На денешен ден во 1845 година, во селото Лешок, Тетовско, умрел Кирил Пејчиновиќ, македонски писател и просветител.

Своето образование го почнал во манастирската школа во црквата „Света Пречиста Кичевска“, а го продолжил во манастирот Света Гора. Од Света Гора се вратил во Марковиот манастир, блиску до Скопје, каде што почнал да пишува. Подоцна се преместил во манастирот Лешок и таму останал до крајот на животот.

Неговата дејност има големо значење за македонската литература, пред се затоа што пишувал и печател дела на народен јазик. Негови најпознати дела се „Огледало“, печатено во Будим, во 1816 година и „Утешение грешним“, печатено во Солун, во 1840 година, во печатницата на Теодосија Синаитски.

Кирил Пејчиновиќ е роден во селото Теарце, Тетовско, околу 1771 година.

The post Пишувал и печател дела на народен македонски јазик: На денешен ден е починат македонскиот писател и просветител Кирил Пејчиновиќ appeared first on Република.

На 24 март 1845 година во селото Лешок, Тетовско, умрел Кирил Пејчиновиќ, македонски писател и просветител. Своето образование го започнал во манастирската школа во црквата „Света Пречиста Кичевска“, а го продолжил во манастирот Света Гора.

Од Света Гора се вратил во Марковиот манастир, блиску до Скопје, каде што почнал да пишува.

Подоцна се преместил во манастирот Лешок и таму останал до крајот на животот. Неговата дејност има големо значење за македонската литература, пред се затоа што пишувал и печател дела на народен јазик.

Негови најпознати дела се „Огледало“, печатено во Будим, во 1816 година и „Утешение грешним“, печатено во Солун, во 1840 година, во печатницата на Теодосија Синаитски.

The post На денешен ден починал македонскиот писател и просветител Кирил Пејчиновиќ appeared first on Република.

Моштите на светитетелот Преподобен Кирил Лешочки по извршената канонизација во тетовскиот соборен храм „Свети Кирил и Методиј“ сега се поставени во храмот „Свети Атанасиј“ во манастирскиот комплекс во Лешок.

Во внатрешноста на храмот покрај моштите се наоѓа и првата икона со изобразен лик на светителот чие прогласување за светец се изврши во неделата на 16 октомври.

-Верниот народ ќе има можност да пристапи за поклонение до кивотот каде што се изложени светите мошти на светителот и до неговата прва икона. Епархијата замолува за почитување на воспоставениот ред во храмот при посетите на верниците, информираа од тетовско-гостиварската епархија.

Во неделата во Соборниот храм „Св.Кирил и Методиј“ во Тетово архиепископот на МПЦ-ОА г.г Стефан во сослужение со 11 владици и други свештенослужители го изврши прогласувањето за светец на Кирил Пејчиновиќ. Споменот на преподобниот Кирил Лешочки – учител и просветител, ќе се празнува на 25 март по новиот стил.

The post Верниците во Лешочкиот манастир ќе може да се поклонат на моштите на новиот македонски светец Преподобен Кирил Лешочки appeared first on Република.

Премиерот Димитар Ковачевски, во одговор на новинарско прашање да даде коментар на изјавите на одредени бугарски историчари, дека македонскиот преродбеник Кирил Пејчиновиќ бил Бугарин, а по повод канонизацијата на Кирил Пејчиновиќ во Лешочкиот манастир, рече дека историчарите треба да се занимаваат со историјата, а политичарите ќе се занимаваат со политиката. Тој оцени дека на тој начин ќе имаме и добри добрососедски односи и побрз напредок на државата во полноправно членство во ЕУ.  

– Јас присуствував на вечерната богослужба по повод канонизацијата на Кирил Пејчиновиќ и тоа беше еден исклучително свечен свет настан на којшто присуствуваа голем број на граѓани во Лешочкиот манастир. Таму имаше граѓани од повеќе делови на државата, имаше граѓани од различна политичка провиниенција бидејќи бев и јас, меѓутоа и претставници на политички партии, четири владици… И тоа беше чин со којшто ние го негуваме нашето и духовно и културно наследство македонско. Тоа што некој сака да провоцира тоа е негов проблем. Ние точно знаеме што е нашата историја. Ние точно знаеме што е нашата култура. Ние точно знаеме што е нашиот македонски јазик сега веќе признат во целата Европска Унија. Во тоа наскоро ќе се уверат сите граѓани кога ќе го потпишеме договорот Фронтекс со ЕУ и со македонски идентитет веќе преговараме со ЕУ, нагласи Ковачевски.  

Тој повтори дека комуникацијата помеѓу државите се одвива на официјално ниво помеѓу претставници на институциите, значи луѓе од политиката, меѓутоа, вели, „секогаш постојат и други интереси, други личности кои сакаат да ги нарушат односите помеѓу две држави и обично со свои изјави предизвикуваат негативни чувства, предизвикуваат нешто што вие го нарекувате и јас го нарекувам провокација“.

-Треба да бидеме смирени, бидејќи имаме многу јасна преговарачка рамка со ЕУ каде што историските прашања за коишто сега ме прашавте се дел од работата на историската комисија во која што има 14 историчари по седум од двете страни и тие историчари заедно со консензус мора да ги донесат сите решенија. Значи, не може без кој било од тие историчари што се во комисијата да се донесе кое било решение и јас на историчарите им препорачувам тие да се занимаваат со историјата, политичарите ќе се занимаваат со политиката и на тој начин ќе имаме и добри добрососедски односи и побрз напредок на државата во полноправно членство во ЕУ, истакна тој.  

Вели дека не може да зборува во името на официјална Софија, туку само во име на официјална Македонија и официјално во име на нашата Влада.

-Вие гледате дека ние имаме многу јасен став по однос на сите прашања коишто може да се сметаат за провокација и секогаш и јас и министрите ги повикуваме институциите да работат во рамки на своите надлежности и да ги спроведуваат законите на територијата на државата без разлика на кого се однесуваат тие закони, заклучи Ковачевски.

The post Ковачевски не одговори дали Кирил Пејчиновиќ е Македонец или Бугарин appeared first on Република.

Додека македонските институции немо ги следат случувањата во домашната јавност околу отворањето на бугарските здруженија со контрадикторни имиња и немаат речиси никаков механизам да се справат со истите, бугарските ботови на интернет за разлика од македонската држава не уморно работат, пишува „Слободен печат“.

Имено, на денот кога Кирил Пејчиновиќ беше прогласен за светец од страна на поглаварот на Македонската православна црква-Охридска архиепископија г. г. Стефан во Преподобен Св. Кирил Лешочки во саботата, бугарските компјутерџии атакуваа на интернет енциклопедијата Википедија. Оваа најнова етапа на безмилосна бугаризација го зафати и идниот македонски светец Кирил Пејчиновиќ прогласувајќи го за бугарска верска фигура.

Во информациите објавени од бугарските интернет ботови на англиската верзија на Википедија која сега е насилно изменета, стои и дека тој е основоположник на модерната Бугарија и дека е една од историските личности кои низ времето се занимавале со промовирање и на раната бугарска ренесанса. На Википедија исто така стои запишано дека Пејчиновиќ го бранел „македонскиот“ идентитет, говорејќи на бугарски јазик во скопл на неговата татковина Бугарија.

Коментирајќи ги овие случувања екслузивно за „Слободен Печат“ Александар Пејчиновски кој всушност директен потомок на македонскиот преродбеник Кирил Пејчиновиќ вели дека тој е згрозен од оваа работа кој како што вели тој ја дознал по разговорите со своите пријатели.

Информацијата ја разбрав од блиските пријатели. Мојата реакција како и што всушност беше и нивната беше зачудувачка и непријатна. Тоа е така бидејќи овој атак врз делото на Кирил Пејчиновиќ дојде во моменти кога во Лешочкиот манастир со богослужба, со Света Божествена архиерејска литургија во тетовскиот соборен храм „Свети Кирил и Методиј“ се одвиваше процесот на прогласување на преподобниот Кирил Пејчиноновиќ за светител Кирил Лешочки. Едноставно кратко речено сум згрозен од самиот чин, посочува Пејчиновски.

Повеќе на „Слободен печат“

The post На денот кога Кирил Пејчиновиќ стана светец, за Софија стана Бугарин appeared first on Република.

Македонската православна црква-Охридска архиепископија викендов го канонизира за светител на игуменот лешочки и народен просветител Кирил Пејчиновиќ како Свети Преподобен Кирил Лешочки, церемонија која се случува денеска и утре во Лешочкиот манастир и во тетовскиот соборен храм „Свети Кирил и Методиј“.

На денешната канонизација присутни беа и многу членови и функционери на ВМРО-ДПМНЕ, на чело со претседателот на партијата Христијан Мицкоски.

Ми преставува особена чест што денес бев присутен во Лешочкиот манастир „Св. Атанасиј" на канонизација за светител на игуменот лешочки и народен просветител Кирил Пејчиновиќ како Свети Преподобен Кирил Лешочки, порача тој денеска.

The post Мицкоски во Лешок на канонизација за светител на Кирил Пејчиновиќ appeared first on Република.

Македонската православна црква-Охридска архиепископија викендов ќе изврши канонизација за светител на игуменот лешочки и народен просветител Кирил Пејчиновиќ како Свети Преподобен Кирил Лешочки. Канонизацијата ќе се изврши денеска и утре во Лешочкиот манастир и во тетовскиот соборен храм „Свети Кирил и Методиј“.

За црковното и просветителско дело на Пејчиновиќ се учи уште во основното образование, а за неговиот живот, покрај бројните написи, дознаваме и од камената плоча на неговиот гроб, која самиот ја изделкал и го напишал познатиот епитаф, на кој преку стихови го опишува својот животен пат. Но, малкумина знаат дека откако починал во 1845 година, посмртните останки на Пејчиновиќ четири пати биле откопани и преместени.

Илија Петрушевски, кој е родум од Лешок и е голем познавач на неговата историја, за што има објавено и повеќе книги, раскажува како во изминативе 177 години моштите на Пејчиновиќ биле преместувани од едно на друго место.

Јеромонахот Кирил починал на 12 март 1845 и тогаш бил погребан 30-35 метри југозападно од црквата. Ова се најраните познати пишани податоци кои ги дава Атанас Шопов, кој Лешочкиот манастир го посетил во 1888 или 1889 година, педесетина години по смртта на Кирил. Вториот запис за гробот на Кирил го запишал Ѓорче Петров. Според него, гробот се наоѓал ‘на крајот на ливадата‘, што се совпаѓа со податокот што го дал Шопов. Следните податоци за тоа каде се наоѓа гробот се од Л. Серафимов. Тој го посетил манастирот во 1900 година. Во еден запис забележал дека гробот на убиениот лешочки егумен Езекил се наоѓа до гробот на Кирил Пејчиновиќ, а во вториот запис забележал дека гробот на Кирил се наоѓа до втората влезна врата. Лешочкиот егумен Езекил бил убиен на 30 jуни 1898 и бил погребан северно од конакот, каде што и денес почива. Скопскиот егзархиски митрополит Синесеј дал предлог останките на Кирил заедно со епитафот и крстот да се пренесат до гробот на Езекил. Ова претставува второ Кирилово погребание“, зборува Илија Петрушевски, кој за ова, но и за други настани од историјата на Лешок, пишува во неговата најнова книга „Лешаните и Лешочкиот манастир за историјата на Македонија и Македонците“, која ја објави заедно со Митко Поп Спироски.

The post Кирил Пејчиновиќ ќе биде прогласен за светец appeared first on Република.

Во рамки на Литургијата на која ќе се изврши прогласувањето за светец на македонскиот прередобеник Кирил Пејчиновиќ верниците ќе имаат можност да се поклонат на моштите.

Канонизацијата ќе се одржи наредниот викенд 16 октомври во Соборниот храм ,,Св. Кирил и Методиј” во Тетово, со почеток во 8.30 часот, кога ќе се отслужи света Божествена литургија, со која ќе чиноначалствува Архиепископот Охридски и Македонски г. г. Стефан, во сослужение на архијереите и свештенослужители од епархиите на МПЦ-ОА.

На Литургијата ден претходно на 15 октомври во Лешочкиот манастир „Свети Атанасиј Велики”, ќе биде отслужена Вечерна служба со почеток во 17 часот.

Ова е чин со историско значење, дело кое, со Божјата помош и по застапништвото на преподобниот, ќе донесе духовни плодови за нашиот народ и нашата Црква, а воедно претставува и несекојдневен дел од црковната традиција, кој е душеполезно да се посведочи со личното присуство. Тетово и Полошкиот регион, но и нашиот верен народ низ татковината и светот, добиваат уште еден молитвен покровител, принесувајќи му дар и на соборното Православие, а во слава на Бога. Нека е на многу години – велат од Тетовско-гостиварската православна епархија.

The post Кирил Пејчиновиќ станува светец appeared first on Република.

Тетовско гостиварската епархија информира дека во октомври ќе се случи прогласувањето на Кирил Пејчиновиќ за светец. Канонизацијата ќе се изврши во Лешочкиот манастир и во тетовскиот соборен храм Свети Кирил и Методиј.

Возљубени браќа и сестри, на 15 и 16 октомври 2022 ќе се изврши канонизацијата на игуменот Кирил Лешочки за светител и вбројување во диптихот на светите. Канонизацијата започнува во сабота 15 октомври со Воскресна вечерна богослужба во Лешочкиот манастир од 17 часот која ќе ја чиноначалствива митрополитот тетовско-гостиварски г. Јосиф - информираат од епархијата.

Утредента од 07.30 часот во тетовскиот соборен храм Свети Кирил и Методиј ќе има Восрекна Утрена богослужба, додека во 08.30 дочек на Архиепископот и Архијереите на МПЦ – ОА. Вееднаш потоа ќе започне Светата божествена литругија и прогласувањето на Кирил Пејчиновиќ за светец Кирил Лешочки.

Кирил Пејчиновиќ е роден 1771 година во тетовско Теарце, а живеел до 1845 година, бил голем просветител, народен учител и игумен на Лешочкиот манастир. Го обновил Лешочкиот манастир каде и почива во црковниот двор.

The post Кирил Пејчиновиќ во октомври ќе биде прогласен за светец appeared first on Република.

„Македонизацијата“ на Јоаким Крчовски и Кирил Пејчиновиќ е антиисториско и не одговара на вистината, вели бугарскиот историчар Пламен Павлов.

Во интервју за БГНЕС, Павлов вели дека самиот Крчовски велел дека пишувал на наједноставен бугарски јазик за да им биде поразбирлив на луѓето, бегајќи од т.н. стара бугарска норма.

Целото негово творештво и целиот негов живот покажува дека се работи за бугарски просветител. Самиот Осоговски манастир, пак, секогаш бил центар на бугарската духовност не само во регионот на Крива Паланка, туку и во целиот регион на Ќустендил, изјавил Павлов.

Според него, „ова не е прв ваков случај на кражба“. Павлов потсетува дека пред неколку години МПЦ го канонизираше монахот Кирил Пејчиновиќ, а сега, според него, ист е случајот со Јоаким Крчовски. И двајцата биле бугарски преродбеници, слични на епископот Софрониј Врачански. Разликата, додава, е што Крчовски и Пејчиновиќ ја „надминале“ територијата на денешна Македонија и „зафатиле“ и други бугарски земји во западните бугарски територии.

За Павлов, ова е доказ дека во Македонската православна црква преовладуваат сили кои се против дијалогот со Бугарската православна црква и особено со Бугарија.

Тој ги повикува Бугарија и БПЦ да реагираат на ваквите „кражби на историјата“ и додава дека БПЦ „не треба да го остава нивното културно и духовно наследство во туѓи раце“.

Во овој случај во рацете на МПЦ која дејствува како туѓа црква. Всушност, се работи за две цркви – БПЦ и МПЦ, кои се наследнички на иста црква – Црквата на Првото бугарско кралство. Бугарската патријаршија има категоричен став дека е наследник на бугарската средновековна црква на целата нејзина етничка територија и дека е наследник и на Бугарската егзархија. Во исто време, гледаме дека ги остава личностите како Пејчиновиќ и Крчовски, кои се нашиот духовен капитал, на туѓи институции, вели професорот Павлов.

The post Крчовски и Пејчиновиќ се бугарски просветители, Скопје ни ја краде историјата, тврди бугарски историчар appeared first on Република.