Поранешниот директорот на Онкологија Нино Васев пред кривичниот суд ги одмина медиумите кои имаа низа прашања поврзни со кражбите на лекови и сериозните обвинувања за начинот на лекување на пацинети на клиниката. Тој се појави на судењето против него за несовесно работење во службата . На пациент со малиген меланом три месеци не му била препишувана терапија на клиниката за Онкологија и починал откако му се влошила здравствената состојба, објави Телма.

Екс директорот на клиниката за Онкологија Нино Васев не одговори на новинарските прашања за скандалот со злоупотребата на лекови за болните од канцер кој ги крена на нозе граѓаните. Медиумите објавија дека освен во клиниката и во неговиот дом викендов истражните органи извршиле претрес, Васев денеска влезе во Kривичниот суд како обвинет но во друг предмет кој се води против него од 2021 година. Одговара за несовесно работење во службата а до него на обивнителна клупа седат уште двајца доктори од Онкологија, Игор Стојковски и Марија Симоновска.

The post Д-р Нино Васев во Кривичен на судење за несовесно работење за пациент кој починал откако три месеци не му бил пропишуван лек за малиген меланом appeared first on Република.