Патријархот московски и на цела Русија, Кирил Први го повика локалното свештенство „да ѝ помогне повеќе на руската армија која се бори во Украина од 24 февруари 2022 година“.

Кирил смета дека Руската православна црква треба повеќе да ѝ помага на руската армија, па затоа повика сите црковни парохии да ги „мобилизираат своите парохијани“. православна црква го објави прес-службата на Московската патријаршија, а го пренесе „Глобал њуз“.

„Ако велиме дека Црквата е со својот народ, тогаш секоја парохија треба да им помогне на оние кои се на линијата на огнот. Мора да ги мобилизираме нашите парохијани да собираат предмети и храна. Барајте можности, собирајте пари, праќајте пакети, ако е можно, одете сами, поддржете ја војската“, апелираше патријархот за време на празничната трпеза во Соборниот храм Богојавление.

Во истиот говор, поглаварот на Руската православна црква ја спореди војната во Украина со Големата патриотска војна и патриотската војна од 1812 година, кога „речиси цела обединета Европа се обиде да ја освои Русија“.

Сега, според патријархот, „целиот западен свет повторно се вооружи против Русија“.

„Зошто да не се откажеме? Затоа што ние сме алтернативата, а алтернативата е многу привлечна. Русија е таа која ги отфрла најлошите манифестации на глобализацијата и стана светилник на светот. Луѓето ја гледаат Русија како земја која покажува лојалност кон традиционалните вредности, како што се семејството, чувството за должност, патриотизмот“, рече тој.

По руската инвазија на Украина, патријархот Кирил отворено ја поддржа војната. Во своите проповеди често спомнува воени дејствија, а ги оправдува и причините за инвазијата.

Меѓудругото, тој рече дека војната е предизвикана од надворешни сили за да ја ослабат Русија. Сега отиде уште подалеку и во споменатиот говор најави крај на светот во случај на пораз на Русија.

„Желбата да се победи Русија денес доби многу опасни форми. Го молиме Господ да ги вразуми лудаците и да им помогне да разберат дека секоја желба да се уништи Русија ќе значи крај на светот“.

Извор: Јутарњи лист

The post Патријархот Кирил: Господ да ги вразуми лудаците, да се уништи Русија ќе значи крај на светот appeared first on Република.

Европската комисија предлага санкции и против Владимир Гундјаев, односно поглаварот на Руската православна црква. Станува збор за 75-годишникот познат по своето духовно име Кирил Први.

Со оглед на неговата блискост со рускиот претседател Владимир Путин поглаварот на црквата е едно од 58-те лица од новата листа на кои им се заканува забрана за влез во ЕУ и замрзнување на имотот и банкарските сметки во западни банки. Исто како и на олигарсите и важните политички соработници на Путин. Ова би можело да значи дека патријархот Кирил нема да може да присуствува на Светскиот совет на црквите кој треба да се одржи кон крајот на август во Карлсруе.

На овој предлог јасно се спротивстави унгарскиот премиер Виктор Орбан, кој рече дека неговата земја нема да поддржи ембарго на руската нафта ниту санкции на поглаварот на Руската православна црква.

https://republika.mk/vesti/svet/atomska-bomba-za-ekonomijata-veli-orban-za-predlozenoto-embargo-na-ruskata-nafta/

Целиот текст на Дојче веле.

The post ЕК предлага санкции против рускиот патријарх Кирил Први, но Унгарија нема да ги прифати appeared first on Република.