Нормализирана е состојбата со дистрибуција на струја до Клиничка болница-Штип. Директорот на болницата, Владко Захариев за МИА информира дека откако вчера околу 15 часот беше скинат кабел, екипите на ЕВН кои работеа во текот на ноќта проблемот го решиле околу 1 часот по полноќ.

Тој утринава истакна дека состојбата со струјата е нормализирана и болницата нормално функционира. Инаку, МИА синоќа информираше дека болницата со струја се снабдуваше од агрегат, бидејќи при градежни активности беше скинат кабел.

The post Решен проблемот со струјата во штипска Клиничка болница appeared first on Република.

Работиме на модел, медицинско-технички-економски модел, којшто би рекол е во фаза на развој и очекувам до крајот на оваа година сето тоа ќе биде завршено и од почеток на следната ќе почнеме со градење на болницата во Штип, истакна денеска претседателот на Владата на Република Македонија, Христијан Мицкоски, кој присуствуваше на отварање на првото шеталиште и манифестацијата „Пастрамалијада“ во Штип.

Што е проблемот, проблемот е што пари нема. Парите ги украле, ги потрошиле за нешто што не требало. Требало за болницата, но парите ги украле. За жал наследивме состојба, таква-каква што е. Но, тоа е што е - вели Мицкоски.

Забележа дека нема оправдување и затоа што граѓаните ги гласале и мора да се најде решение за доизградба на Клиничката болница-Штип.

Нашиот пристап е да обезбедиме и финансирање и допроектирање и опремување и доизградба и пренос на објектот. Тоа во моментов Законот за јавни набавки не го дозволува, ако е потребно ќе влеземе и во чекор напред, ако треба мали нивелирања и на Законот, само да можеме да ги одглавиме многу проекти, коишто се почнати. Парите се украдени и тие се сега споменици на едно време - изјави Мицкоски.

Претседателот на Владата на Република  Македонија, Мицкоски истакна дека е оптимист и какошто вели „иновираме се трудиме да најдеме начин, за да сето ова го задвижиме и ќе успееме“.

The post Владата работи на нов модел за доизградба на штипската Клиничка болница appeared first on Република.

Комисијата за здравство на ВМРО-ДПМНЕ реагира на лажното ветување на власта за иградба на нова Клиничка болница во Штип. Од комисијата потсетуваат дека сликањето на министерот Меџити нема да го промени фактот дека цел Источен регион е оставен без здравствени услуги.

The post Болницата во Штип најважниот незавршен проект на власта appeared first on Република.

Магнетната резонанца се уште не работи во Клиничка болница, се чека на сервисорот да го обезбеди делот, по што ќе почне и нејзиното сервисирање, а компјутерскиот томограф кој секојдневно е оптоварен од страна на пациентите веќе треба да се сервисира. Директорот на Клиничка болница-Штип Ален Ѓеорѓијев вели дека проблемот со дефектите на овие два големи и сензитивни апарати е тоа што секојдневно се користат десет или дванаесет години.

Овие апарти интензивно се користат, а вториот поголем од проблемот е што многу се користат овие апарати, еве и за јавноста ќе кажам компјутерската томографија е максимално оптеретена, се случува да имаме по 60-70 томографии во денот, од коишто во најголем дел имаме негативни наоди на тие компјутерски томографии, вели Ѓеорѓијев.

Тој апелира до матичните лекари да не ги прескокнуваат специјалистите во Клиничка болница-Штип, кои треба да дадат точна дијагноза, но и да утврдат дали пациентите треба да одат на компјутерски томограф или резонанца. Праксата покажува дека матичните лекари директно на пациентите им даваат итни упати за компјутерски томограф и магнетната резонанца.

Првобитно пациентите треба да бидат упатени кај специјалистите во Клиничка болница-Штип. Тие да бидат оние коишто ќе ја утврдат индикацијата, дали треба да се прави компјутерски томограф и да во моментот кога тие слободни прегледи, термини ги ставиме во системот „Мој термин“ да не бидат беспотребно зафатени, бидејќи понекогаш се случува и дел од тие термини бидат зафатени се случува многу бргу во рок од 15 до 20 минути сите термини за цел месеци да бидат зафатени за компјутер, со што создава нервози, кај оние што реално имаат потреба да направат томографија, вели Ѓеорѓијев.

Забележа дека мора да се има предвид дека треба да се заштитат и вработените кои работат на овие апарати. Прашан која е оптиминалната бројка за снимање на компјутрскиот томограф, Ѓеорѓијев вели дека тоа било околу 20, а секојдневно се прават од 60 до 70 снимки.

The post Магнетна резонанца не работи во Болницата во Штип, директорот Ѓеорѓиев им сугерира на матичните лекари да не даваат беспотребно итни упати за снимање на компјутерскиот томограф appeared first on Република.

Министерот за здравство, Фатмир Меџити денеска изјави дека нема волшебно стапче за веднаш да ги реши проблемите во здравството. Тој од штипската Клиничка болница најави дека веќе подготвуваат стратегии за нова реорганизација на здравствените институции и систематизација на работните места. Посочи дека со неговиот тим веќе подготвуваат и стратегија за задржување на младите лекари во земјава.

-Ние подготвуваме стратегија секој лекар, медицинар, студент, фармацевт и стоматолог, кога ќе стигне до шеста година да се знае утре кога ќе заврши да не оди по патишта три-четири години, да се разочара и да бега од државата. Тоа што го нарекуваме миграција на лекари. Сите напори ги правиме и гледаме која е најдобрата стратегија и ни треба уште малку време. Знаете дека кадрите не се прават за еден ден, вели Меџити.

Побара новинарите да информираат за се што не е во ред во здравството, а тој како министер за здравство стои на располагање, за да се надминат проблемите. Најави нова реорганизација и систематизација во сите здравствени центри.

-Ми кажува амбасадорот на ЕУ дека Данска со шест милиони жители има 122 здравствени институции, наша мала Македонија, наша мила држава има 1.200 здравствени институции и не може ниту Швајцарија да ги одржи. Овие треба да се спојат, тоа веќе го правам на Клинички центар, од прв ден како лекар што работи таму и кога дојдов на чело на Министерството веднаш се зафатив со овој проблем - Клиничкиот центар да се спои и трошоците да бидат помали и да има подобра здравствена услуга за пациентите, рече Меџити.

На новинарско прашање кога штипската Клиничка болница ќе добие одговор на барањето за вработување на 48 лекари и медицински персонал, бидејќи болницата работи со над сто вработени помалку, согласно систематизацијата и потребите на одделенијата, Меџити со одговор дека тој не е адресата за одговорот, бидејќи секој ден разговарал со министерот за финансии и премиерот за да почнат вработувањата во болниците и да се реализираат.

Нормално нема да бидат одеднаш, да бидеме реални рационални, но да почнат да се движат работите, вели Меџити.

Прашан дали има временски рок, Меџити истакна дек дека не може да каже, а ако имало рок веднаш ќе го кажал пред новинарите.

Но, ова зависи од Министерството за финансии и треба ние како граѓани на оваа држава да бидеме рационални. Ако болницата бара 50 да се дозволи барем 20 за да се отпочне и да се движат работите, рече Меџити.

Тој при денешната посета на Клиничка болница-Штип истакна дека пациентите и здравствените работници заслужуваат подобри услови за здравствена услуга, затоа се прават напори за надминување на проблемите со изградбата на новата болница, која требаше да се пушти официјално во јуни 2023 година.

Јас денеска ги видов просториите, сум били порано тука како лекар, сум ја посетил болницата, ова навистина не личи на ништо и ова е 21 век и ние ќе направиме напори што побрзо новата болница да се заврши, вели Меџити.

Забележа дека за проблемите со изградбата на болницата е запознат и информиран уште од порано и изразува жалење што не е изградена болницата, но ќе работи на тоа што побрзо да се пушти во употреба.

Што се однесува за лекот трикафта за болните од цистична фиброза, министерот потенцира дека побарале за да можат со тајно преговарање со компаниите да обезбедат лек за уште 18 пациенти.

А за другите понатаму да биде средено, согласно регулативата за да можеме да го добиеме лекот, истакна Меџити.

Посочи дека медицинските сестри ќе добијат покачување на плата од 3.000, а останатите 2.000 денари, бруто на плата.

The post Ова не личи на ништо, 21 век е, ќе направиме напори што побрзо новата болница да се заврши, рече министерот за здравство кој беше во посета на штипската Клиничка болница appeared first on Република.

Недостиг на лекари, медицински персонал, хигиеничари, но и друг стручен кадар е еден од најгорливите проблеми, кој веќе една деценија се провлекува низ македонскиот здравствен систем. Во Клиничката болница-Штип за само еден до два месеци си заминале 30 вработени. Во моментов, болницата работи со сто вработени помалку од предвидената бројка или тоа се сто испразнети работни места, вели за МИА директорот на Клиничката болница во Штип, Ален Ѓеорѓијев.

Најкритично е на Одделението за анестезиологија кое за еден месец ќе функционира само со тројца анестезиолози. Лекари специјалисти недостигаат и на Ортопедија, Интерно, Очно, Инфективно, а медицински сестри, болничари и хигиеничари недостигаат на сите одделенија.

The post За еден месец од Клиничката болница Штип си заминале 30 вработени, во моментов болницата има 100 испразнети работни места appeared first on Република.

Околу 50 вработени, доктори, медицински сестри и секаков вид персонал недостасува на речиси сите одделенија во Клиничка болница Штип. Дел од вработените заминаа на работа во приватното здравство, друг дел се пензионираа, па како што вели директорот на болницата Ален Ѓеорѓијев, ситуацијата со кадарот е тешка.

Тој информира дека денеска се потпишани барањата за вработување и очекува позитивен одговор од страна на Mинистерствата за здравство и финансии. Барањето е за вработување на 15 лекари, а останатите се за медицински сестри, болничари, хигиеничари и физиотерапевти.

-Со оваа група која замина во приватната болница и овие два месеци имаме пензионирање на повеќе профили, сериозно се наруши бројката на вработени во Клиничка болница- Штип. Денеска ги потпишав барањата за вработување кои ќе бидат упатени до Министерството за здравство. Се надевам дека по две и пол годни конечно ќе бидат потпишани решенијата за примање, вели Ѓеорѓијев.

Кадар недостасува најмногу во Одделот за анестезиологија, од каде за два до три месеца си заминува уште еден анестезиолог, па на овој оддел ќе останат само тројца кои ќе треба да ја извршуваат работата во целата болница. Недостаток на кадар има буквално на сите оддели, но загружувачка е ситуацијата на ортопедија, Одделот за очни болетсти, инфективното одделение.

-Ние имаме недостаток буквално на сите оддели, најдрастична бројка каде ни треба да пополниме е Одделот за анестезија каде веќе во март, април ќе останеме со минус уште еден доктор и докторот кој замнина во приватната ординација ние ќе се сведеме буквално на тројца анестезиолози за цела болница со што ќе се отежни процесот на изведување на оперативни процедури, имаме потреба на ортопедија, на Одделот за очна болести, инфективни болести, додава Ѓеорѓијев.

Во последните две години Клиничка болница Штип со над 500 вработени, сега е сведена на 440.

The post Лекарите од Штип или заминле во приватно здравство или се пензионирале, болницата бара кадар appeared first on Република.