме од уринарен меур, околу 8cm. Ова е најголемиот во последните 20 години“ – напиша докторот над објавата на Фејсбук.

The post На Kлиниката за урологија изваден најголемиот камен од мочен меур во последните 20 години appeared first on Република.