Христијан Мицкоски во интервјуто за „Република“ потсетува дека сето она што досега го објави за скандалот со Клиниката за онколоција кои никој не го дематираше.

https://www.youtube.com/watch?v=XPqTaWb4KtM

Тоа што го објавив во јавноста е извештај на Фондот за здравство кој врши вонреден инспекциски надзор на јавните набавки и работењето на Министерството за здравство и Клиниката за Онкологија. Во МЗ вонредно се мониторира периодот од први август 2021 година до први август 2023 година. На Клиниката за Онкологија опфатен е периодот демекври 2022-јануари, февруари, март 2023 година.Кога сето тоа ќе се анализира доаѓаме до низа заклучоци кои што наведуваат дека не само што не престанало она девијантно однесување на канцер мафијата туку тоа продолжува.Не биле навремено испорачувани лекарствата кои што требало да бидат аплицирани на пациентите и за тоа никој не сноси одговорност а нема ни негативна референца кон дистрибутерите кон веледрогериите.Често пати се создавани дефекти во системот односно отсуство на соодветни медикаменти кои требало да се аплицираат на оние што било најпотребно и морале приватно да ги купуваат.Констатирано е и дека  голем број на пацинти врз основа на нивно барање а извештај на специјалисти и супспецијалисти ја аплицирале таа терапија во други установи.Се поставува прашањето дали постои протокол според кој се дозволува да биде аплицирана терапијата во други установи.Нашите информации говорат дека таков прокол на Клиниката за онкологија не постои.Понатаму, дали транспортот на тие терапии е согласно договорот со дистрибутерот или веледрогеријата, односно дали транспортот на материјалот е на термички услови од два до осум степени или пак можеби се носени во торбичка.Дали пакувањата како доказ се носат во Клиниката за Онкологија дека терапијата е аплицирана и кој стои позади таа апликација на пациентите.Дали вијалите каде што имаме пакување што  поголемо од потребите на пациентот се евидентирани како остаток и  дали се аплицирани на други пациенти.Има многу прашања.За сево не знаеме ни дали Обвинителството има предистрага но знаеме дека оваа канцер мафија и омилената веледрогерија се во една тешка коалиција и ветувам дека кога ВМРО-ДПМНЕ ќе ја предводи Владата сериозно ќе се занимаваме со работењето на оваа Клиника и врските со канцер мафијата.Од свиркачи добиваме сериозни документи, индиции но и докази дека ова се повторува и на други клиники.Ова е грозоморен настан на кој мора да му се стави крај и потребни се имиња и мораме да го впериме прстот кон вистински виновници.Не можеме да ги генарализираме работите.

The post Mицкоски за скандалот „Онкологија“: Од свиркачи добивме документи, индиции, но и докази дека ова се повторува и на други клиники appeared first on Република.

Скандалот „Диво Месо“ на онкологија ја покажува целата монструозност на канцер мафијата која се богатела на грбот на најтешко болните пациенти. После два месеци предистрага Обвинителството молчи за скандалот со Онкологија, нема ни обвинение, па дури ни официјална истрага. Тоа покажува дека власта на СДС и ДУИ го води и овој случај исто како и процесот со трагедијата со модуларната болница, со трагедијата кај Ласкарци или трагедијата со Беса транс. Се оди кон тоа и за Онкологија виновен да биде продолжениот кабел, велат од ВМРО-ДПМНЕ.

Монструозноста во овој случај е во тоа што иако траел со месеци и години наназад, па дури и во 2023 кога наголемо се говорело веќе за злоупотребите со терапијата и третманот на клиниката за Онкологија, реакција од надлежните немало. Ниту министерството за здравство, ниту МВР, ниту ЈО. Согласно документите кои ги презентиравме клиниката за Онкологија и покрај доволните залихи со лекови, набавувала нови количини од омилената веледрогерија на власта. Иако ги “оќореле“ од пари, сепак пациентите биле оставани без терапија и за тоа никој не бил повикуван на одговорност. Како е тоа возможно? Добавувачот на скапата терапија правел дефектури, доцнења, со доставата и никој за тоа не алармирал или не повел постапка.

https://republika.mk/vesti/makedonija/po-objavuvaneto-na-aferata-divo-meso-deneska-nova-sednitsa-na-anketnata-komisija-za-sluchajot-onkologija/

Исто така, она кое што е видливо од документите кои ги претставивме во јавноста, во клиниката веројатно свесно не се водело сметка за трошењето на вијалите со скапата терапија. Односно, ако една вијала се потрошела до половина за еден третман на еден пациент, другата половина не се знае дали и на кого била искористена, затоа што не се водела евиденција. Тоа остава простор за злоупотреби, препродавање на црно или во најмала рака несовесно користење на екстремно скапа терапија која е купена со народни пари. На крајот она кое што особено загрижува е што скапата терапија била давана во торби на лица кои биле заведени како пациенти за да ја аплицираат надвор од клиниката за онкологија, без да се знае дали воопшто била аплицирана или била злоупотребена.

Овде се работи за мафијашки систем на злоупотреба на скапа терапија на клиниката за Онкологија кој траел вклучително и во 2023 година, што предизвикал екстремен трошок за здравството, штета на буџетот и најстрашно од се се правел на сметка на пациенти кои или не добивале терапија или ненавремено ја добивале.

За овој случај не смее да нема одговорност. Овде се работи за диво месо кое го уништува системот на здравствена заштита. Колку и да го кријат, одолговлекуваат или забошотуваат овој скандал, треба да знаат дека документите покажуваат дека се работи за грозоморен криминал за кој сега или наскоро ќе има одговорност.

https://republika.mk/vesti/makedonija/i-za-germancite-vinoven-e-kabelot-shto-izgorea-14-lugje-vo-tetovskata-modularna-bolnica/

The post Сѐ оди кон тоа и за Онкологија виновен да биде продолжениот кабел како за модуларната болница appeared first on Република.

Претседателот на ВМРО-ДПМНЕ, Христијан Мицкоски на денешната прес конференција за скандалот во Онкологија и аферата „Диво месо“ истакна дека канцер мафијата купувале и складирале лекови, иако имало на залихи, но ова што го правеле омилени веледрогерии на власта заработувале милиони на грбот на граѓаните.

Мицкоски нагласи дека со овие лекови кои требало да спасат човечки животи претставувале можност за профит на грбот на здравјето на луѓето.

– Ова се лекови коишто според Фондот за здравство на 31 март биле залиха, односно се наоѓале како залиха и биле подготвени да бидат аплицирани до пациентите. Нормално сите овие лекови доаѓаат од омилената веледрогерија на власта. И ќе започнам, прво тоа е лекот Абиратерон во ампули од 250 милиграми. Според Фондот за здравство на 31 март 2023 година состојбата на залихата била 121.149.360 денари и тој лек е пакуван во две големини 250 милиграми и 500 милиграми. Следен лек е Алектиниб. Состојбата на залиха на 31.03.2023 е речиси 123 милиони денари, или точно тоа е 122.986.958 денари. Понатаму Вемурафениб 240 милиграми, состојба на залиха на 31.03.2023 година 406.464.361 денар. И да не останам должен, Абиратерон, лекот во пакување од 500 милиграми, состојба на залиха на 31.03.2023 година 950.292.000 денари или вкупно нешто повеќе од милијарда ипол денари или нешто повеќе од 25 милиони евра, рече Мицкоски.

Мицкоски посочи дека еден од добавувачите бил омилен на власта на СДС и ДУИ и истиот имал привилегија најчесто да ги добива јавните набавки.

– Овој договор опфаќа се што  претходно прочитав, сите овие лекови кои што претходно ги прочитав се опфатени со овој договор. Но тоа што овие на залиха имале милијарда и пол денари, на 31-ви март, не ги спречило на 27-ми февруари, да распишат јавна набавка, со која што повторно ќе побараат, од истите овие лекови, рамковен договор со овој омилен добавувач, а тој пак, на 8ми мај ќе го склучи овој договор, во вредност од точно 513.656.549,66 денари, со вклучен ДДВ, изјави Мицкоски.

Мицкоски нагласи дека  станува збор за организирана мафија, која што за жал денеска, се уште оперира, која што на грбот на граѓаните заработува.

https://republika.mk/vesti/makedonija/mitskoski-hemoterapiite-na-klinikata-za-onkologija-bile-davani-na-patsientite-vo-torbiche/

The post Мицкоски: Канцер мафијата купувале и складирале лекови на Онкологија, иако имале доволни залихи, омилени веледрогерии на власта заработувале милиони appeared first on Република.

Скандалот на Клиниката за онкологија не е од вчера. Се предупредуваше, но им требаше многу време на надлежните да реагираат. Пропустите, несоодветното работење на членовите на Владата на СДС и ДУИ има висока цена, цената се плаќа со човечки животи, велат од ВМРО-ДПМНЕ.

Со овој скандал најбрутално се погазени човековите права и вредности во здравствената заштита за чие спроведување покрај ресорниот министер директно се одговорни и првиот човек на Владата и Владата во целина. Зошто? Затоа што член 30 од Закон за Влада вели „Владата врши надзор над работата на министерствата и другите органи на државната управа и управните организации“.

Оттука, јасно е дека власта не презела ништо! Непостапувањето носи директна одговорност на Владата на СДС и ДУИ и на Димитар Ковачевски и одговорните за скандалот имаат име и презиме.

Или Ковачевски како премиер е лично одговорен, бидејќи не презел ништо, а е одговорен за работа на министрите во конкретниов случај министрите за здравството.

Одговорни се Беким Сали и Фатмир Меџити. Одговорни се и Венко Филипче и Арбен Таравари.Дополнително, постои сомнеж дека обвинителството предводено од Љубомир Јовески или Ислам Абази нема да спроведат ништо во насока на откривање на вистинските виновници. Или едниот чека власта да го избере за уставен судија, а на другиот цела јавност виде дека на врат му е цела партија-Обвинува ВМРО-ДПМНЕ.

Одговорните имаат име и презиме! Вклучените на било кој начин во овој мега скандал треба да одговараат политички, но и кривично. Мора да има разрешница и да се стави крај на расипничкото владеење кое чини човечки животи.
Овој скандал е уште еден показател дека час поскоро треба да замине оваа одродена власт за да почне рестартирање на здравствениот систем!

The post Одговорните за Онкологија имаат име и презиме: Беким Сали, Фатмир Меџити, Венко Филипче и Арбен Таравари appeared first on Република.

Некрофилната ДПМНЕ наместо да ја поздрави акцијата на надлежните институции, МВР и ЈО, за расчистување на криминалот на Клиниката за онкологија , срамно се обидува да злоупотребува мака на болни.Тоа најмногу покажува на кое ниско ниво, на кое дереџе падна очајниот Христијан Мицкоски,oбвинува СДСМ.

После 20 години за прв пат се расчистува ваков случај, токму од надлежни институции и Влада предводена од СДСМ.Одговорноста за криминалот на Клиниката за онкологија има име и презиме и врз основа на докази и законска институционална постапка ќе се санкционира секој што е инволвиран, години наназад.

Без злоупотреби и без етикетирања на сите доктори и медицински сестри сите вмешани ќе бидат изнесени пред лицето на правдата.

СДСМ нема да дозволи кој било да се богати на сметка на здравјето на луѓето, ниту пак политички да се злоупотребува случајот од криминални партии како ДПМНЕ.

The post СДСМ: ВМРО-ДПМНЕ срамно злоупотребува болни appeared first on Република.

Власта е директно одговорна за монструозниот систем за крадење на терапија од болните кој постоел на клиниката за онкологија. Ковачевски и владата нека не замајуваат со некаков „мултиетнички и мултикултурен“ криминал, туку нека дадат одговори. Зошто откако се воведени скапите терапии кои чинат од 2 до 4 илјади евра се појавува недостигот и кражбата на цитостатици и терапии за болните од канцер?, прашува ВМРО-ДПМНЕ

Зошто кадарот на СДС Нино Васев како директор на клиниката за онкологија го укинал КАТО системот за следење на терапијата и го вратил стариот систем кој е нетранспарентен и овозможува злоупотреби?

Каква била улогата на економскиот директор Нехат Нухи, кадар на ДУИ во набавката цитостатици и креирањето на листата на пациенти и зошто тој не е заменет изминатиот период иако клиниката тонела во долгови?Кој дозволил медицинска сестра два пати да биде фатена во кражба на лекови од клиниката и истата да биде вратена на работа? Дали МВР и Обвинителство го забошотиле ова дело и го прквалификувале во побенигни дела за да се спаси од одговорност?
Зошто Венко Филипче, но и неговите наследници Беким Сали и Меџити замижувале пред евидентните злоупотреби и прекршувања на клиниката за Онкологија за кои две години предупредуваат ВМРО-ДПМНЕ, граѓаните, медиумите, но и заводот за ревизија? Дали тоа значи дека овие први луѓе во здравството и нивните заменици свесно дозволувале криминал на грбот на пациентите болни од канцер?

Зошто најмалку 6 месеци Оливер Спасовски и ОЈО не реагирале на очигледните прекршувања на Онкологија и со тоа дозволувале крадење и трговија на црниот пазар со цитостатици кои требало бесплатно да ги примаат пациентите?  Зошто толку долго им требало да покренат само предистрага? Од каде му се информациите на Ковачевски од предистрагата дека вмешаните во овој скандал биле од “мултикултурен“ карактер? Дали  тој лично влијае врз истрагата и ја контаминира поради некои причини? Зарем граѓаните треба да веруваат дека истото обвинителство и истата власт кои ги забошотија истрагите за Беса транс, Дурмо турс и модуларната болница и кои прогласија продолжен кабел за виновник ќе спроведат од позиција на власт истрага и за овој скандал?Оставки и одговорност веднаш. И кривична и политичка.

The post Власта нека не замајува со „мултикултурен и мултиетнички криминал“ appeared first on Република.

Maкедонија ја тресе еден од најголемите скандали за време на владеењето на СДСМ и ДУИ. И за разлика од другите криминали на кои сме навикнале, овде директни жртви се граѓани кои се лечеле од рак на Клиниката за онкологија.

Болните таму влегувале со надеж дека ќе се спасат од смртоносната болест со редовни терапии. Но, што се случувало? Пациентите наместо цитостатици добивале обичен физиолошки раствор од кој мислеле дека ќе им биде подобро не знаејќи што примаат.

Вистинската терапија завршувала во Косово или пак пациенти на Косово, а за тоа дебел профит имале медицински сестри, но и врвот на Клиниката.

Премиерот Ковачевски денеска невешто се обиде да испере и да го релативизира случајот и се пожали дека „се сака да се креира слика на вмешаност само на одредени лица во зависност од нивната припадност“.

https://republika.mk/vesti/makedonija/kovachevski-za-sluchajot-onkologija-da-ne-se-pravi-senzatsionalizam-i-napad-na-site-doktori-i-sestri/

Она што можам да кажам е дека ваков тип на криминал е мултипартиски, мултиетнички и мултикултурен - рече Ковачевски.

Не, премиере, овој скандал или убиство на луѓе има точни виновници со име и презиме од кои некои се во вашата партија, а дел кај вашиот коалициски партнер ДУИ.

Да почнеме со ред. Поранешниот директор на Клиниката за онкологија, кој го исфрлил системот со кој може да се контролира следењето и чувањето на дозите цитостатици, се вика Нино Васев и е кадар на вашата партија наречена СДСМ. Васев им држел предавања на општинскиот комитет на СДСМ-Бутел. За што, можеме само да нагаѓаме.

https://republika.mk/vesti/makedonija/klinikata-za-onkologija-go-frlila-vo-podrum-sistemot-za-sledene-i-bezbedno-chuvane-na-dozite-tsitostatitsi/

Одиме понатаму. Вашиот Васев е фотографиран со поранешниот министер за здравство, Венко Филипче, а оваа злоупотреба не се случувала од вчера.

Тој истиот Филипче и Васев, заедно со Зорица Заева, сопруга на „славниот“ Зоран, кој сега е прв другар со Венко. Кругот е тој, а во него сме сите. Да биде иронијата поголема, госпоѓа Заева делеше перики за болните од рак на дојка кои мислеле дека се лечат на истата клинка за смрт.

Да видиме малку што се случува и во коалцискиот двор. Таму, пак, економскиот директор на клиниката, Нехат Нухи, за кого има соменвања дека креирал лажни списоци на заболени од рак оди кои некои биле и од неговото семејство, е фотографиран со лидерот на ДУИ Али Ахмети.

Затоа, овој скандал не смее да остане неказнет или повторно да биде виновен кабелот.

The post Осомничените за криминалот на Онкологија се прва лига партиски војници на СДСМ и ДУИ appeared first on Република.

Случајот на Онкологија ја разбранува јавноста. На Фејсбук се споделуваат разни сведоштва и ставови на граѓаните, кои се згрозени од тоа што се случувало на клиниката.

Сега, се споделува статус на Дејана Новаковиќ, чија ќерка починала на клиниката од канцер.

„Пред две и пол години ќерка ми се лекуваше на клиниката за онкологија. Мислевме дека се лекува, они ми го убија детето. Од лесно излечив тип на канцер, они со „терапијата“ го хранеле канцерот. Јавно објавувам дека нема да ги оставам да се заташка како се што се заташкува во скапаната држава! Ќе активирам се што е во моја моќ и ве замолувам сите што можете да помогнете да се вклучите! Нема да се смирам додека не ги видам сите во затвор доживотен!

The post Мајка чија ќерка ја „лечеле“ на онкологија: Јавно кажувам дека нема да ги оставам да се заташка appeared first on Република.