Бубамари, цветови, војници, баби и дедовци, Спајдерменковци и други креативни маски продефилираа на маскенбалот по повод Денот на шегата во Градско.

Радоста и среќата на лицата на децата се доволна награда за одржување на Априлијада. Нивната фантазија ги надминува сите проблеми и ни дава сила да се вложуваме уште повеќе за да добиеме дел од нивното безгрижно детство. Драги деца, останете весели и насмеани- порача градоначалникот Киро Нацков.

И оваа година како и претходната водител на Априлијадата беше Марко Новески.

The post Нацков: Радоста и среќата на лицата на децата се доволна награда за одржување на Априлијада appeared first on Република.

Започнува со реализација проектот "Изградба на систем за подобрување на водоснабдување со питка вода за нас.Градско со два цефководи" со средства од Европска инвестициона банка во висина од 12.757.482,00 денари, напиша на својот фејсбук профил градоначалникот на Општина Градско, Киро Нацков.

Изведувач на градежните работи е Друштвото за градежни работи, производство, трговија и услуги МИНТ - Инженеринг.

The post Во Градско почна изградбата на систем за водоснабдување со питка вода appeared first on Република.

Градоначалникот на општина Градско, Киро Нацков, се обрати со јавна реакција по повод случајот со малтретирањето на одличен ученик од негови врсници во основното училиште „Даме Груев“ во општината, при што објави дека се преземаат серија мерки во врска со случајот.

Нацков соопштува дека една од тие мерки е разрешување на директорката на училиштето.

Деновиве сме сведоци на немил настан во основно училиште во општина Градско. Во ниту еден момент не останав имун како Градоначалник и никогаш нема да останам имун.

 

Морам да напоменам дека ја согледав целосната ситуација и денес преземам конкретни мерки, а воедно и јавно соопштувам.

 

Без разлика што и како и дали се постапило во врска со овој случај, сега треба да се согледаат последиците и зошто е дојдено до ова, односно да излезе целата ситуација од контрола.

 

Оттука апелирам дека сите засегнати страни треба да превземат одговорност, а иако е пријавено во МВР и Центар за социјални работи, сепак, се уште нема никаква реакција.

 

Во рамки на моите надлежности веднаш соопштувам дека во рамките на училиштето ја разрешувам директорката на ООУ Даме Груев.

 

Веднаш потоа сакам да апелирам до МВР, Центар за социјални работи, Државен инспекторат за образование и сите надлежни да го испитаат детално случајот и онаму каде треба да се помогне, а онаму каде треба да се сноси одговорност.

 

Уште еднаш апелирам дека иднината на нашите ученици и деца е најважна и мораме да бидеме сите со високо ниво на свест.

 

Ова не смее уште еднаш да се повтори‼️, се наведува во реакцијата на Нацков.

https://republika.mk/vesti/crna-hronika/mu-gi-kinele-gakjite-tetratkite-i-uchebnicite-odlichen-uchenik-dve-godini-trpel-vrsnichko-nasilstvo-vo-gradsko/

The post Градоначалникот ја разреши директорката на училиштето каде што беше малтретиран одличен ученик appeared first on Република.

Во ова кратко време успеав да воспоставам динамика во работата, да ги елеминирам непотребните трошоци и заштедените финансии да ги пренасочам директно кон потребите на граѓаните, односно кон најмладите, кон учениците, социјално загрозените и лицата со инвалидност, вели градоначалникот на Општина Градско, Киро Нацков на денешниот регионален отчет за градоначалниците од Вардарскиот плански регион организиран во Велес, насловен „Промени што носат иднина – 100 дена локална власт отчет на ВМРО-ДПМНЕ“.

Посочи дека вложува максимални напори за решавање на проблемите и потребите на локалното население, при што додаде дека во општина Градско децата и учениците се приоритет број еден, за што заедно со Советот и вработените обезбедиле бесплатна градинка за секое дете, бесплатен оброк за учениците од прво до петто одделение како и стипендии за првенците основци, средношколци и студенти.

Она за што сум посебно горд и за кој што сметам дека сме единствени во Република Македонија кои што го ветивме во нашата програма и го реализиравме, а тоа е, од први јануари оваа година во Општина Градско има бесплатна градинка за секое дете. Нас децата ќе ни бидат приоритет број еден, децата ќе бидат на прво место во овој мандат, во овие четири години. Со помош на Советот и со помош на вработените во општината обезбедивме финансиски средства, од први септември наредната учебна година 2022-2023 да има бесплатен оброк за секое дете, односно за секој ученик од прво до петто одделение, а потоа истата мерка да ја зголемиме за сите ученици во Општина Градско од прво до деветто одделение. За децата да ни бидат приоритет број еден и на прво место, обезбедивме финансиски средства за стипендирање на еден основец, еден средношколец и еден студент, односно најдобрите во Општина Градско. Тоа така ќе биде и во наредните четири години“, рече Нацков.

Посочи дека во овој период, успеале да реализираат и две песплатни екскурзии, една по барање на жителите на општината и една бесплатна екскурзија која што ќе следува за пензионерите, додавајќи дека има ветено и ќе реализира бесплатни екскурзии за пензионерите во општина Градско во текот на целата година. Нацков исткна дека почна со решавање на еден од сериозните проблеми со кои се соочуваа жителите во општината, а тоа изградба на капела која во најкус можен рок ќе биде пуштена во употреба.

Во делот на инфраструктурата, Нацков ги наброја многуте улици кои се реконструирани и веќе пуштени во употреба, како и изготвените документации и обезбедените финансиски средства за изградба и реконструкција на неколку улици и патни правци кои се од особено значење за жителите на општина Градско.

Конечно се заврши работата на улица Илинденска, која што беше во должина од 310 метри, со која што самата општина беше блокирана подолг временски период. Се заврши во целост изградбата на улица Панко Брашнаров со атмосферска канализација, поставени се бекатон коцки на крајот на улицата, направено е темпонирање, од пред неколку дена извршено е и асфалтирање во тој дел каде што беше предвидено. Во фаза на реализација и реконструкција на дел од локалниот пат Градско – село Подлест во должина од 140 метри. Потоа, обезбедени се средства преку Вардарски плански регион, за изградба на еден километар делница од село Чичево до манастир Цв. Архангел Михаил, најзначајното и најбитното светилиште во нашата општина. Во овој момент се реализира тампонирање на пристапен пат до земјоделски површини во село Виничани во должина од 900 метри. Во фаза на реализација е улицата Јане Сандански или кај нас попознато, уливата која што треба да го спои Градско со населбата Стопанство во должина од 817 метри. Во овој момент се отвараат понудите, таа на пролет ќе биде реализирана со пари од Светска банка. Потоа, во фаза на реализација и проектот за реконструкција на локалниот пат село Виничани од регионалниот пат до влезот на селото во должина од 1100 метри, проектот е исто така во фаза на отварање на понудите, финансисран од Светска банка, истакна Нацков.

Додаде дека во фаза на реализација е и проектот за подобрување на водоснабдувањето во Градско со питка вода за пиење со два цевководи, во вредност од 210 илјади евра, проектот кој го завршивме целосно во делот на прибирање на сите дозволи кои што ни беа потребни во овој петриод, за кој сега следува тендерирање.

The post Нацков: Во Градско децата се приоритет број еден, затоа обезбедивме бесплатна градинка и бесплатен оброк за учениците до петто одд. и стипендии за најдобрите appeared first on Република.