Кога на грбавите китови им треба дремка, тие земаат длабок здив, нуркаат околу 15 метри и се поставуваат во совршено рамни, вертикални обрасци.

Тие спијат цврсто и мирно до два часа помеѓу вдишувањата, во групи од по 5 или 6 китови, веројатно заради заштита.

Никој не знаеше дека китовите спијат вертикално се додека студијата од 2008 година не го документира ова однесување. И никој не направи навистина добри фотографии во дивината до 2017 година.

Францускиот фотограф Стефан Гранзото ги документираше китовите во Медитеранот за неговата книга за суштествата кога наиде на група заспани китови.

The post Земаат длабок здив и се поставуваат совршено вертикално: Вака спијат грбавите китови appeared first on Република.

The post Kитови забележани во Јадранското Море: Апел до туристите и до локалното население да не им приоѓаат appeared first on Република.

Властите на Нов Зеланд потврдија дека 477 китови загинале во две неодамнешни масовни насукувања во, како што ја нарекоа,една од најголемите такви несреќи во земјата.

Насукувањата се случиле на пооддалечената група Острови Чатам, на околу 840 километри од источниот брег на Јужниот Остров на Нов Зеланд. Во саботата 232 животни се насукале на главниот остров од архипелагот, а уште 245 се најдени во понеделникот на островот Пит, 40 километри северно.

Еколошката добротворна организација „Проект Џона“ смета дека ова е едно од најголемите насукувања во Нов Зеланд.

Обично, при големи масовни насукувања на Фејрвел Спит (‘рт на Јужниот Остров), просечно угинуваат 70-80 китови - соопшти организацијата.

Насукувањето китови не е невообичаено на Островите Чатам. Најголемиот поединечен настан е забележан 1918 година, кога угинале над 1.000 животни.

Добротворното здружение соопшти дека презема обиди за спасување секаде каде што тоа е можно.

The post Скоро 500 китови загинале во масовно насукување близу Нов Зеланд appeared first on Република.

Научници од италијанската еколошка организација „Пријатели на морето“ утврдиле дека бродовите при нивните пловидби низ светските мориња годишно од небрежност убиваат по 20 илјади китови.

Студијата на организацијата, што е проект на Светската организација за одржливост, покажала дека комерицијалните бродови предизвикуваат најголеми штети врз популацијата китови, животни што од 2016 година се прогласени за загрозена врста.

Според податоците, последните 20 години бројот китови во светските мориња е преполовен.

Минатата година е покрената кампања за заштита на китовите поради зголемениот број смртни случаи предизвикани од удар на бродови, во услови кога се зголемува поморскиот транспорт.

Програмата „Пријатели на морето“ има за цел клиентите да влијаат врз транспортните компании да ги намалат ризиците од бродски удари со смртни последици по китовите.

Ознаката „Безбедно за китови“ се доделува на оние бродови што спроведуваат мерки за спречување удари на китови, преку посебни термални камери, онлајн-системи за известување, промени во бродските рути и имаат за цел подигнување на свеста за колективен дијалог во насока на осмислување ефикасни решенија, конечно и до неопходни измени во поморскиот сообраќај.

Италијанско-швајцарската компанија „МСЦ Крузес“ неодамна ја доби наградата „Одржливи крузери“ заради нивната ригорозна импементација на мерките за заштита на загрозената популација китови.

The post Бродовите при пловидба убиваат 20 илјади китови годишно appeared first on Република.