Фудбалскиот свет се уште тагува по великанот на фудбалот, Пеле, кој почина на 82-годишна возраст, а спортската јавност споделува сеќавања и моменти за сеќавање споделени со легендарниот Бразилец.

Меѓу таквите сеќавања, свое есто има и македонскиот фудбал, преку двајцата Македонци кои ја имаа таа чест да играат против Пеле. Тоа се Методија Спасовски и Кирил Дојчиновски.

Спасовски и Дојчиновски, кој за жал почина оваа година, беа дел од легендарната репрезентација на Југославија која играше против Бразил во 1968 година на „Маракана“ пред повеќе од 150.000 гледачи.

Двајцата беа стартери на натпреварот, а Мето Спасовски во седмата минута постигна и гол. Натпреварот на крајот заврши без победник 3:3, а Спасовски остана запишан и како единствениот Македонец кој му дал гол на Бразил.

https://www.youtube.com/watch?v=gaBLejtxcLY&feature=emb_title

The post Двајца Македонци играа против Пеле: Не загубија, а еден постигна и гол appeared first on Република.

Претседателот на ФИФА, Џани Инфантино, упати телеграма со сочувство за смртта на еден од најголемите македонски фудбалери во нашата историја, големиот Кирил Дојчиновски.

Во телеграмата до претседателот на ФФМ, Муамед Сејдини и целото македонско фудбалско семејство, првиот човек на светскиот фудбал изразува длабоко сочувство до семејството, истакнувајќи дека Кирил Дојчиновски е вистинска легенда на југословенскиот фудбал и еден од најголемите во неговата генерација.

Ќе ни недостасува неговата фудбалска големина, лидерството, но уште повеќе човечката и хуманата величина на Кирил Дојчиновски, напиша меѓу другото Инфантино.

Дојчиновски почина на 78-годишна возраст, а тој ќе остане запаметен и како прв Македонец кој заиграл на Светско првенство, во 1974 година.

The post Претседателот на ФИФА испрати телеграма со сочувство за смртта на Кирил Дојчиновски appeared first on Република.

Еден од доајените на македонскиот фудбал, Кирил Дојчиновски, почина во својата 78 година од животот.

Дојчиновски важи за едно од најголемите имиња на мак-фудбалот, првиот Македонец кој заигра на Светските првенства, во 1974 година во Западна Германија. Големото име како член на Црвена Звезда, беше дел од селекцијата на Југославија и остави печат во македонската фудбалска историја.

Стартот на својата кариера, Дојчиновски ја имаше во дресот на Вардар, а играше и за Црвена Звезда, како и француските Троа и Париз. По крајот на играчката кариера, тој се впушти во тренерските води, беше селектор на Ел Салвадор и тренер во неколку клубови, ги водеше македонските екипи Вардар, Пелистер, Македонија Ѓорче Петров, Брегалница Штип и Брегалница Делчево. Простувањето од фудбалот го имаше таму каде што започна сè, на клупата на Вардар во 2008 година.

The post Беше прв Македонец кој играл на СП:Почина фудбалската легенда Кирил Дојчиновски appeared first on Република.