The post „Киноверзум“ ќе го стави во употреба киното во возобновениот Дом на културата „Билјана Беличанец“ appeared first on Република.

Во скопските кина „Домаќинство за почетници” ќе почне да се прикажува од утре, 12 октомври.

Филмот „Домаќинство за почетници“ на Горан Столевски, кој е дел од овогодинешната селекција за 36. издание на Европските филмски награди, доби номинација и за Европската универзитетска филмска награда – European University Film Award (EUFA), која е една од категориите на Европските филмски награди за која гласа жири составено од студенти од 25 универзитети од 25 земји во Европа.

Номинираните пет филмови од 5 европски земји се избираат од селекциите од играни и документарни филмови за Европските филмски награди 2023. Останатите четири филма номинирани за наградата се францускиот „Анатомија на пад“ во режија на Џастин Триет, „Зелена граница“ на режисерката Агнешка Холанд, британско-грчката копродукција „Како да се има секс“ во режија на Моли Менинг Вокер и германскиот „Сала за наставник“ на режисерот Илкер Чатак.

Европската филмска академија ја лансираше Европската универзитетска филмска награда – European University Film Award (EUFA) во 2016 година, заедно со филмскиот фестивал во Хамбург, а во меѓувреме стана и една од официјалните категории на Европските филмски награди, за која што не гласаат членовите на Европската филмска академија, туку студенти од универзитетите учесници.  Целта на оваа награда е активно да ја инволвира младата публика, да ја шири „европската идеја“ и да го пренесе духот на европското кино до публиката помеѓу 20 и 29 години. По оваа номинација следуваат проекции на филмовите и дискусии во рамките на семинари кои ќе бидат организирани на универзитетите кои се дел од оваа програма, а во декември, по еден студент – претставник на својот универзитет – ќе присуствува на одлучувачки состанок кој ќе се одржи во Хамбург. Во модерирана дебата студентите ќе одлучат за победникот, а ЕУФА 2023 ќе биде доделена за време на церемонијата на Европските филмски награди која ќе се одржи во декември 2023 во Берлин.

Воедно, во тек е гласањето на членовите на Европската филмска академија за селектираните филмови за Европските филмски награди во останатаите категории и истото трае до 18. октомври. Членовите имаат можност да гласаат за категориите најдобар европски филм, режисер, актерка, актер и сценарио за селекцијата од играни и документарни филмови. Номинациите ќе бидат објавени на 7. ноември, по што членовите на Академијата ќе гласаат за победниците кои ќе бидат презентирани на церемонијата во Берлин.

Како што е познато, „Домаќинство за почетници“, кој е во продукција на „Лист продукција“ од Скопје, е избран и за годинашен македонски кандидат за наградата „Оскар за најдобар долгометражен интернационален филм“. Филмот ја имаше својата светска премиера на филмскиот фестивал во Венеција, каде ја доби Queer Lion наградата, а македонската премиера се одржа на отворањето на Интернационалниот фестивал на филмска камера „Браќа Манаки“.

„Домаќинство за почетници“ е финансиски поддржан од македонската Агенција за филм, а преку компанијата Focus Features ќе биде дистрибуриран на територијата на САД. Интернационален дистрибутер на филмот за останатите територии е Universal Pictures, додека продажните агенти на филмот New Europe Film Sales од Полска ќе го застапуваат филмот на територија на југоисточна Европа.

The post „Домаќинство за почетници” ќе почне да се прикажува од утре во скопските кина appeared first on Република.

На социјалните мрежи се шири видео од кино во Бразил на кое две жени се расправаат, а потоа се степале на крајот од прикажувањето на хит филмот Барби.

Едната од нив дошла во кино со своето дете, кое наводно гледало видеа на Јутјуб на својот мобилен телефон во текот на целиот филм. Тоа им пречело на луѓето во киното, а една жена ја предупредила. Набрзо почнала тепачка, а едната потоа дошла до другата и ја удрила толку силно што втората паднала на седиштата.

Тепачката ја прекинал еден човек додека збунетите посетители стоеја да гледаат што се случува.

A fight breaks out at the end of #Barbie in Brazil, reportedly due to a woman bringing her kid and letting them watch YouTube during the movie. pic.twitter.com/G3eBKUTto9

— Pop Base (@PopBase) July 25, 2023

The post Жени се степаа на проекција на филмот „Барби“ appeared first on Република.

Разиграна и комична авантура која ќе ги израдува и насмее најмладите од денес во кината (10.11.2022).

Од кој знае која причина Кашеј, вечно младиот и секогаш беспрекорно облечен, не може да си најде вистинска невеста веќе тристотини години. Еден ден тој е приморан, под закана од Смртта, да киднапира една од најголемите убавици на Далечното Кралство, Брарбара. Тука почнуваат неговите неверојатни авантури.

Столетниот Кашеј безброј пати има слушнато - Никогаш нема да се оженам со тебе! Сакал да го промени тоа но ништо не му успевало., се додека не ја запознал Барбара. Млада, самостојна девојка која ја дели истата мака, постојано е под притисок од околината да се омажи, но таа одбива. Како ќе заврши големата, наизглед нерешива, ситуација меѓу Барбара и Кашеј, со брак, пријателство или уште поголем неред обоен со хумор останува да дознаеме од големото платно.
„Кашек: крадец на невести“ можете да го погледнете од денес, 10 Ноември, во Синеплекс и Градско кино Милениум.

The post „Кашеј: крадец на невести“: Разиграна и комична авантура која ќе ги израдува и насмее најмладите appeared first on Република.

ШТО АКО НАВИСТИНА ПОСТОИ СОВРШЕНИОТ МАЖ?
ГЕРМАНСКА РОМАНТИЧНА КОМЕДИЈА „ЧОВЕК ПО ТВОЈА МЕРКА“ ДЕНЕС ВО КИНАТА

https://www.youtube.com/watch?v=SD-z3f0hM4Y

Човек кој внимава, подготвува вечера, па ги мие садовите, го исполнува секој, дури и најмал каприц, зарем тоа не е човекот од соништата? 93% од германците би се согласиле со тоа, но што е со останатите 7%?

Филмот „Ich bin dein Mensch / I'm Your Man“ се занимава токму со оваа тема. Премиерно беше прикажан на овогодинешното Берлинале, со Марен Егерт, која ја игра научничката Алма, добитничка на наградата Сребрена мечка за најдобра женска улога. Оваа шокантна германска романтична комедија од денес е на големото платно на домашните кина.

За да ги финансира студиите, научничката се согласува да учествува во необичен експеримент: три недели треба да живее со робот сличен на човек кој би требало да ја направи среќна. Режисер на оваа продукција е Марија Шрадер, германска актерка, режисерка и продуцентка која за својот филм изјави: „Режирањето на комедија е навистина забавно. Приказната започнува со состанок на слепо, имаш старомоден бал, каде се среќаваат двајца, а не знаеш кој е почуден. Алма знае со кого ќе се сретне, па подготви цела низа прашања, тој е програмиран да флертува. Бизарна мешавина на наивност и романса“.

Можеби ова е приказна за идните љубови, а можеби и критика на потрагата по совршенство, што, на крајот на денот, не е многу возбудливо. Во улогата на хуманоидниот робот Том, беше актерот Ден Стивенс („Downton Abbey“, „Beauty and the Beast“) кој портретираше шармантен, духовит и беспрекорен робот кој го направи по мерка на Алма.

The post „Човек по твоја мерка“ од денес во кината appeared first on Република.

Детскиот белгиски филм „Вселенско момче“, во режија на Оливие Перу, од утре ќе игра во пет киносали низ републиката. Проекциите почнуваат денеска (21 јули) во 13:00 часот во Центарот за култура „Ацо Ѓорчев“ Неготино, од каде продожуваат во Центарот за култура „АСНОМ“ Гостивар и киното „Милениум“ во Скопје од 15:00 часот, во Кинотека на Македонија со почеток од 18:00 часот и во Домот на култура „Крсте Мисирков“ во Свети Николе од 20:00 часот. Проекциите во Кинотека и кино „Милениум“ и онлајн на Cinesquare.net се во рамки на проектот KidSquare – Детско катче, поддржан од Град Скопје.

Сценариото е на Еузебио Лареа и Оливие Перу. Филмот е добитник на низа награди на фестивали за филмови за млади меѓу кои и Европската награда за филм за деца и награда од детското жири на Интернационалниот филмски фестивал во Рига. Филмот ја освои и главната награда на Интернационалниот детски и младински фестивал во Бусан.

Младиот протагонист во „Вселенско момче“ е 11-годишниот Џим  кој е вљубеник во вселената и науката. Доселувајќи се во нов град со татко му, Џим треба да учествува на натпревар за млади научници со неговата нова соученичка Ема, чувствително и срамежливо девојче. И покрај нејзината неподготвеност, Џим ја убедува да го имитира проектот „Екселсиор“ на Китингер (првиот човек кој стигна до границата на вселената во 1960 година) и тајно да направи вистински воздушен балон. Овој талент го наследува од неговиот татко, Греам, астрофизичар кој треба да оди на вселенска мисија. Бидејќи мајката на Џим е почината, овој проект му е многу важен. Но, кога открива дека Греам се откажал без да му каже, неговиот свет се распаѓа. Натпреварот се претвора во опсесија и Џим сака да докаже дека нема да се откаже како неговиот татко. Џим ја турка Ема до нејзините граници и ја вовлекува во авантура која ќе ги зближи.

Дистрибутер на филмот е Катавеј, а дистрибуцијата на филмот е овозможена од потпрограмата МЕДИА Креативна Европа.

The post Наградуваниот белгиски филм „Вселенско момче“ во кината appeared first on Република.

https://www.youtube.com/watch?v=o92C-ghNDNk

The post „Париз: Љубовна приказна“ во кината од 30 jуни appeared first on Република.

Од утре филмот „Планина на смртта"(Cloudy Mountain) во режија на Ли Јун ќе започне да се прикажува ширум кината во земјава. Дали таткото и синот ќе успеат да го претркаат времето и да го спасат градот од неизбежното уништување? Погледнете ја новата акциона авантура која во домашните кина доаѓа од Далечниот исток.

Таткото и синот ќе се обидат да го сочуваат нивниот град и и новоизградениот тунел од природните катастрофи.

Филмот е во режија на Ли Јун, додека пак во главните улоги се појавуваат актерите Ји Лонг Зу, Зи-Зонг Уанг и Шу Чен. 

Првите филмски критики го карактеризираат како интересен, возбудлив и освежувачко искрен филм, додека пак интересот беше насочен кон напорниот тренинг на актерите Ји Лонг Зу и Зи-Зонг Уанг кои еден месец вежбале на ѕудот за искачување со професионални инструктори со цел колку што е можно поуверливо да ја доловат спецификата на катастрофата.

Приказната на филмот, со која публиката може да се поистовети е скромноста и личната заложба, бидејќи дејството не се занимава со спасување на целиот свет, туку на својот град, својот микроуниверзум во кој непријателот не некој странец со супермоќи, туку самата природа.

По долги години, публиката на својот кино-реперотоар  може да го пронајде ново кинеско филмско остварување, што од утре, 16 јуни, ќе започне да се прикажува.

The post Кинескиот филм за природна катастрофа „Планина на смртта” (CLOUDY MOUNTAIN) од утре во кината appeared first on Република.

„Патот кон Месечината“ (Moonbound) е новиот анимиран филм кој, синхронизиран на македонски јазик, веќе може да се гледа на големото платно.

Ова остварување, покрај за помладата публика, ќе биде интересно и за целото семејство, а режијата е на Али Самади Ахади. За анимираните ликови гласовите ги позајмуваат: Дамјан Цветановски, Михаела Ангелевска, Крсто Јовановски, Александар Алексовски, Дарко Вељиќ, Емилија Гиевска, Трајанка Илиева- Велиќ, Ненад Анѓелковиќ и Елизабета Зафировска. Базиран на една од најпопуларните германски книги за деца – „Патувањето кон Месечината на малиот Петр“, филмот ја носи приказната за малиот Пит кој започнува магично патување кон Месечината, заедно со јунскиот бумбар, господинот Зумзем и Сендмен, во мисија да ја спаси својата помала сестра која е однесена од лош човек.

The post „Патот кон Месечината“ синхронизиран на македонски appeared first on Република.

Турција, Малезија, Казахстан и Србија се земјите со најевтини карти за кино во светот, покажуваат последните податоци на британскиот финансиски портал money.co.uk.

Во Турција е потребно да се издвојат 2,06 евра за кинобилет, во Малезија – 3,13, во Казахстан – 3,23, а во Србија тоа чини 3,40 евра. Белорусија, Русија, Аргентина, Панама, Унгарија и Костарика, исто така се на топ-листата од 10 земји со најевтини билети.

Од друга страна, Швајцарија е на другиот крај со најскапи билети за кино – 18,23 евра, потоа Данска – 14,79, Саудиска Арабија – 14,14, Јапонија – 14,07 и Финска со 14 евра за билет.

Порталот, инаку, го рангираше Лондон меѓу трите најдобри градови во светот за љубителите на филмот, со оценка 9,75 од 10, бидејќи има најмногу кина, а премиерите на најголемите наслови често се одржуваат на плоштадот Лестер.

Во текстот на уредникот Џејмс Ендрјус, се забележува дека и третопласираниот Лос Анџелес (оценка 9,49) е секако еден од највлијателните градови каде што се снимаат филмови, но второпласираниот Њујорк (9,55) е домаќин на најголемиот број филмски фестивали – повеќе од 1.000, вклучувајќи ги и Трибека, Фестивалот за документарци и Азиско-американскиот меѓународен филмски фестивал.

The post Во Турција и Србија се плаќаат најевтините кино билети во светот appeared first on Република.