Врвните македонски спортисти кои досега рекламираа казина или обложувалници ставаат крај на ваквата соработка.

Ова на денешната прес-конференција го откри министерот за спорт Борко Ристовски одговарајќи на новинарско прашање.

Немаме ништо против било која компанија да финансира клуб или федерација. Но, не сакаме истакнатите спортисти како личности да се истакнуваат во реклами за казина, за кладилници и брзи кредити. Нашата замерка е во таа насока, вели Ристовски.

Министерот откри дека веќе имале разговори со сите спортитсти кои ги рекламираат овие компании.

Направивме еден џентлменски договор дека Горан Пандев повеќе нема да рекламира спортска кладилница, Иџе повеќе нема да рекламира, на Кире Лазаров му заврши договорот со компанијата и нема да го продолжи. Мислам дека многу набрзо овие личности ќе ги видите од другата страна, како промовираат вистински вредности, нагласи Ристовски.

Министерот за спорт на денешната прес-конференција даде отчет за сработеното во изминатите 100 дена и ги најави проектите на кои ќе работат во наредниот период.

The post Пандев, Лазаров и Иџе повеќе нема да рекламираат казина или обложувалници appeared first on Република.

The post Лазаров: Го одигравме најдобриот натпревар, ова е еден од најсреќните денови во мојот живот appeared first on Република.

Машката ракометна репрезентација на Македонија денеска го имаше првиот собир пред бараж двомечот со Фарските острови за Светското првенство 2025 година кое ќе се одржи во Хрватска, Данска и Норвешка.

Нашите ракометари ќе се обидат да стигнат до нова мундијалска виза и да го задржат континуитетот од настапи на големите натпреварувања.

Селекторот Кирил Лазаров пред двомечот вели дека го почитува противникот, но дека се почитуваат и самите себе и верува дека ќе може да стигнат до ново големо натпреварување.

По ждрепката кажавме дека можеме да имаме и подобра, но и полоша ждрепка. Фарски Острови се квалитетна репрезентација која е во подем и тоа го знаат сите кои што се упатени во ракометот. Мораме многу сериозно и фокусирано да ги одработиме овие подготовкие за да се прикажеме во најдобро светло во овие бараж мечеви. Анализите кои ги направивме покажаа дека во секој сегмент во играта знаат што прават и мора да се посветиме, изјави Лазаров.

Тој додаде дека верува во нашите ракометари и во нивниот квалитет.

Имаме млада, но талентирана репрезентација која како поминува времето е се подобра и подобра. Ќе биде незгодно на гости бидејќи имаат мала сала која ќе биде преполна, па затоа ќе мора психички да се подготвиме за тој меч. Имаме максимален почит кон противникот, но се почитуваме и самите себе. Сметам дека шансите се подеднакви, но верувам дека имаме доволно квалитет да можеме да им се спротиставиме, вели Лазаров.

The post Лазаров: Фарските Острови се квалитетна репрезентација во подем, но ние имаме млада и талентирана репрезентација appeared first on Република.

Селекторот на машката репрезентација на Македонија, Кирил Лазаров, го скрати поширокиот список од 36 ракометари на 20, за бараж-мечевите со селекцијата на Фарските Острови за пласман на Светското првенство (СП), кое во 2025 година треба да се игра во Хрватска, Данска и во Норвешка. Првиот натпревар е на гости на 8 мај, а вториот четири дена подоцна во Скопје, во СЦ „Борис Трајковски“.

Меѓу 20 ракометари, тројца се интернационалци, Никола Митревски (Порто, Португалија), Филип Талески (Бенфика, Португалија) и Никола Костески (Плзен, Чешка), а во конкуренција се и седум резервни играчи. Секако, хендикеп е отсуството на Ненад Костески, кој е повреден.
Репрезентативците треба да се соберат в петок. Македонија досега настапи на осум светски првенства, и тоа шест во низа од 2013 година, а најдобриот пласман беше забележан во 2015 година, кога беше освоено деветтото место.
Состав: голмани: Никола Митревски (Порто, Португалија), Мартин Томовски (Вардар), Марко Кизиќ (Еурофарм Пелистер). Леви крила: Цветан Кузманоски (Еурофарм Пелистер), Петар Атанасијевиќ (Еурофарм Пелистер). Десни крила: Никола Костески (Плзен, Чешка). Десни бекови: Томислав Јагуриноски (Вардар), Мартин Велковски (Алкалоид), Мартин Серафимов (Алкалоид). Средни бекови: Марко Митев (Алкалоид), Дамјан Митев (Алкалоид), Иван Џонов (Алкалоид). Леви бекови: Филип Талески (Бенфика, Португалија), Филип Кузмановски (Еурофарм Пелистер). Пикери: Жарко Пешевски (Еурофарм Пелистер), Милан Лазаревски (Вардар), Марко Стојковиќ (Алкалоид), Валентин Карасманакис (Алкалоид). Дефанзивци: Никола Марковски (Алкалоид), Михаил Аларов (Вардар). Резерви: голман Иван Галевски (Алкалоид), лево крило Гоце Ојлевски (Охрид), десно крило Никола Стоилковски (Охрид), лев бек Павле Атанасијевиќ (Еурофарм Пелистер), среден бек Мартин Карапалевски (Вардар), десен бек Давид Савревски (Алкалоид), дефанзивец Михајло Младеновиќ (Алкалоид).

The post Селекторот Кирил Лазаров го објави списокот за бараж-мечевите со Фарските Острови appeared first on Република.

Селекторот на македонската ракометна репрезентација, Кирил Лазаров одлучи со 17 играчи да отпатува на пријателските натпревари со Романија.

Лазаров поради повреди за претстојните тест-средби не може да смета на неколкумина стандардни, а последен кој го откажа учеството е бекот Филип Кузмановски.

Претходно се повредија, Ненад Костески, Томи Јагуриновски и Павле Атанасијевиќ, додека неизвесен е настапот на пивотот Милан Лазаревски.

За натпреварите во Романија македонскиот селектор најави поголема минутажа за помладите кои поретко добиваат шанса да влезат во игра.

Двата натпревара ќе се играат во Браила, на 15 и 16 март.

The post Лазаров со 17 ракометари оди на гостувањето во Романија appeared first on Република.

Селекторот на македонската ракометна репрезентација, Кирил Лазаров, пред вечерашниот дуел со големиот фаворит Норвешка, рече дека во спортот се случуваат изненадувања и побара поддршка за „црвено-жолтите” без разлика на конечниот резултат.

Во спортот секогаш треба да веруваш во нешто невозможно. Ние сме во ситуација да нема што да изгубиме, а да можеме многу да добиеме од дуелот со Норвешка. Нема да калкулираме и од почетокот ќе тргнеме ако ни се отвори можност да одиграме егал. Во спротивно може да размислуваме некои работи за следните противници. Ова репрезентација направи многу со поминување на квалитетни противници во баражите. Што и да се случи вечерва треба да го задржиме нашиот пат. Имаме седум дебитанти на ова Светско првенство. Подмладената репрезентација заслужува поддршка – истакна Лазаров.

Натпреварот во Краков почнува во 20:30 часот и е во рамките на 1. коло од Ф-групата на Светското ракометно првенство 2023.

Другата двојка за почетната рунда во оваа група е Холандија – Норвешка.

The post Лазаров: Во спортот треба да веруваш во нешто невозможно appeared first on Република.

Селекторот на македонската ракометна репрезентација, Кирил Лазаров денес го објави список на повикани ракометари кои ќе конкурираат за место на претстојните натпревари со репрезентаците на Луксембург и Турција.

На списокот на Лазаров се најдоа:

голман: Никола Митревски, Марко Кизиќ и Мартин Томовски

лево крило: Дејан Манасков, Цветан Кузмановски и Петар Атанасијевиќ

десно крило: Ненад Костески и Гоце Георгиевски

пивот: Жарко Пешевски, Никола Маркоски и Костадин Стојковиќ

десен бек: Томислав Јагуриноски и Мартин Серафимов

лев бек: Филип Талески, Павле Атансијевиќ и Иван Џонов

среден бек: Филип Кузмановски, Игор Ѓорѓиев и Марко Митев

дефанзивец: Михајло Младеновиќ

„Црвено-жолтите“ ќе играат во Група 1 заедно со репрезентациите на Португалија, Турција и Луксембург во квалификациите за пласман на Европското првенство 2024 кое ќе се одржи во период од 10 – 28 Јануари 2024 година во Германија.

На 12 октомври во Скопје, македонската репрезентација ќе го пречека Луксембруг, а четири дена подоцна (16 октомври) ќе гостува во Ван против селекцијата на Турција.

The post Лазаров го објави списокот на ракометари за средбите со Луксембург и Турција appeared first on Република.

Претседателот на македонско-бугарската стопанска комора во Македонија, Кирил Лазаров преку писмо се обрати до премиерите на Владите на Бугарија и Македонија.

Почитувани премиери на Владите на Бугарија и Македонија, господин Кирил Петков и господин Димитар Ковачевски,

Преку ова отворено писмо сакам од мое лично име како претседател на македонско-бугарската стопанска комора и од име на сите оние кои партиципираат во неа, да го изразам задоволството од најавената средба која има можност да биде и историска ако двете страни имаат поглед кон иднината.

Ја имате почитта и поддршката од целата комора да пристапите кон суштинските проблеми кои ги тиштат двете општества и да најдете решенија кои на двата народа ќе донесат прогрес, иднина, работни места, економија и поврзување.

Имате историска должност кон сите оние кои живеат денес и ќе продолжат да живеат и утре, или после 10, 30 или 50 години, затоа што денес ја пишувате иднината и новата историја, историја во која ќе пишува дека Вие двајцата лидери сте нашле решение во кое ќе има нови автопати, нови гранични премини, во кое ќе профункционира железничката трансверзала, ќе имаме директен лет Скопје-Софија, и решение во кое ќе дефинирате иднина во која ќе се разговара колку многу наши драги соседи од Бугарија ќе дојдат во Охрид или Маврово, а колку Македонци ќе отидат во Банско или Сончев Брег.

Создадете иднина за која ќе се зборува со силни емоции, со среќа и љубов за двата народа, за благосостојба на нашите деца. Создадете енергија за нашите народи да се почитуваат, поздравуваат и да се прегрнуваат каде и да се сретнат.

Нели сме братски народи со заедничко минато и уште позаедничка иднина? Да зборуваме за гасоводи, автопати, ветерници, хидроцентрални, фотоволтаици, да ги споиме нашите народи во земјоделието, туризмот, одбраната и образованието.

Имаме толку многу заедничко, а толку малку разлики, можеме многу повеќе во економијата и трговијата.

Посејте го семето на пријателството наместо на омразата, тоа впрочем им го должиме на нашите деца и поколенија.

Запрете го миграцискиот пустош кој ни се случува во двете држави и договорете се да останеме тука и да живееме едни покрај други во хармонија, наместо некаде далеку, да бидеме Mакедонци и Бугари во Македонија и Бугарија, наместо странци во Англија и Германија.

Нашите економии и трговска размена имаат огромен потенцијал за да нашиот капитал и работнициостанат тука.

Се друго е ризик за нашите држави бидејќи живееме во најтурбулентните времиња кои носат многу неизвесности и опасности изразени преку наголемата енергетска, пандемиска и економска криза.

Вие доаѓате од бизнисот, исто и јас, знаеме што е бирократија, корупција, блокади, пречки и знаете што треба да направите за да го елиминирате сето тоа.

Во светло на денешната средба и заедничката иднина ја имате целокупната нашата поддршка. Ве чека многу работа, но иста цел! Направете чекори кои ќе не зближат, а ние како народи ќе знаеме да го почитуваме тоа!

Бидете оние кои ќе ја напишат новата економска историја и за кои ќе се зборува многу долго од денес па натаму.

The post Лазаров до премиерите на Бугарија и Македонија: Напишете ја новата економска историја appeared first on Република.

Селекторот на македонската ракометна репрезентација, Кирил Лазаров, по вечерашниот пораз од Данска, рече дека неговите избраници немале никакви шанси за да се спротивстават на големиот фаворит.

Невозможна мисија беше да пружиме поголем отпор. Младите кои треба да бидат нашата иднина добија одредена минутажа, а ние во стручниот штаб треба од сето видено да ги најдеме тие 16-20 играчи кои би и служеле на Македонија во наредните десетина година. Полека ни се разјаснува сликата на кого и во која насока ќе сметаме во иднина. Данската селекција е машинерија. Јас пробував, менував, но толку ни беа силите. Во нашата група имавме силни противници, а тоа денес го покажа Црна Гора со победата над Словенија. Ова ЕП ќе го сфатиме како едно позитивно искуство кое треба да ни користи. Не можам ништо да им замерам на играчите. Некогаш не може да се оди против проблемите. Не вреди да се жалиме. Одиме понатаму, треба добро да се анализира и да се одбере тимот за следните големи предизвици. Поддршката од нашите навивачи е вистинско богатство - истакна Лазаров.

Македонските ракометари со три порази на исто толку натпревари ги завршија настапите на 15-то Европско првенство кое се одржува во Унгарија и во Словачка

The post Лазаров: Невозможна мисија беше да се стори нешто повеќе против Данска appeared first on Република.