Портпаролот на грчката Влада Јанис Иконому, на редовен брифинг со новинарите порача дека ако турскиот претседател, кој, како што кажа, со неговите изјави ја поткопал климата меѓу двајцата лидери, побара некаква средба со грчкиот премиер, грчката страна ќе ја оцени и ќе одговори позитивно.

Одговарајќи на новинарско прашање за евентуална средба на претседателот на Турција Реџеп Таип Ердоган со премиерот на Грција Кирјакос Мицотакис за време на самитот на ЕУ во четврток и петок во Прага, Иконому ја остави отворена можноста, но истакна дека одговорот би бил позитивен доколку постои расположение и барање од турска страна.

Во однос на тоа кои би биле темите на агендата на евентуалната средба и позициите на Атина, портпаролот на грчката Влада рече дека се познати црвените линии и познат е „одговорот и провокативна и неприфатлива реторика на Турција во последно време“.

The post Грција отворена за средба Мицотакис – Ердоган, доколку Турција го побара тоа appeared first on Република.